نفسي اضحك من قلبي

[toota]

احباط

يأس

حروب

مشاكل اقتصادية

مشاكل اسرية

وفاة

مستجدات ومشاكل غير مستحبه يوميا


نفسي اضحك من قلبي مرة...مع اني بحب الهزار وبهزر كتير اوي...بس مبضحكش من قلبي ابدا...مبحسش ان الفرحه بتلمس احساسي بجد من جوه....

الحزن واليأس والاحباط بيلفوا خيوطهم حوالين قلبي ويخنقوه....خصوصا ان العمر بيجري...والكتاكيت بتكبر ..اولادي يعني وكل واحد بيشوف حياته مع الوقت وبيبعد....

الاهل بعاد...واخبارهم بتوصلني من بعيد مفيش معايشه يومية ليهم ولا لامورهم...الخبر الحلو بيقولوه والوحش بيداروه عشان ميشغلونيش......


عايزه اضحك وبجد من قلبي...وبقوة تنسيني كل الي عايشينه...


حد عنده طريقة مجربة مش مجرد كلام انشاء؟

 

[مصرية]

Join the club

 

 

[toota]

اقتباس المشاركة الأصلية كتبت بواسطة مصرية Join the club

الظاهر كده

 

 

[نانا]

السلام عليكم ورحمة الله وبركاته
حسيته اوي كلام حضرتك يا توتا ولفت نظري العنوان اوي وبتأسف بجد اني بشارك مش عشان اساعدك لا ده عشان اني انا كمان حاسة بنفس الإحساس الضحكة مش صافية والناس بتتخم في ضحكي وهزاري ما يعرفوش ان ورا الضحك والهزار ده نار بتحرق في قلبي وان بعد ما بسيبهم ببكي لاني فعلا مش بقدر اضحك ضكحة حاساها بحس اني منافقة في ضحكتي وان ضحكتي دي بتتعبني اكتر ما بتريحني
مش عارفة ايه السبب بالظبط بس حاسة ان كل الظروف والحياة بما فيها برغم اني لسة ما شوفتش حاجة فيها انا مجرد طالبة بدرس ولسة ما شوفتش من مشاكل الحياة حاجة
حاسة ان الظروف غلط بتعب لنفسي ولغيري في نفس الوقت مش عارفة ليه كدة عمري ما كنت كئيبة كدة لكن بجد مش عارفة اعمل ايه مع نفسي ممكن يكون لاني مش على درجة الإيمان اللي المفروض اكون عليها انا الحمد لله بأدي كل فروضي والحاجات اللي عليا وبراعي ربنا في كل حاجة بس حاسة انه ده مش كفاية لاني بجد محتاجة اوي لربنا ومحتاجة اني اصلي اكتر واستعين بربنا اكتر واكتر وانا ما عملتش ده بجدية انا متأكدة انه هو ده الحل بجد
يا ريت يا أخت توتا لو قدرتي تعرفي ايه الحل تفيديني
أنا بقالي فترة متأخرة ومقصرة اوي في المنتدى فبجد متأسفة اوي اني بعد الفترة دي اشارك بالكآبة دي بجد اعذروني

 

 

[toota]

اقتباس المشاركة الأصلية كتبت بواسطة نانا السلام عليكم ورحمة الله وبركاته حسيته اوي كلام حضرتك يا توتا ولفت نظري العنوان اوي وبتأسف بجد اني بشارك مش عشان اساعدك لا ده عشان اني انا كمان حاسة بنفس الإحساس الضحكة مش صافية والناس بتتخم في ضحكي وهزاري ما يعرفوش ان ورا الضحك والهزار ده نار بتحرق في قلبي وان بعد ما بسيبهم ببكي لاني فعلا مش بقدر اضحك ضكحة حاساها بحس اني منافقة في ضحكتي وان ضحكتي دي بتتعبني اكتر ما بتريحني مش عارفة ايه السبب بالظبط بس حاسة ان كل الظروف والحياة بما فيها برغم اني لسة ما شوفتش حاجة فيها انا مجرد طالبة بدرس ولسة ما شوفتش من مشاكل الحياة حاجة حاسة ان الظروف غلط بتعب لنفسي ولغيري في نفس الوقت مش عارفة ليه كدة عمري ما كنت كئيبة كدة لكن بجد مش عارفة اعمل ايه مع نفسي ممكن يكون لاني مش على درجة الإيمان اللي المفروض اكون عليها انا الحمد لله بأدي كل فروضي والحاجات اللي عليا وبراعي ربنا في كل حاجة بس حاسة انه ده مش كفاية لاني بجد محتاجة اوي لربنا ومحتاجة اني اصلي اكتر واستعين بربنا اكتر واكتر وانا ما عملتش ده بجدية انا متأكدة انه هو ده الحل بجد يا ريت يا أخت توتا لو قدرتي تعرفي ايه الحل تفيديني أنا بقالي فترة متأخرة ومقصرة اوي في المنتدى فبجد متأسفة اوي اني بعد الفترة دي اشارك بالكآبة دي بجد اعذروني

وعليكم السلام ورحمة الله وبركاته

لما بنوته صغيرة زيك تحس بالاحساس ده...امال احنا الي عيالنا دخلوا الجامعات نعمل ايه

الدنيا لسه قدامك وباذن الله تبقى احلى خدي بالك ايام الدراسة دي احلى ايام ...ايام الانطلاق والمشاغبة والاحساس بالشباب...يعني الحقي اخطفي الفرح خطف قبل ما تخنقك مسؤليات الحياة من عمل وبيت واسرة....

ربنا يوفقك

 

 

[حرررم بم بم]

اقتباس حد عنده طريقة مجربة مش مجرد كلام انشاء؟

أطبخي بسمن النخلتين نفسيتك ترجع في أكلتين

 

 

[tweety]

اقتباس المشاركة الأصلية كتبت بواسطة حرررم بم بم أطبخي بسمن النخلتين نفسيتك ترجع في أكلتين

متسمعيش كلامه..













خليكي ف جنه لانها "ايزي اوبن"....والطبيعي يكسب

 

 

[moka]

.
.

مش عارف اواسيكي ولا اواسي نفسي لان الحال من بعضه اضف على ذلك وحدة مؤلمة لا انيس ولا ونيس فيها ..! موضوعك قلب عليا المواجع ..! ونفسي افتح باب جنبك واقول اللي يضحك مدام توتا اوعى ينسى يضحكني انا كمان ..!

اسف على المداخلة الغم دي مني ..

 

 

[haya]

للأسف صعب أوي حد ينصح حد إزاي يفرح من قلبه
كل واحد وخصوصا وهو ناضج بما يكفي هو بس اللي عارف فين مفتاح السعاده الحقيقة جواه .أنا عارفة مفتاح سعادتي في إيه بالتحديد و الحاجة ديه لما بتنقص بتبقي حياتي صعبة اوي ومش بأحس بطعم أي حاجة
فيه إنسان مفتاح سعادته بس في راحة البال
وفيه إنسان مفتاح سعادته إهتمام إللي حواليه بيه
وغيره في المال وغيره في الاكتناز وغيره في الحب وغيره القرب من ربنا ومساعدة الناس وغيره نجاحه العملي في مهنته وشغله وتحقيق طموحه...
صدقيني كل واحد عارف كويس أوي أوي فين مفتاح سعادته الحقيقي ..انت يا توتا أكيد عارفاه ولو المفتاح مش موجود ماحدش هايقدر يديلك بديل ...
ربنا يفرح قلبك وقلب الجميع ...

 

 

[toota]

اقتباس المشاركة الأصلية كتبت بواسطة haya للأسف صعب أوي حد ينصح حد إزاي يفرح من قلبه كل واحد وخصوصا وهو ناضج بما يكفي هو بس اللي عارف فين مفتاح السعاده الحقيقة جواه .أنا عارفة مفتاح سعادتي في إيه بالتحديد و الحاجة ديه لما بتنقص بتبقي حياتي صعبة اوي ومش بأحس بطعم أي حاجة فيه إنسان مفتاح سعادته بس في راحة البال وفيه إنسان مفتاح سعادته إهتمام إللي حواليه بيه وغيره في المال وغيره في الاكتناز وغيره في الحب وغيره القرب من ربنا ومساعدة الناس وغيره نجاحه العملي في مهنته وشغله وتحقيق طموحه... صدقيني كل واحد عارف كويس أوي أوي فين مفتاح سعادته الحقيقي ..انت يا توتا أكيد عارفاه ولو المفتاح مش موجود ماحدش هايقدر يديلك بديل ... ربنا يفرح قلبك وقلب الجميع ...

مفتاحي هو لمة اولادي في حضني... فعلا معاكي حق حطيتي ايدك على الجرح...انا لما بيبقوا معايا كلهم تحت سقف واحد بتبقى الدنيا ومافيها مش سايعاني وببقى نفسي يناموا كلهم في حضني ....

ربنا يجمعنا دايما على خير