انت انتماءك وولاءك لمصر ولا لكندا ؟

[elmadysm]

الصحف المصرية والعربية

دعوه لموضوعي

CharlesSwide

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
كلما شاهدت فيلم ( صعيدى فى الجامعة الامريكيه)
استوقفتنى عبارة
الا قولى يا سراج : لو اخدت بوزيشن فى الامم المتحدة .... هيبقى ولاءك لمين ؟ مصر ولا امريكا؟
يرد سراج : مش هجاوب عليك

وهذه الايام تقام اوليمبياد لندن 2012
وتقام فيها مسابقات فى كل الالعاب

ومن خلال متابعتى وجدت ان معظم الرياضات التى يتفوق فيها المصريين تختلف عن رياضات الكنديين

ولكنى كنت اشاهد كرة القدم و اتابع تفوق سيدات كندا وفرحت لوصولهم الى قبل النهائى و حزنت لعدم وصول رجال مصر لهذا الدور

فسالت نفسى
ماذا لو كانت المباراه بين مصرو كندا يدل اليابان ماذ سيكون انتمائى
وهل هافرح لفوز مصر ولا كندا ؟
ولا فى الحالتين هافرح

 

[عبدالرحمن الطويل]

دعوه لموضوعي

الطريق إلى المجهول

سؤال يخطر ببال الكثير ممن يتغربون عن أوطانهم ...

كنت ومازلت أحمل مشاعر متناقضة عندما تتواجه مصر والسعودية في أي مناسبة ...

هل أفرح لفوز السعودية أو فوز مصر ؟؟؟؟

لا انسى نهائي كأس العرب بين مصر والسعودية عام 1992 ... كانت الحكاية صعبة جدا علي :)

والا لو كان تقابل فريقي فريق الأهلي السعودي مع أي فريق مصري ... الأكيد اني كنت باشجع الأهلي السعودي ...
وباشجع الأهلي المصري لما يلعب قدام أي فريق سعودي

والحمدلله ان الأهلي المصري والسعودي ماتقابلوش لأني ماكنتش عارف هاشجع مين

اتوقع بكرة فارس ابني يحتار نفس الحيرة ...

 

 

[savary]

بصراحة , انا مع منع ازدواج الجنسية للمصريين

يعنى لو أنا فى موضوع سلطة , هسن قانون يسقط الجنسية المصرية عن المصرى الذى يود ان يحمل جنسية اخرى !

وكل واحد حر و يختار , يا تختار الجنسية الكندية يا تختار الجنسية المصرية

روحت كندا أو امريكا أو استراليا و اخترتها كبلد مهجر فطبعا لك مطلق الحرية فى اختيارك

بس مترجعش تقول مصر !!!

خلاص تعيش فى كندا أو استراليا أو امريكا و تعتبرها بلدك و تنسى خالص انك كنت مصرى فى يوم من الأيام .

انا وصلت للقناعة دى بعد الثورة الحقيقة

بعد ما شفت شباب زى الورد مات عشان البلد دى ...اعتقد حرام قوى ان واحد فضل مستقبله فى كندا أو امريكا

و ياخد هوا و ولاده ثمرة دم اللى مات دا ..

كده ظلم و حرام .

اللى فضل يمشى هوا حر ...بس ميرجعش يدور عليها تانى .


و على فكرة انا اتمنى انى اهاجر و لو ربنا كرمنى و هاجرت هقول نفس الكلام دا و هطالب ان اللى يتجنس بجنسية تانية , تسقط عنه الجنسية المصرية .

وبلاد كتير فى العالم كدا منها المانيا و السعودية .

 

 

[nmhaggag]

اعتقد بالنسبة لجيلنا اللي هاجر او بيحاول . ومهما أنبهر بكندا او حتي كان زهقان من مصر هيختار مصر البلد اللي عاش فيها طفولته بمرها وب....مرها . اما اللي فعلا اكيد مش هيفتكروا مصر هم الاطفال اللي بيتولدوا ويعيشوا ويتربوا في كندا

 

 

[alaashabana]

اسمحلى اقول رأيى

بالنسبة للرياضة او العلم او الابحاث العلمية او التفوق فى اى مجال اكيد هيبقى انتمائى لمصر - يعنى لما اشوف زويل ويعقوب والناس الحلوة دى بفتخر انهم مصرين بس للاسف مصر مش عارفة تستفاد منهم واخيرا الحمد لله هنبدأ نستفاد منهم ..
لكن بالنسبة لباقى الحياة لو ربنا كرمنى وسافرت كندا هيبقى انتمائى لكندا لان البلد دى هى اللى هتحترمنى وتعاملنى ك بنى ادام لية حقوق وعلية واجبات بالتالى انتمائى للبلد الى هتحترمنى من حيث الحياة والتعليم والصحة وخلافة .. اما غير ذلك فيكون الانتماء للبلد الام بمعنى اصح انتمائى لمصر هيبقى فى المناسبات فقط يعنى ايام معدودة زى البطولات العالمية او الجوائز فى شتى المجالات .. اما انتمائى اليومى هيكون لكندا
يا حبيبتى يا كندا - كفاية بس منظر العلم تبص علية قلبك يفرح والله -

المشكلة فى مصر كبيرة وم هتتحل من مجرد تغير النظام والحكومة .. المشكلة فى المؤسسات الحكومية والتعليمية .. يعنى علشان تبقى مصر بجد بلد نظيفة ومحترمة لازم تغير من الجذور- يعنى الناس اللى فوق ال50 سنة وشغالين فى المؤسسات الحكومية وقمة قلة الادب علشان مش عندهم نفس يشتغلوا - يبقى كل مصالحك هتوقف بسبب موظف كسول- او موظف زهق - او موظف مش بيراعى ربنا فى شغلة
لكن لو كل الناس دى الحكومة طلعتهم معاش مبكر وجابوا الشباب المتعلم اللى بيدور على شغل ودربوهم وعملوا سيستم الكترونى او اى كان السيست بدلا من السيستم البدائى اللى كلة بالدفاتر وبخط الايد متهيالى ساعتها هتحس ان البلد هتتقدم

قمة المهزلة فى مصر - ساعتها اى نوع من الانتماء- مفيش غير انتماء واحد وهو " انتماء اللا انتماء "
عمار يا مصر

 

 

[walid ali]

انا ما سافرتش لاي مكان خارج مصر...ومع ذلك اتمني الهجره من اجل حياه ومستقبل افضل لاي بلد اوروبي او امريكا الشماليه او حتى الخليج...ردي على السؤال هو انه في اي شئ ساكون مصري..رياضه ..علم..منافسه في اي مجال ساكون مصري حتى النخاع...البلد دي اتولدت فيها..اهلي فيها واصحابي فيها وان شاء الله هتدفن فيها...انا بنتقدها كتير زي ماكلنا بنعمل وعشان اقربها خلي السؤال بقي بطريقه تانيه وسيبك من الرياضه ..لو مصر حاربت امريكا لو كندا او اي دوله انت معاك جنسيتها او مقيم فيها...يا تري هتفكر ؟؟ ولا هتبقي مع مين بالظبط؟؟ ..وهنفترض ان كل دوله شايفه نفسها مش غلطانه عشان ما حدش يقولي انا انتمائي للي مش غلطان...لا يا عم..الدنيا مش واضحه..او البلدين غلطانين..المهم هتبقي مع مين بقى ؟؟؟ بصراحه انا لو مصر بتحارب كندا وانا كندي برضه هبقي مع مصر...لاعتبارات كتير ..كفايه انها دوله اسلاميه...وطبعا انا منتمي لمصر بدون تفكير ولا حيره لاني ماليش ولا هيكون ليه بلد غيرها...

 

 

[Mzohairy]

مصر طبعا

بس غالبا الجيل التاني (ولادنا و ما يليهم من اجيال) هيبقى ميولهم اكتر لكندا بالتأكيد

أمر صعب لكن لا حيلة فيه

 

 

[hanyhonda]

السؤال ده لو وجهته للريس شرارة نفسه .......... هيقولك انا اتجاهاتى غزاوية بحته

 

 

[walid ali]

بالنسبه لكلام الاستاذ زهيري هو صحيح الى حد كبير...وهو ان الاطفال سيكون انتمائهم لبلد المهجر وهذا من العيوب القاتله للهجره -من وجهه نظري طبعا- لانه من الصعب علي ان ياتي يوم يكون احفادي فيه لا يعرفون شيئا عن بلدهم الا التاريخ فقط وانهم جاءوا منها...

 

 

[alfotouh]

بص يا باشا أنا ليه وجهة نظر فى الموضوع ده وهى ...... فيه حجات كثيره أنت لما أتولدت ما أخترتهاش لا شكلك ولا مكان ولادتك ولا أمك ولا أهلك و لا..... ومع ذلك بتحبهم زى ما هما بحلوهم و بوحشهم و فيه حجات كان ليك فيها أختيار حتى لو كان أختيار نسبى زى أصحابك و ذكريات الطفوله و... ولما بتفتكرها بتتمنى أنك تعشها تانى .
وفيه حجات من أختيارك ذى موضوع الهجره ده و أنت اللى مختاره ومختار البلد اللى هتهاجر ليها و ممكن تكون البلد ديه ليها مساؤ و ليها جوانب إيجابيه و أنت بتشوف الموضوع من الجانب اللى بريحك وبتقنع نفسك بيه
فمصر كلنا بنحبها زى ماهيه كده بكل سلبيتها لأنها ذكريتنا الحلوه و برضه بلد المهجر ( كندا ) بنحبها بس بشكل مختلف فهى التى أعطتنا جوانب كنا مفتقدنها ونتطلع ليها ( ذى الامن -الحياه الكريمه -التعليم الجيد - المال - ال................................................ ..........................................ألخ)
فأعتقد الذى يغلب فى المحبه هو مصر