Arabic Discussion Forum with a Special Interest in Travel and Immigration

عبدالرحمن الطويل · 12th March 2012, 04:36 AM

دعوه لموضوعي

بسم الله الرحمن الرحيم

أحبتي أعضاء المطاريد ... السلام عليكم ورحمة الله وبركاته

تحية مودة من مشروع مهاجر لسة ماكتملش .... مهاجر اقتربت خطواته الأخيرة من لحظة القرار ...

حبيت في البداية أسلم عليكم نفر نفر .... واكتب الموضوع ده علشان اسجل فيه خطواتي تجاه المجهول ...

ونقول

بسم الله الرحمن الرحيم

عبدالرحمن الطويل · 12th March 2012, 04:41 AM

دعوه لموضوعي

الطريق إلى المجهول

هو فعلا طريق الى المجهول ....

قرأت الكثير من التجارب ... بعضها مضيء ... وبعضها محبط ... بتخلي الواحد يفكر مية مرة قبل مايعمل أي خطوة ...

المجهول ليه ... لأني لسة مش عارف انا رايح فين وناوي على ايه ... هي بذرة ورميتها من أربع سنوات .. وبدأت تجني ثماراها الآن ... ومطلوب مني الان اختيار الطريقة المناسبة للحصاد

عموما ... قبل الانطلاق في عالم المجهول ... خليني اسجل هنا ماهو معلوم حتى الان

اقتباس

المشاركة الأصلية كتبت بواسطة عبدالرحمن الطويل


	ممكن اضيف اسمي للقائمة دي والا خلاص والا ايه اللي بيحصل :) انا بعت الورق في شهر مايو 2008 ... وماكنتش مهتم كتير لأني بصراحة مش مستعجل ... خصوصا ان الهدف هو التعليم والاولاد لسة صغار فمافيش مشكلة اني امشي على مهلي في الموضوع .. كمان خدمة البريد التعبانة هنا كانت عائق اني امشي بسرعة لأن الرسالة كانت بتوصل مرة ومرات لأ ... عموما مايو 2008 ... ارسلت أوراقي لأول مرة ديسمبر 2008 ... أول رسالة توصلني منهم بتقولي انهم جاهزين لبداية معاملتي .. وكان واضح انهم كانوا باعتيلي رسالة سابقة ماوصلتنيش ... المهم في الرسالة دي طلبوا المستندات مارس 2009 ... بعت أوراقي المطلوبة كلها ... ملاحظين اني استغرقت 3 شهور أجمع فيهم ..براحتي على الآخر مارس 2009 .. بعتولي رسالة يقولوا فيها ان الفلوس ناقصة .. فبعت ليهم ايميل وشرحتلهم ان الفلوس مش ناقصة يونيو 2009 ...بعتلهم ايميل اسألهم عن ملفي .. وياترى انتم لسة مستنيين الفلوس والا ايه.. قالولي انهم بعتوا فعلا لي رسالة في ابريل 2009 بيطلبوا فيها شهادة ال IELTS وكم سؤال كده .. واعطوني مهلة 60 يوم نوفمبر 2009 .. بعتولي "ايميل" بيقولولي اني مطنشهم وهم على وشك انهم يقفلوا ملفي :) ... والايميل ده اخر انذار لي ... لو مابعتش الورق المطلوب ... نوفمبر 2009 .. كانت النتيجة طلعت وبعت المطلوب مني ليهم سبتمبر 2010 ... بعتولي ورق الفيش والتشبيه وطلبوا مني ابعت النماذج من تاني علشان أحدث معلوماتي ... وكمان طلبوا كشف لحسابي في البنك لآخر 3 شهور نوفمبر 2010 ... بعت المطلوب ليهم أغسطس 2011 ... وصلني ايميل منهم بيقولوا فيه انهم بعتولي طلب الميديكال من شهر يونيو وانا مابعتهوش لغاية الان .. وكالعادة ماكانش وصلتني رسالة الميديكال دي ... فبعت وقلتلهم وطلبوا مني اني ابعت صور تاني ليهم سبتمبر 2011 ... بعت الصور ليهم .. أكتوبر 2011 .. وصلني طلب الميديكال الجديد ومعاه طلب فلوس ال RPRF نوفمبر 2011 .. بعت النتائج لهم ومعاها شيك مصدق بالفلوس يناير 2012 .. بعت ايميل اسأل عن الملف بتاعي .. ردوا وقالوا كويس انك سألت لأن احنا بعتنا رسالة ليك في ديسمبر 2011 فيه الشيك المصدق بتاعك لأنه ناقص بيانات البنك وماينفعش نستلمه فبراير 2012 .. عملت شيك مصدق تاني وبعته 27 فبراير 2012 .. وصلني ايميل "اول مرة" بيقولوا فيه ان طلبي خلص وعايزين الباسبورتات في خلال 45 يوم وكمان صورتين لكل فرد في الأسرة .. 4 مارس 2012 .. بعت الجوازات والصور والى الان انا في انتظار الجوازات وربنا يستر ومايضيعوش .. بعتلهم النهاردة ايميل اتأكد ان كل حاجة ماشية تمام ولسة ماردوش

عبدالرحمن الطويل · 12th March 2012, 04:54 AM

دعوه لموضوعي

الطريق إلى المجهول

وعلشان اتعرف عليكم وتتعرفوا علي ..

انا من مواليد عام 1974 ... مدينة الرياض ... السعودية
عشت عمري كله في السعودية ماعدا العام 1991 حين انتقلت للحياة في مصر والدراسة الجامعية نظرا لصعوبة التحاق الوافدين بالجامعات السعودية ...
وعدت مجددا الى السعودية مع قبولي في جامعة الملك فهد للبترول والمعادن
حصلت على شهادة البكالوريوس عام 1997م "هندسة صناعية"

ودخلت في عالم العمل مباشرة في بداية 1998م ... انتقلت للعمل في ستة شركات مختلفة حتى عام 2006 م ...
انتقلت وقتها للعمل في احدى الشركات العالمية ... واستقريت في الشركة منذ ذلك الوقت ...

حصلت على شهادة الماجستير في الهندسة الصناعية عام 2004م من جامعة الملك سعود

الفترة الاولى من حياتي العملية ماكنتش تمام ... الشغل مع الشركات الخاصة المحلية فعلا شيء صعب ويصل الى حد الإهانة أحيانا ... علشان كده بدأت تلوح في عقلي فكرة الهجرة الى كندا ...

الموضوع كان مجرد فكرة لغاية عام 2003 ماأصبحت فكرة ملحة جدا ... وفعلا بدأت في عام 2005م تجميع الأوراق المطلوبة للتقديم ... وقتها كان لازم الواحد يبعت ورقه كله مع التقديم ...
فيش وتشبيه وتجميع ورق ومش عارف ايه ...
المهم وفقني الله للحصول على فرصة وظيفية في احدى الشركات العالمية المرموقة والموجودة على قائمة أفضل الشركات العالمية لمدة طويلة

طارت الفكرة تماما وتبخرت من نافوخي ... وقلنا خلاص ... استقرينا وكفاية كده

امال ايه اللي حصل وخلاك ترجع تفكر في التقديم ؟؟؟؟
لنا عودة

عربيه · 12th March 2012, 05:51 AM

اهلا بيك يا باشمهندس
موضوعك باين من اوله هيبقي علامه في المنتدي

اسلوب حضرتك ممتع الحقيقه
بس اكتر حاجه لفتت نظري انهم كانوا زمان بيتحايلوا علي الناس انهم يقدموا ورقهم ورقه ورقه
دلوقتي سيادتك بيتلككوا علي اتفه حاجه ويرجعولك ورقك بعد سنين انتظار
ويقولولك بناقص انت
سبحان الله دوام الحال من المحال
انا في الصف الاول منتظره تكمله الحكايه

waleedelrefiey · 12th March 2012, 06:16 AM

رينا يستر يا هندسة
و ميردوش عليك يقولولك بعتنالك البسبورتات بالتأشيرة
و انت ترد عليهم و تقولهم مجنيش حاجة
فهم يردوا عليك و يقولولك أبعت باسبورتات جديدة

ربنا يستر يا باشا
مهي بقت شغلانة

قرار صعب و ربنا يوفقك أن شاء الله أنا حاسس بيك

عبدالرحمن الطويل · 12th March 2012, 09:27 AM

دعوه لموضوعي

الطريق إلى المجهول

اقتباس

المشاركة الأصلية كتبت بواسطة عربيه


	اهلا بيك يا باشمهندس

ياأهلا بأول رد على أول موضوع لي في المنتدى
دي طبعا بتكون علامة فارقة ومميزة في حياة العظماء اللي زيي :)

اقتباس

المشاركة الأصلية كتبت بواسطة عربيه


	بس اكتر حاجه لفتت نظري انهم كانوا زمان بيتحايلوا علي الناس انهم يقدموا ورقهم ورقه ورقه دلوقتي سيادتك بيتلككوا علي اتفه حاجه ويرجعولك ورقك بعد سنين انتظار ويقولولك بناقص انت

ناس طيبين أوي ياخال ...
بصراحة انا يعني تلككت بأقصى درجات التلكك وكنت مستني بس المثل "بركة ياجامع" يتحقق معايا ...
لكن واضح ان ده هو طريق الخير اللي ربنا قاسمه لينا .... وطبعا ولله الحمد أي طريق بنكتب علينا بيكون أفضل طريق لينا ... الحمد لله دائما وأبدا

اقتباس

المشاركة الأصلية كتبت بواسطة عربيه


	انا في الصف الاول منتظره تكمله الحكايه

الحكاية بتبدأ معاكم هنا ... اللي فات مش كتير ... وان شاء الله اللي جاي كله خير وبفضل الله ومن ثم بفضل النصايح اللي هتنكتب لي هنا هتمشي الخطوات على أفضل وجه

شكرا من جديد

عبدالرحمن الطويل · 12th March 2012, 09:31 AM

دعوه لموضوعي

الطريق إلى المجهول

اقتباس

المشاركة الأصلية كتبت بواسطة waleedelrefiey


	رينا يستر يا هندسة و ميردوش عليك يقولولك بعتنالك البسبورتات بالتأشيرة و انت ترد عليهم و تقولهم مجنيش حاجة فهم يردوا عليك و يقولولك أبعت باسبورتات جديدة ربنا يستر يا باشا مهي بقت شغلانة قرار صعب و ربنا يوفقك أن شاء الله أنا حاسس بيك

انا مش عايز أقولها ..وكاتمها جوة قلبي ....
ده لو حصل هتبقى هي التلكيكة اللي انا مستنيها من زمااااااااان :)

عموما ..تفاءلوا بالخير تجدوه ... والخير كله في الطريق ان شاء الله

ماتحرمناش من نورك ... :)

aymanology · 12th March 2012, 09:32 AM

بالتوفيق يا بشمهندس

في انتظار باقي القصه

eng_mt · 12th March 2012, 10:15 AM

بالتوفيق يا بشمهندس موضوع باين من اولة انة موضوع هيكون مفيد ومشجع لناس كتيرة
انشاء الله البسبورات توصل وعليها الفيزا فى اقرب وقت

kaza · 12th March 2012, 10:34 AM

بانتظار البقية ... :) و اهلا بيك

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
مطلوب فورا Business Analyst	الهجرة إلى كندا	ibrahim soliman	22	4158	31st July 2013 05:21 AM
الطريق الى المجهول	الهجرة إلى كندا	Admin	2576	299216	12th March 2012 04:36 AM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دولة الخلافه -- المعلوم و المجهول منها	أكسيلانس	شؤون إسلامية	25	17th March 2012 07:31 AM
سليمان خاطر....البطل المجهول	alex fox	شرفاء هذا الوطن	2	19th August 2011 09:57 PM
الحبيب المجهول ...لعمر طاهر	مودة	إنتخابات الرئاسة	2	24th March 2011 12:30 PM
عيد ميلاد الفرعون المجهول عيد سعيد .!!!	Badroora	ترحيبات ... مناسبات ... علاقات عامة	20	8th November 2008 06:05 AM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

الهجرة إلى كندا

الطريق الى المجهول