.
وفي عز الهيصه والطبل والزمر بتاع الصحفيين اتسحبت زي الحراميه وقولت اشوف أخبار قضية ريجينى ايه .. لقيت النائب العام الطليانى عامل حديث مع جريدة ،، لاريبوبليكا ،، الايطاليه وبيقول استلمنا سجلات هاتفية ل 13 مسؤل مصري متهمين ... وبيقول البحث عن الحقيقة يعد أولوية لن يعفو عليها الزمن ابدا ... قولت تمام الطليان مش سكتين ومستمرين في الفشخ ..
قولت اروح اشوف الدولار نزل قد ايه بعد ما الإمارات أعلنت منح مصر 2 مليار دولار وديعه في البنك المركزي و 2 مليار استثمارات ... لقيت الدولار داخل علي آل 12 جنيه . هارسووووووووح طب ايه السبب . لقيت خبر في جريدة الوطن بيقول صرح مصدر مسؤول في البنك المركزي أنه لم نتسلم ودائع دولاريه من الإمارات حتي الآن وبيقول كله كلام مش اكتر ..بصراحه اطمنت أن الدولار هيوصل لل 15 جنيه علي رمضان دون أي معوقات في فشخ المواطن ..
قولت تمام سيبك من أم الدولار وتعالي نشوف مشكلة تسليم القمح بتاع المزارعين اللي كتبت عنها من يومين ..لقيت المزارعين بيعيطو ... في ايه يا خونا مالكم هي الحكومة لسه مصممة علي الحيازه .... قالولي لاء .. دا القمح في ناس مجهوله بتولعه وهو في سنبله في الأرض .. إزاي يعني . قالو في 150 فدان ولعو في الشرقيه والناس هناك بتلطم من خراب البيت .. قولتلهم خلاص ابقو ازرعو كنتالوب بعد كده بلاش وجع القلب ده وربنا يخلي ماما امريكا..
قولت اروح اشوف القضاء الشامخ بتعنا لقيت محكمة النقض تبرئ أحمد نظيف في تهمة الكسب غير المشروع والحمد لله رب .. بس الأهم بقي أن محكمه تانيه حكمة علي الارهابيه سناء سيف بالحبس 6 شهور .. قولت الحمد لله ايون كده هي اكيد سناء دي اللي عندها 19 سنه سبب الخراب والدمار ده كله .. البت دي أساسا من العيال بتوع عيش حريه عداله اجتماعيه. تستاهل الحبس ..
قولت والله ما فيه غير الهروب برا البلد الوسخه دي. لقيت في 30 مصري مقتولين في ليبيا وواحد مقتول في أمريكا وواحد في إنكلترا وواحد في إيطاليا ... قولت لا إله إلا الله احنا دمنا رخيص كده .. دعيت ربنا وقولت .. اللهم انصر الاسلام والمسلمين ... لقيت سعد الدين الهلالي بيقولي بلاش تدعي الدعاء ده عشان بحزن لما بسمعه لأنه بيسبب فرقه و عداء مع الآخرين ....قولته آومال اعمل ايه يا ولاد الوسخه نولع في نفسنا عشان ترتاحو ..
قولتلي بقا الصحفيين عايزين ايه ..
#رحلتي_من_الثوره_الي_الألش
#مرار_طافح
#اللي_عايز_يشتم_يشتم_بس_في_سره
زكي رستم
.