ستات....وبنات ...كندا.....كله يجمع هنا

[المتنبي]

الصحف المصرية والعربية

الشخصية الجميلة أوي و المعطاءة أوي
الباشمهندسة سمية
بصراحة لو ماكانتش مصر بعتت غيرك في كندا كان يبقى كفاية يعبر عن أن مصر ولادة
بس عمار يا مصر ماشاء الله كندا مليانة مصريين و مصريات يشرفوا بلدهم بجد
لو تسمحيلي حضرتك أني أدلي بدلوي الصغير في الموضوع ده على قد حالي و خبرتي الصغيرة في موضوع الهجرة و العمل بالخارج
على اساس اني سبق لي الغربة في الخليج و اشتغلت هناك
أعتقد أن الناس اللي بتهاجر أو الشخصية اللي تقدر تتأقلم و تثبت نفسها في كندا هي دي اللي محتاجين نتكلم عنها
يعني قصدي ايه الصفات اللي المفروض تتواجد في الشخصية اللي عايزة تهاجر ولو الصفات دي مش موجودة في الشخصية ايه المفروض يعمله مع نفسه و الآخرين علشان يكون جاهز يهاجر
أنا حتكلم ببساطة و ياريت تفكروا معايا
ايه رأيك يا هندسة
مش المفروض مثلا يكون الشخص ده سريع التعلم مثلا مبدع بيتعلم الجديد و خاصة في التكنولوجيا الحديثة زي الكمبيوتر و خلافه القدرة على عمل شبكة علاقات جيدة و قوية مع مصريين و مسلمين و غيرهم من مسيحيين و كنديين و جنسيات كتير
ده مجرد خاطر من اللي جاء في تفكيري لما قريت كلام حضرتك
و أنا مبسوط جدا للمشاركة معاكم
و للحديث بقية ان شاء الله تعالى

 

 

[مدام واحد تاني]

مدام سمية شكرا لحضرتك على المعلومات الجميلة دي وخصوصا كمان نقطة دروس القرآن والكورسات وأفكار العمل التطوعي دي حاجات من أولوياتي بالتأكيد جنب اكمال الدراسة

ودكتورة حرم ولاء ربنا يكرمك وتقومي بالسلامة ان شاء الله ويوفق كل عضوات المنتدى الجميل ده اللي اتمنى اكون اخت وصديقة ليكم بعد اذنكم طبعا

 

 

[somayasaleh]

اقتباس المشاركة الأصلية كتبت بواسطة المتنبي أعتقد أن الناس اللي بتهاجر أو الشخصية اللي تقدر تتأقلم و تثبت نفسها في كندا هي دي اللي محتاجين نتكلم عنها يعني قصدي ايه الصفات اللي المفروض تتواجد في الشخصية اللي عايزة تهاجر ولو الصفات دي مش موجودة في الشخصية ايه المفروض يعمله مع نفسه و الآخرين علشان يكون جاهز يهاجر أنا حتكلم ببساطة و ياريت تفكروا معايا ايه رأيك يا هندسة مش المفروض مثلا يكون الشخص ده سريع التعلم مثلا مبدع بيتعلم الجديد و خاصة في التكنولوجيا الحديثة زي الكمبيوتر و خلافه القدرة على عمل شبكة علاقات جيدة و قوية مع مصريين و مسلمين و غيرهم من مسيحيين و كنديين و جنسيات كتير ده مجرد خاطر من اللي جاء في تفكيري لما قريت كلام حضرتك و أنا مبسوط جدا للمشاركة معاكم و للحديث بقية ان شاء الله تعالى

شكرا يا فندم علي كلام حضرتك.....

وانت سبقتني في الكلام....انا كنت لسه ح اقول اهم الصفات المفروض توافرها في اللي عايز يشتغل،....او حتي يعيش صح في البلد ده

فيه نوعين من المهارات

المهارات التقنية....وده اللي بتعلمها من شهادتنا وخبراتنا.......tech.skills
المهارات البسيطه....واسمها.....soft skills

ده بعض النقاط من اللي بدرسها في الكورس المجاني حاليا

Tips and tools for more effective communication with people in the workplace

• Improving your listening skills

•Overcoming the main barriers to communication

• Reading people's body language at the workplace

• Using social networking to your benefit

•Identifying and stopping a bully boss and other abusive personalities

•Doing well in job interviews

•Dealling with conflict in the workplace

Employees seldom leave these problems at the office, they bring them
home to cause even more problems, with their loved ones.

Fixing problems at the workplace can make a huge difference in a
person's life.

People can heal relationships, get ahead at work, and just plain enjoy more their days at the office.

*

 

 

[somayasaleh]

اهم المهارات المطلوبة .....للعمل والتأقلم في كندا

A. Reading - Reading Summary
B. Document Use - Document Use Summary
C. Writing - Writing Summary
D. Numeracy - Math Skills Summary
E. Oral Communication - Oral Communication Summary
G. Working with Others - Participation in Supervisory or Leadership Activities
H. Computer Use - Computer Use Summary
I. Continuous Learning - How Learning Occurs

 

 

[Amro Elsayed]

السلام عليكم ورحمة الله وبركاته

الصراحه الموضوع اكتر من رائع بس للاسف انا شايف ان الستات المفروض تتعلم و تشتغل و تعمل كل حاجه بس من غير ما تيجي علي حق بيتها و تربيه اولادها يعني الاهم الاولاد لاننا من الاول متفقين اننا مهاجرين عشان ولادنا صح

عمرو

 

 

[somayasaleh]

اقتباس المشاركة الأصلية كتبت بواسطة Amro Elsayed السلام عليكم ورحمة الله وبركاته الصراحه الموضوع اكتر من رائع بس للاسف انا شايف ان الستات المفروض تتعلم و تشتغل و تعمل كل حاجه بس من غير ما تيجي علي حق بيتها و تربيه اولادها يعني الاهم الاولاد لاننا من الاول متفقين اننا مهاجرين عشان ولادنا صح عمرو

اهلا بحضرتك استاذ عمرو.....

احنا بنقول ان الستات لما تتعلم....ح تفيد اولادها...وح تعرف يجاريهم في المجتمع الجديد....وممكن يتطوعوا في مدارس اولادهم...علشان يبقوا تحت عينيهم....

بس لو تقوقعوا علي نفسهم.....ورفضوا الدراسة،،،،او العمل البسيط...او التطوعي.......بحجة انهم بيراعوا اولادهم........صدقني...مش ح يبقي لصالح الاسرة ككل ابدا

وزي ما قلنا قبل كده.....الشخصيات بتختلف.....فيه الستات الغير اجتماعيات....مش مشكلة....بس لازم تتفاعل مع المحيط اللي هي فيه...باي شكل من الاشكال

الانغلاق...والتقوقع....هو ده اول مشاكل الستات هنا؟؟؟؟

بس مش يبقي الحل....الانفتاح علي البحري....والاختلاط الشديد.....

الوسط.......هو ده المطلوب.......تعلم اللغة مهم جدا.....تعلم العادات الكندية مهم جدا

يعني الست ...لو مش ح تشتغل....ما فيش مشكلة.....بس لازم ح تتعامل مع الشعب الكندي

في مدارس الاولاد....في المستشفيات......في الشوبنج سنتر....في البنك.....في اماكن جديدة

يبقي لازم تمهد نفسها.....لدراسة اللغة كويس قوي....ودراسة المهارات الكندية للتعامل مع الناس

وفي نفس الوقت تندمج مع نتورك عربي اسلامي....للمحافظة علي الهوية....وده سهلة جدا....هنا فيه منظمات كتير....الحكومة بتدعمها ماليا....وفيه منها اللي كلها سيدات فقط.....زي المنظمة ده

خدوا فكرة عنها.....وعن النشطات المختلفة فيها....وكلها مجانا بالمناسبة

https://www.afghanwomen.org/intro.php

منظمة المرأة الافغانية......

 

 

[Amro Elsayed]

اقتباس المشاركة الأصلية كتبت بواسطة somayasaleh اهلا بحضرتك استاذ عمرو..... احنا بنقول ان الستات لما تتعلم....ح تفيد اولادها...وح تعرف يجاريهم في المجتمع الجديد....وممكن يتطوعوا في مدارس اولادهم...علشان يبقوا تحت عينيهم.... بس لو تقوقعوا علي نفسهم.....ورفضوا الدراسة،،،،او العمل البسيط...او التطوعي.......بحجة انهم بيراعوا اولادهم........صدقني...مش ح يبقي لصالح الاسرة ككل ابدا وزي ما قلنا قبل كده.....الشخصيات بتختلف.....فيه الستات الغير اجتماعيات....مش مشكلة....بس لازم تتفاعل مع المحيط اللي هي فيه...باي شكل من الاشكال الانغلاق...والتقوقع....هو ده اول مشاكل الستات هنا؟؟؟؟ بس مش يبقي الحل....الانفتاح علي البحري....والاختلاط الشديد..... الوسط.......هو ده المطلوب.......تعلم اللغة مهم جدا.....تعلم العادات الكندية مهم جدا يعني الست ...لو مش ح تشتغل....ما فيش مشكلة.....بس لازم ح تتعامل مع الشعب الكندي في مدارس الاولاد....في المستشفيات......في الشوبنج سنتر....في البنك.....في اماكن جديدة يبقي لازم تمهد نفسها.....لدراسة اللغة كويس قوي....ودراسة المهارات الكندية للتعامل مع الناس وفي نفس الوقت تندمج مع نتورك عربي اسلامي....للمحافظة علي الهوية....وده سهلة جدا....هنا فيه منظمات كتير....الحكومة بتدعمها ماليا....وفيه منها اللي كلها سيدات فقط.....زي المنظمة ده خدوا فكرة عنها.....وعن النشطات المختلفة فيها....وكلها مجانا بالمناسبة https://www.afghanwomen.org/intro.php منظمة المرأة الافغانية......

اتفق معاكي يا باشمهندسه تماما الوسط هوا الحل لننقفل قوي و لا نفتحها قوي

متابع مع حضرتك و مستنيين ارآء الناس اللي هناك

عمرو

 

 

[حسام]

كل كلمات الشكر لن توفيكي حقك ياباشمهندسة سمية على التوبيك الجديد الرائع ده

 

 

[اكسترا]

موضوع جميل يا بشمهندسه وده الي احنا متوعدين عليه من حضرتك
زي ما حضرتك قولتي كل واحده لازم تكون عارفه هي عايزه تعمل ايه و ايه الي نقصها عشان تبتدي تنخرط في المجتمع طبعا مع وضع في الاعتبار ظروف بيتها و ولادها
و انا راي تكون مقرره من مصر عشان اول ما تيجي تقدم علي طول لان هنا كل حاجه بويتنج ليست فممكن تستني زي حالاتي كده 3 شهور عقبال ما تعرف تبتدي ...و انا حبقي احكي ان شاء الله تجربتي مع كورسات الينك بعد شويه
يعني انا مشكلتي ان ولادي لسه مش في سن المدرسه عشان كده مش عارفه ابتدي حاجه لاني حوديهم فين؟

بصي يا بشمهندسه معظم الستات المصرين الي حيجو كندا حينجحو ان شاء الله لان بسهوله كده الست المصريه حركه(بكسر الحاء)واجتماعيه بطبيعتها وينفع يعتمد عليها و اد المسئوليه عشان كده زي النماذج الي انتي شوفتيها معظمهم ناجحين لكن هما هنا ميزتهم انهم بس منظمين و روتنين جدا و ديه حاجه سهله و بسيطه خالص خالص علي المصرين انهم يتعلموها..... و ان شاء الله نكون كلنا نجحين

 

 

[اكسترا]

و علي فكره فيه حاجات الواحد كان خايف منها قبل ما يجي زي الجو ..و ده حتتعودو عليه و حيبقي عادي جدا حتي الولاد ان شاء الله بيتعودو
انك محجبه و مكسوفه حد يبصلك كده ولا كده لا خالص و فعلا الناس في حالها و المحجبات كتير الحمد لله
اللغه ده هنا الواحد بيسمع انجليزي له العجب و كل عيله مع بعضها بيكلمو بعض بلغتهم و مفيش مشاكل خالص
و بصراحه البلد امان و ممكن الست تخرج لوحدها و المواصلات سهله
و الاكل الحلال موجود الحمد لله
و المساجد يوم الجمعه مليانه و الجمعه الي فاتت فيه وحده اشهرت اسلمها في الجامع