شرم الشيخ....فضيحة عالمية

[toota]

شرم الشيخ....فضيحة عالمية على أرض مصرية....

ده كان احساسي وانا بشوفها لاول مرة.....منشآت جديدة وآخر فخامة....مناظر طبيعية لاشجار وجنائن ولا في الخيال....


كانك في اوروبا فعلا....ولكن...

الي بيحصل فيها مسخرة لأبعد الحدود...لاول مرة في حياتي افتقد القاهرة ....لاول مرة احس بمعنى الناس " الطبيعية" الي بدون تزويق ولابسين لبس محتشم.....

كان عندي فضول اروح شرم الشيخ....بس بجد بجد....عمري ما حفكر اروحها تاني....ده في اوروبا وامريكا مفيش الاباحية دي...

واحدة بريطانية وبنتها اتعرفت عليهم في الاوتيل اول مرة ييجوا مصر........بتقولي انا مش مصدقة الي بشوفه هنا ده....ده عندنا في بريطانيا ممنوع العري ده منعا باتا ...وممنوع المناظر دي كلها....تتحول لقضية....وبتذكر لي موقف حصل في تركيا مشابه...حيث اتنين اجانب (ام وبنتها مع رجال غرباء) كانوا بيمارسوا الفحشاء على الشط والناس رايحين جايين حواليهم بتتفرج ....عااااااااااااادي جدا......

هي تركيا دي مش دولة اسلامية برضو زينا ولا

موقف حصل واحنا قاعدين جنب بيسين السباحة بالليل على الكافيه تبع الاوتيل....راجل روسي ضخم كرش بطول بعرض...نزل البيسين عادي بيعوم....طلع...وقف ...قلع المايوه ....قعد على الشيزلونج....ولبس هدومه وقعد يتمشى تاني حوالينا

ستات...لابسة المايوه القطعتين...مفيش مانع قطعة تتشال عشان متعملش علامات حوالين الكتاف وغيره....

وممكن تبدل هدومها برضو وهي قاعدة بتتشمس....

الاطفال بتوعهم...عاااادي جدا...يقلعوا ويلبسوا جنب اهاليهم....

السياحة في شرم....منتهى القذارة وبقول اخرة...دعارة غير مقنعة....عادي ان "الاصحاب" ياخدوا اوضتين بس يفتحوهم على بعض...ودي رايحة تبات عند صاحبها...وده رايح يبات عند صاحبته...." ديموقراطية"

ابني الكبير عمرو كان تعليقه على المكان....غير لائق...حتى مينفعش اكتبه من الي شافه ...برغم انه شاب وعنده 19 الا انه معجبوش الحال ابدا....

الي عايزه اقوله...ان شرم دي مش بتاعتنا....كلها اجانب...حتى العاملين....اتعودوا على كل مظاهر العري والاباحية...ومفيش مانع انه يصاحب من الي بييجوا اسبوع ويمشوا لتمشية اموره...عااااااااااااادي..

هو ايه الي بيحصل ده ....وليه...؟

هل دخل السياحة ده يستاهل كل التنازلات دي؟؟؟؟

 

[Moony]

اقتباس المشاركة الأصلية كتبت بواسطة toota الي عايزه اقوله...ان شرم دي مش بتاعتنا....كلها اجانب...حتى العاملين....اتعودوا على كل مظاهر العري والاباحية...ومفيش مانع انه يصاحب من الي بييجوا اسبوع ويمشوا لتمشية اموره...عااااااااااااادي.. هو ايه الي بيحصل ده ....وليه...؟ هل دخل السياحة ده يستاهل كل التنازلات دي؟؟؟؟

دة بالملى وحرفيا اللى قلتة لجوزى اول مرة روحت فيها شرم
(دى مش بتاعتنا دى بتاع اليهود) ومش ها اقول الاجانب
كل مظاهر الفساد والقذارة اللى فيها دة متعمد يا توتا
علشان رجل المحترميين اللى بيروحوها تتقطع من هناك
واللى بيروحها يبقى المهازل والمساخر اللى بتحصل عااااااااااااااادية
مش عايزة اصدمك واقولك الغردقة وبعض قرى الساحل وبورتو بيحصل فيها اية
انا قررت نهائيا اقطع علاقتى بهم من القرف اللى بااشوفة
المشكلة فى اولادنا الصغييريين اللى مربينهم على الحلال والحرام لما يشوفوا القرف دة
انا عن نفسى اخر مرة روحت الغردقة من سنتيين حبست نفسى فى الاوضة انا والاولاد واقتصر خروجنا على التمشية بالليل
اصل كان فى جروب فى الفندق مزودها قوى قوى قوى مش ها اقدر اكتب لك كانوا بيعملوا اية فى طرق الفندق حاجة تقرف ولا حد بيقولهم عيب وغلط
يعنى لو احنا فى اى بلد اجنبى وقام جوزك اتوضأ وصلى على الشط او حمام السباحة هايسبوة يعمل كدة؟
الفرق اننا بنتازل عن كل حاجة واى حاجة هما لا
احنا الاجنبى دائما لة الحق والمصرى لا
اصدمك
اى OFFERبتنزلى بة فى الفندق قارنية مع اللى بينزل بة الاجنبى تلاقى الاجنبى اول عن اخر ما بيدفعش 20او 30 دولار فى الليلة full boardيعنى بياكل 3 وجبات ويتفطح خمر بالمبلغ دة
شوفى انت لو حظك اسود ومش مع شركة سياحة وطالعة مع نفسك هاتدفعى فى ال half board اكتر من 50 دولار
مش قلت لك مش بتاعتنا

 

 

[حرررم بم بم]

اقتباس المشاركة الأصلية كتبت بواسطة toota هو ايه الي بيحصل ده ....وليه...؟ هل دخل السياحة ده يستاهل كل التنازلات دي؟؟؟؟

اعتقد أنها مش حكاية دخل السياحة تساهل التنازلات دي

و لكن يمكن همّا معتبرين أن الحاجات دي عامل جذب سياحي

و كمان مش مكلّفاهم حاجة ،، التكلفة صفر

 

 

[moka]

.
.

بعد الكلام اللي تكتب ده احمد ربي اني انسان قاهري .. يعني طول عمري في القاهرة وما حبيت ابدا اني اسيب القاهرة واطلع منهاااا لما اسافر لمصر ...!

 

 

[بندق]

خلاص المرة الجاية روحى شاطئ غزة

ألم تقرئى عن فتاة دانمراكية مسلمة على ما أظن رفعت عليهم قضية بسبب رفض الفندق انها تنزل المسبح بالمايوة الذى يستر جسمها؟.

 

 

[جدة حبيبه]

دعوه لموضوعي

كيفية صلاة النبى صل الله عليه وسلم

ودى من خطط اليهود نشر الرذيله والفسق بين الشباب وبالمره نشر الايدز

 

 

[حرررم بم بم]

اقتباس المشاركة الأصلية كتبت بواسطة جدة حبيبه ودى من خطط اليهود نشر الرذيله والفسق بين الشباب وبالمره نشر الايدز

و الله متهيألى اليهود ما لهم ذنب المرادي ،، عندنا أباليس ألعن من اليهود ميت مرة

مش كل حاجة نرميها على اليهود

 

 

[dr-amira]

موضوع شارم ده بقى مستفز جدا..بلد كلها شياطين انا فضلت استغفر ربنا و اتوب من ساعة ما حطيت رجلى فيها لحد ما روحت وقلت توبه....الله يلعن السيلحة اللى تخلينا كده ونرضى بالوضع ده ....وكله كوم ونوادى القمار كوم تانى ....ربنا يرحمنا

 

 

[Ahmed Atef]

أنا بسمع آه أن العمليه سايبة في شرم الشيخ بس عمري ما توقعت أبدا أنها توصل للشكل الفظيع دة

 

 

[Farida]

طيب ده انا نفسى كنت اروح شرم دى ..........بس ازاى بتتكلموا عن البلد دى اللى تعتبر عاصمة مصر العالميه كل لقاءات الرئيس برؤساء الدول و المؤتمرات اللى بتعقد فى مصر بتتعمل فى شرم ده غير الكوبرى اللى كان حايتعمل بين مصر و السعوديه و يبقى جسر بيننا و بين اسيا اتقف عليه بالضبه و المفتاح علشان خاطر عيون ست المجن المصريه شرم اللى هى اصلا مش بتاعتنا