متشابهات القرأن

[ELSHAMY]

الصحف المصرية والعربية

أحبابى الأفاضل....

حلم يراودنا جميعا أن نكون من حفظة كتاب الله.....

ايه رأيكم نبدأ المحاولة بدون مقدمات فكلنا يعلم ما لحفظة كتاب الله من فضل عظيم و أجر كبير فى الدنيا و الأخرة....

و ان من أكثر الاشياء الى تصيبنا بالفتور فى تكملة مشروع الحفظ هو كثرة الأيات المتشابهات فى القرأن...

و اليوم عثرت على بحث جميل - جزى الله كاتبته خير الجزاء - عن احصاء المتشابهات من الأيات فى كل سورة على حدة...

فمثلا من بدأ بحفظ سورة البقرة أو من حفظها بالفعل فسيجد فى ملف سورة البقرة مادة شيقة جدا تعينه على تثبيت حفظه كونها مرتبة ترتيبا ابجديا جميلا...

و غرضى من فتح هذا الموضوع هو التواصل مع من لديه نية الحفظ أو بدأ الحفظ فعلا كى يشجع بعضنا بعضا .......مع اخلاص النوايا لله تعالى بعيدا عن أى رياء أو سمعة...فلا تبخلوا بمشاركاتكم.

و الأن أترككم مع الرابط و به متشابهات كل سورة على حدة...

أسال الله ان ينفعنا جميعا بالقرأن ....

https://www.tafsir.net/vb/showthread.php?t=18584

 

[شهاب]

جزاك الله خير

هو ده اللي باقي والباقي مش باقي

 

 

[alex man]

جزاك الله كل خير ويجعل عملك في ميزان حسناتك

 

 

[مدى]

أستاذ الشامي فكرة جميلة..اننا نشجع بعض ..
وأتمنى نصغها بشكل عملي..
يعني لو نحدد سورة معينة ونتابع مع بعض ..وطبعا يعني هيحكمنا مراقبة ربنا ..
أعتقد هتبقى حاجة مشجعة إننا نكون مجموعة ..
وطبعا موضوع المتشابهات ده هيسهل علينا كثير..

أتمنى فعلا لو ده حصل..

 

 

[dr-amira]

اقتباس المشاركة الأصلية كتبت بواسطة مدى أستاذ الشامي فكرة جميلة..اننا نشجع بعض .. وأتمنى نصغها بشكل عملي.. يعني لو نحدد سورة معينة ونتابع مع بعض ..وطبعا يعني هيحكمنا مراقبة ربنا .. أعتقد هتبقى حاجة مشجعة إننا نكون مجموعة .. وطبعا موضوع المتشابهات ده هيسهل علينا كثير.. أتمنى فعلا لو ده حصل..

فكرة ممتازة يا مدى ...يلا ننفذها ...اللى حافظ يراجع و اللى مش حافظ يحفظ....كل واحد يقترح ننظمها ازاى
ممكن كل يوم نحط رقم الصفحة او اتنين اللى عليهم الدور ...و ممكن نتناقش فى احكام التجويد اللى فى الجزء ده كل يوم ...و كل واحد وضميرة

 

 

[مدى]

اقتباس المشاركة الأصلية كتبت بواسطة dr-amira فكرة ممتازة يا مدى ...يلا ننفذها ...اللى حافظ يراجع و اللى مش حافظ يحفظ....كل واحد يقترح ننظمها ازاى ممكن كل يوم نحط رقم الصفحة او اتنين اللى عليهم الدور ...و ممكن نتناقش فى احكام التجويد اللى فى الجزء ده كل يوم ...و كل واحد وضميرة

رأيي نعمل موضوع نحدد فيه السور اللي ممكن نحفظها مع بعض ..ونحدد فترة زمنية شهر مثلا لحفظ سورة الكهف ..ونقسم الآيات ع الشهر وندخل نسمع لبعض كتابة ..يعني وممكن كمان كل واحد يقول فائدة من الآيات بتاعت اليوم ..واللي مش بيقدر يدخل كل يوم لما يدخل يسمع وكده يعني..

ده تصوري المبدئي للفكرة ..
مش عارفة واقعي ولا لا..
بس أخواتي عاملين حجات زي كده وبشوفهم بيسمعوا كتابة والموضوع ماشي بأمانة وماشاء الله حفظوا كثير..

اي رأي حضرتك يا دكتورة أميرة..!!

 

 

[dr-amira]

بس شهر كتير قوى على 11 صفحة ...ممكن نحدد المدة لكل سورة على اساس صفحة فى اليوم و يوم لمراجعة السورة كاملة بعد نهايتها
مش عارفة التسميع هنا هينفع ولا لا ...بس مكن نجرب

 

 

[dr-amira]

سناء يلا ...هل من مشمر

 

 

[مدى]

اقتباس المشاركة الأصلية كتبت بواسطة dr-amira بس شهر كتير قوى على 11 صفحة ...ممكن نحدد المدة لكل سورة على اساس صفحة فى اليوم و يوم لمراجعة السورة كاملة بعد نهايتها مش عارفة التسميع هنا هينفع ولا لا ...بس مكن نجرب

إحنا هنحدد مع بعض..بس عاوزين نحط في اعتبارانا ان في ناس هتحفظ لأول مرة وكده..
وناس مشغولة..وناس هتكسل..
احنا عاوزين قليل دائم..


ع كل حال ده كان مثال..


نبدأ ننزل الموضوع..!!

 

 

[dr-amira]

اقتباس المشاركة الأصلية كتبت بواسطة مدى نبدأ ننزل الموضوع..!!

على خيرة الله ...و ممكن نبدأ فعلا بسورة الكهف ...اكتر الناس حافظاها و هتشجعهم ....توكلنا على الله