أي سؤال في الخطوات العمليه للهجره لكيبك؟

[HAMOUDI]

الصحف المصرية والعربية

اقتباس المشاركة الأصلية كتبت بواسطة دون كاملو يا جماعة الخير .. 1 - بالنسبة لشهادة البنك هي لازم تكون باسم المتقدم الرئيسي و لا ينفع باسم التابع لان انا مراتي هي المتقدم الرئيسي لكن الفلوس كلها في البنك باسمي. لاأستطيع الرد على هذا السؤال لعدم الخبره السابقه به ولكن بشكل مؤقت حتى نجد اجابه سليمه على هذه النقطه يمكنك تحويل الحد الادنى قبل المقابله يعني لو اسره 4 افراد ضع في البنك 5000 $ كندي 2 - بالنسبة للخبرة الخاصة بي كمتقدم تابع عندي عليها ملاحظات :- من 7 / 2002 حتي 7 / 2007 داخل مصر و موجود شهادة خبرة و تامينات من 8 / 2007 حتى 1 / 2009 باحد دول الخليج و لايوجد شهادة خبرة و مستحيل الحصول عليها .. بس عندي حاجات تانية ممكن تساعد مثل : تاشيرة الدخول على الباسبور بتاعة اول سنة و بتاعة تاني سنة و طبعا اختام الدخول و الخروج بالتواريخ واصل الاقامة ( البطاقة للاجانب ) و اصل كارت التامين الطبي و عندي كمان اصل العرض بتاع الشركة مختوم بختم النسر بتاع وزارة القوى العاملة و دة فية اسم الشركة و المرتب و الوظيفة و المزايا ... الخ و كمان الـ business card و كمان صورة جواب مختوم بختم الشركة اني بشتغل فيها بوظيفة كذا و مرتب كذا و دة كان هناك موجه للجوازات هناك علشان استقدم مراتي و كمان شهادة كورس حصلت علية و انا هناك من الشركة نفسها و مكتوب فية التاريخ و الوظيفة و اسم الكورس و كمان عندي شهادة شكر من المركز الرئيسي في دبي هل دة كفاية و لا هيعمل مشاكل اثناء المقابلة و اثناء الفيدرال ايضا هيكون اية الوضع ( قلقان ) مش الاقيهم في الاخر باعتينلي جواب شكر مكتوب فية désolé. l'expérience est manquant من 4 / 2009 حتى الان داخل مصر و يوجد شهادة خبرة مع خالص الشكر للجميع سلفا التوقيع دون كاملو الحيران

بالنسبه للخبره انا شايف انها كافيه ويكفي كل ماذكرته واخطار موظف الهجره في المقابله بصعوبة الحصول على شهادة خبره مره اخره ولكن عندك دلائل اخرى وعلى اسوء الفروض سيتم عدم الاعتراف بها ولكن سيكونهذا عدم الاعتراف غير مؤثر

 

 

[mazenman]

يا استاذ حمودى الله يكرمك رد عليا واحسب لى الدرجات كويس وبالنسبة للزوجة انا كتبت لها انها

فى المستوى الاول فى الفرنساوى وهى يا دوب تقدر تذاكر للمستوى الاول بالعافية اما انا فانت شايف

انى ممكن اوصل للمستوى السادس فى اقل من 35 يوم انا جايب كتب كتير من النت ومن غير النت

انا اخدت فرنساوى فى الثانوية العامة 3 سنين يعنى انا اخدت فكرة عن الفرنساوى

انا ماشى بطريقة مراجعة القواعد ثم حفظ كلمات ثم حفظ الاسئلة المتوقعة هل دة يكفى

ولو عندك اى كتب للمستويات 1و2و3و4و5و6 يا ريت الله يكرمك تبعتهالى معنديش وقت الله يكرمك

انا هنا عايش فى الخليج ومعتمد على الله ثم نفسى لانى معنديش مدرسين فرنساوى

وجزالك الله خير الجزاء ويتم هجرتك وهجرة كل الاخوة على خير

 

 

[HAMOUDI]

اقتباس المشاركة الأصلية كتبت بواسطة mazenman يا استاذ حمودى الله يكرمك رد عليا واحسب لى الدرجات كويس وبالنسبة للزوجة انا كتبت لها انها فى المستوى الاول فى الفرنساوى وهى يا دوب تقدر تذاكر للمستوى الاول بالعافية اما انا فانت شايف انى ممكن اوصل للمستوى السادس فى اقل من 35 يوم انا جايب كتب كتير من النت ومن غير النت انا اخدت فرنساوى فى الثانوية العامة 3 سنين يعنى انا اخدت فكرة عن الفرنساوى انا ماشى بطريقة مراجعة القواعد ثم حفظ كلمات ثم حفظ الاسئلة المتوقعة هل دة يكفى ولو عندك اى كتب للمستويات 1و2و3و4و5و6 يا ريت الله يكرمك تبعتهالى معنديش وقت الله يكرمك انا هنا عايش فى الخليج ومعتمد على الله ثم نفسى لانى معنديش مدرسين فرنساوى وجزالك الله خير الجزاء ويتم هجرتك وهجرة كل الاخوة على خير

الفاضل مازن مان الرجاء عدم كتابة السؤال في اكثر من توبيك حتى لاتشتت الاعضاء وقد تمت الاجابه على مداخلتك في التوبيك الاخر
تقبل تحياتي

 

 

[shadykamal]

اقتباس المشاركة الأصلية كتبت بواسطة HAMOUDI مستواك لابد ان لايقل عن المستوى السادس ده نظريا ولكن عمليا الى يوم المقابله لاتمنع دراسة الفرنسيه الا اذا قمت بالحصول على الدلف b1

طيب و مستوى الانجليزى اللى هكتبة فهما و تحدث

 

 

[السيد منير]

اقتباس المشاركة الأصلية كتبت بواسطة romaro انا النهاردة كانت المقابلة في جاردن سيتي وكانت مع المستشارةآان وحصل ان هي قالتلي ان مستواي في اللغة مش التاسع هو الرابع ولازم احسنوا واخليه السادس وبعدين قالتلي امضي علي ورقة القلوس وورقة القيم الكيبيكية وبعدها توقعت ان تطبع شهادة ال CSQ لكن هي قالتلي النهارده لا وقالتلي ان في حاجة نزلت يوم 14/10/2009 ( قوانين جديدة او لسته وظائف جديدة مفهمتش كويس) وقالتلي ان شغلتي كويسة جدا ومطلوبة قوي وواخد النقاط كاملة ولازم ترجع ليها تاني ووصلتني وسلمت عليا وقالتلي لازم احسن اللغة الفرنسية وقلتلي هترد عليا قولتلها هقدم في السنتر ممكن ابعتلك شهادة اللغة من السنترالسنتر لما اخده قالتلي ربما بس انا هرد عليك ووصلتني وهو ده الي حصل. هو انا كده اترفضت ولا اتقبلت ولا ايه انا حاسس اني مابين السما والارض ومش فاهم حاجة ارجو من المشرفين الي عندهم خبرة يردوا عليا ويقولولي اعمل ايه . ارجو الرد من السيد منير شكرا جزيلا

هو حضرتك الوقتى هى هتعيد التقييم مرة اخرى وبناء عليه تقرر
ولذلك هى مضتك على عقد الفلوس وورقة القيم عشان لو قررت الموافقة هتبعتلك السى اس كيو وخلاص
اما لو رات ان درجة اللغة الفرنسية غير مناسبة من الممكن ان تعلق النجاح على شرط الحصول على شهادة فى اللغة معترف بها وغالبا ستكون TCFاو DELF B1
وهى طلبت منك السادس تحديدا لان هو الحد الادنى للطالب الاساسى للنجاح فى المقابلة الشخصية
حيث يعتبر ما دون الساسnon francophone اى غير متحدث للفرنسية
ربنا يسهل ان شاء الله وتوافق عليك
ولو لاقدر الله لم يحدث ذلك اجتهد فى اللغة للوصول الى المستوى السادس وياريت يكون بشهادة دلف لان هى ادتك تشجيع بان مهنتك مطلوبة بس مستواك فى الفرنسية محتاج يزيد
تحياتى وبالتوفيق

 

 

[السيد منير]

اقتباس المشاركة الأصلية كتبت بواسطة friendskhaled سؤال صغير لم أتوصل لرد عليه بصورة نهائية هل يكتفوا بالإتصال بالشغل لمقدم الطلب الأساسى أم يتصلوا كمان بالشغل الخاص بالتابع ؟ فى انتظار ردكم ،،،

الاتصال بالاتنين طبعا

 

 

[nassarlink]

حمد الله علي السلامه يا استاذ سيد

وجودك بيننا يفرق كتير

 

 

[الرحالة باشا]

اقتباس المشاركة الأصلية كتبت بواسطة nassarlink حمد الله علي السلامه يا استاذ سيد وجودك بيننا يفرق كتير

عندك حق يا أ. نصار والله بيفرق معانا مسيو سيد
حمدالله علي السلامة يا باشا

 

 

[نفسى اهاجر]

حمدالله على سلامة حضرتك يااستاذ سيد

 

 

[hamed75]

منور يا استاذ وحمداالله على السلامة