خطوات الهجرة الى كندا - بدون محامي .!!!

[Amro Elsayed]

الصحف المصرية والعربية

اقتباس المشاركة الأصلية كتبت بواسطة le prince ايه يا مطاريد انتو فين الحقووووووونى

بص يا عم والله الموضوع ده ماقدرش افيدك فيه بس الايلتس مه التيف اعتقد ممكن تكمل النقاط الناقصه بس ده محتاج مذاكرة جامده بتاع 6 شهور كده

المشكله ان التقديم القيدرالي دلوقتي بقي محدد ب 1000 فرد للصيادله يعني لازم تلحق فى الاول

انا شايف انك ممكن تركز على كيبك بقي مش عارف انت رأيك ايه ؟؟

عمرو

 

 

[عمدة]

اقتباس المشاركة الأصلية كتبت بواسطة يوبي اخ تيتو انا كنت ناوي اكتب الخطوات بالتفصيل بس سامحني دلوقتي علشان انا لسه راجع من سفريه و تعبان من السواقه جدا بس استريح شويه و ارجع اكمل الموضوع و عيني ليكم

الف مبروك يايوبى على الفيش بالتوفيق دايما

 

 

[وردة الصحراء]

لو سمحتواااا يا اخواني في الله اناااا عايزة الابليكيشن بتاااع التقديم الى كندااا او بيسمووه الفورم

لاني بصراااحة دخت ومالقيت حاااجة وكل يلي طلع معاية فورم بتاااع صفحتين بس

انااا عايزة ابليكيشن يتعبى بدون محااامي انااا يلي حعبية ياريت تعاااونوني ياريت انتظر جواااابكم سلامناااا لكم

 

 

[يوبي]

دعوه لموضوعي

ضنك.....بعد ثورة الأستحمار

اقتباس المشاركة الأصلية كتبت بواسطة وردة الصحراء لو سمحتواااا يا اخواني في الله اناااا عايزة الابليكيشن بتاااع التقديم الى كندااا او بيسمووه الفورم لاني بصراااحة دخت ومالقيت حاااجة وكل يلي طلع معاية فورم بتاااع صفحتين بس انااا عايزة ابليكيشن يتعبى بدون محااامي انااا يلي حعبية ياريت تعاااونوني ياريت انتظر جواااابكم سلامناااا لكم

كل الابليكشنز في اللينك ده
https://www.cic.gc.ca/english/informa...uides/EG74.asp

اقرا الجايد كويس و طريقة تعبئة الابليكشن مهمه جدا

 

 

[يوبي]

دعوه لموضوعي

ضنك.....بعد ثورة الأستحمار

اخواني المطاري الاعزاء
بكل تأكيد انا استفدت جدا من المنتدي ده------
و زي ما كل الناس ما بخلوش علي بأي معلومه
فمن واجبي اني افيد الجميع بأي معلومه اعرفها
و انا الحمد لله مريت بتجربة استخراج الفيش السعودي بعد ما تركت السعوديه ب 5 سنين
و الواجب عليا اني اشكر الاخوه اللي ساعدوني بمعلوماتهم و خصوصا الاستاذ ميدو فارم
ندخل بأه في المفيد
لاستخراج الفيش السعودي من القاهره :
1- لازم يكون تعرف اي حد في السعوديه يقدر يخلص الفيش من هناك
2- تروح القسم اللي انت تبعه و نسنخرج فيش عادي خالص موجه الي سفارة كندا
3- في نفس الوقت تروح الشهر العقاري اللي انت تبعه و تعمل توكيل لصاحبك اللي في السعوديه"كل اللي حاتعوزه اسمه الثلاثي و لو رقم اقامته و العنوان معاك يبقي كويس"
4- تكتب في التوكيل"استخراج اوراق و فيش جنائي من مصلحة الادله الجنائيه"
تكلفه التوكيل 20 جنيه
5- تاخد التوكيل و تطلع بيه علي مصلحة الشهر العقاري الرئيسيه في رمسيس امام الاسعاف و تختمه من هناك ختم امين عام "ببلااااااااااااااااااااااااششششششششش::pa rty::"
6- بعد ما تاخد الفيش تروح مصلحة الادله الجنائيه في كلية الشرطه بالعباسيه و توثقه من هناك "برضه ببلااااااااش"
7- تاخد الفيش و التوكيل و تطلع بيه علي الخارجيه المصريه"شارع وادي النيل في الاخر علي اليمين" و توثقهم من هناك "الورقه ب 11 جنيه و خد معاك فكه"
8- تاخد الاتنين و تطلع علي مكتب الرعايا السعوديه في مبني التجاره بعد ماسبيرو الدور الرابع و توثقهم من هناك"الورقه ب 50 جنيه"
تحطهم في ظرف و معاهم رقم الاقامه و صورت الباسبور و صورة تأشيرة الدخول و تأشيرت الخروج النهائي" و تبعتهم بالبريد المستعجل "انا بعت ب الems في مكتب البريد علشان ارخص ب 62 جنيه و يوصل في 4 يوم"
9- يوصلو لصاحبك بالسلامه يروح بيهم مصلحة الادله الجنائيه"مكتب الرياض في البطحاء بجوار المحكمه" يختموه و هوه واقف و يفوت علي البوسطه يحط كل ده في البريد المستعجل"75 ريال" و يرده تاني لحضرتك
10- لو اي حد عمل الطريقه ديه امانه بعد ما يستلم الفيش يدعيييييليييي
و اي خدمه

 

 

[le prince]

اقتباس المشاركة الأصلية كتبت بواسطة Amro Elsayed بص يا عم والله الموضوع ده ماقدرش افيدك فيه بس الايلتس مه التيف اعتقد ممكن تكمل النقاط الناقصه بس ده محتاج مذاكرة جامده بتاع 6 شهور كده المشكله ان التقديم القيدرالي دلوقتي بقي محدد ب 1000 فرد للصيادله يعني لازم تلحق فى الاول انا شايف انك ممكن تركز على كيبك بقي مش عارف انت رأيك ايه ؟؟ عمرو

تسلم يا عمرو باشا
بس انا عايز اسال
هو انا لو هدخل عن طريق كيبك اقدر اشتغل فى اى حته فى كندا يعنى ولا هتربط فى كيبك؟
اصل انا معنديش استعداد اشتغل صيدلى بالفرنساوى
وبعدين هو انا هلحق اخد التيف فى ست شهوربس وانا مييح فرنساوى؟
وبعدين فى حاجه غير التيف مطلوبه منى قبل ماقدم ولا تيف واحضر ورقى واقدم من غير ايلتس؟
انا بصراحه مش عارف حاجه عن كيبك وكل الكلام عنها بالفرنساوى وانا مش فاهم منه حاجه
انا بتقل عليك بس انت ان شاء الله ادها وادود
مصطفى

 

 

[Amro Elsayed]

اقتباس المشاركة الأصلية كتبت بواسطة le prince تسلم يا عمرو باشا بس انا عايز اسال هو انا لو هدخل عن طريق كيبك اقدر اشتغل فى اى حته فى كندا يعنى ولا هتربط فى كيبك؟ اصل انا معنديش استعداد اشتغل صيدلى بالفرنساوى وبعدين هو انا هلحق اخد التيف فى ست شهوربس وانا مييح فرنساوى؟ وبعدين فى حاجه غير التيف مطلوبه منى قبل ماقدم ولا تيف واحضر ورقى واقدم من غير ايلتس؟ انا بصراحه مش عارف حاجه عن كيبك وكل الكلام عنها بالفرنساوى وانا مش فاهم منه حاجه انا بتقل عليك بس انت ان شاء الله ادها وادود مصطفى

بص يا مصطفي باشا انا اللي اعرفه انك ممكن تشتغل فى الحته اللي تاخد ترخيص فيها بس ده ممكن و لا لأ مش عارف .....

بالنسبع لكيبك انا برده معرفش معلومات كتير عنها بس الرابط ده بتاع موضوع كيبك ممكن تسأل الشباب هناك يفيدوك اكتر مني و بالتوفيق ان شاء الله

https://www.almatareed.org/vb/showthread.php?t=7633

انا اسف انى مقدرتش انى اساعدك بس انا واثق انك هتلاقي شباب كتير ممكن ترد على سؤالك عن كيبك

تحياتي

عمرو

 

 

[le prince]

تسلم يا عمرو انت كده عملت اللى عليك وزياده

 

 

[محمد محمود محمد]

انا صيدلى ومقيم بالرياض السعودية وبحضر ورقى علشان الهجرة فيدرال لكندا وده رقم موبايلى ********* علشان لو نقدر نساعد بعض فى حاجة يا ريت

 

 

[محمد محمود محمد]

يا جماعة مطلوب حاجة اسمها AFFIDAVIT مع الترجمة وايضا NOTARY PUBLIC لاى صورة من الورق علشان يقول صورة طبق الاصل ارجو حد يقوللى بسرعة جدا اعمل الحاجات دى ازاى وكل ده هجرة فيدرال