آراء أعجبتني حول ثورة مصر 2011

[abysaleh]

الصحف المصرية والعربية

ان شاء الله الموضوع دا أجمع فيه كل رأي أو تعليق اعجبني حول ثورة مصر التي بدأت 25 يناير 2011

دعوة للمشاركة

بس يا ريت لو كان تعليق على رأي آخر أو خبر...يتم نقل الرأي الاصلي أو الخبر الذي تم التعليق عليه
حتى يكون التعليق مفهوم

وشكرا

 

[abysaleh]

اقتباس المشاركة الأصلية كتبت بواسطة Modest لما أخد 400 الف صوت فى إنتخابات مزورة قالوا جموع الشعب إختارته. ولما 10 مليون خرجوا فى كل شوارع مصر يقولوا له كفايه بقى قالو دول لا يمثلون الشعب المصرى لسه فيه 75 مليون فى البيت بيأيدوه. يعنى يا ولاد الـ"تييييييييييييييييييت" عاوزين الناس كلها تنزل الشارع؟؟!!! .. طب لما حد يخبط عالباب مين هيفتح ؟؟؟

 

 

[abysaleh]

اقتباس المشاركة الأصلية كتبت بواسطة Morial عادت لهجة البيت الأبيض لتتشدد من جديد بخصوص رحيل الرئيس مبارك الفوري من منصبه، وقال روبرت جيبس المتحدث الرسمي باسم البيت الأبيض في مؤتمر صحفي عقده مساء الجمعة أن حديث الرئيس مبارك عن الفوضى في حال رحيله "غير مقبول". وأكد "جيبس" أن هناك اجتماعات دائمة ومستمرة في البيت الأبيض حول عدد من السيناريوهات بشأن الأوضاع في مصر، مشددا على أن الاضطرابات في مصر لن تنتهي دون خطوات ملموسة باتجاه انتقال السلطة.

الرد على الخبر

اقتباس المشاركة الأصلية كتبت بواسطة pharma prince امريكا والغرب يهمهم استقرار مصر على وجه السرعه حيث انهم يخسرون المليارات يوميا بسبب ارتفاع اسعار النفط وعائدات السياحة وخلافه هما فى الاول كانو مساندين مبارك بقوة ولما وجدو الشعب مصمم اتحرجوا امام العالم ودورو على مخرج يظهر امريكا انها بتساند الديموقراطيه وتقف ضد الديكتاتورية من ناحية اخرى ضمان نظام مصرى صديق له كامل الولاء لها ولا يهدد امن اسرائيل , فكان تعين عمر سليمان وهو الرجل الذى يحظى بثقة ودعم اسرائيل بالاضافه انه سوف يحفظ نفس السياسات والمنهج الحالى ,لذا هى ترحب الان وتضغط بقوة على مبارك بالتنازل لسليمان وبعد 7 شهور يكون اتلمع واتظبط شخص مناسب يفوز بالانتخابات

 

 

[abysaleh]

اقتباس المشاركة الأصلية كتبت بواسطة Morial طيب عارفين مين اللي ماسكين الميكرفونات في ميدان التحرير ؟ ناس بالكتير اوي يشتغلوا بائعين جائلين في ميدان العتبة ناس اصواتهم اتعودت علي الزعيق مش بيقولوا فكر مجرد هتافات عبيطة من نوعية ( احنا قاعدين يا مبارك وهنشوف مين فينا الدكر احنا ولا انت ) اصلها مش خناقة يا جماعة مش خناقةناس كتير هناك اسلوبهم مقزز جدا يا ريت تفهموني الثورة لحد الجمعة اللي فاتت كانت فعلا حاجة تشرف لكن بعد كدة دخلت وشوش تقرف وتخلي الواحد معندوش رغبة في المشاركة طب تعرفوافي ناس هناك فلاحين او اميين جايين من محافظات تانية لكن تشوفوا الصدق والاصرار في وشوشهم لكن اللي بتكلم عنهم شفت فيهم وشوش ممثلين وراكبين الموجة والله ما في حاجة تفرقهم عن المهللين والمطبلاتية بتوع الحزب الوطني حد فيكم فاهمني ؟

اقتباس المشاركة الأصلية كتبت بواسطة بندق ما هم دول الشعب المصرى يا موريال .. ومفيش ثورة بتبدأ بلحظة الذروة .. بتبدأ بشرارة ثم تتصاعد رويدا رويدا .. وتبدأ بالنخبة أو بمجموعة معينة ثم يشارك معها الناس كلها .. وعند هذه المشاركة فقط تسمى ثورة

 

 

[abysaleh]

السؤال من موريال

اقتباس المشاركة الأصلية كتبت بواسطة Morial طيب يا جماعة سؤال ساذج هل ينفع لو فضل مبارك ال 7 شهور الباقيين ليه في الحكم هل ينفع او يجوز ان تتم محاكمته ؟ ممكن ده ولا لاء

والرد

اقتباس المشاركة الأصلية كتبت بواسطة pharma prince مش اذا تبقى حد من معارضية خلال السبع شهور دول خلال 7 شهور دول النظام هيسحل وهيعتقل وهيعمل ابادة لكل الرموز الحالية بالاضافه انهم هيرتبوا اوراقهم جيدا لضمان انتقال السلطة وبالانتخابات كمان الى احد تابع للنظام لضمان احباط اى عملية مسأله بعد ذلك لمبارك وحاشيته

 

 

[abysaleh]

اقتباس المشاركة الأصلية كتبت بواسطة أبوشيته مين يبنى اللى يشرب ؟؟؟ ما بالراحه شويه !! واه بقى احنا اكتر منك وطنيه واه متقدرش ترد علينا !! ايه رأيك ؟؟ اتفضل افتح توبك تانى و قول اللى ربنا يقدرك عليه قول اللى نفسك فيه وانا لك باذن الله !!! شوفت اهو انت اتحديت وانا قبلت التحدى كمل للاخر بقى و هات اللى عندك و انا لك !! بس مش هنا افتح توبك تانى عشان التوبك دا تاريخى و كله عزه وكرامه و شرف !! الأخ سفاري بلاش ندخل في مشاحنات جانبية خلينا مركزين في الهدف الأساسي ( الإطاحة بمبارك ) تعالوا نتسامى ونترفع عن أى إساءة تعالو نعمل زي شباب مصر اللى في التحرير اللي خلونا نفتخر بكوننا مصريين

 

 

[abysaleh]

اقتباس المشاركة الأصلية كتبت بواسطة nash لجنه الحكماء فشلت في إقناع الشعب ببقاء مبارك إلي سبتمبر

اقتباس المشاركة الأصلية كتبت بواسطة nash طب مايحاولوا معاه هو ؟ كل اللي هما عايزينه أنهم يلاقوا فرصه يخبوا فيها فلوسهم ويدفنوا مصايبهم بس مش واخدين بالهم ان ربنا منجيه ببدنه حالا علشان يتحط ويتهزأ من شباب أصغر من أولاده سبحانك يارب علي عدلك

عدل ربنا أكيد يا ناش... يمهل ولا يهمل

 

 

[abysaleh]

اقتباس المشاركة الأصلية كتبت بواسطة Farida مش مع اقصاء الأراء الأخرى فهم موجودين و بكثرة المهم نتفق على اشياء و خدوا بالكم جايز الوضع يطول اكتر من كده لكن صدقونى لو ابرزنا خلافاتنا دلوقتى اللى جاى اصعب زى شويه ناس قاعدين فى غرفه ضلمه و قافلين شبابيكها و محبوسين بقالهم اكتر من خمسين سنه و فجأة فتحت لهم الباب و الشباك حايجروا و ينطلقوا و يخبطوا فى بعض اللى جاى اصعب تصليح الخراب اللى عملته جرائم النظام عايزه مجهود مش عايزين بعد كده حد يقول شوفتوا مش ده اللى انتم عايزينه اشربوا لوحدكم ولا حد يقول ماهو لولانا احنا ما كنتوش يبقى عندكم كرامه و حريه و تقدروا تختاروا مش عايزين نعاير بعض بعدين اللى جاى اصعب و الفتره الجايه اصعب مش وقت الخلافات

 

 

[abysaleh]

اقتباس المشاركة الأصلية كتبت بواسطة استبرق بسم الله الرحمن الرحيم و جمعة مباركة يا ابطال عجبني احد الردود..فحبيت انقله لكم لانني حسّاه جدا.. :flow er1: أكثر من مليون مسلم يقيمون شعائر صلاة الجمعة في ساحة التحرير.. ما أروعهم , عجبت لمن يسمع هديرهم وهو قريب منهم كيف لا يخرج ليكون معهم , أم أنه من أولئك الذين لهم آذان لا يسمعون بها ولهم قلوب لا يفقهون بها ولا حول ولاقوة إلا بالله ..والنصر لهؤلاء المرابطين الثابتين إن شاء الله يا الهي , بماذا بدلوا دماءك يا حسني أثناء إحدى العمليات التي تجريها " خارج مصر " حتى تنظر لكل هؤلاء المؤمنين مليون أو مليونين من أناس أنت حكمتهم لثلاثين سنة وكان يفترض أن يحبوك " من باب العشرة على الاقل ولكنك قطعت عليهم كل سبل الحب " وهم يصرخون بصوت واحد " حسني مبارك باطل " ولا تتفجر عروقك من ضغط الحزن والخجل الذي يفترض أنه في دماء كل انسان !!!!!!!! لا شك بأنك طلبت تبديل دمائك بماء الذهب , فكانت النتيجة أن احساسك ذهب ( فلا عجب ) :flow er1: حياكم الله يا ابطال الملحمة الاكثر اشراقا و تشريفا في العصر الحديث و سجّل يا تاريخ..مصر ام الدنيا تعود من جديد بابهى حلّة سجّل يا تاريخ ..رجالا صدقوا ما عاهدوا الله عليه و ما بدلوا تبديلا و سجّل يا تاريخ..ان المصريين انتصروا اذ نصروا الله..فاليوم لا غالب لهم باذن الله تعالى..

 

 

[abysaleh]

اقتباس المشاركة الأصلية كتبت بواسطة مدى إذا احتدمت المعركة بين الحق والباطل حتى بلغت ذروتها ، وقذف كل فريق بآخرما لديه ليكسبها ، فهناك ساعة حرجة يبلغ الباطل فيها ذروة قوته ، ... ويبلغ الحق فيها أقصى محنته ، والثبات في هذه الساعة الشديدة هو نقطة التحول ، والامتحان الحاسم لإيمان المؤمنين سيبدأ عندها ، فإذا ثبت تحول كل شئ عندها لمصلحته ، وهنا يبدأ الحق طريقه صاعداً ، و...يبدأ الباطل طريقه نازلاً ، وتقرر باسم الله النهاية المرتقبة. لـ الشيخ محمد الغزالي

شكرا مدى