ثورة مصر 25 يناير 2015 ... مطلوب أن نتوحد من جديد

[Samoo]

الصحف المصرية والعربية

اقتباس المشاركة الأصلية كتبت بواسطة youfes متفق مع حضرتك ... مش مكانه خالص الحاجات دى و كمان فرد العضلات بالعافية فى استعراض آرائهم .. محدش يفرض بوست محدد لتوجه محدد معروف لغرض فى نفسه ..

ده شئ طبيعي لأي حد ينتمي لفكر متشدد ، لما هو بيفرض عليك أراءه من دلوقتي امال لو مسك الحكم هيعمل ايه التاريخ يشهد...

 

 

[aMMaR]

انا مع الثورة ثورة يناير 2011 وما زلنا نطالب بالعيش والحرية والعدالة الاجتماعية ومعارض تماما الحكم العسكرى بس اتمنى من الادمن الاول نحترم اراء بعضينا ونيشيل الرسالة الادارية عاوز تسيب الدعوة على العام وفى المنتدى مفتوحة اوكى بس منجبرش حد انو يدخل الموضوع بالعافية ممكن انت ليك وجهة نظر مختلفة عن الموضوع بس اتمنى ان احنا نعيد النظر ويمكن يكون عندك اعضاء فلول كتير هههههههه ويتكترو عليك هههههههههه مزحة

 

 

[المهندس_ويب]

ايه يا جماعة المنتدى بتاع الراجل
يفرده يتنيه ، ينشره يكويه ، براحته
طبعا رأيي إنه مفيش فايدة للأسف
ناس هتنزل بصدور عارية قدام شرطة وجيش بسلاح
معادلة غلبانة طحن، شوية ناس هتموت وناس هتعتقل
وناس قاعدة في استديوهات مكيفة هتنظر وتنفخ وفي الآخر صفر
انا 6 أصحابي ماتوا في رابعة ولظروف كان ممكن أكون السابع
انا مش مهتم تاني بأي حاجة في البلد دي
سؤالي الوحيد، الناس اللي مع 30 سونيا ونزلوا جابولنا الحيوان ده
عايزين تهاجروا ليه؟؟؟!!! مش فاهم الصراحة
مش انتوا شايفين الاستقرار فرتك الترنك والبلد مستقبلها مشرق وجبتولنا ننوس عين أمه
هتسيبوها لمين وتهاجروا، ردوا عليا
ماشيين لييه بقى، ما تخليكوا ياجماعة تنهلوا من الخيرات اللي جاية على ايد الحاوي
اتفهم انك تسافر الخليج تجيب فلوس او تسافر اوروبا تعملك دراسات او دكتوراة
انما هجرة ، ربنا يسامحكوا خربتوها وعايزين تسيبوها

 

 

[Admin]

المطاريد منتدى مصرى وعربى عام وليس مخصصاً لشؤون الهجرة فقط كما يدعى البعض!

المطاريد كان أكبر منتدى عربى على النت دعم ثورة 25 يناير 2011 منذ قبل قيامها بعشرة أيام كاملة ولدينا أكبر موضوع عنها يوثق أحداثها لحظة بلحظة تخطت مشاهداته الثلاثة ملايين مشاهدة.

رسالتنا فى دعم الحق والعدل ستستمر إن شاء الله بقدر جهدنا وطاقتنا.

فى المداخلة الأولى أوضحت أن مصر قد إختطفها العسكر ولا يزالون وآن الأوان أن تعود مصر لأبنائها بكل توجهاتهم الفكرية والعقائدية وأن علينا أن نتوحد جميعاً لإنتشال مصر من المستنقع الذى وصلت إليه على يد العسكر ورموز عهد مبارك والفسدة من رجال الأعمال والقضاة والشرطة وغيرهم.

المنتدى له رسالة فى نصرة العدل ورفع الظلم وقول كلمة حق عند سلطان جائر وتقديم خدمات إجتماعية متنوعة منها دعم المهاجرين إلى كندا واستراليا واوروبا بالمعلومات والخبرات الصحيحة والمفيدة منذ إنشاءه عام 2008 ولأختصر السكة على البعض فالمنتدى معروف منذ زمن ليس بالقصير لدى (جهات سيادية) بمصر وسبق وأبلغ عنه بعض الأعضاء والزوار قبيل وأثناء ثورة يناير 2011!


كلمة أخيرة ... سبب التوجيه لقراءة الموضوع هو نفس ما فعلناه منذ أربعة أعوام مضت عندما وضعنا صورة بالهيدر أعلى جميع صفحات المنتدى مفادها أننا ندعم ثورة 25 يناير وحتى لا يتساءل البعض فى موضوعات منفردة عن سبب أو مغزى الصورة قمنا بشرح الأسباب فى موضوع خاص بذلك.

تحياتى للجميع

 

 

[Samoo]

فعلا منتدى عام بس معظم المشاركات على الهجره واسم المنتدى يكفي ، حتى البانر عليه أعلام كندا واستراليا ، باختصار الأدمن عايز يقولنا ان المنتدى متطرف من زمان مش حاجه جديده عليه

 

 

[TAWFIKAZER]

إلى الإدارة المحترمة

هل تمكن ال hackers من المنتدى ؟!!

هل اختطف الإرهاب المنتدى كما حاولوا اختطاف مصر ؟!!

نريد تفسيرا لما حدث .. نجد رسالة من الادارة لقراءة thread قبل الدخول لمغاراتنا !!

وال thread عبارة عن ارهاب وإخوان ثم اخوان وإرهاب يدعون الى فتنة كبرى تشاركون فيها سواء بالتشجيع او بالاهمال !!

مطلوب منكم على الأقل تفسير لهذا الاختطاف !!

 

 

[Samoo]

اقتباس المشاركة الأصلية كتبت بواسطة Samoo المفروض ان الاعضاء المشاركين في المنتدى ده مهاجرين او بيحاولو يهاجرو ، والدعوات دي معظمها ليها مرجعيه دينيه وهو ده قمة التناقض ، لما انت عايز تطبق الشريعه رايح تعيش في بلاد الكفار ليه ؟ ماتروح أفغانستان ولا تنضم لداعش هناك بيطبقوا الشريعه كما ينبغي وممكن تستمتع بدولة الخلافة بتشريعاتها وناسها ، انت مهاجر او عايز تهاجر لبلد تتعايش مع جنسيات مختلفة ومرجعيات دينيه مختلفه وكمان لادينيين وملحدين وهتتقبل ده شئت أم ابيت ، فبلاش تخربها على اللي مش هيعرف يهاجر وتشعل نار الفتن والصراعات وتخلع انت ، خليك صريح مع نفسك ولو مقتنع بمبادئك طبقها على نفسك الأول. ومازلت أفضل ان الموضوع ده يتقفل لان الجدال مش هينتهي فيه والناس هتزعل من بعض بلا أي جدوى.

ماحدش عارف يرد على سؤالي من بتوع الشرعيه والشريعه يعني ناس بتتهرب وناس بترد على سؤال بسؤال تاني
الموضوع مش استفزاز ولا عايز ادخل في جدال عقيم مع حد ، حاول تواجه نفسك وتكون صادق معاها لو الاسلام هو الحل زي ما انتوا بتقولوا ليه ما تروحوش ايران او السعوديه حسب مذهبك ، افغانستان ، داعش ، كل الدول دي بتطبق الشريعه ، لو الاسلام هو الحل ؟ مهاجر دوله علمانيه كافره ليه ؟ هناك مش هيطبقوا الشريعه ع فكره ،، والمصيبه الكبيره ان المهاجرين بعد فتره من استقراراهم يعملوا مظاهرات عشان يطبقوا شريعتهم اللي هما أصلا هربوا منها قبل كده والدول دي احتوتهم وسمحتلهم بممارسه عباداتهم بكل حريه.
وأخيرا عشان ماحدش يقول ان انا متناقض احنا مقدمين اه على هجره بس عمرنا ما قولنا ان الاسلام هو الحل وعمرنا ما هنشتم في بلدنا واحنا في الغربه.
دورها في دماغك...

 

 

[تكسير]

اقتباس المشاركة الأصلية كتبت بواسطة م/سامح متتحمأش قوى كده ................خلاص انزل انت يوم 25 و لا انت شاطر بس فى الكلام على المنتديات

يا حبيبي ولو نزلوا ملاين في الشارع . ولا حيحصل حاجة , تظاهرات إيه , كان لازم الثورة بتاعت 25 يناير تكون زي الثورة الفرنسية كدة , وتجيب النظام من جذوره , علي المقاصل
لكن شعب أهبل وغلبان وطيب , تظاهر إيه
العالم دي بعد الدموية والخشونة والشراسة إلي عملها , ما ينفعش معاه تظاهر , حاجة واحدة بس تنفع
وبعدين
مش عارف ليه كنت عمال أقول في نفسي الراجل السيسي ده ممكن يتعدل بعدين ويحقق إي حاجة يكسفنا بيها
لكن بعد كلمته الشئم في المولد , تبينت أنه لا حتبقي دنيا ولا دين
أصلك مش حاسس علشان مجربتش الإضطهاد الحقيقي , ومحدش قتلك ولا اعدملك ولا سجنلك البابا بتاعك , فعمرك ما تحسس أبدا
أنت لازم تخرج برة النصرانية وتشوف انتم بتعملوا إيه علي شان تعرف هههههههه

 

 

[تكسير]

اقتباس المشاركة الأصلية كتبت بواسطة Samoo ده شئ طبيعي لأي حد ينتمي لفكر متشدد ، لما هو بيفرض عليك أراءه من دلوقتي امال لو مسك الحكم هيعمل ايه التاريخ يشهد...

أمال انت مُغيب ولا أيه ؟؟؟بطل تتفرج علي عكاشة , وحد دسلك علي طرف إيام سيدك مرسي ؟؟؟؟ ما الحمار باسم يوسف كان مديها ليل ونهار ولا حد كان بيكلمه
بطلوا عكشنة بقي

 

 

[youfes]

اقتباس المشاركة الأصلية كتبت بواسطة المهندس_ويب ايه يا جماعة المنتدى بتاع الراجل يفرده يتنيه ، ينشره يكويه ، براحته طبعا رأيي إنه مفيش فايدة للأسف ناس هتنزل بصدور عارية قدام شرطة وجيش بسلاح معادلة غلبانة طحن، شوية ناس هتموت وناس هتعتقل وناس قاعدة في استديوهات مكيفة هتنظر وتنفخ وفي الآخر صفر انا 6 أصحابي ماتوا في رابعة ولظروف كان ممكن أكون السابع انا مش مهتم تاني بأي حاجة في البلد دي سؤالي الوحيد، الناس اللي مع 30 سونيا ونزلوا جابولنا الحيوان ده عايزين تهاجروا ليه؟؟؟!!! مش فاهم الصراحة مش انتوا شايفين الاستقرار فرتك الترنك والبلد مستقبلها مشرق وجبتولنا ننوس عين أمه هتسيبوها لمين وتهاجروا، ردوا عليا ماشيين لييه بقى، ما تخليكوا ياجماعة تنهلوا من الخيرات اللي جاية على ايد الحاوي اتفهم انك تسافر الخليج تجيب فلوس او تسافر اوروبا تعملك دراسات او دكتوراة انما هجرة ، ربنا يسامحكوا خربتوها وعايزين تسيبوها

معلش اسمحلي:
اولا: مش معني انه الادمن يبقي براحته يفرده يتنيه علي رايك.
ثانيا: مع اني مش عايز اخوض في امور سياسية و بصرف النظر ان كل ما كان قبل و بعد الثورة زفت و انا شخصيا ضد كله.. بس سيبك من رأيي.. منطق الكلام بتاع مش كنتوا عايزين كذا و كذا طب هتاجروا ليه ?! دا منطق مش تمام خالص.. يعني هو حال البلد هيستقيم لمجرد وجود شخص.. استحالة.. و عايز اقولك علي حاجة حال البلد مش هينصلح ابدا لان المشكلة في الشعب اصلا قبل مشكلة اللي بيحكمها برضه.. و هتقارن ايه بايه ?!!!! غريبة بصراحة.. و السؤال هيتعكس و يتقالك برضه لحضرتك و لغيرك يعني لو اللي ماسك الحكم علي هواك ( بافتراض مثلا الاخوان) هل اجي اقولك عايز تهاجر ليه? علي افتراض مثلا يعني انهم لو مسكوها هم او غيرهم هتبقي جنة من جنان الكون و روضة من رياض النعم و البركات !!!!
- علي العموم .. مش جديد الكلام دا.. بس انا اللي استفزني اسلوب الوصاية علي اعضاء المنتدي..
وو مفيش فايدة اطلاقا بتاتا.. للاسف مهما علي قدر الشخص فكريا برضه.. هتفضل نفس العقليات.. لان التفكير الديني في بلادنا فشخ ام المنطق من جميع النواحي..
تحياتي... بس من غير وصاية يا ادمن !