مطاريد اجمع هنا بالخطوة السريعة ....مافيناش من زعل !!!

[شينكاوي]

الصحف المصرية والعربية

ايه الكلام ده يا بدرية انتوا بتتكلموا جد مصر ايه اللي انتم بتتكلموا عليها مصر خلاص اتباعت وكلنا بقينا عواااااااااااااااااااد,هو انتم علشسان حشيش معروف في أمن الدولة وكل ما بينزل مصر بيروقوه عاوزينا كلنا نتروق ونبقي سوابق , لا انا خايف علي نفسي ومش هكتب اي كلمة وحشة علي الريس

 

 

[قائد مدفعيه المطاريد]

اقتباس المشاركة الأصلية كتبت بواسطة elshamy اخواتى...بدرية...هبة...أمانى الحقيقة أرائكم كلها جيدة و لا يوجد اختلاف جوهرى بينها... من المعروف أن كل المنتديات بها تنوع فى المواضيع و هذا أمر مطلوب اثراءا للأفكار المختلفة و تحفيزا لكل موهوب أن يكتب فى ما يبرع فيه.. و الحمد لله هذا المنتدى ثرى بمشتركيه...أنا شخصيا فخور بالتعرف على هذا الكم من الشخصيات الموهوبة... لكن هناك نقطة هامة...و هى أن قدرة الفرد على الكتابة بنفس القوة فى مواضيع مختلفة تختلف من شخص لأخر...بمعنى ان الخلفية الثقافية و خبرات الحياة قد تعطى شخصا امكانيات للكتابة فى أكثر من موضوع و لا تعطى الأخر.. الاعتدال و الوسطية أمران مطلوبان لانجاح حوارات هذا المنتدى...قد تفرض الأحداث علينا التكلم بمنتهى الجدية فى أمور لا تحتمل الهزل...و على العكس أنا شخصيا مثلا لا أستطيع أن امنع نفسى من تعليق باسم اذا لزم الأمر... أمر هام لا ننساه...هو استحضار نية صالحة عند الكتابة سواء جدا أم هزلا....احنا فى حاجة للثواب.. تحياتى للجميع

انا مع الكلام ده و فى نفس الوقت حبيت اضيف ان فى فرق بين الفكاهه و التفاهه لان فعلا فى الفتره الاخيره وجدت بعض المواضيع من وجهه نظرى الشخصيه لا ترتقى لمستوى الفكاهه اعتبرتها مواضيع تافهه بس مش معنى كده بردو انى اروح اتكلم فى السياسه غصب عنى علشان اقول انى بتكلم جد (الاعتدال و الوسطيه) زى ماقال الدكتور الشامى.
و كامل احترامى للجميع

 

 

[galaxy]

انا زي ما قالت اماني عايزين نتنوع فعلا وخصوصا اننا ملمين بكتير من الاحداث حوالينا .........واللي مش ملم اكيد هيعرف وهيكون ليه رأي معانا.......طبعا محدش ماسك لحد الكرباج يا هبه زي ما قالت بدريه....لكن في رأيي فعلا ان دخولنا النت وقعادنا لساعات للتصفح والرد لازم يكون ليه نيه صالحه وفايده تعود علينا كلنا ...........والا بعد فتره هنلاقي نفسنا اتعودنا علي كدا وهيبقي مفيش جديد هنلاقي ان الفكاهه او المواضيع الخفيفه مالهاش طعم واحنا نفسنا اللي مش هنحب ندخل لان مش لاقيين فايده تعود من دخولنا الا الشات الفكاهي بس.



والله يا بدور انا بحاول اني اتنوع في مداخلاتي بس مش بحب اكتب الا لما اكون عايزة اكتب او جوايا جديد....غير كدا بلف لفه اخد فكره عن جديد المنتدي .....لكن بحاول اتنوع تبعا اولا لميولي واهتماماتي ..مرة تنميه بشريه ومرة روايات ورحلات ومراه مواضيع جاده او دينيه.......لكن انا برضه شايفه مواضيع كتير بتشدني وخصوصا مواضيع الجديد في العلم والابحاث......دي نقطه تفرد عايزين تزيد لانها بجد بتخليني ابحث وادور واعرف ........كمان باب اللغه جميل في فكرته ولو طورناه هيكون افيد واجمل لاننا محتاجنها وكمان هو نقطه تفرد مهمه.....عشان انا بجد عايزة المنتدي يكون متكامل بدرجه كبيره....يبقي يا ريت نتكاتف اننا نكون مختلفين ومتجددين ونسعي للفايده حتي لو بالفكاهه ........ تحياتي

 

 

[راحله]

عزيزتي بدريه دعوه هايله وكلنا بنحب مصر برغم كل عيوبها بنحبها
لكن انا راي من راي هبه خلي موضوع عيوبها وبلاويها يجي بظروفه ومش مساله هروب لان دا واقع عايشنه من ساعه مابنخرج من بيوتنا الصبح ولحد منرجعها بلاوي في بلاوي ومشاكل وظلم واضطهاد فمش مطالبه كمان الساعه الي بقعدها عالمنتدي اجيبلي اكتئاب بمشاكل حد تاني مظلوم ومقهور كفايه عليا نفسي
وكلا بوقته عزيزتي فالاحداث تفرض نفسها فرضا رغم انف الجميع فاطمئني المشاكل جايه جايه فمتستعجليش القضاء