كرامة المجند المصرى

[عنبو]

الصحف المصرية والعربية

السلام عليكم ورحمة الله بركاته

تحيه طيبه وبعد

بما اننا فى ثوره كانت اهم الدوافع لقيامها المطالبه بكرامة المواطن المصرى

التى تم انتهاكها فى كل مكان فى مصر

الناس كلها اتكلمت على اليى بيحصل فى اقسام الشرطه

لكن مشفتش حد اتكلم عن اليى بيحصل للمجندين المصريين اليى مش معاهم واسطه فى

الجيش المصرى

والذى بالطبع لن يختلف كثيراً عن اليى كان يحصل فى اقسام الشرطه

يعنى ايه ضابط يشتم عسكرى فى الكتيبه عنده ؟

يعنى ايه يضربه ؟

هل ده قانون فى العسكريه المصريه ؟

هل ده ده بيزود روح الحب والانتماء مصر لدى المجندين ؟

احنا كرهنا الشرطه بسبب انها كانت تنتهك كرامة المصريين مش كرهنا الشرطه لله فى لله

طيب وفرقت ايه الشرطه عن الجيش ؟

انا مخدتمش جيش ولكن ناس اصحابى حكوا ليا على اليى كان بيحصل ليهم اثنا ء

خدمتهم فى الجيش وفي البعض منهم لا يزال بيؤدى فترة خدمته الى الان

فى سلاح المهندسين مثلاً تلاقى مهندس بيؤدى فترة خدمته عسكرى

طيب مافيش مشاكل ولكن ليه تخليه يشيل اسمنت وطوب ورمله ؟

هو يعنى كان بيتعلم علشان يبقى مهندس علشان يجيى الجيش يخليه يشتغل فواعلى !!

انا بس عاوز اعرف ايه ليه يصر انه ياخد مهندس يشغله فواعلى فى الجيش ؟

هو مش عارف ان ده بيكره الناس فى البلد ؟

اوعى حد يقولى ان العسكريه هى شيل الرمله والطوب ؟

احنا مش هنتسابق مع العدو على تطليع عربية رمل للدور التاسع مثلاً !!!!!

يعنى ايه يكون فيه طابور والناس كلها تروح تحضره الا بعض الناس

علشان معاهم واسطه ؟

يتبع...

تحياتى

عنبو

 

[عنبو]

تلاقى واحد من الجيش يقولك احنا لازم نعمل كده علشان تبقوا رجاله ؟

انا معرفش ايه دخل الرجاله فى موضوع الكرامه بل بالعكس ده علشان نبقى رجاله بجد

لازم تحافظوا على كرامتنا

 

 

[عنبو]

https://www.facebook.com/home.php#!/p...32727260133581

 

 

[عنبو]

المجندين المصريين
ياريت يا جماعه ننشر الصفحه على قد لما نقدر عاوزين العدد يزيد

اكيد فيه مننا خدم جيش وعرف ايه يعنى زل ويعنى ايه امتهان كرامه فى حين اليى معاه واسطه مافيش حد بيقدر يعمله حاجه

32 minutes ago · Like ·

انا مش عاوزين الجيش يبقى فيه رفاهيه ولا عاوزين الجيش يشغل الناس فى تخصصاتهم ولكن عاوزين مافيش حد يدوس لنا على كرامتنا

نستحمل الجوع نستحمل الخدمه بال 24 ساعه نستحمل كل شىء الا امتهان الكرامه

الانسان لما كرامته بتهان ممكن يتحول الى وحش لانه بيفقد الشعور بادميته

 

 

[محمد علي عامر]

إذا كانت الرجولة بالضرب فيجب ضرب القائد أيضا كي تتوفر فيه صفة الرجولة

مفاهيم كثيرة في حياتنا تحتاج للتصحيح

 

 

[brain]

فاكرين الارهاب و الكباب
لما طلب الغاء نظام المجندين اللي واقفين خلف خلاف
علشان الباشا الظابط
و مرات الباشا
و العيال الباشوات ولاد حضرة الظابط
الحاجات دي لازم تتلغي

 

 

[د. يحي الشاعر]

رغم أن جـــــمــــــيـــــــع ... جيوش العالم ، تتسم الفترة الأولي فيها من التجنيد ، بإذلال المجند "والهدف من وراء ذلك" هو كسر "روحه المدنية" و "تعليمه" علي إطاعة الأوامر

إلا أن "الخدمة العسكرية" في منطقتنا ، تتميز بالكثير من "مواصلة" التذليل والإهانة .. وهذا خطأ لا زال مستمر بل ويتزايد أحيانا

لقد تحسن الأسلوب بشكل كثير ، عند مقارنته ، بأيام الملك فاروق ... أو ايام بداية ثورة يوليو 1952 ، أو ايام النكسة ...

فبعد "النكسة" وبداية إعادة بناء "القوات المسلحة" ، تغير الأسلوب بشكل واضح ، نتيجة لدخول الكثير جدا من "الجامعيين" و "المتعلمين" في الخدمة العسكرية ...

رغم ذلك ، لا بد لك من رؤية "فيديوهات" بل وأفلام السينما ، عن معاملة المجندين في جيوش العالم .. أمريكا أو إنجلترا أو ألمانيا أو أي دولة تختارها

لا بد لك ، من مشاهدة تلك الأفلام وقراءة "الكتب" عن أساليب التدريب في تلك الجيوش ، حتي يكون "نقدك" وهو "محق بنسبة عالية" ... فيما يتعلق ... المعاملة به "الفترة الأولي" من التجنيد ، وليس علي طول الوقت

الشيء المرفوض (ولكن يتم تطبيقه) هو "صفع" و "ضرب" المجند ... إذ يوجد في جميع جيوش العالم "بما في ذلك مصر" ، إمكانية التظلم ...

الفرق ، هو "إنتقام" من "شلة محسوبية" الرقيب أو العريف المسئول

تعدياتهم علي من أدني منهم رتبة ... مشهورة

للأسف .. لازالت هذه البلطجية "الخلقية" .. موجودة حتي خارج أسوار معسكرات التدريب

اللوم ، يجب توجيهه ، للضابط النسئول عن المدربين ... ولكن ... يوجد كثير من "الإستثناءات" و "غلق العين أو الإثنين" ... وهذا خطأ كبير رغم أن "التصحيح" يأخذ طريقه بشكل متواصل




د. يحي الشاعر

 

 

[عنبو]

اقتباس المشاركة الأصلية كتبت بواسطة محمد علي عامر إذا كانت الرجولة بالضرب فيجب ضرب القائد أيضا كي تتوفر فيه صفة الرجولة مفاهيم كثيرة في حياتنا تحتاج للتصحيح

فعلاً مع حضرتك حق فيه مفاهيم كثيره قوى فى حياتنا لازم تتغير

علينا ان نفكر خارج الصندوق وندعنا من النمطيه فى التفكير

تحياتى

عنبو

 

 

[عنبو]

اقتباس المشاركة الأصلية كتبت بواسطة brain فاكرين الارهاب و الكباب لما طلب الغاء نظام المجندين اللي واقفين خلف خلاف علشان الباشا الظابط و مرات الباشا و العيال الباشوات ولاد حضرة الظابط الحاجات دي لازم تتلغي

تعرف يا استاذ brain

ان المجندين ممكن يفضلوا انه يروح يقضى مشاوير للضابط او الهانم مراة الضابط على

انه يقعد فى المعسكر لانه بيكون مخير بين نارين فبيختار الاسهل بالنسبه له

وفى سبيل ايضا انه بيحصل على اجازات كتير وبيكون متميز عن زملائه

المشكله لما تبقى الحاجه تدار بالمزاج

تلاقى عسكرى ينزل اجازه بالعشرين يوم اواكتر علشان محسوب على القائد الفلانى

وتلاقى زميله ينزل كل اربعين يوم خمس ايام بالعافيه

حتى مافيش مبدأ المساواه فى الظلم عدل

تحيات

عنبو

 

 

[عنبو]

اقتباس المشاركة الأصلية كتبت بواسطة د. يحي الشاعر رغم أن جـــــمــــــيـــــــع ... جيوش العالم ، تتسم الفترة الأولي فيها من التجنيد ، بإذلال المجند "والهدف من وراء ذلك" هو كسر "روحه المدنية" و "تعليمه" علي إطاعة الأوامر إلا أن "الخدمة العسكرية" في منطقتنا ، تتميز بالكثير من "مواصلة" التذليل والإهانة .. وهذا خطأ لا زال مستمر بل ويتزايد أحيانا لقد تحسن الأسلوب بشكل كثير ، عند مقارنته ، بأيام الملك فاروق ... أو ايام بداية ثورة يوليو 1952 ، أو ايام النكسة ... فبعد "النكسة" وبداية إعادة بناء "القوات المسلحة" ، تغير الأسلوب بشكل واضح ، نتيجة لدخول الكثير جدا من "الجامعيين" و "المتعلمين" في الخدمة العسكرية ... رغم ذلك ، لا بد لك من رؤية "فيديوهات" بل وأفلام السينما ، عن معاملة المجندين في جيوش العالم .. أمريكا أو إنجلترا أو ألمانيا أو أي دولة تختارها لا بد لك ، من مشاهدة تلك الأفلام وقراءة "الكتب" عن أساليب التدريب في تلك الجيوش ، حتي يكون "نقدك" وهو "محق بنسبة عالية" ... فيما يتعلق ... المعاملة به "الفترة الأولي" من التجنيد ، وليس علي طول الوقت الشيء المرفوض (ولكن يتم تطبيقه) هو "صفع" و "ضرب" المجند ... إذ يوجد في جميع جيوش العالم "بما في ذلك مصر" ، إمكانية التظلم ... الفرق ، هو "إنتقام" من "شلة محسوبية" الرقيب أو العريف المسئول تعدياتهم علي من أدني منهم رتبة ... مشهورة للأسف .. لازالت هذه البلطجية "الخلقية" .. موجودة حتي خارج أسوار معسكرات التدريب اللوم ، يجب توجيهه ، للضابط النسئول عن المدربين ... ولكن ... يوجد كثير من "الإستثناءات" و "غلق العين أو الإثنين" ... وهذا خطأ كبير رغم أن "التصحيح" يأخذ طريقه بشكل متواصل د. يحي الشاعر

تمام يا دكتور يحى انا متفق مع حضرتك ان الهدف من الازلال هو كسر روح المدنيه لدى المجند

وتعويده على اطاعة الاوامر العسكريه

ولكن الازلال ده له اساليب كثيره

وكذلك مينفعش انى اتبع نفس الطريقه سواء مع المتعلم او الجاهل او الجامعى او غير الجامعى

كل شخص من دول مختلف تماما عن الاخر فالطريقه اليى تمشى مع الجامعى علشان اخليه

يطيع الاوامر اكيد متنفعش مع الغير جامعى او الغير متعلم اساسا

يعنى لما العريف اوالضابط يقف فى الطابور ويشتم العساكر بامهاتهم

والحجه انه بيعمل منه راجل او بيخليه يطيع الاامر

ده كلام غير منطقى بالمره ممكن يمشى مع بعض الناس (( معرفش تفكيرهم ازاى ))

ولكن بالتأكيد انه استحاله ينفع مع الكل

والضرر الاكبر ان حاجه زى دى ممكن تقتل روح الولاء للبلد

لان الموضوع مش بيتاخد بصور شخصيه يعنى العسكرى مش يقول

العريف فلان هاننى لا كلهم بيقولوا احنا اتهنا فى الجيش

والجيش بيكون بالنسبه ليهم يمثل مصر وزى لما قولت فيه ناس بتتقبل ده وفيه ناس لاء

واليى بيزيد الموضوع سوء هو استعمال حرف الواو ( الواسطه ) تلاقى ناس متصانه

وناس متداس عليهم مع ان المفروض الاتنين عساكر يعنى على الاقل يكون فيه

المساواه فى الظلم يعنى

لازم يكون فيه مراعاة للبعد النفسى للموضوع علشان نتفادى قتل الانتماء لدى المجند

ودى لوحدها خطر كبير جدا على البلد

تحياتى يا دكتورنا العزيز ولو تسمح انقل مداخة حضرتك الى الصفحه على الفيس بوك

عنبو