تصريحات وزير الصحه تغلق كليات العلوم

[عنبو]

الصحف المصرية والعربية

السلام عليكم ورحمةالله وبركاته

قام الدكتور اشرف حاتم باطلاق تصريح بعدم اعطاء تراخيص معامل التحاليل الطبيه

الا للاطباء طيب ده نقول ايه ولا نعمل معاه ايه ؟

ياريت بس السيد الدكتور وزير الصحه قبل لما يقبل على حاجه زى دى يكون فاهم بيعمل ايه

ومش علشان يجامل الاطباء يجى على الاطراف الاخرى مثل الكيميائين والبيطريين والصيادله ؟

وياريت حضرته كده يرجع كده لاصل المهنه اساساً ويشوف مين اليى ادخل المهنه دى مصر

ومين اول من عمل بها ( الكيميائين طبعاً )

وياريت حضرته ينزل المعامل المشهوره زى البرج مؤمنه كامل ويشوف مين اليى شغال فيها

طيب ياريته يكلف نفسه شويه ويدخل معمل ويشوف طريقة عمل اى تحاليل ؟

ويشوف المواد الكيميائيه المستعمله ويسال الطبيب عن الميكانيزم بتاع اى تحليل ؟

معامل التحاليل الطبيه زيها زى معامل نحاليل المياه وزى معامل تحاليل التربه .........الخ

الموضوع كله يعتمد على قياس تركيز ماده معينه فى العينه او قياس تأثير ماده معينه

............الخ

يعنى التعامل كله بيكون مع العينه فقط ولا دخل للمريض فى الموضوع

يعنى مش علشان بنقدم تقرير عن المياه لمهندس الميكانيكا يبقى مهندس الميكانيكا بيفهم فى

التحاليل الطبيه

القانون لم يفرق بين الكيميائى والصيدلى والطبيب فى ممارسة هذه المهنه بعد اكتمال

الشروط وهى الحصول على البكالوريوس والحصول على الدراسات العليا فقط لا غير

والقانون ده معمول به فى اغلب دول العالم

ولكن فى مصر طبعاً الموضوع بيمشى ازاى

الواحد يخلص البكالوريوس وبعدين يعمل دبلومه تحاليل طبيه

وبعدين يروح علشان ياخد تصريح معمل يقولوا لا ليه يا جدعان هو مافيش قانون

يقولوا اه بس لاء برده

تعمل ايه تروح رافع قضيه تقعد فى المحكمه سنه وفى الاخر تحكم لك بس بعد سنه وقرف

وفلوس على الفاضى علشان تاخد حق من حقك اساسا وانت اولى الناس به بناء على دراستك

بس هنقول ايه مصر عاوزه كده

ياريت السيد الوزير قبل لما ياخد اى قرار يعرف هو بيتكلم فى ايه اساسا

ويعرف الواقع بيقول ايه مكناش بنقوم بثوره علشان نجيب ناس تاخد قرار

وهو فى المكتب

تحياتى

عنبو

 

[alex fox]

ده من ايه ده...
تلاقيه متعقد من فنين المعمل الكميائيين فحب يطلع عليهم لما بقى وزير...
عالم تيييييييييييييت...
سيبك منه يا عنبو...
لما ترجع مصر ابقى افتح أكبر معمل...




























































































مخلل...

 

 

[HanyMan]

بجد قرار يقرف ويعنى الجماعه الكميائيين دى مكافئتهم بعد الثورة

انا رأيي لازم يعملوا مظاهرة يوم الجمعة ويسموها جمعة الكيمياء ويكونوا لابسين البالطو الابيض ونظارة المعمل عشان يكونوا مستعدين للقنابل المسيلة للدموع

ما تزعلش نفسك يا عنبوا باشا

 

 

[عنبو]

اقتباس Alex ده من ايه ده... تلاقيه متعقد من فنين المعمل الكميائيين فحب يطلع عليهم لما بقى وزير... عالم تيييييييييييييت... سيبك منه يا عنبو... لما ترجع مصر ابقى افتح أكبر معمل...

الكلمه اليى بالاحمر دى ممكن يطير فيها رقاب واحد درس رابع سنين ودراسات عليا

والغالبيه بيكون شغال فى الماستر كمان وفى الاخر فنى مع احترامى للفنين طبعا

بس هو بيتخرج من الكليه كيميائى ازاى بقى نحوله فنى يعنى

اقتباس هانى مان بجد قرار يقرف ويعنى الجماعه الكميائيين دى مكافئتهم بعد الثورة انا رأيي لازم يعملوا مظاهرة يوم الجمعة ويسموها جمعة الكيمياء ويكونوا لابسين البالطو الابيض ونظارة المعمل عشان يكونوا مستعدين للقنابل المسيلة للدموع ما تزعلش نفسك يا عنبوا باشا

تسلم يا هانى باشا

هو فيه واقفه احتجاجيه يوم الجمعه عند النقابه بالفعل

وعلى فكره الموضوع مش يخص الكيميائين بس ده يخص الصيادله والبيطريين

لان كل دول هيضروا من القرار ده

انا اساسا حصلت على الترخيص بالفعل بقاله سنتين يعنى القرار ده مش هيطبق عليا

بس انا بتكلم بصفه عامه لانه بجد قرار اهبل يعنى

تحياتى

عنبو

 

 

[dr-amira]

انت جبت الكلام ده منين يا عنبو ...اللى شفتة بعينى بعد تعيين وزير الصحة الحالى خبر فى شريط الاخبار على جميع القنوات ...و كان بيؤكد ان الكيميائيين بقى من حقهم يفتحوا معامل تحاليل ....لو كلامك صح يبقى العقرب حمدى السيد اشتغل .

 

 

[ana_3enady]

دعوه لموضوعي

RobertInole

الحمدلله اني بتاع تجارة

 

 

[phrma]

طوال مفيش اهتمام بكليات العلوم وخريجيها والكليات العملية الاخرى تاكد من عدم وجود تنمية فى اى بلد

خريجين العلوم يدرسوا ويطلع عنيهم ويلاقوا نفسهم فى مفترق الطرق من عدم وجود نقابة تحمى حقوقهم

او اماكن بحث علمى تستفاد من دراستهم او حتى بعثات تبادل طلابى او منح ماجستير او تدريبات فى الخارج

لكن كنا نلاقى اهتما م بتخريج الفنانين وستار اكاديمى وستوديو الفن ومدرسة الرقص ومعسكرات الكرة من اجل اكتساب الخبرات

تلاقى ملايين على الفنانات والافلام والمسلسلات وبتوع الكرة والمطربين الهايفين فى حين ميزانية البحث العلملى يا قلبى لا تحزن

خريج العلوم بعد ما يخلص ويطلع عينه ميكانيزمات وتجارب وعملى ويجى يعمل معمل تحاليل زاى ما قال الاخ اللحكاية يدوخوه سبع دوخات عشان ياخد حقه
دا حتى حقوقهم فى اماكن شغلهم متاخدة زاى شركات البترول وشركان الصناعات البتروكيماويات واللاسمدة والاسمنت وكل ما هو صناعى انا اعرف

شركة بترول اللى ماسك المعمل المركزى فيها خريج تجارة (مع احترامى للكلية نفسها ولكنه فى غير مكانه )

فيه خريج علوم بيرفض البلد دى لانها بلد تهتم بالجهلاء وانصاف المتعلمين بيتجه لدول اللى بتعطيه حقه يعنى اصبحنا بنفرغ البلد من العقول يعنى مثلا

الوحيد فى الكليات العملية خرج وجاب جايزة نوبل كان خريج كلية العلوم طيب الدولة مش تهتم لا ولا هى هنا

والله مفروض بقا يتم الاهتما بالعلماء وتلاميذه لو عايزين يتقدموا بدل الاهتمام بتوافه الامور

دا كمان عدم الاهتمام بطلبة الكليات العملية علوم وصيدلة وطبعا كلنا سمعنا عن حادثة كلية صيدالة جامعه اسكندرية لما الراجل مات ومفيش حتى مصل فى الكلية هما مفكرين الكيماويات دى ايه

يااااااااااااااارب ارحمنا بقا وتيجى ناس بتفهم

 

 

[عنبو]

اقتباس المشاركة الأصلية كتبت بواسطة dr-amira انت جبت الكلام ده منين يا عنبو ...اللى شفتة بعينى بعد تعيين وزير الصحة الحالى خبر فى شريط الاخبار على جميع القنوات ...و كان بيؤكد ان الكيميائيين بقى من حقهم يفتحوا معامل تحاليل ....لو كلامك صح يبقى العقرب حمدى السيد اشتغل .

هو فى الاول قال كده وبعدين غير كلامه علشان يراضى الاطباء
وحمدى السيد اساسا ده وراء كل مصيبه لانه واخدها بالدراع
بس ان شاء الله هيجى اليوم اليى هنتخلص فيه من القرف ده

اقتباس المشاركة الأصلية كتبت بواسطة ana_3enady الحمدلله اني بتاع تجارة

اقتباس المشاركة الأصلية كتبت بواسطة phrma طوال مفيش اهتمام بكليات العلوم وخريجيها والكليات العملية الاخرى تاكد من عدم وجود تنمية فى اى بلد خريجين العلوم يدرسوا ويطلع عنيهم ويلاقوا نفسهم فى مفترق الطرق من عدم وجود نقابة تحمى حقوقهم او اماكن بحث علمى تستفاد من دراستهم او حتى بعثات تبادل طلابى او منح ماجستير او تدريبات فى الخارج لكن كنا نلاقى اهتما م بتخريج الفنانين وستار اكاديمى وستوديو الفن ومدرسة الرقص ومعسكرات الكرة من اجل اكتساب الخبرات تلاقى ملايين على الفنانات والافلام والمسلسلات وبتوع الكرة والمطربين الهايفين فى حين ميزانية البحث العلملى يا قلبى لا تحزن خريج العلوم بعد ما يخلص ويطلع عينه ميكانيزمات وتجارب وعملى ويجى يعمل معمل تحاليل زاى ما قال الاخ اللحكاية يدوخوه سبع دوخات عشان ياخد حقه دا حتى حقوقهم فى اماكن شغلهم متاخدة زاى شركات البترول وشركان الصناعات البتروكيماويات واللاسمدة والاسمنت وكل ما هو صناعى انا اعرف شركة بترول اللى ماسك المعمل المركزى فيها خريج تجارة (مع احترامى للكلية نفسها ولكنه فى غير مكانه ) فيه خريج علوم بيرفض البلد دى لانها بلد تهتم بالجهلاء وانصاف المتعلمين بيتجه لدول اللى بتعطيه حقه يعنى اصبحنا بنفرغ البلد من العقول يعنى مثلا الوحيد فى الكليات العملية خرج وجاب جايزة نوبل كان خريج كلية العلوم طيب الدولة مش تهتم لا ولا هى هنا والله مفروض بقا يتم الاهتما بالعلماء وتلاميذه لو عايزين يتقدموا بدل الاهتمام بتوافه الامور دا كمان عدم الاهتمام بطلبة الكليات العملية علوم وصيدلة وطبعا كلنا سمعنا عن حادثة كلية صيدالة جامعه اسكندرية لما الراجل مات ومفيش حتى مصل فى الكلية هما مفكرين الكيماويات دى ايه يااااااااااااااارب ارحمنا بقا وتيجى ناس بتفهم

بلد مفيهاش اهتمام بالعلم يبقى اكيد هتبقى داخله على ايام سوده

كان فيه استاذ فى الكليه قال لينا كلمه قال ياولاد مش لازم تفهموا يعنى لان لو فهمتوا

هتكرهوا اليوم اليى فهمتوا فيه البلد دى مش بتعت ابحاث ولا نيله البلد دى بتعت

ابو تريكه ودينا وشوبير

واحد صاحبى قرر انه يعمل ماستر على حسابه طلع عينه على بال لما لاقى مكان

علشان يسجل فيه وطبعا المواضيع اليى هتشتغل فيها روتينيه وفيه ملايين عملوها

قبلك لا شوف حال معامل الابحاث وشوفوا مرتبات الباحثين فيها والله العظيم

حاجه تحزن وحسبى الله ونعم الوكيل

تحياتى

عنبو

 

 

[عنبو]

https://www.sci-unit.com/index.php/ab...-23-29-06.html