طريقة سهلة جندن لإضافة فيديو يوتيوب

[حشيش]

بسم الله الرحمن الرحيم

الأخوة والأخوات الأعزاء

السلام عليكم ورحمة الله وبركاته

بنفس الطريقة السهلة اللى عرفنا بيها إزاى نرفع فيديو من فيسبوك مباشرةً على المطاريد هنــــــــــــــــــــا حنطبق نفس الطريقة لرفع أى فيديو من اليوتيوب

معظم روابط الفيديو من يوتيوب بتعمل مباشرةً وبيتحول الرابط إلى فيديو بمجرد إضافته للمداخلة ... يعنى مش محتاج تعمل بنفسك أى حاجة غير لصق رابط الفيديو في صندوق الرد

لكن ... وآه من كلمة لكن ... بعض روابط الفيديوهات القديمة من يوتيوب بتحتاج مننا تعديل بسيط لكى تتحول من روابط إلى فيديوهات حية

أبسط وأسهل طريقة تشغل بيها أى رابط فيديو من اليوتيوب هى كالآتى:

فى أى رابط فيديو سواء يوتيوب (أو فيسبوك) حنلاقى مجموعة من الحروف والأرقام بعد حرفى: =v

تابع معايا في الرابط ده:

https://www.youtube.com/watch?feature=player_embedded&v=4-CcR1ZJPoU

كل المطلوب مننا إننا ننسخ الأرقام والحروف الملونة باللون الأخضر اللى هيا 4-CcR1ZJPoU

كده تقريباً يكون 90% من الشغلانة خلصت


حناخد اللى نسخناه ونظلله وبعدها نضغط على أيقونة يوتيوب أو أيقونة فيسبوك بحسب الفيديو إحنا واخدينه من فين زى ما في الصورة:



واحد يسأل ... بس يا كابتن حشيش فيه 2 أيقونة يوتيوب في حين إن مفيش غير أيقونة فيسبوك واحدة ... حنعمل إيه ونتصرف إزاى!

الإجابة بسيطة جداً خالص ... أى أيقونة من الأيقونتين بتوع اليوتيوب يقضوا نفس الغرض

وعلشان أطمن إنكم إستوعبتم الدرس كل واحد يجرب يحط الفيديو من الرابط ده

الرابط:

https://www.youtube.com/watch?featur...&v=4-CcR1ZJPoU