أخى و أختى المصريين المهاجرين و اللى على وشك الهجرة

[Tornado]

الصحف المصرية والعربية

اقتباس المشاركة الأصلية كتبت بواسطة savary لاء ثوانى هنا فى خلط غير مقصود دلوقتى انا راجل كنت بلعب كوره لما الماتش يبقى شغال وفرقتى شايله 3 واجى انا اطلب التغير واقولهم روحوا فى داهيه فرقه مشلوله واقف ع الخط شويه والفرقه تشد حيلها وتجيب 3 اجوان ورا بعض وتتعادل و كمان تبقى بتهاجم و شكلها كده حتكسب الثراحه ابقى معنديش دم يعنى لو قولتهم عاوز انزل تانى عاوز العب تانى اانا معاكم !! كل واحد سافر الخليج او هاجر كان خلاص وصل انه يئس من البلد واللى فيها وراح يدور على مصلحته وعلى نفسه !! راح الخليج عشان يعمل فلوس او هاجر عشان يبقى معاه باسبور كندى او امريكى فى ناس بقى معملتش كده فى ناس استحملت و صبرت و استنت فرصه وخلقوا هما الفرصه و حطوا معاد و خططوا وقبلها كانوا بينزلوا مظاهرات فيها 150 واحد متحاوطين بالف عسكرى امن مركزى ونزلوا واضربوا واتهانوا ولما جات الفرصه نزلوا و اضربوا بالرصاص المطاطى واضربوا بالقنابل المسيله للدموع واضربوا برصاص حى من قناصه العادلى ومنهم اللى استشهد ومنهم اللى راحت عينه و اللى جاله شلل واتقال عليهم خونه واسرائيلين وايرانين وعاشوا الخوف و باتوا فى التحرير ونزلوا فى السويس واسكندريه و المنصوره كووووووووووووول دا قدموه عشان مستقبل احسن ليهم ولولادهم كووووووووول دا عشان بلدهم تبقى احسن واجمل وانضف ولسه قدامهم شغل كتير وطويل عشان يوصلوا للمستقبل دا بأى حق وبأى عدل ييجى اللى امبارح فكر فى نفسه و كان فى الخليج او فى كندا و الناس دى بتضرب وبتتهان وبتتقتل ويقولهم انا معاكم ؟؟ انا ضحيت زيكم ؟؟ مبحبش اللعب على كل الاوراق واللى تيجى اهلا وسهلا بيها مبحبش ان كل يوم الواحد يلبس ماسك على وشه مبحبش ان كل يوم براى ومعاهم معاهم عليهم عليهم حتى لو كان دا حصل قبل كده فعفى الله عما سلف خلينا فى الجديد البلد فيها بوادر نضافه بوادر مجتمع حر و متحضر و مدنى وفيه عدل وحريه بس محتاااااااااااااااااااااجه شغل كتير يمكن قد اللى فاااات دا عشر مرات تانى اللى عاوز يتعب فيها عشان يعيش فيها حر وكريم ياخد قراره وينفذه ويتحمل نتيجته اللى عاوز الباسبور الامريكى والكندى والاسترالى و هيفضل انه يتعب فى كندا واستراليا وامريكا ياخد قراره برضه وينفذه ويتحمل نتيجته كل واحد لازم يحدد طريقه ويكون متصالح مع نفسه وفاهم هو عاوز ايه الموضوع عامل زى اللى خاطب بنت من اسره على قد حالها و مستنين ورث حيجلهم وفى نفس الوقت اهله عاوزين يخطبوله بنت تانيه غنيه اوى مينفعش تمشى فى المشوار التانى و تشوف البنت الغنيه و تفضل رابط البنت التانيه معاك والله ورثت وبقى معاها فلوس ارجعلها لاء , موضوع الورث دا طلع فشنك وفضلت فقيره ما خسرتش حاجه و ادينى خاطب بنت غنيه و ميت فل واربعتاشر دى براجماته وميكافيلليه دنيئه !! وجه نظر برده فى الاول وفى الاخر

وهل كنت يا سفاري من ال 150 اللي كانوا بينزلوا ويتضربوا ويتهانوا؟؟ ولا كنت من اللي نزلوا التحرير واتسحلوا؟؟؟ اظن كلامك مناقض لوقعك يا سفاري مع احترامي ليك

 

 

[Tornado]

اقتباس المشاركة الأصلية كتبت بواسطة Farida [/COLOR][/SIZE] انا فتحت الموضوع ده بعد ماشوفت مداخلات لبراين و برنس بيوقولوا فيها انهم الأسباب اللى كانت مانعاهم من الأستقرار فى مصر زالت و ايمانهم ان قعدتهم فى مصر افضل هو ماشجعنى على فتح هذا الموضوع دون الدخول فى اى تفاصيل اخرى و بعدين لما وجدت موضوع تانى اتفتح فى باب كندا - وكأن هنا غير هناك بس ماعلينا- استفزنى بعض الأقوال هناك و بس لكن ولا باقول مين بيحب مصر اكتر من مين انا كنت باناقش هل الثورة دليل و برهان على تغيير سوف يحدث ام لا بس ............ و احترمت راى فيردى و سيبيا جدا لأن رؤيتهم واضحه و صريحه و مافيش حاجه اسمها مين بيحب مين اكتر .............. يعنى موضوع اللى بيحب مصر هناك اكتر او اقل ماعرفش انت بتقيس الحب ده بايه يعنى هل لما اسمع اغتيه عن مصر مثلا و اشوف مين بيعيط اكتر يبقى هو ده اللى بيحبها اكتر ولا ايه انا رايي نسيب موضوع الحب و الكره و نتكلم فى الأدوات اللى تخلينا نترجم الحب ده لفعل هو ده فى رأيي اللى محتاجينه كنت حابه مثلا اسمع راى انى وانا بره ممكن اساعد فى تحسين صورة الثورة او غيره لكن انا واثقه و من اللى شوفته من صديقاتى و زملائى فى امريكا و كندا و اللى عملوه هناك حاجه تفرح كده برضه يا تورنادو ..........طيب اطمنك بقه ان زويل امريكى من اصل مصرى لكن نجيب و السادات و البرادعى مصريين مأصلين ...........اما بخصوص انك مش بتساوى نجيب محفوظ بزويل فدى مشكله كبيره الحق نفسك لأن فعلا فيه فرق بين الأدب و العلوم طبيعى الأدب تأثيره فى وجدان الأمم و ثقافتها و تفكيرها اما تأثير العلم فى تكنولوجيا و علاج و تأثيرها مباشر فأكيد فيه فرق لكن اوعى تقولى علشان اسباب سياسيه و تدخل اسرائيل و التطبيع و الا ردى حايكون ان زويل اخد جوايز من اسرائيل ياما و عمل هناك محاضرات فالسكه دى غلط [SIZE=4][COLOR=darkslategray] هايل بس و النبى مجدى يعقوب غير .....مجدى يعقوب عمل مركز فى اسوان ربنا يبارك له فيه رجل بجد و مشكلتى مش مع مين سافر و مين قعد مشكلتى زى ما قال سفارى فى البعض اللى عايز باسبور يتنطط بيه على اللى عايشين هنا لكن اللى يريد وطن اخر اجمل و ارقى و انظف و بيدفع تمن ده من الغربه و التكيف فى الخارج و البعد عن الأهل و الوطن على عينى و رأسى اما موضوع لما مصر تطلب منهم يجوا حايجوا ياريت يسألوا مجدى يعقوب لما عمل المركز فى اسوان مصر كلممته امتى و من رقم موبايل ولا ارضى علشان يستنوا منها مكالمه و يجوا يساعدوا المهم يا تورنادو الخلاف فى الرأى لا يفسد للود قضيه و ربنا يوفق كل واحد لما فيه الخير

كلامك جميل يا دكتورة

هرد على كلامك
اول حاجة كلامك عن زويل انه امريكي من اصل مصري تمام وده جميل بس لو كان فضل مصري من اصل مصري كان زمانه دكتور جامعة عادي هنا زيه زي اي حد فمش عيب انه امريكي من اصل مصري وبخصوص جايزته ممكن كلام الناس يبقى صح انه اخدها لما ادى محاضرة في اسرائيل بس في الاول والاخر عمل انجاز وهو اختراع الفيمتو ثانية والصراحة افادتنا كتير في دراسة الكيمياء وخليتها دراسة جميلة ومثيرة وممتعة لكن السادات اخدها كصفقة بعد معاهدةالسلام ونجيب محفوظ تعدى على الدين وفكره مكنش مظبوط واخدها لافكاره العلمانية والبرادعي اخدها لانه كان موالي للغرب كان ناقص مبارك ياخدها بس الاحداث سبقته

تاني حاجةانا مش بفضل العلم على الادب بالعكس الادب من اهم اسباب تقدم الشعوب بس في ناس كتير احسن من نجيب محفوظ اشمعنى هو اللي اخدها؟؟ مش فارق السبب معايا بس انا مفضلتش العلم على الادب لان الاتنين بيصبوا في قناة واحدة هي تقدم الشعوب ورقيها

تالت حاجة انا معنديش مقياس لحب مصر ومش معنى اللي بيشوف اغنية وطنية بيعيط يبقى وطني ممكن يكون عاطفي زيادة وخلاص وممكن يكون وطني فعلا بس لا انا ولا حضرتك ولا اي مخلوق يقدر يشكك في وطنية حد وبعدين ما هو مبارك قعد في مصر ومسافرش ولو على مبدأك لازم تعترفي انه وطني وابو الوطنية وخصوصا بعد خطابه اللي استغل فيه طيبة الناس وقال انه هيموت هنا وكمان هو مطلعش من مصر بعد التنحى هل ده معناه انه مصري اصيل؟؟ بصي يا دكتورة فريدة كل واحد بيحب مصر بطريقته وياما ناس قعدت هنا وخربت البلد وناس سافرت وهاجرت ونفعت البلد وكفاية ان لما واحد يكون كويس بره ان الناس تقول ده مصري ونفخر بيه لانه رفع اسم بلدنا في بلد تانية اكتر من ناس قاعدة هنا

رابع حاجة اكيد الدكتور مجدي يعقوب وطني بس مش علشان رجع البلد وعمل مشروع خيري وبس الراجل رجع بعد ما اخد كل الالقاب العالمية العلمية وغيرها واخد لقب سير في لندن واخد ارفع الاوسمة في العالم وشاف انه يقدر يخدم بلده عن طريق مركزه في اسوان وده مجهود مقدرش اوفيه حقه لو شكرته وقبلت راسه بس متنسيش ان الدكتور زويل كان عاوز يعمل الجامعة التكنولوجية في مصر ومصر رفضت وقالوا انه حرامي وله مصلحة ضخصية وقطر فازت بيها في الاخر يبقى الراجل حاول لكن المناخ في مصر مش مساعده

المهندس هاني عازر هييجي مصر يفيدها بايه قبل كده واللي ماسكينها مش عاوزين يصلحوا ومديين البناء لشركات مقاولات حرامية برظوا المشاريع اللي علموها؟؟

العالم المصري الدكتور عصام حجي هيعمل ايه لمصر هل هيشتغل في الفضاء هنا واحنا لا نفقه شيء في علوم الفضاء؟ كفاية انه رفع اسم مصر وانه مصري اثبت نفسه وكتب اسم شهيده مصرية في ثورة 25 يناير على مكوك طالع الفضاء

العالم فاروق الباز ياما حاول يساعد مصر في مشروعات المياة الجوفية واتبهدل ومحدش ساعده

وناس كتير غيرهم يبقى محدش يتهم دول وغيرهم بعدم الوطنية ومع احترامي ليكي يا دكتورة فريدة حضرتك مش وطنية اكتر منهم

 

 

[savary]

اقتباس امك جميل وصح يا سفاري بس انت بدأت تدخل في طريق التخزين اللي مش عاوزين ندخل فيه وان مش اي حد ييجي على الجاهز ياخد اللي المصريين عملوه وكأنك بتفرض على كل واحد انه يسيب مصالحه وحاله واللي حققه بره ويرجع مصر ولو معملش كده يبقى ميستحقش اللي اتحققز طب ده في شرع مين كل واحد حر ييجي بلده في اي وقت ويعيش بره زي ما هو عاوز واحنا ياما تعبنا في الكلام هنا وقولنا محدش يشكك في وطنية حد وبلاش محاكم التفتيش لان للاسف اللي خايف منه وملامحه بدأت تظهر ان المصريين هيرجعوا زي الاول والحاجات الحلوة اللي ظهرت وقت الشدة هتبدأ تزول ويا رب كلامي يطلع غلط وهنرجع تاني لخلاف مسلم ومسيحي ومهاجر واللي قاعد في مصر واللي مسافر الخليج واللي معاه جنسية اجنبية وهنخسر كل اللي بنيناه وكل اللي حققناه وهنرجع لنقطة الصفر تاني فلازم نلحق نفسنا من دلوقتي

باشا
انا قولتها قبل كده والعنوا الحرب عليا ووقفونى شهر
بس اقولها تانى لانها حق

ناس كتير اوى برا مصر اشرف وانضف واكثر اخلاص ووطنيه من ناس كتيره فى مصر !

الساادات و مبارك كانوا عايشين فى مصر والفريق الشاذلى الله يرحمه - واللى جزمته بيهم هما الاتنين على بعض - كان منفى فى الجزائر !!

انا عموما قولت وجه نظرى وخلاص , لا بشكك ولا بصنف الناس ولا اقيم وطنيتهم واخلاصهم
اعتبرها اطروحه دستوريه
مش فى دستور جديد بيتعمل و من حقنا نتكلم عن التعديلات اللى فيه

انا شايف ان التعديل دا هيخلى ناس كتير تفكر مره واتنين وتلاته
هيخلينا نحافظ على الكفاءات

النظام القديم كان بيتمنى ان مصر كلها تروح الخليج او تهاجر او تروح فى داهيه
مش عاوز حد بيفكر يقعد فى مصر

و القانون دا - منع ازدواج الجنسيه - موجود فى بلاااااد كتيره جدا و بلاد محترمه مش اى كلام
__________________________________________________ ______________

اقتباس و مشكلتى مش مع مين سافر و مين قعد مشكلتى زى ما قال سفارى فى البعض اللى عايز باسبور يتنطط بيه على اللى عايشين هنا لكن اللى يريد وطن اخر اجمل و ارقى و انظف و بيدفع تمن ده من الغربه و التكيف فى الخارج و البعد عن الأهل و الوطن على عينى و رأسى

احم احم
انا مقولتش المعنى دا خالص على فكره
انا قولت اللى عاوز باسبور كندى او امريكى او استرالى
وعاوز يتعب فى كندا و امريكا واستراليا و شايف ان تعبه هناك هيكون مجدى اكتر وافيد اكتر يتوكل على الله !!

عموما
انا فهمت دلوقتى سر المعارك الحربيه اللى كانت بتحصل فى المنتدى بين رواد باب كندا و باقى الاعضاء

الموضوع ملهوش دعوه ببلد او وطن
الموضوع ملهوش دعوه بوطنيه وانتماء
الموضوع ملهوش دعوه باحترام قرار او ما شابه

الموضوع - انا اسف يعنى - طبقى وبرجوازى
واللى بيحب يصنف الناس ترنشات - طبقات يعنى - هو اللى بيبقى زعلان اوى من نطنطه احدهم وهو يحمل جواز سفر كندى او امريكى او استرالى

لان الطبقى والبرجوازى واللى بيصنف الناس طرنشات
عنده قواعد للنطنطه
ظابط الشرطه يتنطنط
وكيل النيابه يتنطنط
الاستاذ الجامعى يتنطنط
رجال الاعمال واصحاب الملايين يتنطنطوا
ممكن نقول الدكاتره ( بشرى - صيدله -اسنان -بيطرى) يتنطنطوا

وكل فئه وليها درجه فى ال (نطنطه )

المشكله ان اللى بيهاجر بيضربلهم الطبقات اللى فى دماغهم خالص !!
بيلخبطلهم الجدول اللى مصنفين عليه البشر فى مصر !!

عشان كده بيحاولوا دايما اقصائهم وابعادهم و الشكوى منهم !!

معلش التحليل يمكن يكون صادم شويه للبعض
بس اهى قراءه قد تصيب وقد تخيب .

 

 

[savary]

اقتباس المشاركة الأصلية كتبت بواسطة Tornado وهل كنت يا سفاري من ال 150 اللي كانوا بينزلوا ويتضربوا ويتهانوا؟؟ ولا كنت من اللي نزلوا التحرير واتسحلوا؟؟؟ اظن كلامك مناقض لوقعك يا سفاري مع احترامي ليك

بالعكس
انا متصالح مع نفسى جدا الحمد لله

انا لا اكترث لمصر !!

ولا بفكر ارجع ولا عاوز ارجع
ايا كان اللى هيحصل فى مصر يعنى

ولو معرفتش اهاجر شرعى
هشوف مركب من بتوع ايطاليا او اليونان !!

انا واخد قرارى من مده يعنى
زى فيردى بالظبط اول توبك الثوره

متعاطفين اه و نفسنا نشوفها احسن بلد فى الدنيا
بس مش عشان نعيش فيها !!

 

 

[Tornado]

انا شايف يا دكتورة فريدة ان الموضوع اتفتح بدري قبل اوانه لان مفيش لسه تغيير جذري لمصر كل اللي حصل ان مبارك مشى لسه البلد محتاجه شغل كتير جدا ومحتاجة وقت طويل وانا مشفق على الرئيس القادم لانه ممكن ميلحقش يغير كل حاجة والناس مستعجلة

الناس ممكن تغير فكرتها عن الهجرة لما تحس ان في تغيير (انا بتكلم على اللي على وشك الهجرة) صحيح هو هيتعب علشان البلد ويبذل مجهود بس لو لا قدر الله فشل فساعتها هيهاجر الى غير رجعة

طلب بسيط لو سمحتوا البلد دلوقتي مش محتاجة نقول مين احسن ومين مش احسن ومين وطني لانه قعد في مصر (مع العلم ان مش كل اللي قاعد في مصر قاعد علشان بيحبها ده قاعد غصب) ومين مش وطني (لانه مسافر او مهاجر ) لاننا بجد هنوصل لنقطة الصفر ساعتها بجد ومش بهزر لان بتفكيرنا ده منفرقش اي حاجة عن الحكام الديكتاتوريين وبعدين الثورة قامت من اجل الحرية والديمقراطية واللي انا شايفه اننا بدأنا ندفن المبدأ ده ونموته بطريقيتنا دي

اذا كان محصلش تغيير فعلي في البلد وبدأنا نقسم الناس امال لو حصل تغيير فعلي هنعمل ايه في بعض

مصر محتاجة للكل سواء قاعد هنا او مسافر او مهاجر وكل واحد يخدم البلد من موقعه

اللي في مصر يساعد البلد بتنظيفها والاعمال الخيرية ومجهودات كتير مقدرش احصرها
اللي في الخليج يقدروا يبعتوا تبرعات ولو بسيطة من اجل اعمار البلد ومساعدة الفقراء والمحتاجين
اللي مهاجرين يقدروا يخدموا كمان بدعم السياحة ممكن تقول لاصحابك الاجانب عن جمال مصر وتطمنهم ان مصر ماشية للامام وفي التقدم والاوضاع في طريقها للاستقرار وممكن تدعوهم ييجوا مصر معاك في اجازة وتعرفهم على بلدنا كده تكون قدرت تخدم السياحة وكمان عرفت العالم على مصر وجمال شعبها وكمان لازم تكون صورة مشرفة لبلدك بره لان الدعم المعنوي بتحسين صورة البلد مش اقل من اعمارها

وتحيا مصر وربنا يعيننا على خدمتها

 

 

[Tornado]

اقتباس المشاركة الأصلية كتبت بواسطة savary باشا انا قولتها قبل كده والعنوا الحرب عليا ووقفونى شهر بس اقولها تانى لانها حق ناس كتير اوى برا مصر اشرف وانضف واكثر اخلاص ووطنيه من ناس كتيره فى مصر ! الساادات و مبارك كانوا عايشين فى مصر والفريق الشاذلى الله يرحمه - واللى جزمته بيهم هما الاتنين على بعض - كان منفى فى الجزائر !! انا عموما قولت وجه نظرى وخلاص , لا بشكك ولا بصنف الناس ولا اقيم وطنيتهم واخلاصهم اعتبرها اطروحه دستوريه مش فى دستور جديد بيتعمل و من حقنا نتكلم عن التعديلات اللى فيه انا شايف ان التعديل دا هيخلى ناس كتير تفكر مره واتنين وتلاته هيخلينا نحافظ على الكفاءات النظام القديم كان بيتمنى ان مصر كلها تروح الخليج او تهاجر او تروح فى داهيه مش عاوز حد بيفكر يقعد فى مصر و القانون دا - منع ازدواج الجنسيه - موجود فى بلاااااد كتيره جدا و بلاد محترمه مش اى كلام __________________________________________________ ______________ احم احم انا مقولتش المعنى دا خالص على فكره انا قولت اللى عاوز باسبور كندى او امريكى او استرالى وعاوز يتعب فى كندا و امريكا واستراليا و شايف ان تعبه هناك هيكون مجدى اكتر وافيد اكتر يتوكل على الله !! عموما انا فهمت دلوقتى سر المعارك الحربيه اللى كانت بتحصل فى المنتدى بين رواد باب كندا و باقى الاعضاء الموضوع ملهوش دعوه ببلد او وطن الموضوع ملهوش دعوه بوطنيه وانتماء الموضوع ملهوش دعوه باحترام قرار او ما شابه الموضوع - انا اسف يعنى - طبقى وبرجوازى واللى بيحب يصنف الناس ترنشات - طبقات يعنى - هو اللى بيبقى زعلان اوى من نطنطه احدهم وهو يحمل جواز سفر كندى او امريكى او استرالى لان الطبقى والبرجوازى واللى بيصنف الناس طرنشات عنده قواعد للنطنطه ظابط الشرطه يتنطنط وكيل النيابه يتنطنط الاستاذ الجامعى يتنطنط رجال الاعمال واصحاب الملايين يتنطنطوا ممكن نقول الدكاتره ( بشرى - صيدله -اسنان -بيطرى) يتنطنطوا وكل فئه وليها درجه فى ال (نطنطه ) المشكله ان اللى بيهاجر بيضربلهم الطبقات اللى فى دماغهم خالص !! بيلخبطلهم الجدول اللى مصنفين عليه البشر فى مصر !! عشان كده بيحاولوا دايما اقصائهم وابعادهم و الشكوى منهم !! معلش التحليل يمكن يكون صادم شويه للبعض بس اهى قراءه قد تصيب وقد تخيب .

تحياتي ليك يا سفاري وربنا يوفقك اينما كنت واوعى تكون زعلت من كلامي
.
صحيح هو الباشمهندس زناتي فين معتش بشوفه

 

 

[savary]

اقتباس المشاركة الأصلية كتبت بواسطة Tornado تحياتي ليك يا سفاري وربنا يوفقك اينما كنت واوعى تكون زعلت من كلامي . صحيح هو الباشمهندس زناتي فين معتش بشوفه

مفتقده جدا جدا جدا على فكره
عاوزين حد ساداتى اليومين دول

 

 

[أهرامات الجيزة]

رغم إني يا سفاري أختلف معاك في مواضيع أخرى قلباً و قالباً ،،،،

إلا إني بخصوص الإقتباس بأدناه ... متفق معاك على كل كلمة

اقتباس المشاركة الأصلية كتبت بواسطة savary عموما انا فهمت دلوقتى سر المعارك الحربيه اللى كانت بتحصل فى المنتدى بين رواد باب كندا و باقى الاعضاء الموضوع ملهوش دعوه ببلد او وطن الموضوع ملهوش دعوه بوطنيه وانتماء الموضوع ملهوش دعوه باحترام قرار او ما شابه الموضوع - انا اسف يعنى - طبقى وبرجوازى واللى بيحب يصنف الناس ترنشات - طبقات يعنى - هو اللى بيبقى زعلان اوى من نطنطه احدهم وهو يحمل جواز سفر كندى او امريكى او استرالى لان الطبقى والبرجوازى واللى بيصنف الناس طرنشات عنده قواعد للنطنطه ظابط الشرطه يتنطنط وكيل النيابه يتنطنط الاستاذ الجامعى يتنطنط رجال الاعمال واصحاب الملايين يتنطنطوا ممكن نقول الدكاتره ( بشرى - صيدله -اسنان -بيطرى) يتنطنطوا وكل فئه وليها درجه فى ال (نطنطه ) المشكله ان اللى بيهاجر بيضربلهم الطبقات اللى فى دماغهم خالص !! بيلخبطلهم الجدول اللى مصنفين عليه البشر فى مصر !! عشان كده بيحاولوا دايما اقصائهم وابعادهم و الشكوى منهم !! معلش التحليل يمكن يكون صادم شويه للبعض

 

 

[Morial]

مفيش اي حاجة في خططي اتغيرت
مصر امامهاعلي الاقل 25 سنةعلشان تبقي في محل مقارنةمع دول الهجرة
ده لوالامور ماشيةعلي ما يرام
المسألة مش بس نظام قمعي فاشي والا الواحد كان سعي انه يبقي حزب وطني ويعوم مع التيار اي يكون مسنود ومحدش يقدر يدوس له علي طرف وفي الحالة دي كل اموره هتمشي زي الحلاوة
ولا في فلوس كمان لأن الحل موجود
كام سنة في الخليج والواحد يرجع مصر يعيش مبسوط
انما المشكلة تكمن في شخصية شعب يعاني للاسف كمية جهل وامراض نفسية ناتجة عن حياة سياسية واجتماعية خرباننة لعقود طويلة ومفاهيم فاسدة ترسخت لدينا علي مر السنين
بدليل ان معظم المهاجرين بيعانوا في البداية لحد ما يرجعوا بني ادمين نورمال بلا عقد
وبخصوص نقطة سحب الجنسية التي اثارها البعض فبالنسبالي مفيش اي مشكلة
ماليش حاجة في مصر ابكي عليها
لا وظيفة ولا تأمينات ولا اي حاجة
الاهل والاقارب نبقي نيجي نزورهم كل سنتين زي السياح ولو اني اقنعت معظمهم بالهجرة اصلا

ملحوظة
انا عانيت الامرين مع اهلي علشان يسمحولي بالمشاركة في ثورة 25 يناير
ووصل الامر ان بابا وجهلي كلام في منتهي القسوة لكن اي خطوة تدفع بمصر للامام فأنا جاهزة للمشاركة وفي قمة السعادة
شريطة الا يتعارض ذلك مع الهجرة
علشان الواحد معندوش 34 سنة تانيين استبن يضيعهم ويقعد يبكي ندما عليهم

 

 

[Farida]

سفارى و موريال و تورنادو اتمنى لكم هجرة موفقه بجد و من كل قلبى صدقونى من ينظر هذه النظرة الى المصريين عموما حايتعذب جامد قوى فى البلد و فى التعامل ده اذا ماكانش بيعانى اشد المعاناه حاليا ربنا يوفقكم و يوفق الجميع اعتقد ان من يفكر هكذا افضل له و لعموم المصريين ان يهاجر بسرعه و من غير زعل و الله .............ولو حد اتضايق انا اسفه مقدما
بس كان فيه تعليق بسيط المصريين اللى عانوا مش بس اللى كانوا فى ميدان التحرير لأ كل المصريين حتى المعارضين للثورة لأنهم هم من نزلوا ليحموا بيتوهم من البلطجيه و المساجين و اللى ماكانش معاهم فلوس فى بدايات الشهر لعدم قبض المرتبات و اللى مازالوا فى اجازات و لم تنتظم حياتهم و اصحاب المحلات اللى اتكسرت او اللى سلعها بارت اة اللى له اخ او قريب او جار استشهد او طارت له عين او رجل او ايد
و حتى الأن فى ظل غياب الأمن الذى مازال لم ينزل بكامل طاقته و الزحام الفظيع بسبب عدم وجود ضباط مرور ...........المصريين فى مصر فعلا كلهم دفعوا و مازالوا ثمن انهم يعيشوا احسن و يعملوا مستقبل افضل لأولادهم و المصريين فى الخارج من قلقهم على اهلهم لأ كمان بمساعدتهم سواء على الفايس بوك او لتوضيح و ترسيخ فكرة الثورة فى الخارج كلنا مصريين ظهر معدننا فى وقت الشده و كل الشكر للمصريين فى الخارج لكن الىل جاى اصعب اللى جاى وقت فتن و صراعات و محاولات للألتفاف حول الثورة لسه فيه كتير قادم الل منتظر تحسن سريع يبقى واهم للأسف اللى حايقعد حايقعد و يدفع التمن و يعانى وقت الجتى و الحصاد مش دلوقتى ....اللى مصر محتاجاه فعلا فى الوقت الحالى و القادم ناس مستعده لمستويات ماديه اقل فتره انتقاليه صعبه احكام عرفيه و مشاكل ربنا يقدرنا عليها علشان كده قلت اللى مش قادر على تحملها ادعو له بسرعة الهجره و ربنا يوفقهم ..........