ثورة مصر 25 يناير 2011 ... يوم الإرادة المصرية

[VERDI]

الصحف المصرية والعربية

كل ما تريد أن تعرفه عن مظاهرات ثورة يوم 25
من نحن
لماذا نتظاهر؟
لماذا يوم 25 يناير؟
ما هي مطالبنا؟
أماكن وتوقيت المظاهرات
إرشادات التظاهر
تليفونات مهمة
لينكات تهمك
يشاركون في المظاهرات



ملاحظة هامة: يرجى زيارة الصفحة بشكل مستمر حيث أنه سيتم تحديثها بكل جديد

من نحن

بدأت الدعوة للتظاهر يوم 25 يناير من صفحة كلنا خالد سعيد وهي صفحة على الفيسبوك اتعملت عشان قضية الشهيد خالد سعيد اللي اتقتل من التعذيب والضرب في الشارع في إسكندرية يونيو 2010. الدعوة كانت عفوية ولم يكن مخططا لها من أي قوى سياسية أو شعبية. وبعد ما نشرت الدعوة وبسبب أحداث تونس تشجع كل المصريين للمطالبة بالمشاركة ونشر الفكرة. الصفحة لا تتبع أي حزب أو جماعة أو حركة أو جمعية فالصفحة مستقلة بذاتها وهي لا تؤيد شخصا أو فكرة هي لكل المصريين الذين يريدون الدفاع عن حقوقهم. والصفحة قائمة على جهود ذاتية من الأعضاء في الصفحة وده كان سر نجاحها.
لماذا نتظاهر؟

تمر مصر بواحدة من أسوأ مراحلها التاريخية في كل النواحي. فبرغم التقارير التي تذكرها الحكومة المصرية لتجميل الصورة إلا أنه وللأسف الحقيقة مختلفة عن تلك التقارير. ونزلونا جميعا يوم 25 هو بداية للنهاية، نهاية كل الصمت والرضا والخنوع لما يحدث في بلادنا وبداية لصفحة جديدة من الإيجابية والمطالبة بالحقوق. يوم 25 يناير هو مش ثورة بمعنى إنقلاب لكن هو ثورة ضد الحكومة لنقول لها أننا بدأنا الاهتمام بشؤون بعضنا البعض وسنأخذ كل حقوقنا ولن نسكت بعد اليوم.

فهناك 30 مليون مصري مريض بالاكتئاب منهم مليون ونص مرضى بالاكتئاب الجسيم وأكثر من مائة ألف محاولة انتحار خلال عام 2009 تسببت في وفاة 5000 شخص. لدينا 48 مليون فقير منهم مليونان ونصف المليون يعيشون في فقر مدقع. لدينا 12 مليون مصري بدون أي مأوى ومنهم مليون ونصف يعيشون في المقابر.

هناك فساد منهجي أدى إلى وجود قضايا فساد تزيد قيمتها جميعا بأكثر من 39 مليار جنيه خلال عام واحد فقط. ومصر تحتل
المركز 115 بين 139 دولة في تقرير التنافسية العالمين من حيث الفساد الحكومي.

هناك أكثر من 3 مليون شاب عاطل ونسبة البطالة بين الشباب تجاوزت 30% ومصر تحتل المركز الأخير بين 139 دولة في معدل الشفافية في التوظيف.

لدينا أعلى معدل لوفيات الأطفال في العالم بواقع خمسين طفلا كل 1000 ولادة. ونصف أطفال مصر تقريبا مصابون بأنيميا و8 ملايين شخص مصاب بفيروس سي. ولدينا أكثر من 100 ألف مصاب بالسرطان سنويا بسبب تلوث المياه . ولديتا سيارة إسعاف لكل 35 ألف مواطن.

في مصر قانون للطوارئ تسبب في وفاة عشرات المصريين من التعذيب والقبض على الآلاف منهم دون وجود أي سند قانوني لعمليات القبض عليهم. وبسبب استخدام الأمن لمراقبة السياسيين وإجهاض نشاطهم فقد نتج عن ذلك تزوير فاضح في انتخابات مجلس الشعب أدت إلى أن الحزب الحاكم يحصل على أكثر من تسعين بالمائة من مقاعد المجلس.

لمعرفة المزيد ومصادر هذه المعلومات يرجى مشاهدة هذا .

لماذا يوم 25 يناير؟

في بدباباته وجيوشه فاستشهد منهم 50 وأسر أكثر من 100 وضربوا أروع الأمثلة في التضحية من أجل الوطن. ونحن بعد أكثر من خمسين سنة نعاني الآن من ممارسات جهاز الشرطة الذي أصبح أداة لتعذيب المصريين وإهانتهم. وقد اخترنا هذا اليوم بالذات لأنه يرمز إلى التحام الشرطة مع الشعب وهذا ما نرجو يوم المظاهرة أن يلتحم معنا الضباط المحترمون لأن قضيتنا واحدة. يوم 25 يناير هو إجازة رسمية مما يمنح لكل المصريين المشاركة دون تعطيل أعمالهم.
ما هي مطالبنا؟

المطلب الأول: مواجهة مشكلة الفقر قبل أن تنفجر وذلك باحترام حكم القضاء المصري بزيادة الحد الأدنى للأجور زيادة عادلة خاصة في مجالات الصحة والتعليم لتحسين الخدمات المقدمة للشعب. والعمل على صرف إعانات تصل إلى 500 جنيه مصري لكل شاب خريج جامعي لا يستطيع الحصول على وظيفة وذلك لفترة محددة.

المطلب الثاني: إلغاء حالة الطوارئ والتي تسببت في سيطرة الجهاز الأمني على مصر والقبض على المعارضين لسياسات الحكومة ووضعهم في المعتقلات دون أي ذنب. ونحن نطالب بفرض سيطرة النيابة على الأقسام لوقف عمليات التعذيب المنهجية التي يتم ممارستها في أقسام الشرطة. وتنفيذ أحكام القضاء واحترامها من قبل الحكومة المصرية.

المطلب الثالث: إقالة وزير الداخلية حبيب العادلي بسبب الانفلات الأمني الذي تواجهه مصر متمثلا في الحوادث الإرهابية وانتشار الجرائم التي حدثت على يد ضباط أو عناصر من وزارة الداخلية دون وجود الرادع القوي.

المطلب الرابع: تحديد مدة الرئاسة بحيث لا تتجاوز فترتين متتاليتين لأن السلطة المطلقة مفسدة ولأنه لا توجد دولة متقدمة تسمح لرئيس الجمهورية البقاء عشرات السنين في منصبه. من حقنا أن نختار رئيسنا ومن حقنا ألا يستبد أحد بالسلطة فيحكم البلاد حتى يموت.

طبعا هناك مطالب كثيرة لكل المصريين في مجالات زي الصحة والتعليم والبداية هي إننا نتحرك مع بعض ونحقق مطلب مطلب عن طريق الضغط على الحكومة وده دورنا كشعب إننا نوجه الحكومة ونحاسبها على أداءها ونحدد أولوياتها مش العكس.

أماكن وتوقيت المظاهرات

مهم جدا إننا نفهم إن هدف المظاهرة هو إننا نحشد كل الناس معانا. الناس كلها متضايقة ومظلومة ومش راضية عن حال البلد يبقى لازم نشجعهم يشاركوا وعشان كده عايزين نعمل مسيرات في كل المناطق الشعبية والناس تنزل مع بعض في مسيرات أكتر من عشر أشخاص لحد مكان المظاهرة ده مهم جدا. وعلى فكرة أماكن المظاهرات مش مقصورة على الأماكن المذكورة هنا لأن فيه مظاهرات في أماكن تانية لم يعلن عنها وهيتنظم فيها مظاهرات في محافظات مختلفة. المهم إنك تنزل وتعبر عن رأيك وغضبك بالطريقة اللي تقدر عليها.

القاهرة الكبرى

• دوران شبرا
• دوران المطرية
• أمام جامعة القاهرة
• شارع جامعة الدول العربية

ملاحظات مهمة: يتم التجمع في المناطق المعلنة الساعة 2 ظهرا على أن تبدأ مسيرات مختلفة في المناطق الشعبية المجاورة لأماكن التظاهر وذلك لحشد الناس وتحفيزهم على المشاركة. في حالة كونك من سكان المناطق المجاورة لأماكن التجمع يرجى تنظيم مسيرة مع أهل المنطقة وفي حالة كونك من منطقة أخرى يرجى التواجد في تمام الساعة 2 ظهرا في مكان المظاهرة المعلن.

الإسكندرية
تم تحديد نقطة التجمع النهائية عند منطقة القائد إبراهيم وذلك في تمام الساعة الثالثة عصرا. على أن تتحرك مسيرات من كل من كل مناطق الاسكندرية تسير عبر الكورنيش أو الشوارع الجانبية وذلك للوصول إلى نقطة التجمع في توقيت المظاهرة بالضبط.

فيه مظاهرات أخرى ستخرج من أماكن غير معلن عنها ولمعرفة التفاصيل اتصلوا يوم التلات بعد 9 صباحا على التليفون: 01521543978

الإسماعيلية
شارع الثلاثيني وشارع السكة الحديد بجوار حمزاوي - رابط الدعوة على الفيسبوك في الإسماعيلية

المنصورة
سيتم تحديد المكان يوم الاتنين الموافق 24 يناير وللمعلومات متابعة رابط الدعوة على الفيسبوك في المنصورة

سوهاج
سيتم تحديد المكان يوم الاتنين الموافق 24 يناير وللمعلومات متابعة رابط الدعوة على الفيسبوك في سوهاج

باقي الأماكن: يرجى النزول لأسفل الصفحة والوصول لفقرة أرقام تهمك للحصول على أرقام منسقي المظاهرات في محافظتك.

 

 

[VERDI]

إرشادات التظاهر

١) المظاهرة سلمية. نحن دعاة سلام ولسنا دعاة عنف. نحن نطالب بحقوقنا ومن الأولى أن نحافظ على حقوق الآخرين. لن نستجيب لأي محاولات استفزاز من الأمن عشان يخرجنا من شعورنا ويحصل اللي هما بيخططوا ليه. هدف رئيسي من أهداف الأمن هو تصوير المتظاهرين على إنهم شوية بلطجية عايزين يخربوا البلد. يجب ضبط النفس وعدم التهور وعمل أي شيء يخالف القانون أو يعرض حياة أي شخص لخطر أو يتسبب في الإضرار بأي ممتلكات عامة أو خاصة. وفي حالة تواجد أي أفراد بيقوموا بأي عمل عنيف يرجى التكتل حول الشخص واستبعاده الفوري من داخل المظاهرة وإبلاغ الأمن عنه.

٢) يرجى التواجد في مكان المظاهرة في الوقت المحدد بالدقيقة. التأخير يتسبب في تشتيت الجهود واحتمال فشل المظاهرة. التواجد في نفس الوقت يجعل من السهل بدأ المظاهرة ويصعب على الأمن فرصة منعها.

٣) عند النزول من البيت لا تحمل أي شيء لا تحتاجه مثل كارنيهات أو الرخص أو بطاقات البنوك. احمل بطاقتك الشخصية ومبلغ كافي لأي طوارئ. ويا ريت متجيبش ساعتك أو أي حاجة تتكسر بسهولة. الزي الأفضل يكون رياضي أو جينز مع وجود جاكيت للحماية من البرد في حالة استمرار المظاهرة أو الاعتصام لوقت طويل. يا ريت كل شخص يجيب معاه قزازة مياه كبيرة لأنه داخل المظاهرة بيكون دايما في عجز في المياه.

٤) يرجى إحضار علم مصر وعدم إحضار أي شعارات أو لافتات خاصة بأي حزب أو حركة أو جماعة أو جمعية أو طائفة دينية. اليوم لكل المصريين لأننا جميعا نطالب بالمساواة في الحقوق والعدالة الاجتماعية ومش عايزين نتفرق.

٥) في حالة عدم نزولك لأي مظاهرات لا تكن في الصفوف الأمامية واترك الصفوف الأمامية لمن هم أكثر خبرة على قيادة المظاهرة أو المسيرة عشان ميحصلش لخبطة في اتخاذ القرارات.

٦) الهتافات موحدة ومتفق عليها. يرجى عدم استخدام أي ألفاظ بذيئة أو الدخول في معارك جانبية مع أفراد الأمن. الأمن المركزي مش هو عدوك. هو مجند تم إجباره أثناء خدمته في الجيش على القيام بهذا الدور وفي حالة عدم طاعته للأوامر يتم معاقبته بأقصى العقوبات. حاول بقدر الإمكان تركز مشاعر غضبك نحو عدوك الحقيقي.

٧) المحاولة قدر الإمكان لعدم تعطيل المرور في الشوارع. نحن لا نعاقب المواطنين نحن نطالب بحقوقنا. طبعا باتكلم عن التعطيل المتعمد للمرور. لأنه في حالة نزول عشرات الآلاف في أي شوارع سيتم تعطيل المرور ومش ده اللي بنتكلم عليه.

الهتافات الموحدة

فكرة الهتافات الموحدة هي من أهم أفكار التظاهر. كلنا نازلين لمصر ولازم نوحد صفوفنا ونكون إيد واحدة. هنلتزم بالهتافات مع بعض كلنا وهنركز على قضايا البطالة والفقر لأن دي القضايا اللي بتهم المصريين كلهم، ودي الهتافات اللي تم الاتفاق عليها:

• تحيا مصر .. تحيا مصر
• عيش .. حرية .. كرامة إنسانية
• حرية .. حرية .. حرية .. حرية
• يا حرية فينك فينك .. الطوارئ بيننا وبينك
• مش هنخاف مش هنطاطي .. إحنا كرهنا الصوت الواطي
• شعب تونس يا حبيب .. شمس الثورة مش هتغيب
• بالروح بالدم .. نفديك يا وطن
• ارفع صوتك قول للناس .. احنا كرهنا الظلم خلاص
• واحد اتنين .. احنا المصريين
• صحي الخلق وهز الكون .. مصر بلدنا مش هتهون
• لما شعب تونس قام .. هرب اللص والمدام
• حد أدنى للأجور .. قبل الشعب ما كله يثور
• حقي ألاقي شغل وأعيش .. والملاليم ما بتكفيش
• يلا يا مصري صحي الروح .. الحرية باب مفتوح
• يللا يا شعب عدّي الخوف .. خلي الدنيا تصحى تشوف
• شعب حضارة ومجد سنين .. مش هيطاطي ليوم الدين

تليفونات مهمة

التواصل مع المحاميين

أرقام جبهة الدفاع عن متظاهري مصر وهم مجموعة من المحاميين المتخصصين في دعم المتظاهرين والحفاظ على حقوقهم:

0120624003 - 0129295510 - 0106701470

التواصل مع منسقي المظاهرات

• القاهرة الكبرى: 0102864919 & 01521543977 & 0105805657 & 0123077912
• الإسكندرية: 01521543978
• الدقهلية: 0172320006 & 01521543976
• أسوان: 01521543979
• الغربية: 0187606131 & 01521543982
• الإسماعيلية: 0103977677 & 01521543984
• بورسعيد: 0104496590 & 01521921386
• أسيوط: 0144373186
• سوهاج: 0187627090 & 0177740064
• بني سويف: 01521543983
• السويس: 01521921385
• البحر الأحمر: 01512934066
• القليوبية: 01521921380
• الشرقية: 01521543981
• قنا والأقصر: 01521543980

لينكات تهمك

• صفحة كلنا خالد سعيد على الإنترنت
• الصفحة الرئيسية للدعوة ليوم الثورة على الفساد والبطالة والظلم والتعذيب
• الدعوة الخاصة بوقفة محاميين مصر لحماية المشاركين في المظاهرات
• جبهة الدفاع عن متظاهري مصر

يشاركون في المظاهرات

يجب الإشارة إلى أن المشاركة الأكبر في هذه المظاهرات ستكون من الجماهير المصرية غير المهتمة بالسياسة. لأن الدعوة وصلتهم ولمست مشاكلهم ومآسيهم. ولهذا فإن الدعوة من الأساس خرجت غير مسيسة وخرجت من صفحة "كلنا خالد سعيد" والتي لا تتبع أي أحزاب أو حركات ذات هدف سياسي. وقد استجابت للدعوة جميع القوى السياسية لأن المطالب واحدة ولأن هذه القوى السياسية قامت بالأساس للدفاع عن حقوق المصريين.

• حركة شباب 6 أبريل
• الحملة الشعبية لدعم مطالب التغيير
• حزب الغد
• جماعة الإخوان المسلمين
• حزب الجبهة الديموقراطية
• الدكتور محمد البلتاجي
• الأستاذ علاء الأسواني
• الكاتب الساخر بلال فضل
• المستشار محمود الخضيري
• الفنان عمرو واكد
• المخرج عمرو سلامة
• المخرج محمد دياب
• الفنان خالد أبو النجا

 

 

[VERDI]

https://www.almatareed.org/vb/showthr...t=47367&page=4
أهم الارشادات والتعليمات لحشد يوم 25 يناير أول بأول

 

 

[شريف محمد]

انا خايف ليعلنوا حظر التجول فى يوم 25
لأنهم لو اعطوا اليوم ده اجازة رسمية يبقى فعلا ممكن يعلنوا حظر التجوال

 

 

[حشيش]

اقتباس المشاركة الأصلية كتبت بواسطة VERDI https://www.almatareed.org/vb/showthr...t=47367&page=4 أهم الارشادات والتعليمات لحشد يوم 25 يناير أول بأول

طيب ليه ما نضمش الموضوعين يا فردى بدل تشتيت الناس؟

 

 

[اسلامنا]

اقتباس المشاركة الأصلية كتبت بواسطة VERDI هو ده السيناريو الاقرب للحدوث من وجهة نظري قبل كده كانوا بيعتدوا على المتظاهرين عشان يفرقوهم هم في اعتقادي هايستخدموا سياسة التطنيش عشان نزهق ونروح لانهم عارفين استفزاز الكم الكبير ده من الناس هايؤدي الى حالة انفجار وهم مش عايزين ده وهنا بقى المفروض نكون صاحيين ولازم اللي ينزل يعمل حسابه انه ليل ونهار بره لحد ماهم اللي يزهقوا, خاصة بالليل لازم الناس تكون كلها في الشارع وده نصيحة أخ تونسي شارك في مظاهرات تونس, لان المظاهرات ليلا أأمن للناس وبتكون نتيجتها ارهاق الامن

يااااا طب على كده مهم ان عدد المتظاهرين يكون من فئه الرجال اكيد البنات هتروح لو الوقت اتأخر جدا خصوصا اللى بيسافر

اقتباس المشاركة الأصلية كتبت بواسطة VERDI البورصة بتقع والفلوس بتتهرب ومجموعة كلنا خالد سعيد نزلت الجواب ده

واااااااااااو اول مره اقرأ الكلام ده طيب مش ممكن يكون كلام فاضى يعنى الراجل ده بيشتغل الادمن مثلا ؟؟؟؟؟ يعنى قرأت ان فى ناس ممكن تقول حاجات ما حصلتش بغرض تحميس الناس اكتر؟؟؟؟

 

 

[doctor farouk]

دروس يجب الاستفاده منها

في الجزائر
قام الامن بسد الشوراع المؤديه لاماكن التظاهرات
مما ادي لضعف التجمعات

في اليمن
قام الامن يتكليف البلطجيه في زي مدني بالتهجم علي الشعب وقال ان الشهب منشق علي نفسه فمنهم من يرد الرئيس ومنهم من لا يريده ولذلك يجب استخدام القوه لفرض النظام

 

 

[اسلامنا]

ياشباب نزل بيان باماكن التظاهر فى بعض المحافظات هنا
https://docs.google.com/document/d/1....8nugj1-96t161

طيب بالله عليكم اللى يفهم الاسكندريه يشرحها لى تفصيلى شويه يعنى نروح مباشره على القائد ابراهيم ولا الكورنيش مش فاهمه كويس؟؟؟؟؟؟؟؟؟

 

 

[doctor farouk]

برجاء من الناس تحفظ ارقام التليفونات والتعليمات في جهاز الكمبيوتر لان مش عارفين الامن ممكن يعمل ايه لانه من المتوقع مثلا تلاقي النت التلات الصبح مش شغال
فكل واحد يكتب النمر دلوقت ويحفظ الصفحات علي جهازه

 

 

[اسلامنا]

وكمان القاهره المظاهره هتكون الساعه 2 والاسكندريه الساعه 3 مش هما قالوا كلها فى وقت واحد؟؟؟؟؟؟؟؟؟؟