#رضوى_فين؟ يتصدر بعد القبض على رضوى محمد لمهاجمتها السيسي وزوجته

[المستشار الصحفى]

تصدر وسم #رضوى_فين قائمة الأكثر تداولاً في مصر، بأكثر من ثلاثين ألف تغريدة على "تويتر"، بعد أن دشنه مغردون للتساؤل عن مصير الفتاة رضوى محمد، التي انتشرت لها على مواقع التواصل الاجتماعي، فيديوهات قصيرة تهاجم فيها الرئيس عبد الفتاح السيسي وزوجته انتصار، وتدعو النساء للنزول للتظاهر ضد النظام.

وأعلن المقاول والفنان محمد علي، أنّه تلقى من محمد رسالة صوتية، مساء الثلاثاء، تؤكد محاصرة قوات الأمن المركزي لمكان إقامتها، وخوفها من إلقاء القبض عليها، لينتشر الوسم الذي يوجه السؤال للأمن عن مكانها.

وكتبت ندى محمود: "‏رضوى البنت الجدعة اللي فضحت السيسي ومراته انتصار اللي عمال يبني ليها في قصور كانت فاكره انه هيخاف يحبسها بعد ما صوتها وصل الناس وانه عنده نخوة ومش ممكن يحبس بنت.. عصابة السيسي النهاردة راحت اقتحمت بيتها وخطفتها ومن ساعتها ماحدش يعرف عنها حاجة. #رضوى_فين".

وغردت غالية محمد: "‏‎#رضوى_فين؟ زيها زي أي حد بيقول كلمة حق في البلد دي لازم يروح وراء الشمس، تاريخ العسكر هو كدا على طول أي حد يتكلم يعتقل #حقوق_الانسان في مصر بيتم دهسها لأننا محتلون بمعنى الكلمة".

وعلقت سناء السيد: "‏‎#رضوى_فين؟ كلنا مدانون بسكوتنا.. كلنا مسؤولون فرادى وجماعات أمام الله والإنسانية عن بقاء بلاء وابتلاء الخسيس حتى الآن.. كلنا مدانون عن اختفاء البنات واعتقالهن وانتهاك أعراضهن.. عن الدم المراق على أرض مصر.. كلنا مدينون للشهداء والمعتقلين بالسجون ولمصر الأسيرة وشعبها المكبل.. اتحدوا يرحمكم الله".

وأكدت هنا: "‏‎#رضوى_فين #مبادرة_الجوكر عندما تدور الدوائر لا تلوم الشعب ولكن لوموا أنفسكم فلم تتركوا باب واحد للرحمة يمكن ان يرحمكم من خلاله الشعب".

وكتب إبراهيم رضوان: "‏ما كانت تفعله حكومة مبارك وزيارات الفجر عادت مرة أخرى وما حدث مع مبارك ليس ببعيد. #رضوى_فين".

وقال حساب "مصر التي في خاطري": "‏‎#رضوى_فين؟ رضوى كانت بتتكلم بصوت كل حرة .. رافضة للظلم إلي بيحصل لغيرها.. ادعموها لأنها اتكلمت بصوتنا وعلشانا اليوم الظلم عند رضوى وبكرا اكييد عند حد مننا".



وغرد "هوزو": "‏في مصر .. يا يبقى ضمريك ميت .. يا تبقى انت ميت .. #رضوى قررت تخلص نفسها من العار اللي راكبها وقررت تستجيب لضميرها في بلد ماتت فيه المروءة والضمير فلحت باخواتها الرجالة. #رضوى_فين".

وشبهت شيماء: "‏الشعب المصري شبه عشة الفراخ واحد بيدخل يمسك فرخة والباقي يجري من قدامه برغم ان لو رجعوا كلهم عليه وبضوافرهم هيقطعوه انما العامل الفاصل هنا .. الخوف. #رضوى_فين".

وتساءل تامر: "‏الجماعة بتوع الى عايز يعارض يعارض من مصر ..انتو كويسين؟ طمنونا عليكو؟ ‎#رضوى_فين".

وكتبت صفوة: "‏‎#رضوى_فين؟ كل واحد يطلع يحاول يهز الشعب عشان يفوق ياخدوه. والشعب نايم أو عامل نايم، من رضوى للي نزل التحرير لوحده لغيره وغيره.. ايه هو ده، خلاص استسلام... يعني فعلا بننفخ في قربة مقطوعة ... ولسه على القاع؟".

















مزيد من التفاصيل