Arabic Discussion Forum with a Special Interest in Travel and Immigration

بنت شعنونة · 16th January 2010, 04:59 PM

اول ما تخرج وتلاقي الشوارع فااااااااااااااااااااااااضية تعرف ان الماتش شغال

اول ما تدخل محل وتلاقي الناس بتبص للتلفزيون كده هو
على طريقة روتانا سينما مش هاتقدر تغمض عينيك تعرف ان الماتش شغال

اول ما تلاقي علم مصر او اعلام حمرا او اعلام بيضا تعرف ان الماتش قرب

اول ما تلاقي واحد سلبوتة عمال يتنطط على كبوت عربيتك والناس مبسوطة ومش زعلانة بل وبالعكس ممكن ناس تانية سواء لابسا او مش لابسا هدومها تنضم ليه في وصلة رقص بلدي او "بيئة" على كبوت او سقف عربيتك برضه

لو لاقيت تجمع ناس خرافي في ميدان او شارع مقفول بسبب ناس عمالة تطبل وترقص وتبخ نار في السما تعرف ان مصر كسبت

لما تلاقي كل الشباب بيلعبوا ماتشات طول اليوم تعرف ان الفرَة قربت

لما تطلبي حاجا من جوزك ويوافق في ثانية عشان يخلص منك يبقى هوا بيتفرج ع الماتش!

لما زوج خبط مراته على نافوخها بكوباية بسبب انها عدت قدام التلفزيون يبقى برضه كان بيتفرج ع الماتش

لما تلاقي التاس لبست "طراطير" عليها علم مصر او قبعات كوميدية بالوان علم مصر لو لونو وشهم او جسمهم يبقى الماتش قرب

لما تلاقي الكافيه زحمة وبالحجز من قبلها بيومين والسعر مضروب في اتنين يبقى الماتش قرب برضه

حد يكمل بقى

fatfouta · 16th January 2010, 05:13 PM

لما تلاقى المنتدى فاضى (على رأى حموش) وكل الناس مش موجودة

مدى · 16th January 2010, 06:51 PM

- لما تمري جنب قهوة وكافيه وتلاقي الناس فيه متجمعة وكأن عوكل بيحكلهم ان الإحتلال دخل مصر..!
- سواق التاكسي يفرض عليكي تسمعي معاه الشباب والرياضة ويناقشك فــ الماتش كماان غصب واقتدار..!

oskasan · 16th January 2010, 07:46 PM

لما الاقى ابنى بيذاكر لوحده من غير ما أمه صوتها يجيب آخر الشارع
ذااااااااااااااااااااكر
علشان مستنى ميعاد الماتش ويتفرج عليه

Farida · 16th January 2010, 07:55 PM

لما اروح من المنيل للهرم فى 10 دقايق بالتمام و الكمال و من غير ولا اشارة واحده توحد ربنا

dr-amira · 16th January 2010, 08:17 PM

لما اقعد فى الصيدلية ساعتين بالتمام ما فيش مخلوق يدخل من الباب

بنت شعنونة · 16th January 2010, 08:52 PM

لما تسمع صرخة واحدا من كل الجمهورية شبه صرخة برايف هارت في تحرير اسكتلندا

هييييييييييييييييييييييييييييييييييييييييه

بنت شعنونة · 16th January 2010, 08:54 PM

لما اتصل بالدكتور بتاع بنتي عشان احجز معاد وفي العادة مواعيده من 4-8
الاقي التمرجي بيرد عليا
النهاردا ها نخلص الساعا 7 عشان الماتش

dr-amira · 16th January 2010, 08:57 PM

اقتباس

المشاركة الأصلية كتبت بواسطة بنت شعنونة


	لما اتصل بالدكتور بتاع بنتي عشان احجز معاد وفي العادة مواعيده من 4-8 الاقي التمرجي بيرد عليا النهاردا ها نخلص الساعا 7 عشان الماتش

ما هو عشان كده ما حدش دخل الصيلية طول الماتش

همستى · 16th January 2010, 08:58 PM

لما تلاقى الطلبة فى الجامعة بيقولوا يا دكتور يالا بسرعة , وكفاية كدة , هو حضرتك مش ناوى تتفرج على الماتش ولا حضرتك مش بتشجع منتخب بلادك

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
حازم صلاح ابو اسماعيل..عيب على شيبتك!	شؤون مصر الداخلية	د. يحي الشاعر	409	32074	3rd April 2012 09:34 PM
حشيش..مش نافع كدا على فكرة وانا ابتديت اتنرفز..!!	إقتراحات ... مشاكل تقنية	Rapt	27	3956	31st March 2012 04:25 AM
"حظ سعيد" خدت قفا على سهوة..!	صحافة ... إعلام ... سينما ومسرح	بنت شعنونة	0	1534	29th March 2012 09:05 PM
اضحك..كركر..او..الطم مع مرشحين الرئاسة!!	موضوعات عامة ... موضوعات خفيفة ... منوعات	rgydaa	83	14215	10th March 2012 07:21 PM
عايزة مساعدة عااااجلة :))	موضوعات عامة ... موضوعات خفيفة ... منوعات	بنت شعنونة	8	5559	2nd March 2012 01:13 PM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ازاي تعرف انك بتسوق في "القاهرة"..!!!	بنت شعنونة	موضوعات عامة ... موضوعات خفيفة ... منوعات	44	8th January 2011 09:44 PM
ازاي تعرف انك بتتفرج على فيلم مصري؟	بنت شعنونة	موضوعات عامة ... موضوعات خفيفة ... منوعات	77	6th September 2010 11:19 AM
انه جلال الدين الشرقاوي فلاح من مصر	أسامة الكباريتي	فلسطين أرض الرباط	4	23rd June 2010 02:15 AM
ازاي تعرف انك بتتفرج على برنامج اطفال في مصر؟	بنت شعنونة	موضوعات عامة ... موضوعات خفيفة ... منوعات	14	14th January 2010 10:16 PM
ازاى تعرف انك اتربيت فى بيت مصرى - من وحى شكلها باظت لعمر طاهر	Farida	موضوعات عامة ... موضوعات خفيفة ... منوعات	18	23rd November 2008 06:14 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

موضوعات عامة ... موضوعات خفيفة ... منوعات

ازاي تعرف انه مصر بتلعب ماتش؟