Arabic Discussion Forum with a Special Interest in Travel and Immigration

bond · 5th December 2011, 10:53 AM

عندنا فى الاسكندرية الجماعة السلفية تدعم بشدة وتعطى اصواتها لطارق طلعت مصطفى
هل هناك تفسير لهذا ؟؟؟؟؟؟؟؟؟
معلوماتى ان طارق طلعت من الفلول وانه قام بخرق جميع اصول اللعبة الانتخابية
من رشاوى انتخابية ودعاية وخلافه فوق انه من الفلول واخوه قاتل بلا جدال
هل يوجد اى تفسير من اى حد له رؤية واضحة لهذا التوجه!!!

كلزار · 5th December 2011, 11:04 AM

ليه وفين اهالي الدئرة
مش معقول كلهم سلفين

ممكن يكونوا قابضين يا بوند

ودا دليل على مصلحتهم فقط
مايهمهمشي مصلحة مصر

brain · 5th December 2011, 11:22 AM

ابحث عن العائد او الفائده
انتخابات العمال عن نفس الدائره بين مرشح الاخوان و مرشح السلفيين
فالسلفيين - بحقاره منقطعة النظير - يريدون ان يعطوا اصواتهم للفل اخو الفل
مقابل ان يعطي ناخبو الفل اصواتهم لمرشحهم السلفي امام مرشح الاخوان
صاحب الفكره دي
واطي واطي بصحيح

bond · 5th December 2011, 11:38 AM

اقتباس


	صاحب الفكره دي واطي واطي بصحيح

لا يا بيرين باشا
لا اعتقد السلفيين ناس مرجعيتهم دينية ومظهرهم كذلك مش معقول يكونوا بتوع صفقات وكذابين كده
ياراجل قول كلام غير ده

alex fox · 5th December 2011, 12:48 PM

اقتباس

المشاركة الأصلية كتبت بواسطة bond


	عندنا فى الاسكندرية الجماعة السلفية تدعم بشدة وتعطى اصواتها لطارق طلعت مصطفى هل هناك تفسير لهذا ؟؟؟؟؟؟؟؟؟ معلوماتى ان طارق طلعت من الفلول وانه قام بخرق جميع اصول اللعبة الانتخابية من رشاوى انتخابية ودعاية وخلافه فوق انه من الفلول واخوه قاتل بلا جدال هل يوجد اى تفسير من اى حد له رؤية واضحة لهذا التوجه!!!

انا اتشلييييييييييت...

كل ما اتكلم مع حد منهم ضغطى يعلى...

منهم اللى بيقول انه انتخب حزب النور علشان مش عايز اللى بيمثله فى البرلمان يكون بيحلق دقنه وبيسمع اغانى..

ومنهم اللى بيقول انه انتخب حزب النور علشان دى ناس بتاعت ربنا وهما اللى هايصلحوا حال البلد...

أمبارح عندنا كانو بيقولو للناس ان الكنيسة بتدعم حسنى دويدار اللى نازل قصاد عبدالمنعم الشحات وبيحاولو يكرهو الناس فيه بكل الطرق...

هما بيلطشو وخلاص...
مش فاهمين هما بيعملو أيه...
ومفهمين الناس ان السلفيين داخلين مجلس الشعب علشان يوقفوا الأنحلال اللى فى البلد ويقيمو شرع الله...

مش بس كده...
بجد فى كتير من أعضاء حزب النور فاهمين أنهم بمجرد دخول البرلمان هايقيمو دولة إسلامية (من وجهة نظرهم) بمنتهى البساطة...

وكفاية كده أحسن الضغط بيعلى ع السيرة...

savary · 5th December 2011, 01:49 PM

هذه هى السياسة

لا تنخدع باللحى الطويلة

ولا تنخدع بالبتنجان هو الحل

السلفيين هما الاخوان هما الحزب الوطنى هما السياسين فى كل زمان و مكان

فتش عن مصالحك فقط

بأى شكل و بأى صورة !!

الاخوان أخدوا نقابة الصيادلة بتحالف علنى مع الفلول

الاخوان كسبوا انتخابات اندية زى نادى الشمس مثلا بتعاون تام مع الفلول

دى مشكلة خلط الدين بالسياسة

انها فى النهاية هتضرب الدين !!

ستفقدنا الثقة فى الدين نفسه !

السياسة مناورات و مصالح

الدين مفهوش مناورات و مفهوش مصالح

الدين حق مطلق لا يلوث بمواقف متضاربة ومصالح وقتيه !!

ولما حد بيقولهم كدا تلاقى الجعاورة اياها اتفتحت

العلمااااااااااااانييييييييييين

عاوزين يمنعوا الاسلام

طيب يا برنس أنت و هوا

كملوا كده و انتوا اللى بأيديكوا اللى هتقضوا على الاسلام !!

savary · 5th December 2011, 02:22 PM

والفيلم دا مش هيخلص

الاسلاميين يحطوا عشرين مادة تعبر عن مفهومهم للحاكمية أو لحكم الشريعة

وعلى الناحية التانية فى عشرين مادة متعلقة بالحريات من دستور 54 ومتبنياهم القوة المدنية

يظبطوا دول مع دول و يحطوهم كمواد فوق دستورية ونخلص من فيلم المزايدات دا !!

HanyMan · 5th December 2011, 03:04 PM

اقتباس

المشاركة الأصلية كتبت بواسطة bond


	لا يا بيرين باشا لا اعتقد السلفيين ناس مرجعيتهم دينية ومظهرهم كذلك مش معقول يكونوا بتوع صفقات وكذابين كده ياراجل قول كلام غير ده

يا أما انت طيب يا أبا الحاج بوند
وانا اللى فاكرك مفتح

alex fox · 5th December 2011, 03:21 PM

اقتباس

المشاركة الأصلية كتبت بواسطة bond


	لا يا بيرين باشا لا اعتقد السلفيين ناس مرجعيتهم دينية ومظهرهم كذلك مش معقول يكونوا بتوع صفقات وكذابين كده ياراجل قول كلام غير ده

ثورة الغضب المصرية الثالثة
منشور منسوب لحملة عبد المنعم الشحات يوزرع بالأسكندرية ، ويدعى دعم الكنيسة لمرشح الإخوان حسنى محمد طه عبد الكريم ضد الأول فى إنتخابات الإعادة على كرسى الفئات الجارية اليوم وغداً... #Egypt #EgyElections

جدة حبيبه · 5th December 2011, 03:29 PM

دعوه لموضوعي

كيفية صلاة النبى صل الله عليه وسلم

https://www.facebook.com/video/video....16978855&saved

دعم السلفيين لطارق طلعت مصطفى

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
الملك الفانى	أدب وشعر وقراءات متنوعة	Eng.Fathy Elbanna	3	846	27th February 2014 09:10 PM
قف للبرادعى	أدب وشعر وقراءات متنوعة	مصري سكندري	21	4136	6th July 2013 06:24 PM
اصابة يوسف الحسينى فى حادث مروع	شؤون مصر الداخلية	Eng Hesham	16	2367	18th November 2012 12:23 AM
تهنئة بالعيد لجميع المطاريد	ترحيبات ... مناسبات ... علاقات عامة	بنت البلد	5	1421	24th October 2012 06:59 PM
كل عام وانتم بخير	ترحيبات ... مناسبات ... علاقات عامة	Remooo	3	1270	18th August 2012 07:10 PM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حتى لا يخرج الموضوع عن مساره , السلفيون , طارق طلعت مصطفى , والخضيرى	محمد المرى	شؤون مصر الداخلية	41	11th December 2011 11:48 PM
طارق طلعت مصطفي والرشاوي الانتخابيه في الاسكندريه	doctor farouk	إنتخابات الرئاسة	4	28th November 2011 05:17 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

مناقشات وحوارات جادة

السلفيون يدعمون طارق طلعت مصطفى