Arabic Discussion Forum with a Special Interest in Travel and Immigration

حشيش · 19th November 2010, 04:48 PM

أنا عارف إن حمودى والريس جناوى وبايو حيلقحوا الموضوع ده فى الأرشيف بس بصراحة أنا مستغرب إزاى العربية بتدور الصبح فى كندا فى الشتاء ودرجة الحرارة ممكن تكون 20 تحت الصفر؟! ... يعنى بتدور على طول ولا بتقعد تترعش وبعدين تبطل؟ ... يعنى بتغلبكم الصبح على ما بتدور؟ ... إعدلونى بقى عالقبلة قبل ما الموضوع يتحذف

GSoleiman · 19th November 2010, 05:03 PM

اقتباس

المشاركة الأصلية كتبت بواسطة حشيش


	أنا عارف إن حمودى والريس جناوى وبايو حيلقحوا الموضوع ده فى الأرشيف بس بصراحة أنا مستغرب إزاى العربية بتدور الصبح فى كندا فى الشتاء ودرجة الحرارة ممكن تكون 20 تحت الصفر؟! ... يعنى بتدور على طول ولا بتقعد تترعش وبعدين تبطل؟ ... يعنى بتغلبكم الصبح على ما بتدور؟ ... إعدلونى بقى عالقبلة قبل ما الموضوع يتحذف

حشيش

أنا بكتب دلوقتي والحرارة عندنا -22 في كالجري...

الموضوع بسيط... لو العربية مركونة في جراج البيت... بتدور أسهل عشان الحرارة جوا بتكون أفضل من برة ودة طبعاً نتيجة طريقة بناء البيوت هنا وخامات العزل وما إلى ذلك...

أما لو بتركن في parking spot في الخلاء... بيبقى فيه حاجة راكبة في العربية اسمها block heater... دي بتوصلها بفيشة عادية لمصدر كهربا بيكون public في ال-parking من بالليل...

د بيدفي الزيت بتاع العربية عشان ميتجمدش وتدور علطول...دة طبعاً مع وضع سائل antifreeze بدل مياه التبريد العادية عشان ميتجمدش برضو...

أرجو اني أكون وضحت الصورة شوية...

تحياتي

حشيش · 19th November 2010, 05:06 PM

اقتباس

المشاركة الأصلية كتبت بواسطة GSoleiman


	حشيش أنا بكتب دلوقتي والحرارة عندنا -22 في كالجري... الموضوع بسيط... لو العربية مركونة في جراج البيت... بتدور أسهل عشان الحرارة جوا بتكون أفضل من برة ودة طبعاً نتيجة طريقة بناء البيوت هنا وخامات العزل وما إلى ذلك... أما لو بتركن في parking spot في الخلاء... بيبقى فيه حاجة راكبة في العربية اسمها block heater... دي بتوصلها بفيشة عادية لمصدر كهربا بيكون public في ال-parking من بالليل... د بيدفي الزيت بتاع العربية عشان ميتجمدش وتدور علطول...دة طبعاً مع وضع سائل antifreeze بدل مياه التبريد العادية عشان ميتجمدش برضو... أرجو اني أكون وضحت الصورة شوية... تحياتي

شكراً جزيلاً ... بس مفهمتش المظلل بالأحمر

حشيش · 19th November 2010, 05:04 PM

أقترح تثبيت الموضوع بعد ما حصد مئات الردود فى فترة وجيزة

Ehab Salem · 19th November 2010, 05:13 PM

زي ما وضح الفاضل جورج سليمان كده بالضبط .... بس إحنا معندناش في أونتاريو موضوع فيش الكهربا ده في الباركينج و عمري ما شفت حد بيوصل العربيه بالكهربا هنا ... يمكن عشان درجات الحراره مش بتوصل درجات منخفضه قوي زي ألبرتا و شمال أونتاريو .... بس أنا سمعت عن موضوع ال Block heater ده و أعرف إنه موجود في كل العربيات عشان لو روحت حته برد قوي .... أنا معرفش موجود فين في عربيتي الصراحه

الخلاصه لاصه يا عم حشيش .... أنا بقالي 3 سنين هنا و عمر ما قابلتني مشكله في تشغيل العربيه في درجة حراره تحت الصفر بغض النظر عن مكان ركنتها ..... بتدور على طول من أول مره

أنا عارف هأروح ألاقي العربيه مولعه

حشيش · 19th November 2010, 05:15 PM

اقتباس

المشاركة الأصلية كتبت بواسطة مفيش فايده


	زي ما وضح الفاضل جورج سليمان كده بالضبط .... بس إحنا معندناش في أونتاريو موضوع فيش الكهربا ده في الباركينج و عمري ما شفت حد بيوصل العربيه بالكهربا هنا ... يمكن عشان درجات الحراره مش بتوصل درجات منخفضه قوي زي ألبرتا و شمال أونتاريو .... بس أنا سمعت عن موضوع ال Block heater ده و أعرف إنه موجود في كل العربيات عشان لو روحت حته برد قوي .... أنا معرفش موجود فين في عربيتي الصراحه الخلاصه لاصه يا عم حشيش .... أنا بقالي 3 سنين هنا و عمر ما قابلتني مشكله في تشغيل العربيه بغض النظر عن درجة الحراره أو مكان ركنتها .....

ياما انتو فى عز يا ولاد البندر

Ehab Salem · 19th November 2010, 05:22 PM

اقتباس

المشاركة الأصلية كتبت بواسطة حشيش


	ياما انتو فى عز يا ولاد البندر

كالجاري بندر برضه يا عم حشيش و عايمين على البترول عوم (تاني أكبر إحتياطي في العالم بعد السعوديه)

اللهم لا حسد يا عم جورج

بس الدنيا عندهم أبرد لإنهم فوق في الشمال شويتين

GSoleiman · 19th November 2010, 05:29 PM

اقتباس

المشاركة الأصلية كتبت بواسطة مفيش فايده


	كالجاري بندر برضه يا عم حشيش و عايمين على البترول عوم (تاني أكبر إحتياطي في العالم بعد السعوديه) اللهم لا حسد يا عم جورج بس الدنيا عندهم أبرد لإنهم فوق في الشمال شويتين

فعلاً كالجري بندر... أنا بصراحة عجبتني أكتر من mississauga إلي عايشة فيها أختي من 8 سنين...

هنا الناس أقل والطبيعة حلوة أوي عشان ال-rockies... والأحلى طبعاً البترول... ربنا يديمها نعمة بقى...

انما بردو الجماعة بتوع ال-IT Consultations عيني عليهم باردة... كام software على database على interface على مش عارف إيه تاني بصراحة... وعبي يا ريس بالشوال...

أنا طبعاً مش باقر يعني ولا أي حاجة...

ربنا يزيدك يا هندسة ويسعدك...

تحياتي

ehabtaher · 19th November 2010, 06:14 PM

اقتباس

المشاركة الأصلية كتبت بواسطة مفيش فايده


	كالجاري بندر برضه يا عم حشيش و عايمين على البترول عوم (تاني أكبر إحتياطي في العالم بعد السعوديه) اللهم لا حسد يا عم جورج بس الدنيا عندهم أبرد لإنهم فوق في الشمال شويتين

حاجه غريبه
هو البترول ده يا موجود فى حته حر بدون تفاهم يا برد بدون تفاهم
مافيش وسط يعنى ..

Dr.Samo · 20th November 2010, 02:26 PM

اقتباس

المشاركة الأصلية كتبت بواسطة مفيش فايده


	الخلاصه لاصه يا عم حشيش .... أنا بقالي 3 سنين هنا و عمر ما قابلتني مشكله في تشغيل العربيه في درجة حراره تحت الصفر بغض النظر عن مكان ركنتها ..... بتدور على طول من أول مره أنا عارف هأروح ألاقي العربيه مولعه

ربنا يبارك فيك يا هندسة ..... الواحد فطس على نفسة من الضحك

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
العملة الرقمية Tether ورمزها USDT	مال وأعمال	حشيش	0	2908	5th March 2024 07:09 PM
عطل يضرب فيسبوك وإنستجرام	Facebook	حشيش	1	2292	5th March 2024 03:45 PM
فضائح وأسرار على متن سفينة الأثرياء "ذا...	موضوعات عامة ... موضوعات خفيفة ... منوعات	حشيش	0	2213	27th February 2024 12:42 PM
خطوات التقديم على فيزا أيرلندا	أبناؤنا فى الخارج	حشيش	0	1279	16th January 2024 01:41 AM
السعر الحقيقي للجنيه المصري أمام العملات الأجنبية	شؤون مصر الداخلية	حشيش	53	5850	6th January 2024 06:41 PM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تصدقوا أن كندا دي بلد محترمه	ليون	الهجرة إلى كندا	28	5th June 2011 06:24 PM
حملة شعبية في كندا للمطالبة بتوقيف بوش في جرائم حرب ... عمار يا كندا ...	MFaisal	شؤون عربية ودولية	0	6th October 2009 06:35 PM
الصبى والجرسونة	حشيش	منقوووووووووووولات	4	22nd July 2009 09:36 AM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

الهجرة إلى كندا

إزاى العربية بتدور فى تلج كندا الصبح؟!