Arabic Discussion Forum with a Special Interest in Travel and Immigration

ليون · 8th June 2010, 06:03 AM

السلام عليكم ورحمة الله وبركاته

مش عارف أبدأ الحكاية من فين بس انا هكتب
امبارح الأثنين 6 يونيو طلعت رحله بالكواد إلى الغابة ( الكواد ده زي البيتش باجي بس اقوي منه بكتير - من الاخر موتسيكل بأربع عجلات اقوي من القطر - في التلج بيمشي وفي الطين بيمشي مبيقولش لأ ابدا )
المهم علشان اختصر وقعت من على الكواد على وشي وجسمي حمل على رقبتي فا حسيت بألم شديد في رقبتي .. رحت المستشفى ... طبعا الحمد لله المره دي كنت طلعت البيرتا هيلس ( التأمين الطبي ) اخدو مني الرقم .. واقعدت في غرفة الأستقبال ... شويه وجت ممرضه بمرتبة دكتوره في مصر أتكلمت معايا وقاستلي الضغط وجبتلي حاجه كده حطيتها في رقبتي وطلبت مني انام على السرير وما احركش رقبتي .. بتعملني بكل أدب واحترام وخايفه عاليا اكني ابنها .. وانا برفض وعاوز اشيل البتاع اللي في رقبتي دي .. تقولي لو سمحت بعد إذنك معلش انا اسفه خليها لغاية ما تعمل الأشعه
المهم قعد ساكت جه الدكتور وكشف عاليا وطلب مني اروح الأشعه .. وانا رايح الأشعه افتكرت انهم هيخدوا صوره ولا اتنين وخلاص .. اخدوا اكتر من 25 صورة لرقبتي ودماغي بس والله انا زهقت من كتر ما اخدوا صور الأشعة ... ونفس الحكايه الممرضه بكل أدب واحترام معلش انا متأسفه احنا عاوزين نطمن عليك علشان خاطرنا ... سبحان الله خايفين عاليا اكتر من نفسي بصراحه انا مكنتش مصدق
وبعد شويه الدكتور شك انه عندي كسر في العمود الفقري في خمس دقائق لقيت المستشفى كلها جنبي وجبولي لوح واستأذنوا مني يحطوني عليه ويربطوني علشان رقبتي متتحركش ... انا فضلت اقولهم عاوز اروح بيتنا وهمضيلكم ورقه اني مسئول عن نفسي ... ولا اكنهم سامعين حاجه .. ويقنعوا فيه و يتحيلوا عاليا ويتأسفولي .. الدكتور كان لسه مهاجر جديد من جنوب افريقيا .. قلتله يا دكتور انا لو في مصر كانوا روحوني من زمان ... قالي إحنا في كندا... حياتك اهم من اي شيئ
وشويه والاسعاف جه .. واتنين ممرضات جم شالوني حطوني في الاسعاف واخدني لمستشفى اكبر من المستشفى اللي كنت فيها علشان اعمل اشعه على جهاز اكبر ( C.T SCAN )
الاسعاف ايه مجهز و أكنه مستشفي من مستشفيات مصر الممرضه قاعد جنبي وجهاز ضغط في ايدي ومش عاف ايه في صباعي وكل ربع ساعه تقيسلي الضغط ومش عارف تعمل ايه .. بصراحه انا زهقت .. نفس الكلام تتأسف وتعتزر وتقولي معلش احنا خايفين عليك
وصلت المستشفى ( A of U ) مستشفى جامعة البرتا ... اخدوني لغرفة الأشعه .. طقم ممرضات حوالي 6 واتنين دكاتره بيكشفوا عاليا ... جهاز ضغط تاني وحجات غريبا في صباعي وحجات اغرب على صدري ... واخدوا 3 صور اشعة على جهاز اكبر ... في الفتره ده كنت بحاول احرك رقبتي ... ممرضه وقفه جنبي مخصوص علشان ما احركش رقبتي ... فضلوا يقلبوا فيه لغاية ما الدكتور أتأكد 100 % اني الحمد لله سليم ومفيش كسر بدأوا بقا يفكوا الحجات العجيبه اللي كانوا مركبينها وقوموني وقالولي احنا فرحنين انك تمام وأتأكدنا 100 % انك سليم .. وادوني 6 حبيات علشان الألم .. الحمد لله على كل حال
عارفين الدكتور الاول اللي شافني في المستشفي الصغيره كان شاكك بنسبه اقل من 20 % اني عندي كسر ... كان متأكد بأكتر من 80% اني الحمد لله سليم .. ومخلنيش اروح ... وقلب الدنيا وجاب الأسعاف لغاية ما اتأكدوا 100% اني سليم .. اللهم لك الحمد والشكر حتى ترضي
بصراحه أول مره أحس ان بني آدم ليه قيمه والدوله بتخاف عاليا ( أنا اقصد من كلامي الدوله ) للأسف كان نفسي أحس الإحساس ده في بلدي مصر ولكن للأسف ....
تصدقوا اني كنت زعلان اني بدفع ضرايب .. بياخدوا تقريبا ثلث المرتب ضرايب .. كنت زعلان جدا جدا ... بس بعد اللي عملوه امبارح هديت شويه .. علشان التأمين الطبي ده مجاني واللي بيغطيه الضرايب ( الكلام ده في البرتا من السنه اللي فاتت )
انا كتب القصه علشان يمكن حد يستفيد بس بالله عليكم على المستوى الشخصي ادعولي ربنا يسهلي ويسترها معايا
حجات غريبه بتحصلي من شهر ... اغمي عليا في الحمام ودماغي اتفتحي وسابت علامه بين حواجبي ... قفلت الباب علي صباعي .. عقد دم في صباعي وصباعي اتفتح .. العربيه اتزحلقت مني على الثلج وحسيت اني خلاص الموت قادم .. بس الحمد لله ربنا نجاني ... النهارده بعد حادثة امبارخ قفلت الباب على ايدي النهارده وايدي اتفتحت ... بجد مش عارف ايه الحكايه .. بس الحمد لله على كل حال .. اللهم لك الحمد حتى ترضي ولك الحمد بعد الرضا ولك الحمد على كل حال
ونصيحه لأي مهاجر .. التأمين الطبي من الحجات المهمه جدا بتعبي الأبلكيشن وبعد اسبوع او اتنين بيكون خلصان وعندك في الميل وعلي فكره الأبلكيشن مجاني ... حتي لو جاي تعمل لاندنج وهترجع تاني .. برضوا اعمل الابلكيشن الأمر ميسلمش .. انا شخصيا ليه تجربه .. المره الأولي اللي اغمى عليا في الحمام معرفتش اروح علشان مكنش معايا التأمين الطبي .
بالله عليكم أدعولي ربنا يسلمني ويسترها معايا .... وادعوا لوالدي بالرحمه والمغفره

Dr.Samo · 8th June 2010, 07:02 AM

اقتباس

المشاركة الأصلية كتبت بواسطة ليون


	السلام عليكم ورحمة الله وبركاته بالله عليكم أدعولي ربنا يسلمني ويسترها معايا .... وادعوا لوالدي بالرحمه والمغفره

ربنا يكرمك ويوفقك دايما ، ويحميك من المصائب .....دا الطبيعى هناك غالبا ...أحنا اللى مش واخدين على كدا حتى لو بنتعالج بفلوسنا

....ومتبقاش تتأخر علينا ...وندعوا لوالديك بالمغفرة والرحمة ...انه على ما يشاء قدير

جنه · 8th June 2010, 07:58 AM

حمدا لله على سلامتك... شفاك الله و عافاك.

نسيم الحرية · 8th June 2010, 08:21 AM

حمد اعلى سلامتك يا استاذ ليون وربنا ييسر لك الحال ويوفقك لما يحبه ويرضاه

أكسيلانس · 8th June 2010, 08:32 AM

أخ ليون - حمد لله علي سلامتك - و نصيحه خالصه لوجه الله - أن تخرج من مالك ما تقدر عليه للصدقه - في المساجد أو حتي ترسلها لزي قربي من أهلك تعرف عوزه و أحتياجه - و يفضل أن لا يعرف من أرسلها - و لا تخبر أحدا بصدقاتك - و أكثر من الاستغفار - و كلما خرجت من منزلك تدعوا بدعاء الخروج من المنزل ( بسم الله توكلت علي الله و لا حول و لا قوة ألا بالله ) - و أكثر من ذكر الله و أكثر من التسبيح - و أقرأ أية الكرسي و أنت تخرج من منزلك -

و أن شاء الله ربنا يتم لك أمورك علي خير و يكفيك شر نفسك

خالص أمنياتي بالتوفيق

NaWiCaNaDa · 8th June 2010, 08:44 AM

السلام عليكم ورحمة الله وبركاته

الحمد لله على السلامة اخي محمد

انا مع كلام الاستاذ اكسيلانس

دعاء الخروج من المنزل والتسبيح والاستغفار

والاهم الصدقة لانها تدفع البلاء

موفق بإذن الله ... لك مني أجمل تحية .

الحو استراليا · 8th June 2010, 09:09 AM

اقتباس

المشاركة الأصلية كتبت بواسطة ليون


	السلام عليكم ورحمة الله وبركاته مش عارف أبدأ الحكاية من فين بس انا هكتب امبارح الأثنين 6 يونيو طلعت رحله بالكواد إلى الغابة ( الكواد ده زي البيتش باجي بس اقوي منه بكتير - من الاخر موتسيكل بأربع عجلات اقوي من القطر - في التلج بيمشي وفي الطين بيمشي مبيقولش لأ ابدا ) المهم علشان اختصر وقعت من على الكواد على وشي وجسمي حمل على رقبتي فا حسيت بألم شديد في رقبتي .. رحت المستشفى ... طبعا الحمد لله المره دي كنت طلعت البيرتا هيلس ( التأمين الطبي ) اخدو مني الرقم .. واقعدت في غرفة الأستقبال ... شويه وجت ممرضه بمرتبة دكتوره في مصر أتكلمت معايا وقاستلي الضغط وجبتلي حاجه كده حطيتها في رقبتي وطلبت مني انام على السرير وما احركش رقبتي .. بتعملني بكل أدب واحترام وخايفه عاليا اكني ابنها .. وانا برفض وعاوز اشيل البتاع اللي في رقبتي دي .. تقولي لو سمحت بعد إذنك معلش انا اسفه خليها لغاية ما تعمل الأشعه المهم قعد ساكت جه الدكتور وكشف عاليا وطلب مني اروح الأشعه .. وانا رايح الأشعه افتكرت انهم هيخدوا صوره ولا اتنين وخلاص .. اخدوا اكتر من 25 صورة لرقبتي ودماغي بس والله انا زهقت من كتر ما اخدوا صور الأشعة ... ونفس الحكايه الممرضه بكل أدب واحترام معلش انا متأسفه احنا عاوزين نطمن عليك علشان خاطرنا ... سبحان الله خايفين عاليا اكتر من نفسي بصراحه انا مكنتش مصدق وبعد شويه الدكتور شك انه عندي كسر في العمود الفقري في خمس دقائق لقيت المستشفى كلها جنبي وجبولي لوح واستأذنوا مني يحطوني عليه ويربطوني علشان رقبتي متتحركش ... انا فضلت اقولهم عاوز اروح بيتنا وهمضيلكم ورقه اني مسئول عن نفسي ... ولا اكنهم سامعين حاجه .. ويقنعوا فيه و يتحيلوا عاليا ويتأسفولي .. الدكتور كان لسه مهاجر جديد من جنوب افريقيا .. قلتله يا دكتور انا لو في مصر كانوا روحوني من زمان ... قالي إحنا في كندا... حياتك اهم من اي شيئ وشويه والاسعاف جه .. واتنين ممرضات جم شالوني حطوني في الاسعاف واخدني لمستشفى اكبر من المستشفى اللي كنت فيها علشان اعمل اشعه على جهاز اكبر ( C.T SCAN ) الاسعاف ايه مجهز و أكنه مستشفي من مستشفيات مصر الممرضه قاعد جنبي وجهاز ضغط في ايدي ومش عاف ايه في صباعي وكل ربع ساعه تقيسلي الضغط ومش عارف تعمل ايه .. بصراحه انا زهقت .. نفس الكلام تتأسف وتعتزر وتقولي معلش احنا خايفين عليك وصلت المستشفى ( A of U ) مستشفى جامعة البرتا ... اخدوني لغرفة الأشعه .. طقم ممرضات حوالي 6 واتنين دكاتره بيكشفوا عاليا ... جهاز ضغط تاني وحجات غريبا في صباعي وحجات اغرب على صدري ... واخدوا 3 صور اشعة على جهاز اكبر ... في الفتره ده كنت بحاول احرك رقبتي ... ممرضه وقفه جنبي مخصوص علشان ما احركش رقبتي ... فضلوا يقلبوا فيه لغاية ما الدكتور أتأكد 100 % اني الحمد لله سليم ومفيش كسر بدأوا بقا يفكوا الحجات العجيبه اللي كانوا مركبينها وقوموني وقالولي احنا فرحنين انك تمام وأتأكدنا 100 % انك سليم .. وادوني 6 حبيات علشان الألم .. الحمد لله على كل حال عارفين الدكتور الاول اللي شافني في المستشفي الصغيره كان شاكك بنسبه اقل من 20 % اني عندي كسر ... كان متأكد بأكتر من 80% اني الحمد لله سليم .. ومخلنيش اروح ... وقلب الدنيا وجاب الأسعاف لغاية ما اتأكدوا 100% اني سليم .. اللهم لك الحمد والشكر حتى ترضي بصراحه أول مره أحس ان بني آدم ليه قيمه والدوله بتخاف عاليا ( أنا اقصد من كلامي الدوله ) للأسف كان نفسي أحس الإحساس ده في بلدي مصر ولكن للأسف .... تصدقوا اني كنت زعلان اني بدفع ضرايب .. بياخدوا تقريبا ثلث المرتب ضرايب .. كنت زعلان جدا جدا ... بس بعد اللي عملوه امبارح هديت شويه .. علشان التأمين الطبي ده مجاني واللي بيغطيه الضرايب ( الكلام ده في البرتا من السنه اللي فاتت ) انا كتب القصه علشان يمكن حد يستفيد بس بالله عليكم على المستوى الشخصي ادعولي ربنا يسهلي ويسترها معايا حجات غريبه بتحصلي من شهر ... اغمي عليا في الحمام ودماغي اتفتحي وسابت علامه بين حواجبي ... قفلت الباب علي صباعي .. عقد دم في صباعي وصباعي اتفتح .. العربيه اتزحلقت مني على الثلج وحسيت اني خلاص الموت قادم .. بس الحمد لله ربنا نجاني ... النهارده بعد حادثة امبارخ قفلت الباب على ايدي النهارده وايدي اتفتحت ... بجد مش عارف ايه الحكايه .. بس الحمد لله على كل حال .. اللهم لك الحمد حتى ترضي ولك الحمد بعد الرضا ولك الحمد على كل حال ونصيحه لأي مهاجر .. التأمين الطبي من الحجات المهمه جدا بتعبي الأبلكيشن وبعد اسبوع او اتنين بيكون خلصان وعندك في الميل وعلي فكره الأبلكيشن مجاني ... حتي لو جاي تعمل لاندنج وهترجع تاني .. برضوا اعمل الابلكيشن الأمر ميسلمش .. انا شخصيا ليه تجربه .. المره الأولي اللي اغمى عليا في الحمام معرفتش اروح علشان مكنش معايا التأمين الطبي . بالله عليكم أدعولي ربنا يسلمني ويسترها معايا .... وادعوا لوالدي بالرحمه والمغفره

بسم اللة الرحمن الرحيم
اخى اولا اللهم اشفيك ويعفيك( اللهم اشفى مرضانا وعافى مبتلنا)
بالنسبة الا حصلك فى المستشفى كل الا بتسردة مشكورا هو شى طبيعى وفية احداث حصلة معاية واسراتى على المستوى الطبيى اكثر مما تتخيلة الناس الا فى المستشفى الا استقبلوك دى بالنسبة لهم معاملة طبيعية هما معندهمش دراية عن اى معاملة عكس المعاملة دى ميعرفوش الاهمال ومعندهمش فكرة عن اننا فى بلدنا مواطنين من الدرجة السابعة وانك لو معكشى فلوس ممكن تترمى فى اى حتة منتظر دورك فى سرير يفضى او لغاية ماتموت
اخى العزيز ملحوظة حتى لو معاكشى كارت التامين الصحى وحصلك لاقدر اللة اى مكروة ودخلت الطوارى فانك حتتعالج احسن علاج ونفس المعاملةمش ادفع وبعدين اتعالج
تاكد الطبيب بانك سليم 100 ال100 والحمد للة لانة لو كتبك خروج وبعدين حصلك مكروة لاقدر اللة نتيجة التسرع فى خروجك من المستشفى محامين التعويضات منتظرين ومش حقولك مبلغ التعويضات كام فالطبيب يامن نفسة اولا والمريض والمستشفى الذى يعمل فيها تحياتى يا اخى ودائما عندى خروج من المنزل كلماتك السحرية ( بسم اللة الذى لا يضر مع اسمة شيئا فى الارض و السماء) سيحفظلك اللة من اى مكروة حتى تعود الى بيتك
ادعو لك ولولادك وادعو لاوالدى ولامة المسلمين بالرحمة والمغفرة الهم ارحم والدى كما ربيانى صغيرا . جزاكم اللة كل الخير

راحله الى المجهول · 8th June 2010, 09:28 AM

ادعو الله ان يحفظك بما حفظ به عباده الصالحين ...وحمدا لله على سلامتكم

م/ غريب · 8th June 2010, 09:52 AM

شفاك الله وعافاك يا اخ ليون ... اللي بيحصل لك ده اختبارات من ربنا لكن ان شاء الله في ميزان حسناتك ... عليك وعلى الاستغفار " من لزم الاستغفار جعل الله له من كل هم فرجا ومن كل ضيق مخرجا"

ربنا ييسر لك امورك ويوفقك ..

حسناء · 8th June 2010, 09:54 AM

اولا حمدلله علي سلامتك والحمدلله انك بخير
ياريت تكثر من الاستغفار انا عن نفسي بينفعني قوي والله (استغفروا ربكم إنه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم أنهارا)
وشوية صدقات حتي لو بسيطة خالص
بس انا بقول بما انك مستخسر الضرايب جدا فعقلك الباطني بيحاول يخيلك تستفيد اكبر استفادة ممكنة
مرة يخبطك يوقعك يبهدل صوابعك عشان تستفيد من العلاج المجاني!
ماهو لو كنت في مصر حاجة من الاتنين ياهتحاول اصلا ماتأذيش نفسك عشان ياهتتبهدل في الحكومي
هيتنصب عليك في الخاص يا اصلا مش هتاخد بالك من كل الحاجات دي لاننا مش مرفهين هنا بس انت
في كندا بقي وشكلك بقيت متدلعععععععع لو مش مسالة ضرايب هههههههههه

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
نداء عاجل إلى داعش	شرفاء هذا الوطن	حشيش	20	2160	20th February 2015 07:37 PM
تصدقوا أن كندا دي بلد محترمه	الهجرة إلى كندا	samaa raof	28	6193	8th June 2010 06:03 AM
مشكلتي في كندا ..الانجليزي .. الأنجليزي .. هل من...	الهجرة إلى كندا	eagle eye	45	12333	3rd June 2010 03:44 AM
زباااال في كندا	الهجرة إلى كندا	cutfrd	221	43357	8th May 2010 04:47 PM
ارجواالمساعده بعد حصلت على الفيزا عاجل جدا بالله...	أرشيف الباب	مهاجرة	5	2296	23rd January 2010 06:06 AM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
إزاى العربية بتدور فى تلج كندا الصبح؟!	حشيش	الهجرة إلى كندا	43	14th January 2015 08:49 AM
بجد ست محترمه وصبوره ( ربنا ياخدك )!؟	بريف هااارت	منقوووووووووووولات	20	15th July 2011 05:50 PM
الى من لا يصدقون فى السحر و الأعمال.اتفضلوا علشان تصدقوا	Farida	موضوعات عامة ... موضوعات خفيفة ... منوعات	27	27th July 2010 11:42 AM
تصدقوا،،،،،مصر لسة بخير	Sonesta	مواضيع شخصية	60	15th March 2010 12:15 AM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

الهجرة إلى كندا

تصدقوا أن كندا دي بلد محترمه