السيول تجتاح نويبع وسانت كترين

[جدة حبيبه]

الصحف المصرية والعربية

دعوه لموضوعي

كيفية صلاة النبى صل الله عليه وسلم

السيول تجتاح نويبع و سانت كاترين و الخسائر تتجاوز الـ 50 مليون جنيه ..

وفقا لتحذيرات هيئة الأرصاد الجوية أمس من وقوع سيول في سيناء و محافظات الصعيد اجتاحت اليوم سيول محافظة جنوب سيناء خاصة مدينتي نويبع و سانت كاترين حيث تعطلت حركة المرور على طول الطرق الدولية في وسط سيناء و فى طريق دهب المؤدي إلي سانت كاترين و نويبع حيث بلغت سرعة السيول 40 كيلومترًا في الساعة الواحدة ..

حيث أكد المهندس سامي سليم...ان رئيس جمعية مستثمري نويبع أن السيول كانت متوقعة و أن رجال الأعمال تحدثوا مع الدكتور هشام قنديل رئيس الوزراء قبل يومين في هذا الموضوع و طلبنا منه اغلاق طريق وادي وتير والذي تسير فيه مياه السيل و بذلك نوفر مياة صالحة للشرب و الزراعة و نحل مشكلة من أهم مشكلات نوبيع وجنوب سيناء عموما ..

و أكد أن رصف طريق وادي وتير والذي تكلف أكثر من 50 مليون جنيه دمره السيل تماما صباح اليوم لأن تخطيط الرصف لم يكن عن طريق مهندس يعرف طبيعة المكان و الجبال و حذرنا شركة المقاولين العرب خلال الرصف من أن هذا سوف يحدث و لكن الحكومة ترغب في انفاق فلوسها علي الأرض و الدليل ما حدث اليوم و الذي حذرنا منه منذ عام خلال رصف الطريق ..

و أكد أنه لو تم بناء مصدات كل 3 أو 4 كيلو بطول الوادي سوف يحل مشكلة كبيرة و نوفر علي الدولة كل هذه الأموال ..

و من جانبه أكد الشيخ عيد سليمان أحد سكان المنطقة أن البدو أخذوا احتياطهم بعد معرفة موعد السيل بعدم السفر علي الطريق الدولي أو الخروج للرعي في مناطق بعيدة و أكد أنه لم يحدث أي تدمير بالمنازل البدوية أو خسائر بشرية و لكن طريق وادي وتير دمر أسفلته بالكامل ..

و في مدينة سانت كاترين تعرض سد وادي النصب - الذي تكلف إنشاؤه ثلاثة ملايين جنيه - للانهيار جراء السيول مما أدى إلى غرق بعض المنازل في منطقة وادي النصب التابع لسانت كاترين و من جانبها أعلنت المحافظة اغلاق الطريق الدولي و طريق وادي وتير حفاظا علي سلامة المواطنين و ان المحافظة مستعدة بكامل طاقتها لمواجهة السيول ..

 

[بروكلي]

دعوه لموضوعي

الهجرة لالمـــــــــــانيا

ادي المقاولون العرب (شركة كنافة)
زيها زي بن لادن شغل عك واستهتار

التوقيع: مهندس مدني

 

 

[tafshan]

في دول ثانيه بيسموها امطار الخير .. حيث تستخدم تلك الامطار كمصدر للماء ..

 

 

[hopsan]

للآن لم تتوصل الحكومات الرشيده السابقه و طبعا حكومه الإخوان الحاليه التكنوقراطيه اللى بتفهم فى كل حاجه .. لم تتوصل الى أماكن مخرات السيول ... فحين أن لو تنازل أحدهم و سأل بدو المنطقه لوفر على الدوله مئات الملايين من الجنيهات التى يمكن أن تفيد البلد فى شىء آخر ... أو على الأقل يستفيد بهم أحدهم فى حساب بنكى خارج الوطن كمفسده من المفاسد ... إنما تروح الفلوس هدر بلا فائده لسوء التخطيط .. ده اللى حرام والله

 

 

[جدة حبيبه]

دعوه لموضوعي

كيفية صلاة النبى صل الله عليه وسلم

الطريق أترصف من سنه الحكومة الحالية غير مسئولة


لكن السد أنهار ليييييييييييييييييييييييييه؟

 

 

[hopsan]

اقتباس المشاركة الأصلية كتبت بواسطة جدة حبيبه الطريق أترصف من سنه الحكومة الحالية غير مسئولة لكن السد أنهار ليييييييييييييييييييييييييه؟

مالحكومه الحاليه ستعيد الرصف من جديد
معظم مقاولات المقاولين العرب تأتى بالأمر المباشر
طيب مين اللى هيرصف الطريق من تانى يا حلوين ؟؟؟؟
اللى هيعرف الإجابه سيتغاضى المشرف عن خمسه مخالفات له هديه من المطاريد

 

 

[tafshan]

اقتباس المشاركة الأصلية كتبت بواسطة جدة حبيبه الطريق أترصف من سنه الحكومة الحالية غير مسئولة لكن السد أنهار ليييييييييييييييييييييييييه؟

عشان بناء سد مش حاجه سهله و موضوع مكلف جداً .. لو ما اتعملش كده بيقع طبيعي تحت ضغط الماء ..

 

 

[جدة حبيبه]

دعوه لموضوعي

كيفية صلاة النبى صل الله عليه وسلم

ربنا يرزقنا بشركه عندها ضمير وفلوس طبعا ودى الأهم

مش مهم بقه مين اللى حيعيد الرصف والبناء

 

 

[tafshan]

اقتباس المشاركة الأصلية كتبت بواسطة جدة حبيبه ربنا يرزقنا بشركه عندها ضمير وفلوس طبعا ودى الأهم مش مهم بقه مين اللى حيعيد الرصف والبناء

المقاولين العرب قطاع عام ..

و كل اللى بيشتغلوا في المشاريع دى موظفين عموميين ..

و اللطيف اننا متعاطفين جداً مع الموظفين العموميين اللى بيقبضوا من الضرائب بتاعتنا عشان سرقونا ..

تغير الرؤوس فقط ليس هو الحل ..

المفروض في الدول المحترمه الاستشارى اللى عمل الطريق و السد بيتحاكم و يتعمل له غرامه كبيره و ممكن قوى يتحبس و يتقفل مكتبه ..

لكن في مصر ممكن يكون المشروع عشان قطاع عام يبقى من غير استشارى و المقاول "القطاع عام" بيشتغل بدماغه و بيراقب نفسه فمافيش تصميم و لا في دراسه و لا في رقابه .. يبقى النتيجه الطبيعيه ايه ؟؟

قدر و لطف .. ح نعترض على حكمة ربنا ؟؟؟

الجهل اسوء بكثير من الفساد .. للاسف مشكلة الحكومه الان انها اصبحت حكومه جاهله ..

الفاسد العالم ممكن يكسب من الفساد اكثر لو عمل الحاجه صح .. لكن لما يبقى جاهل ح يبقى حرامى غشيم ..

 

 

[جدة حبيبه]

دعوه لموضوعي

كيفية صلاة النبى صل الله عليه وسلم

اقتباس المشاركة الأصلية كتبت بواسطة tafshan المقاولين العرب قطاع عام .. و كل اللى بيشتغلوا في المشاريع دى موظفين عموميين .. و اللطيف اننا متعاطفين جداً مع الموظفين العموميين اللى بيقبضوا من الضرائب بتاعتنا عشان سرقونا .. تغير الرؤوس فقط ليس هو الحل .. المفروض في الدول المحترمه الاستشارى اللى عمل الطريق و السد بيتحاكم و يتعمل له غرامه كبيره و ممكن قوى يتحبس و يتقفل مكتبه .. لكن في مصر ممكن يكون المشروع عشان قطاع عام يبقى من غير استشارى و المقاول "القطاع عام" بيشتغل بدماغه و بيراقب نفسه فمافيش تصميم و لا في دراسه و لا في رقابه .. يبقى النتيجه الطبيعيه ايه ؟؟ قدر و لطف .. ح نعترض على حكمة ربنا ؟؟؟ الجهل اسوء بكثير من الفساد .. للاسف مشكلة الحكومه الان انها اصبحت حكومه جاهله .. الفاسد العالم ممكن يكسب من الفساد اكثر لو عمل الحاجه صح .. لكن لما يبقى جاهل ح يبقى حرامى غشيم ..