اسئله جريئه

[عاشقه البحـر]

الصحف المصرية والعربية

اسئلة جريئة لمن يحب الجواب عليها..........

اعتذار تريد ان تقدمه لمن؟

ما رد فعلك عندما يقول لك حبيبك : أحبك نعم أتزوجك لا ؟

ماذا ستكتب لنا لتعبر عن حياتك التي عشتها الى الان في كلمات قليله ؟

اذا اردت ان تبكي الان , فعلى من تبكي؟

من ستختار ليمسح دموعك ؟

من يسكن قلبك؟

هل تعتقد ان حظك سيئ؟


هل هزمك حزنك في يوما من الايام؟

((مستحيل انساك)) لمن تقولها ؟

(( اللي راح راح ومش تفيد كلمة ياريت )) إذا أردت ان توجه هذه العباره لنفسك, فماذا تقصد بها ؟

(( انت كل شيء بحياتي )) لمن تقولها ؟

متى اخر مره بكيت؟

اي الدول تتمنى ان تزورها ؟

هل لديك الجرأه ان تقول عمرك أمامنا ؟

هل انت راضي عن نفسك ؟

بماذا تقر وتعترف أمامنا الان ؟

اغمض عينيك دقيقه لو سمحت, ماذا خطر على بالك وانت مغمض العينين ؟

هل تؤيد الزواج العاطفي ام الزواج التقليدي ؟ ولماذا ؟

ايهما اهم شهادتك الجامعيه أم الزواج ممن تحب ؟

هل من الممكن ان تتحول الصداقه الى حب ؟

هل تعترف بشيء اسمه الصداقه بين الرجل والمرأة ؟

هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟

هل انت مدمن تفكير؟

من هو اكثر شخص تفكر فيه؟

اذا تم تعيينك ملكا لجميع البلاد العربيه فما اول قرار ستتخذه ؟

هل تكره شخص بشده في حياتك ؟

ما هو اقتراحك الذي تتمنى ان يحدث في هذا المنتدى ولم يحدث الى الان ؟

هل ملابس الشخص امامك تؤثر فيك لتأخذ عنه انطباع ؟؟

ماالذي يلفت انتباهك بسرعه في الشخص لكي تعجب به ؟

اذا احببت شخصا في الوقت الخطأ وفي المكان الخطأ فماذا تفعل ؟؟

حكمة تؤمن بها جدا؟؟

عاده تفعلها دائما تتمنى ان تتركها ؟

ماهو اجمل اسم لولد واجمل اسم لبنت من وجهة نظرك؟

ماذا تفعل اول شيء اذا ربحت مليونين او مليونا عشان مانكونش طماعين؟

هل انت من لديهم رغبة حب التملك واذا تملك الشيء اصابه الملل منه ؟


اتمنى من الجميع التعـقيب والاجابه ولو على بعضها

 

[س ص]

اعتذار تريد ان تقدمه لمن؟

لابنى لانشغالى عنه كثيرا
ما رد فعلك عندما يقول لك حبيبك : أحبك نعم أتزوجك لا ؟

اتجوزت ولله الحمد
ماذا ستكتب لنا لتعبر عن حياتك التي عشتها الى الان في كلمات قليله ؟

سعاده وشقاء
اذا اردت ان تبكي الان , فعلى من تبكي؟

لحظات ضاعت يصعب ان تعوض
من ستختار ليمسح دموعك ؟

يدى
من يسكن قلبك؟


هل تعتقد ان حظك سيئ؟
مش كتير

هل هزمك حزنك في يوما من الايام؟

لا لا ابدا
((مستحيل انساك)) لمن تقولها ؟
ذاكرتى ضعيفه جدا

(( اللي راح راح ومش تفيد كلمة ياريت )) إذا أردت ان توجه هذه العباره لنفسك, فماذا تقصد بها ؟
مش بحب الندم
(( انت كل شيء بحياتي )) لمن تقولها ؟
ابنى
متى اخر مره بكيت؟
لا اذكرها
اي الدول تتمنى ان تزورها ؟
اسرائيل
هل لديك الجرأه ان تقول عمرك أمامنا ؟
31
هل انت راضي عن نفسك ؟
الحمد لله
بماذا تقر وتعترف أمامنا الان ؟
مش انا والله يا بيه
اغمض عينيك دقيقه لو سمحت, ماذا خطر على بالك وانت مغمض العينين ؟

جعان جدا
هل تؤيد الزواج العاطفي ام الزواج التقليدي ؟ ولماذا ؟

الاثنين شر لابد منه
ايهما اهم شهادتك الجامعيه أم الزواج ممن تحب ؟

مش عارف
هل من الممكن ان تتحول الصداقه الى حب ؟

نعم
هل تعترف بشيء اسمه الصداقه بين الرجل والمرأة ؟
نعم
هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟
لا
هل انت مدمن تفكير؟
نعم
من هو اكثر شخص تفكر فيه؟
ولدى كريم
اذا تم تعيينك ملكا لجميع البلاد العربيه فما اول قرار ستتخذه ؟
اعدام المفسدين فى الارض
هل تكره شخص بشده في حياتك ؟
حاكم ظالم
ما هو اقتراحك الذي تتمنى ان يحدث في هذا المنتدى ولم يحدث الى الان ؟
المنتدى جميل كده
هل ملابس الشخص امامك تؤثر فيك لتأخذ عنه انطباع ؟؟
اكييييييييييييييد
ماالذي يلفت انتباهك بسرعه في الشخص لكي تعجب به ؟
ذكاءه
اذا احببت شخصا في الوقت الخطأ وفي المكان الخطأ فماذا تفعل ؟؟
مجربتش
حكمة تؤمن بها جدا؟؟
دوام الحال من المحال
عاده تفعلها دائما تتمنى ان تتركها ؟
التدخين
ماهو اجمل اسم لولد واجمل اسم لبنت من وجهة نظرك؟
كريم وشهد

ماذا تفعل اول شيء اذا ربحت مليونين او مليونا عشان مانكونش طماعين؟
حاجات كتيييييييييييييير اوى

هل انت من لديهم رغبة حب التملك واذا تملك الشيء اصابه الملل منه ؟
احب التملك ولا امل مما امتلك















هى النتيجه امتى

 

 

[بنت شعنونة]

حلوة اللعبة دي يا عاشقة

بس انتي ما جاوبتيش ليه؟



اعتذار تريد ان تقدمه لمن؟
لكل حد غلطت في حقه من غير ما اعتذرله واولهم امي رحمة الله عليها


ما رد فعلك عندما يقول لك حبيبك : أحبك نعم أتزوجك لا ؟
لما كانت تحصل.. كان وراها كلمة باااااااااااااااااي بااااااااااااااااااي


ماذا ستكتب لنا لتعبر عن حياتك التي عشتها الى الان في كلمات قليله ؟
شبه اسانسير طالع نازل وشوية عيال عمالة تلعب في زرايره ومش عارفا ها يقف فييييين
ربنا يستر

اذا اردت ان تبكي الان , فعلى من تبكي؟
على حالي.. بس مش عارفا اللي راح والا اللي جاي؟


من ستختار ليمسح دموعك ؟
اهلي وزوجي


من يسكن قلبك؟
اهلي وبنتي وزوجي وشوية اصدقاء مايتعوضوش

هل تعتقد ان حظك سيئ؟
لا اعتقد


هل هزمك حزنك في يوما من الايام؟
بعض الاوقات ايوا .. كسرني كمان

((مستحيل انساك)) لمن تقولها ؟
لكل شخص جرحني او غلط في حقي ومن قبلهم لربنا

(( اللي راح راح ومش تفيد كلمة ياريت )) إذا أردت ان توجه هذه العباره لنفسك, فماذا تقصد بها ؟
لأيام الكلية.. يعني ماكنتش عارفا اتلم واذاكر شوية بدل القرف اللي عملته في نفسي دا

(( انت كل شيء بحياتي )) لمن تقولها ؟
بنتي و اهلي

متى اخر مره بكيت؟
ايام مرض زوجي من كام يوم

اي الدول تتمنى ان تزورها ؟
كل الدول الغير عربية

هل لديك الجرأه ان تقول عمرك أمامنا ؟
34 باين!!!

هل انت راضي عن نفسك ؟
اوقات ايوا.. اوقات لا

بماذا تقر وتعترف أمامنا الان ؟
يييييييييييييييييييييه بلاوي واولها اني لساني ما يتبلش فيه فوله

اغمض عينيك دقيقه لو سمحت, ماذا خطر على بالك وانت مغمض العينين ؟
صداااااااااااااااااع


هل تؤيد الزواج العاطفي ام الزواج التقليدي ؟ ولماذا ؟
المهم النتيجة.. مش مهم البداية

ايهما اهم شهادتك الجامعيه أم الزواج ممن تحب ؟
قبل ما اتجوز كان الجواز

بعد ما اتجوزت.. الشهادة


هل من الممكن ان تتحول الصداقه الى حب ؟
ايون

هل تعترف بشيء اسمه الصداقه بين الرجل والمرأة ؟
ايون وبتبقى نوع نادر وفاخر جدا لو حقيقية

هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟
مش عارفا بسس اللي جه على بالي واحد ايام الشقاوة شد معايا بالعربية ولبس في تاكسي وش بوش واعتقد انه مستحيل يكون عايش بسبب شدة الحادثة


هل انت مدمن تفكير؟
يييييووووووووووووووووووه

من هو اكثر شخص تفكر فيه؟
بنتي وبابا و اخواتي

اذا تم تعيينك ملكا لجميع البلاد العربيه فما اول قرار ستتخذه ؟

ارفض



هل تكره شخص بشده في حياتك ؟
ايوووووووووووووااااااااااااااااااااااااااااا جداااااااااااااا جدااااااااااااااااااااا

ما هو اقتراحك الذي تتمنى ان يحدث في هذا المنتدى ولم يحدث الى الان ؟
يفتحولي المول

هل ملابس الشخص امامك تؤثر فيك لتأخذ عنه انطباع ؟؟
احيانا تميل الى تقريبا

ماالذي يلفت انتباهك بسرعه في الشخص لكي تعجب به ؟
يفتح بقه ويتكلم بس


اذا احببت شخصا في الوقت الخطأ وفي المكان الخطأ فماذا تفعل ؟؟
اكيد ها يجي اليوم واكتشف انه هوا نفسه كان خطأ!

حكمة تؤمن بها جدا؟؟
علمت ان رزقي لن يأخذه غيري ف اطمأنيت
و
يقيني بالله يقيني


عاده تفعلها دائما تتمنى ان تتركها ؟

لما اتحرج او اتوتر اهرش في راسي زي الجربانين كدا

ماهو اجمل اسم لولد واجمل اسم لبنت من وجهة نظرك؟
هيا و مازن وسامر و اياد

ماذا تفعل اول شيء اذا ربحت مليونين او مليونا عشان مانكونش طماعين؟
اول حاجا اشتري شقة 3 اوض وريسيبشن 3 قطع قدام نادي وادي دجلة في زهراء المعادي واشترك في النادي واسافر برررررررررررره افرتك بقيت الفلوس واحوش نص مليون لبنتي عشان مصاريف المدارس

هل انت من لديهم رغبة حب التملك واذا تملك الشيء اصابه الملل منه ؟
اوقات بتحصل فعلا




الف بركة الف بركة

 

 

[Moony]

اعتذار تريد ان تقدمه لمن؟
لربى عن تقصيرى فى حمدة على كل نعمة التى ينعمها على وانا عن شكرة وحمدة مقصرة


ما رد فعلك عندما يقول لك حبيبك : أحبك نعم أتزوجك لا ؟
حبك برص و10 خرس (بس الحمد للة انا اتجوزت من زماااااااااان)


ماذا ستكتب لنا لتعبر عن حياتك التي عشتها الى الان في كلمات قليله ؟
حياة تتارجح بين هذا وذاك


اذا اردت ان تبكي الان , فعلى من تبكي؟
ابى وجدتى رحمهما اللة



من ستختار ليمسح دموعك ؟
مناديل فاين ناعمة وقوية وكلها حنية

من يسكن قلبك؟
حب اللة ورسولة وامى وزوجى واولادى (اصل انا قلبى كبير 4 مطارح وصالة وعفشة مية (وش فؤاد المهندس))

هل تعتقد ان حظك سيئ؟
لا اعتقد فية أصلا كل شئ قسم ونصيب وقدر ومكتوب



هل هزمك حزنك في يوما من الايام؟
احيانا عندما لا يكون الحزن للفرار من الهم


((مستحيل انساك)) لمن تقولها ؟
الصداااااااااااااااااااع


(( اللي راح راح ومش تفيد كلمة ياريت )) إذا أردت ان توجه هذه العباره لنفسك, فماذا تقصد بها ؟
انا لا أبكى على اللبن المسكوب


(( انت كل شيء بحياتي )) لمن تقولها ؟
زوجى

متى اخر مره بكيت؟
النهاردة لما مصر كسبت الماتش


اي الدول تتمنى ان تزورها ؟
أسبانيا

هل لديك الجرأه ان تقول عمرك أمامنا ؟
29


هل انت راضي عن نفسك ؟
لا طبعا بأقولك يا ماما مقصرة فى حق ربنا ازاى ارضى عن نفسى والنبى


بماذا تقر وتعترف أمامنا الان ؟
انا أستاذة فى حرق دم اللى قدامى بس اذا حرق دمى هو الأول

اغمض عينيك دقيقه لو سمحت, ماذا خطر على بالك وانت مغمض العينين ؟
واللة نفسى انااااااااااااااااااااااام

هل تؤيد الزواج العاطفي ام الزواج التقليدي ؟ ولماذا ؟
اؤيد الزواج المبنى على اختيار شريك الحياة كما نصحنا رسول اللة

ايهما اهم شهادتك الجامعيه أم الزواج ممن تحب ؟
الاتنين الحمد للة حصلت عليهم


هل من الممكن ان تتحول الصداقه الى حب ؟
كتيــــــــــــــــــــــــر بتحصل

هل تعترف بشيء اسمه الصداقه بين الرجل والمرأة ؟

لاااااااااااااااااااااااااا والف لا ولا بين المرأة والمرأة وحياتك زمالة yes صداقة No


هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟
لا بس ناوية عن قريب ان شاء اللة


هل انت مدمن تفكير؟
لو ما فكرتش قبل النوم ما بانامش

من هو اكثر شخص تفكر فيه؟
امى


اذا تم تعيينك ملكا لجميع البلاد العربيه فما اول قرار ستتخذه ؟
توحيد البلاد العربية وتحويلها لأمة واحدة اسلامية عربية

هل تكره شخص بشده في حياتك ؟
مش ها اقول ما باعرفش لا باعرف بس ماليش نفس اكرة حد

ما هو اقتراحك الذي تتمنى ان يحدث في هذا المنتدى ولم يحدث الى الان ؟
اىطفرة من اى نوع


هل ملابس الشخص امامك تؤثر فيك لتأخذ عنه انطباع ؟؟
حديثة فى الواقع هو الذى يؤثر فى تكوين الانطباع


لماالذي يلفت انتباهك بسرعه في الشخص لكي تعجب به ؟
تواضعة


اذا احببت شخصا في الوقت الخطأ وفي المكان الخطأ فماذا تفعل ؟؟
اصحح المكان والوقت


حكمة تؤمن بها جدا؟؟
افعل يا ابن ادم ماشئت فكما تدين تدان


عاده تفعلها دائما تتمنى ان تتركها ؟
حل مشاكل غيرى


ماهو اجمل اسم لولد واجمل اسم لبنت من وجهة نظرك؟
محمد و عالية

ماذا تفعل اول شيء اذا ربحت مليونين او مليونا عشان مانكونش طماعين؟
احج اتصدق


هل انت من لديهم رغبة حب التملك واذا تملك الشيء اصابه الملل منه
انا ملوووووووووووولة جدا

 

 

[ana_3enady]

دعوه لموضوعي

RobertInole

اعتذار تريد ان تقدمه لمن؟
عمك الحاج أبو تامر
ما رد فعلك عندما يقول لك حبيبك : أحبك نعم أتزوجك لا ؟
باي باي حوزمبل
ماذا ستكتب لنا لتعبر عن حياتك التي عشتها الى الان في كلمات قليله ؟
قدر
اذا اردت ان تبكي الان , فعلى من تبكي؟
بكائي أشبه بالمستحيل
من ستختار ليمسح دموعك ؟
مش لما تبقى تنزل
من يسكن قلبك؟
الله .. الرسول .. الاسلام .. الوطن .. الأهل
هل تعتقد ان حظك سيئ؟
نيفر نيفر

هل هزمك حزنك في يوما من الايام؟
نيفر نيفر
((مستحيل انساك)) لمن تقولها ؟
موبايل سيمنز سي خمسة وتلاتين
(( اللي راح راح ومش تفيد كلمة ياريت )) إذا أردت ان توجه هذه العباره لنفسك, فماذا تقصد بها ؟
نيفر نيفر
(( انت كل شيء بحياتي )) لمن تقولها ؟
أهلي
متى اخر مره بكيت؟
12/2009
اي الدول تتمنى ان تزورها ؟
اسرائيل
هل لديك الجرأه ان تقول عمرك أمامنا ؟
26 وماشي في الـ 27 ويارب ألحق أكملها (ميلادي)
27 وماشي في الـ 28 (هجري)
هل انت راضي عن نفسك ؟
نحمده
بماذا تقر وتعترف أمامنا الان ؟
العند
اغمض عينيك دقيقه لو سمحت, ماذا خطر على بالك وانت مغمض العينين ؟
فيات 132
هل تؤيد الزواج العاطفي ام الزواج التقليدي ؟ ولماذا ؟
تعددت الطرق والزواج واحد
ايهما اهم شهادتك الجامعيه أم الزواج ممن تحب ؟
الشهادة
هل من الممكن ان تتحول الصداقه الى حب ؟
أيون
هل تعترف بشيء اسمه الصداقه بين الرجل والمرأة ؟
نيفر .. الرفقة ممكن
هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟
نيفر
هل انت مدمن تفكير؟
وبعدين بقى في الاحراج ده .. آه .. ليه؟
من هو اكثر شخص تفكر فيه؟
أهلي
اذا تم تعيينك ملكا لجميع البلاد العربيه فما اول قرار ستتخذه ؟
اعدام شانا ... ههههههههه ... اعلان الحرب على أميركا واسرائيل وحلفائهم وسأكون في مقدمة الصفوف
هل تكره شخص بشده في حياتك ؟
ماعتقدش
ما هو اقتراحك الذي تتمنى ان يحدث في هذا المنتدى ولم يحدث الى الان ؟
يغيروا اسمه علشان نقدرننهض بيه في مجالات كتير
هل ملابس الشخص امامك تؤثر فيك لتأخذ عنه انطباع ؟؟
انطباع مبدأي .. والحكم في نهاية المداولة
ماالذي يلفت انتباهك بسرعه في الشخص لكي تعجب به ؟
أسلوبه
اذا احببت شخصا في الوقت الخطأ وفي المكان الخطأ فماذا تفعل ؟؟
أغير الشخص
حكمة تؤمن بها جدا؟؟
يووووووووووه كتير .. خدي عندك يا سيدتي

ما حك جلدك مثل ظفرك

اعمل يابن آدم ما شئت فكما تدين تدان

القناعة كنز لا يفنى ... كفاية كدة أخلي شوية لنفسي بقى
عاده تفعلها دائما تتمنى ان تتركها ؟
التدخين .. السواقة بسرعة وبلعب
ماهو اجمل اسم لولد واجمل اسم لبنت من وجهة نظرك؟
مروان ، مريم
ماذا تفعل اول شيء اذا ربحت مليونين او مليونا عشان مانكونش طماعين؟
النص لي والنص اقامة مشاريع تصرف على أعمال خيرية
هل انت من لديهم رغبة حب التملك واذا تملك الشيء اصابه الملل منه ؟
نيفر .. اللي معايا مش ليا

 

 

[قائد مدفعيه المطاريد]

اسئلة جريئة لمن يحب الجواب عليها..........

اعتذار تريد ان تقدمه لمن؟

ما رد فعلك عندما يقول لك حبيبك : أحبك نعم أتزوجك لا ؟
يعيش المعلم و يتعلم

ماذا ستكتب لنا لتعبر عن حياتك التي عشتها الى الان في كلمات قليله ؟
ربنا دائما يختار الاصلح .. الحمد لله على كل شىء

اذا اردت ان تبكي الان , فعلى من تبكي؟
انا اساسا بعيط على طول و انا بتفرج على الافلام فى التليفزيون

من ستختار ليمسح دموعك ؟
محبش حد يشوفنى و انا منسجم
من يسكن قلبك؟
هو و بس
هل تعتقد ان حظك سيئ؟
لا .. إطلاقا .. الحمد لله انا دائما راضى
هل هزمك حزنك في يوما من الايام؟
موضوع الحزن ده مش بياخد معايا كتير علشان انا اساسا هلاس و بحب الهلس على الاخر
((مستحيل انساك)) لمن تقولها ؟
مصر
(( اللي راح راح ومش تفيد كلمة ياريت )) إذا أردت ان توجه هذه العباره لنفسك, فماذا
تقصد بها ؟
مبقولهاش خالص .. بقول قدر الله و ما شاء فعل
(( انت كل شيء بحياتي )) لمن تقولها ؟
مراتى .. و النادى الاهلى
متى اخر مره بكيت؟
إحنا مش كنا خلصنا من موضوع البكاء ده .. لما توفى واحد من اعز اصدقائى العام قبل الماضى
اي الدول تتمنى ان تزورها ؟
ماليزيا و تايلاند
هل لديك الجرأه ان تقول عمرك أمامنا
28 سنه و شهر و 16 يوم و13 ساعه
هل انت راضي عن نفسك ؟
الحمد لله الى حد كبير
بماذا تقر وتعترف أمامنا الان ؟
بعد كل اللى قولته ده لسه عايز اقرار .. ده انا اتفضحت خلاص .. إقرار ايه يا عم
اغمض عينيك دقيقه لو سمحت, ماذا خطر على بالك وانت مغمض العينين ؟
نفسى اتخلص من الدوام المسائى للشغل .. و انام براحتى بقى
هل تؤيد الزواج العاطفي ام الزواج التقليدي ؟ ولماذا ؟
التقليدى طبعا .. و كله قسمه نصيب
ايهما اهم شهادتك الجامعيه أم الزواج ممن تحب ؟
الاولى تجيب التانيه
هل من الممكن ان تتحول الصداقه الى حب ؟
لا .. بس من الممكن الصداقه تتحول الى صياعه
هل تعترف بشيء اسمه الصداقه بين الرجل والمرأة ؟
لالالالالالالالالالالالالالالالالا
هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟
نعم .. للاسف .. بس مش لدرجه التدمير .. لدرجه الأذيه النفسيه فقط
هل انت مدمن تفكير؟
للاسف أه
من هو اكثر شخص تفكر فيه؟
مراتى .. و الراجل فيكم يقول غير كده و هو يبيت بره البيت النهارده
اذا تم تعيينك ملكا لجميع البلاد العربيه فما اول قرار ستتخذه ؟
هجيب عقد عمل لنفسى بمرتب كبيييير .. بهزر طبعا .. شغلى الشاغل ازاى اوحد كل الدول العربيه و تبقى كلمتنا واحده و إقتصادنا واحد سيايتنا واحده
هل تكره شخص بشده في حياتك ؟
عمرى ما كرهت حد
ما هو اقتراحك الذي تتمنى ان يحدث في هذا المنتدى ولم يحدث الى الان ؟
الحمد لله المنتدى محترم و ناسه محترمين و مش ناقصه اى حاجه
هل ملابس الشخص امامك تؤثر فيك لتأخذ عنه انطباع ؟؟
ممكن تأثر بس بنسبه بسيطه جدا .. لكن الاساس لما يتكلم الانسان تقدر تقيمه
ماالذي يلفت انتباهك بسرعه في الشخص لكي تعجب به ؟
مفيش حاجه محدده .. القبول ده حاجه من عند ربنا
اذا احببت شخصا في الوقت الخطأ وفي المكان الخطأ فماذا تفعل ؟؟
غالبا بكون عامل كنترول و ببقى حريص جدا فى علاقاتى بوجه عام
حكمة تؤمن بها جدا؟؟
مش عارف
عاده تفعلها دائما تتمنى ان تتركها ؟
الخروج الكتير (الصياعه)
ماهو اجمل اسم لولد واجمل اسم لبنت من وجهة نظرك؟
انا منشن على اسم ولد و اسم بنت بس مش بحب اقول
ماذا تفعل اول شيء اذا ربحت مليونين او مليونا عشان مانكونش طماعين؟
هشترى سياره ليكزس 460 موديل 2010
هل انت من لديهم رغبة حب التملك واذا تملك الشيء اصابه الملل منه ؟

لا .. الحمد لله
اتمنى من الجميع التعـقيب والاجابه ولو على بعضها

 

 

[حلم جميل]

موضوع جميييييييييل جدا

و استمتعت بكللللل الردود

متابعة ان شاء الله

 

 

[عاشقه البحـر]

السلام عليكم جميعااااااااااااااا

طبعا سعيدة بردودكم وكنت اتمنى اشوف ردودك ياحلم ياجميل

وانا ردى هيكون موجود بعد اعلان النتيجة تى را را را رااااااااااااااااا

المطرود الاول س ش قصدى س ص
(جــــيد )
فى اسئله اجابتها عايمة عايزة اجابات محددة
فى سؤال مستحيل انساك وسؤال الاعتراف

المطرودة رقم 2 بنت شعنونه برافوووووووو
)[جيـــــد جدااااااا )
اجابات محددة

المطرود الثالت حموش برافو بردو
(جيد جداااااااا مكرر )
اجابات حلوة

المطرود الرابع ana_3enady
( مقبول )
اجاباتك ساخرة


المطرود الخااااامس قائد المدفعيه للمطاريد
سلام مربع مع رفع القبعه
(جيد جدااااااااااا )
مقدرش اقول غير كدة اصل العمر مش بعزقه


اما المطرود الاخير حلم جميل
(لم نعثر له على ورقه اجابه )
ةنتمنى دخوله الدور التانى

 

 

[عاشقه البحـر]

[SIZE=×4]
[/SIZE]

اعتذار تريد ان تقدمه لمن؟
هو صعب بصراحة الاعتذار بس ممكن يحصل لو غلطت اوى فى حد
ما رد فعلك عندما يقول لك حبيبك : أحبك نعم أتزوجك لا ؟
هقوله خسارة فيك حتى السلام
ماذا ستكتب لنا لتعبر عن حياتك التي عشتها الى الان في كلمات قليله ؟
جميله الحمد لله بس فيها شويه شوائب طرأت عليها وان شاء الله هنقيها من تانى
اذا اردت ان تبكي الان , فعلى من تبكي؟
على سنين ضاعت مش هترجع تانى
من ستختار ليمسح دموعك ؟
انا عودت دموعى متمسحهاش الا اديا
من يسكن قلبك؟
ربى / ثم كل شخص اعتز به
هل تعتقد ان حظك سيئ؟
مش على طول بس لو دورت هلاقى السيئ فى شيئ ان شاء الله وراه خير
هل هزمك حزنك في يوما من الايام؟
اه بس الحمد لله اتغلبت عليه وان شاء الله هتغلب عليه لو غلبنى تانى
((مستحيل انساك)) لمن تقولها ؟

شخص اساء ليا / او شخص اكن لى ولو جزء من المعزة

(( اللي راح راح ومش تفيد كلمة ياريت )) إذا أردت ان توجه هذه العباره لنفسك, فماذا تقصد بها ؟
اشياء طرأت على حياتى ومكنش ينفع انها تبقى فيها اصلا
(( انت كل شيء بحياتي )) لمن تقولها ؟
باباااااااااااااااااااا
متى اخر مره بكيت؟
مش بعرف ابكى اوى بس بتخنق لدرجة بتمنى فيها البكى
اي الدول تتمنى ان تزورها ؟
اكيد مش دوله عربيه فممكن نقول المانيا اصلى بكلم المانى بالشبهه
هل لديك الجرأه ان تقول عمرك أمامنا ؟
عادى اه وهخبى ليه 27 بس اوعوا تقولوا لحد
هل انت راضي عن نفسك ؟
الحمد لله بس فى اوقات كدة بتحصل دروبات ببقى نفسى اكسر فيها دماغى
بماذا تقر وتعترف أمامنا الان ؟
اقر واعترف انى ان شاء الرحمن اعدل حياتى واستفيد من اللى فات
اغمض عينيك دقيقه لو سمحت, ماذا خطر على بالك وانت مغمض العينين ؟
ذكريات عدت وبتنمنى انساها
هل تؤيد الزواج العاطفي ام الزواج التقليدي ؟ ولماذا ؟
هو بصراحة بصراحة العاطفى ... اصل العاطفه هى اقصر طريق للوصول للقلب
ايهما اهم شهادتك الجامعيه أم الزواج ممن تحب ؟
الشهادة طبعا وبعدين الجواز... ودا حقيقى
هل من الممكن ان تتحول الصداقه الى حب ؟
ممكن
هل تعترف بشيء اسمه الصداقه بين الرجل والمرأة ؟
والله الموضوع دة حيرنى
هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟
لا الحمد لله
هل انت مدمن تفكير؟
ماهو دا اللى مودينى فى داهيه التفكير دة
من هو اكثر شخص تفكر فيه؟
اى شخص يهمنى اكيد هفكر فيه كتير
اذا تم تعيينك ملكا لجميع البلاد العربيه فما اول قرار ستتخذه ؟
اوحدها بقى وكفايه علينا كدة
هل تكره شخص بشده في حياتك ؟
للاسف فى... بس مش عارفه اكرة
ما هو اقتراحك الذي تتمنى ان يحدث في هذا المنتدى ولم يحدث الى الان ؟
ممممممممم مش عارفه مفيش حاجة فى دماغى دلوقتى
هل ملابس الشخص امامك تؤثر فيك لتأخذ عنه انطباع ؟؟
اكيد طبعا .. على الاقل بعرف زوق الشخص منها
ماالذي يلفت انتباهك بسرعه في الشخص لكي تعجب به ؟
الزوق / الثقه بالنفس / احترامة لنفسه والاخرين / والمناكفه
اذا احببت شخصا في الوقت الخطأ وفي المكان الخطأ فماذا تفعل ؟؟
العمل عمل ربنا .. اصل الحب دة ملوش حل ... هسيب الظروف والنصيب تاخد القرار
حكمة تؤمن بها جدا؟؟
الذكرى اجمل شيئ واصعبها يمكن ان تملكة بعد الفراق
عاده تفعلها دائما تتمنى ان تتركها ؟
مش بعرف اصالح حد واصفى بسهوله
ماهو اجمل اسم لولد واجمل اسم لبنت من وجهة نظرك؟
يوسف / سلسبيل
ماذا تفعل اول شيء اذا ربحت مليونين او مليونا عشان مانكونش طماعين؟
مكدبش عليكم هجيب اللى عايزاه ولو حد عايز ممكن افكر واسلفه بهزر طبعا اكيد ان شاء الله هوسع على اى محتاج
هل انت من لديهم رغبة حب التملك واذا تملك الشيء اصابه الملل منه ؟
الاشياء اللى بحبها - وطبعا اكيد مش همل


مع خاااااااااالص تحياتى للجمييييييييييييييع

[SIZE=×4][/SIZE]

 

 

[ana_3enady]

دعوه لموضوعي

RobertInole

شوفتي بقى .. أهه ده اللي كنت خايف منه .. انك تفهميني غلط .. والله ما بسخر من حاجة .. انا فعلا جاوبت بكل تلقائية .. ما عدا اعدام شانا .. انما اقامة الحرب أكيد مش تهريج