جدع يا باشا على الطريقه الكنديه

[hopsan]

الصحف المصرية والعربية

جدع يا باشا .. جت فى عينه و لكن على الطريقه الكنديه

 

[سهران لوحدى]

منتهى القسوه

ممنوع لاصحاب القلوب الضعيفه

 

 

[Mzohairy]

والله العظيم يا هوبس مراتي سايقه العربيه و معاها الولاد التلاته
و لسوء الحظ مافيش ولا واحد من الاربعه رابط الحزام (و دي مصيبه منيله بنيله هنا)
و لسوء الحظ اكتر لقت عربية بوليس في وشها و نزلت منها البوليسه و قالتلها ستوب
صباح الخير
انتي واخده بالك ان مفيش حد فيكم رابط الحزام؟
و بتبص في الرخصه لحسن حظ مراتي كان يوم عيد ميلادها
قالتلها هابي بيرث داي تو يو و ماتعمليش كده تاني حفاظا على حياتك و حياة ولادك
باااي

 

 

[Matrix]

دعوه لموضوعي

أطلق العنان لمشاعرك ، كن إنسان.

هههههههه

أنا قلت خليني كده استنصح ورحت كاتب في جوجل

Canadian police brutality

راح جوجل مهنج وكح ذي ما يكون بيتف

ومرضيش يرد عليا

حايلته شوية ولما لاقاني لسه قاعد ،،مرضاش يزعلني وجابلي دول

 

 

[fmm]

اقتباس المشاركة الأصلية كتبت بواسطة hopsan جدع يا باشا .. جت فى عينه و لكن على الطريقه الكنديه

حلوه دى ياريت تنزلنا صور تانى عن كندا عايزين نتفرج احنا رايحين فين انشاء الله

 

 

[Dr.Samo]

اقتباس المشاركة الأصلية كتبت بواسطة Matrix هههههههه أنا قلت خليني كده استنصح ورحت كاتب في جوجل Canadian police brutality راح جوجل مهنج وكح ذي ما يكون بيتف ومرضيش يرد عليا حايلته شوية ولما لاقاني لسه قاعد ،،مرضاش يزعلني وجابلي دول

ماتريكس باشا
دا علشان خاطر الجماعة بتوع الإحتباس الحرارى
غالبا قمتى دول العشرين والثمانية بتتعمل فى تورونتو
ودول مش شرطة عادية دول شرطة مكافحة الشغب .... وبيبقوا رخما زى الأمن المركزى عندنا كدا
الجماعة المعترضين على الإحتباس الحرارى شايفين ان الدول الرأسمالية المتوحشة هى السبب فى اللى بيحصل دا
طبعا غالبا الإعتراض بيبقى إعتراض عنيف
أنما الصورة الظريفة فى اللى فوق فدى اثناء أحتفال بيوم الإستقلال مثلا
وبيبقى الشرطى اللى موجود من شرطة المرور أو شرطة المدينة ، وبيبقى بيلعب مع الأطفال علشان مايبقاش فيه حاجز بين الناس والشرطة .
طيب هنروح بعيد ليه ...... ماعندنا الشرطة الأسبانية
هو واضح ان فيه تجاوزات طبعا من الشرطة على مستوى العالم خصوصا فى فض الإعتصامات
واحيان كثيرة جدا بيتم إستخدام الهراوات والقنابل المسيلة للدموع
لكن اهم شئ ان الأذى لا يودى بحياة المعتصمين
https://www.youtube.com/watch?feature...v=PtaNg8c8OtU#!

 

 

[Matrix]

دعوه لموضوعي

أطلق العنان لمشاعرك ، كن إنسان.

معلوم يا باشا إحنا فين والناس دي فين.
وحتى الصور دي لا تقارن بالمهازل اللي عندنا

ده عندنا أصلا ضباط الشرطة فيه منهم بيسحلوا أهاليهم مش هيسحلوا المتظاهرين

 

 

[مزاياإنسانة]

عادي ياقبطان مش شايفة أنهم عاملين شيئ مستحيل
وزي مايقولوا لكل مقام مقال
وأهه دكتور سامو جاب لنا صورة مغايرة للي إنت جبتها
بس إحنا كده نحب ننقل الحلو اللي عند الغرب ونقارنه بالوحش اللي عندنا

مع أنها مقارنة مجحفة


ولله الحمد الأمن العام والخاص والشرطة عندنا مازالت بخير كثير ربنا يديمها من نعمة

 

 

[hopsan]

اقتباس المشاركة الأصلية كتبت بواسطة مزاياإنسانة عادي ياقبطان مش شايفة أنهم عاملين شيئ مستحيل وزي مايقولوا لكل مقام مقال وأهه دكتور سامو جاب لنا صورة مغايرة للي إنت جبتها بس إحنا كده نحب ننقل الحلو اللي عند الغرب ونقارنه بالوحش اللي عندنا مع أنها مقارنة مجحفة ولله الحمد الأمن العام والخاص والشرطة عندنا مازالت بخير كثير ربنا يديمها من نعمة

أيوه يا مزايا ياختى ... ده حتى الوحش اللى عندهم لا يوجد له مقارنه من عندنا
لقراءاتى لتويتر الثوار هذه الأيام لا يوجد غير مواساه و لعق جراح و أسف على ما آلت إليه الأحداث من خيبه أمل و ضياع حقوق الشهداء و تناسى آلام الجرحى و هم بعشرات المئات ممن فقدوا أعينهم و بالتالى مستقبلهم
و أذكر فى ذات الوقت و كنت شاهد عيان عندما ضرب شرطيان مواطنين سود و قامت الدنيا و لم تقعد و حالت مدينه لوس أنجلوس لساحه دمار بعد أن كانت دره ولايه كاليفورنيا و أمريكا فى ذات الوقت .. و هنا كان رد الإهانه و الضرب و ليس القتل و الإصابه بالعمى الكامل ... هناك فرق ... أكيد هناك فرق

 

 

[مزاياإنسانة]

اقتباس المشاركة الأصلية كتبت بواسطة hopsan أيوه يا مزايا ياختى ... ده حتى الوحش اللى عندهم لا يوجد له مقارنه من عندنا

اقتباس المشاركة الأصلية كتبت بواسطة hopsan لقراءاتى لتويتر الثوار هذه الأيام لا يوجد غير مواساه و لعق جراح و أسف على ما آلت إليه الأحداث من خيبه أمل و ضياع حقوق الشهداء و تناسى آلام الجرحى و هم بعشرات المئات ممن فقدوا أعينهم و بالتالى مستقبلهم و أذكر فى ذات الوقت و كنت شاهد عيان عندما ضرب شرطيان مواطنين سود و قامت الدنيا و لم تقعد و حالت مدينه لوس أنجلوس لساحه دمار بعد أن كانت دره ولايه كاليفورنيا و أمريكا فى ذات الوقت .. و هنا كان رد الإهانه و الضرب و ليس القتل و الإصابه بالعمى الكامل ... هناك فرق ... أكيد هناك فرق

مش عارفة شكلك كده بتتمئلس عليا

لا بجد المفروض نقارن الحلو بالحلو والوحش بالوحش
ونحط في بالنا فرق القوانين عندنا وعندهم
يعني عندهم يبقى الرادع لعدم التصرف بأي طريقة عنيفة هو شدة القانون
والتصرف بطريقة لطيفة برضه شدة القانون إلا من رحم ربي بيكون طبيعته كده
يعني مش بنعمم كلهم عنيفين
وماننكرش أننا بنقرأ عن أسوأ جرائم عنف عندهم بالرغم من شدة القوانين برضه عندهم

لكن عندنا بتكلم مثلا عن عندنا
يمنعه دينه وخوفه من ربه وبيمنعه سمعته ويمنعه إسم قبليته وبيمنعه القسم اللي أقسم عليه
دي كلها لها إعتباااااااااار وممكن تخسف برجل الأمن طبعا
ما ننكر أنو فيه ناس بتشذ عن القاعدة وهم قلة ولله الحمد
طبعا ده اللي بنتكلم عنه هو في الأوضاع الطبيعية
مش في تعاملهم مع مجرمين عتاة تفرق برضه كتير

ولو على تقويم الدنيا عندنا ممنوع ومع ذلك حصلت
مع أننا مش دولة ديمقراطية زي بقية الدول العربية
واللي بشوف أننا بصراحة الوضع عندنا أحسن بكتير عنهم ربنا يفك عننا جميعا
ويرزقنا حكومات زي بقية الخلق