احذروا احذروا من موضوع التوكيلات لبرادعى

[Farida]

الصحف المصرية والعربية

من مدونة جبهة التهييس الشعبيه تحذير اول مرة اقرأه انا شخصيا كنت استعديت نفسيا اننا على وشك التحرك الأيجابى لكن مش فاكرة مين من الأخوة حذر من ان المعارضين اللى التفوا حول البرادعى معظمعهم مخترقين امنيا و ادى النتيجه التوكيلات واضح انها اتلعب فيها و اصبحت تضم اسماء مختلف عليها يعنى مش للبرادعى فقط و بقى فيها تعديل للدستور عموما يعنى مش الماده الخاصه بالأشراف القضائى و ترشيح المستقلين فقط لأ ده حايدخل فيها كمان تعديل الماده التانيه من الدستور و الله اعلم ايه كمان ......................
ياخسارة كان حلم جميل
https://tahyyes.blogspot.com/2010/02/blog-post_27.html

اقتباس لالالالالالالالا دي صيغة توكيل ما تنفعش ابدا ابدا ابدا هو انا مش عارفة الجروب ده فاكس وللا تبع الحملة بس في كل الاحوال اشكرهم على الاستجابة السريعة والحماس بس صيغة التوكيل دي ما تنفعش ابدا احنا ما اتفقناش على كده 1- ما اتفقناش على الاسامي دي مع كامل احترامي لهم، بس فيهم ناس بدون ذكر اسماء لو معاهم توكيل الجنة مش ح اوكلهم، وفيهم ناس انا ممكن اوكلهم بس غيري مش ح يوكلهم، وفيهم ناس انا وغيري نوكلهم بس غيرنا حد تالت مش ح يوكلهم والمفروض ان البرادعي مافيهوش اي حاجة جديدة غير انه يحوز ثقة الجميع وكل الناس ممكن توكله ومعاه ناس قانونيين زي العوا والبسطويسي ومحمود عبد العزيز عشان دول قانونيين لكن بقية الاسماء تمثل توجهات سياسية مش كلنا مجمعين عليها، انا ما اوكلش الغزالي حرب غيري ما يوكلش حمدين صباحي وهكذا 2- احنا موكلينهم على ايه؟ تعديلات دستورية نقطة من اول السطر لا انا شخصيا مش ح اوكل على تعديلات دستورية على اطلاقها كده، انا مش ح اوكل على الغاء المادة التانية من الدستور مثلا، افرض وكلت واتاكلت انا بقى على قفايا احنا لنا مطالب واضحة الطعن في شرعية المادتين 76 و77 عشان مش بيدوا فرصة لاي حد بالترشح والمطالبة بمراقبة الانتخابات قضائيا ودوليا والانتخاب بالرقم القومي في الانتخابات النيابية والرئاسية والغاء الانتخاب بالبطاقات الانتخابية نظرا لانها عبارة عن تهريج هم دول التلات مطالب اللي بيجمع عليهم الكل من اول اسامة الغزالي حرب لحاااااااااااااااااااااااد حمدين صباحي وهي دي المطالب اللي انا شخصيا على اساسها تحمست للمشروع اللي كتبه البرادعي، وما عنديش ثقة في اي حد يدخل في الليلة بقى معلش فرجاء من الاخوة مديري المجموعة تعديل الاستمارة اولا: اسم البرادعي ومعاه القانونيين المذكورين اعلاه بحد اقصى اكتر من كده انا مش ح اوقع، حتى لو فيهم ناس انا باثق فيهم، مش ح اوقع ومش ح ادعو غيري للتوقيع ما الناس دول موجودين بقالهم سنين يعني، لو كنا عايزين نوكلهم كنا وكلناهم، امال بعتوا جبتوا الراجل على ملا وشه ليه؟ ما كان قاعد مرتاح مدام كل دول سباع البرمبة؟ ثانيا: تحديد المطالب اللي على اساسها التوكيل انا ما اسلمش رقبتي بالرقم القومي والبصمة على بياض لحد ابدا ولا لامي وابويا والسلام ختام

صورة التوكيل قال ايمن نور قال ............

 

[القصبجي]

انا اللي قلت ان كثير من المعارضين الملتفين حول البرادعي مخترقين امنيا وماليا ايضا
مش شرط هم انفسهم مخترقين
لكن حركاتهم ممكن تكون هي اللي مخترقة

 

 

[Prof]

نوارة معاها حق.. أنا ما أوكلش الناس دي باستثناء العوا والبسطويسي ومحمود عبد العزيز.

 

 

[Prof]

بس أرجو يكون فيه إيجابية في التعامل مع الموضوع.. يعني اللي له رأي يشارك ويقوله.. سواء في جروب الفيس بوء أو في أي مكان آخر وأيضاً إيجابية في التعامل مع التوكيلات نفسها فعلى أي حال من الأحوال مافيش أسوأ من اللي احنا فيه يعني إن ما جاش منها خير مش هاييجي أسوأ من الموجود.

 

 

[Bahy]

احنا ممكن نشطب الاسامى اللى مش عايزينها نشطبها خالص ما نخليش باين منها ولا حرف مثلا و نمضى.. ولا ايه !!

 

 

[بندق]

اقتباس المشاركة الأصلية كتبت بواسطة dr.bahy احنا ممكن نشطب الاسامى اللى مش عايزينها نشطبها خالص ما نخليش باين منها ولا حرف مثلا و نمضى.. ولا ايه !!

ممكن ويجوز فى التوكيل ان تفعل ..

تمام كما فى التوكيل الرسمى العام .. يمكنك ان تلغى فقرة أو تضيف فقرة .. هذا متعارف عليه

 

 

[dr-amira]

هو التوكيل ده المفروض يتقدم فين...يعنى لو جمع مليون توكيل هيعمل بيهم ايه .....؟