Arabic Discussion Forum with a Special Interest in Travel and Immigration

Mzohairy · 7th March 2010, 09:28 AM

بسم الله

افتتح لكم هذا الموضوع لكي يتناقش كل المقيمين في كندا فعليا عن رأيهم الناتج عن تجربه فعليه في التكلفة الشهريه للأسره

و لنفترض انها اسرة صغيرة = حياه افضل

أب و أم و طفلين في المدارس= 4 افراد

سأقوم بوضع بنود الصرف و انتم عليكو تحطوا المبلغ الشهري المنصرف في هذا البند بعد استثناء الإيجار الشهري للسكن (و لو عايزين تضيفوه مفيش مانع)و طبعا كلها ارقام تقريبيه

1- فاتورة الكهرباء

2- فاتورة الغاز و المياه

3- فاتورة تليفون المنزل و الانترنت

4- فاتورة الموبايل

5- ادويه شهريه (ادويه تشترى من على الرف)

6- قسط التأمين الطبي شهريا

7- تأمين السياره الشهري

8- بنزين السياره الشهري

9- سجاير لو بتشرب سجاير

10- مصاريف الأكل و الشرب في البيت شهريا

11- مصاريف الفسح و الأكل في خارج البيت ان وجدت

12- مصروف الأولاد الشهري

13- ملابس للأسره (يعني لو بتشتروا في السنه كلها مثلا ب 1200 دولار هدوم يبقى شهريا 100 دولار)

بس

منتظر ردودكم

شكرا

زعلان · 7th March 2010, 09:55 AM

زهيري ناوي يكفل عشر اسر في كندا يلا يا جماعه ساعدونا و ادلوا باراءكم

3omda To · 7th March 2010, 09:59 AM

اقتباس

المشاركة الأصلية كتبت بواسطة زعلان


	زهيري ناوي يكفل عشر اسر في كندا يلا يا جماعه ساعدونا و ادلوا باراءكم

ربنا يعمر بيتك يا زهيري بيه

حيث كده بقى
ادي رقم حسابي في QENA TRUST
0100001000

1- فاتورة الكهرباء

2- فاتورة الغاز و المياه
انا اجر ALL INCLUDED
في وندسور لو رحتها ان شاء الله 500 دولار غرفتين شامل كله

3- فاتورة تليفون المنزل و الانترنت
النت 20 دولار
بلاه التلفون
كفاية موبايل

4- فاتورة الموبايل
40

5- ادويه شهريه (ادويه تشترى من على الرف)
انا باشرب حلبه 3 جنيه في الشهر وزيهم ينسون

6- قسط التأمين الطبي شهريا
تأمين ليه و OHIP ماله ببلاش وزي الفل

7- تأمين السياره الشهري

8- بنزين السياره الشهري

9- سجاير لو بتشرب سجاير
انا انسان بحب احافظ عالبيئة وباركب مواصلات 70 دولار
والسجاير بتضر بالصحه يا اخوانا

10- مصاريف الأكل و الشرب في البيت شهريا
انا لوحدي 300 لو زوجين وطفلين مثلا اظن 800

11- مصاريف الفسح و الأكل في خارج البيت ان وجدت
يا عم مافيش انظف من اكل البيت
ممكن الواحد يعمل حلة محشي ويقعد يتسلى بيها على ليك اونتاريو وقت الغروب

12- مصروف الأولاد الشهري
مش عارف دي بصراحه لسه ما جربتهاش
ربع جنيه يمشي ؟

13- ملابس للأسره (يعني لو بتشتروا في السنه كلها مثلا ب 1200 دولار هدوم يبقى شهريا 100 دولار)

انتو بتشتروا هدوم كل شهر

Mzohairy · 7th March 2010, 10:01 AM

اقتباس

المشاركة الأصلية كتبت بواسطة زعلان


	زهيري ناوي يكفل عشر اسر في كندا يلا يا جماعه ساعدونا و ادلوا باراءكم

اصل احنا جايلنا ضيوف قريب يا زعزع و عايزين نعرف المصاريف حتكون كام

و في نفس الوقت عايز الموضوع ده يكون توضيح حقيقي للمصروف الشهري في كندا

مش عايز حد يفرح بأرقام ليس لها علاقه بالواقع و يتصدم لما يروح هناك

انا عن نفسي و بدون اي بعزقه و الله فشلت في النزول عن 3,000 دولار صرف شهريا لكل البنود اعلاه دي بس بدون ايجار السكن طبعا

عايزين الاراء بدقه لو سمحتم

شكرا

Mzohairy · 7th March 2010, 10:11 AM

اشكرك يا صعيدي بك و لكن انا بحاول اعرف تكلفة الأسره مش تكلفة الفرد

اقتباس

المشاركة الأصلية كتبت بواسطة صعيدي من مونتريال


	1- فاتورة الكهرباء و خلينا نفترض ان الايجار لا يشمل الغاز و الكهربا و المياه 2- فاتورة الغاز و المياه انا اجر ALL INCLUDED في وندسور لو رحتها ان شاء الله 500 دولار غرفتين شامل كله نفس الرد اعلاه 3- فاتورة تليفون المنزل و الانترنت النت 20 دولار بلاه التلفون كفاية موبايل هنا بنتكلم على تليفون للبيت لوجود اسره و معاه انترنت 4- فاتورة الموبايل 40 5- ادويه شهريه (ادويه تشترى من على الرف) انا باشرب حلبه 3 جنيه في الشهر وزيهم ينسون الأسره وضعها يختلف بالطبع لوجود اطفال 6- قسط التأمين الطبي شهريا تأمين ليه و OHIP ماله ببلاش وزي الفل في بريتش كولومبيا تأمين الدوله للأسره بحوالي 108 دولار شهريا 7- تأمين السياره الشهري 8- بنزين السياره الشهري 9- سجاير لو بتشرب سجاير انا انسان بحب احافظ عالبيئة وباركب مواصلات 70 دولار والسجاير بتضر بالصحه يا اخوانا 10- مصاريف الأكل و الشرب في البيت شهريا انا لوحدي 300 لو زوجين وطفلين مثلا اظن 800 يعني ده اول رقم متوقع 800 دولار 11- مصاريف الفسح و الأكل في خارج البيت ان وجدت يا عم مافيش انظف من اكل البيت ممكن الواحد يعمل حلة محشي ويقعد يتسلى بيها على ليك اونتاريو وقت الغروب بس ما يمنعش انك ممكن تاخد الولاد مره كل اسبوع تاكل معاهم بره او تفسحهم 12- مصروف الأولاد الشهري مش عارف دي بصراحه لسه ما جربتهاش ربع جنيه يمشي ؟ 13- ملابس للأسره (يعني لو بتشتروا في السنه كلها مثلا ب 1200 دولار هدوم يبقى شهريا 100 دولار) انتو بتشتروا هدوم كل شهر مش شرط كل شهر بس اللي اقصده انك لو اشتريت مره واحده في السنه ب 600 دولار مثلا فده يعني انك بتشتري في المتوسط ب 50 دولار شهريا

زعلان · 7th March 2010, 10:15 AM

وانت تغرم نفسك ليه و تضايف ناس - هو انت ناقصة رزالة و رخامة ما الفنادق ماليه البلد و فنادق فانكوفر رخيصة و بنت حلال كلها

ويا ترى بتضيفوهم فول بورد وب البوكيت مني

3000 الاف دولار كندي لاسرة من اربع اشخاص اظن مبلغ معقول وخصوصا اسرة مسرفة زي اسرتكم

دا انتوا كده حتنغنغوا الضيوف ربنا يسترها معاكم

Raouf · 7th March 2010, 10:27 AM

والله موضوع مهم جدا انا بقالى فترة بحاول الم كلام كل الاعضاء الى فى كندا علشان اعرف المعدل العادى
او income vs outcome
لو قدرنا نلمه بطريقة صح هايوفر علينا مجهود ووقت كبير هناك احنا طبعا بنتكلم فى ال range و كله عارف ايه يادة عنده و ايه اقل

znaty · 7th March 2010, 10:30 AM

اخواني الاعزاء
موضوع فوق الممتاز...عارفين ليه ؟
علشان انا من ضمن ارائي في موضوع الهجرة للاسرة الكاملة وبالذات لو الولاد في مراحل متقدمة من السن
انك ماتعتبش باب كندا للاستقرار ..الا وانت معاك ما يكفي على الاقل من سنة الى سنة ونص على اسوأ الظروف ..انك لا قدر الله مالقيتش شغل

او مثلا المعادلة باقي فيها حاجات ومحتاجة وقت وتركيز

او مثلا خدت قرض اوساب .على كورس دراسي ..وعاوز تجيب فيه تقدير عالي فتقل القيمة اللي هاتدفعها

او انت نفسيا موش متاهل مع الكاجوال وورك

يبقي لازم من الاساس تكون حاسب هو المبلغ دة كام

كمان التوبيك دة لازم يتعمله ابديت كل فترة ..ماحدش يعرف بكؤة بكام هايجيب ايه ؟

علشان كدة ..هاغطس غطسة ايميلات ..واجيبلكم الابدايت باسعار النهاردة كدة

دة انا فوجئت ..ان اكتر من كيسين زبالة ..يدفعوك دولار على كل كيس

3omda To · 7th March 2010, 10:34 AM

كندا كبيرة جدا يا اخوانا
لو انت في تورنتو وعايز شقه غرفتين مستحيل تقل عن 800
ولو مسيساجا مش اقل من 1400
لكن في مدن صغيرة ممكن تحصل ب 500
نفس الكلام على تأمين العربية او المواصلات
يمكن الاكل مش هيفرق كثير
اللي عايز يقارن يتكلم عن مدينه واحده

زعلان · 7th March 2010, 10:37 AM

يا عم صعيدي زهيري بيعمل خير ومش فارقة معاها فين ولمين فخليك محضر خير وهو ما جبش سيرة السكن هو بيحسب تقريبا الامور الاخرى من باب المعرفة و المقارنة العامة

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
مبروك لمصر و المصريين على نجاح المؤتمر الإقتصادي	شؤون مصر الداخلية	طارق السعد	19	2910	15th March 2015 06:05 AM
فاز السيسي ...قاهر الإخوان	إنتخابات الرئاسة	محمد علي عامر	201	22290	4th June 2014 01:57 AM
موعدنا 26- سبتمبر ان شاء المولى	شؤون مصر الداخلية	سيف الدولة	7	2379	27th July 2013 05:01 AM
الف مبروك لمصر عودتها بالسلامه	شؤون مصر الداخلية	تكسير	34	5037	27th July 2013 02:41 AM
من منكم واثق من عودة مرسي للحكم؟	شؤون مصر الداخلية	Mzohairy	24	4803	22nd July 2013 08:49 PM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
... شجرة الصلاة الشهرية لأطفالكم ...	Modest	شؤون إسلامية	3	1st April 2009 10:25 AM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

الهجرة إلى كندا

الميزانية الشهرية للأسرة للمعيشه في كندا في السنة الأولى