نصائح المتزوجين لمن لم يتزوج بعد

[حسام]

الصحف المصرية والعربية

السلام عليكم ورحمة الله وبركاته
في هذا الموضوع سنتكلم عن تجاربنا معشر المتزوجين لمن لم يتزوج من الشباب والآنسات
أتمنى أن يحوي الموضوع خبرات متعددة ومن ثقافات مختلفة ليكون مرجعا لمن لم يتزوج بعد
نصائحكم كلمات من ذهب لمن يقبل على مثل هذا الموضوع الهام والحيوي في حياة أي انسان
الموضوع مفتوح للجميع من كل الأعمار والثقافات والانتماءات الدينية والعرقية والجغرافية

 

[مزاياإنسانة]

حسام ألف حمدلله على سلامتك
كأني لمحت موضوع أنك تعبان ألف سلامة عليك
الموضوع جميل ومفيد جداً
بس أنا شفت الموضوع حسيت أن مخي فاااااااااااااااضي أبييييييييييض مش عارفة ليه
بس لو فيه حاجة معينة مريت أنا بيها ممكن يطلع مني فايدة
وممكن أفيد الستات بكيد النساء
ياللا منتظرين المشاركات

 

 

[abysaleh]

أول نصيحة





















خليك بعقلك واوعى تتهور وتعملها

 

 

[حسام]

أبيض؟
أبيض يا مزايا بعد 14 سنة خدمة فى ثانوي على رأي عادل امام تقولي أبيض؟
صدمتيني يا مزايا
ولا يمكن من كتر الخبرات
الشريط سف ومسح نفسه
انا الحمدلله بخير دلوقتي
نورتي الموضوع يا مزايا هانم

 

 

[بنت البلد]

دعوه لموضوعي

عدسة بنت البلد

للزوجات الشابات القادمات بكل فرحه على الدنيا الجديده

وبناء عش الزوجيه السعيد بإذن الله .. أقول لها

( جوزك على ماتعوديه ياشابه .. وأبنك على ماتربيه )

دا زمان قالوا كدا فى الأمثال
وبتوع زمان ناس بتفهم وكلامهم كله درر

 

 

[Tornado]

اقتباس المشاركة الأصلية كتبت بواسطة مزاياإنسانة حسام ألف حمدلله على سلامتك كأني لمحت موضوع أنك تعبان ألف سلامة عليك الموضوع جميل ومفيد جداً بس أنا شفت الموضوع حسيت أن مخي فاااااااااااااااضي أبييييييييييض مش عارفة ليه بس لو فيه حاجة معينة مريت أنا بيها ممكن يطلع مني فايدة وممكن أفيد الستات بكيد النساء ياللا منتظرين المشاركات

ليه بس كده

ان كيدهن عظيم

 

 

[Tornado]

اقتباس المشاركة الأصلية كتبت بواسطة abysaleh أول نصيحة خليك بعقلك واوعى تتهور وتعملها

هيا دي النصايح الجامدة

 

 

[Tornado]

الحرية حلوة

 

 

[دموع الورد]

فكرة رائعة د/حسام

بس الموضوع كده شكله هيقلب بحملة لتحذير الشباب والآنسات من الشر الذى لابد منه ..ألا وهو الجواز

والبشاير هلت ونوعية النصائح باينة من أولها

التوبيك ده فكرنى أوى بالاغنية دى

 

 

[حسام]

اقتباس المشاركة الأصلية كتبت بواسطة abysaleh أول نصيحة خليك بعقلك واوعى تتهور وتعملها

عزيزي الشاب المقبل على الزواج
عزيزتي الشابة المقبلة على الزواج
هبدأ أول نصيحة
شفتوا الجمل اللى فوق دي ومشاركة عبير هانم صالح؟
العبدلله وكتير من المتجوزين بيعملوا الشويتين دول
خدنا ايه م الجواز؟
عملنا ايه لما اتجوزنا؟
خليك بعقلك يا بني بلا جواز بلا بتاع
لا اللى قبلي نصحوني ولا اللى بعدي سمعوا مني
وشوية كلام مصري أصيل
الحقيقة ان الكلام ده كله لما تسمعوه يا معشر الشباب والفتيات
ولا الهوى
قضى يعني
كل واحد متجوز لو فرضنا انه فعلا متضايق م الجواز
فلأنه فى اللحظة دي مركز على سلبية معينة
وممكن يكون عنده حق فيها وممكن لا
وممكن أساسا تكون المشكلة فيه هوة
وممكن تبقى المشكلة فى ادراكه للأمور
وممكن برضة تكون المشكلة فى شريك حياته
لكن
وآه من يا لكن
هي دي خلاصة الجواز؟
المشكلة دي أو غيرها من المشاكل حتى لو عنده حق فعلا وان شريك حياته عنده مشكلة زي دي؟
أكيييييييييييييييييييييييييييييييد لا
الجواز زي أي حاجة فى الدنيا
فيه الحلو
وفيه الوحش
وعادة لا تصدق من يقول يارتني ما اتجوزت
لأن الكلمة دي ليها اسباب كتير هنحاول نفصلها واللى عنده سبب تاني ليها ياريت يضيف
لماذا يتكلم الأزواج بشكل سلبي عن الزواج؟

1-جزء من التهريج والكوميديا المصرية
2-الواحد يقدر يقول وهوة بيضحك اللى مايقدرشي يقوله وهوة بيتكلم جد عشان عنده باب تاني لجحره كتعلب كبير
والباب التاني هوة "ايه؟ده احنا بنضحك ونهزر"
3-كثيرا يستعمل هذا الأسلوب من باب ان المتجوز بيخزي العين وبيشتري نفسه من الحسد
4-المبدأ ده متوارث من فترة واحنا كمصريين وعرب بنحب الورث وتقليد الأجداد قوي
الخلاصة
ماتصدقشي كلام المتجوزين اللى عام قوي عن ان الجواز مصيبة وكارثة
وسيبك من البقين دول بتوع العبدلله كاتب السطور