لا تكوني جراج او تاكسي

[التونسيه]

الصحف المصرية والعربية

عارفه ايه هو الجراج ؟
الجراج هو المكان اللي الناس بتركن فيه عربيتهم ساعة أو اتنين أو تلاتة وبعدين تمشي
اوعي تكوني جراج لولد تصاحبيه وتبقي تسليته لحد برده ما تيجي ساعة معينة ويمشي
اصله هيسيبك هيسيبك
اوعي تفتكري لما تصاحبي ولد من على النت ولا عن طريق المنتديات ولا بوي فرند في الكلية انه هيكمل معاك
على فكرة.. هو لو بيخاف عليكي مكنش اصلا سمح لنفسه انك تصاحبيه وكان دخل البيت من بابه
خليكي مرة بتكلميه واسأليه سؤال
تقبل ده على امك؟
تقبل ده على اختك؟
لو قالك لا.. اعرفي انه مش بيحبك لانه رضى بده عليكي
ولو قالك اه عادي ، اعرفي انه ديوث مطرود من رحمة الله
*******
أوعي تكوني جراج لولد يركن فيه شوية لغاية لما يلاقي البنت العفيفة الطاهرة اللي هتبقي أم أولاده وتبقي مراته
اوعي تكوني جراج للخروج والمكالمات والمسدات والمسجات وقلة الحياء
اوعي تكوني جراج للخيانة.. خيانة الله عز وجل وخيانة رسوله صلى الله عليه وسلم
وخيانة الاهل.. باباكي.. ومامتك
وانت في الحقيقة بتقومي بخيانة نفسك
*******
اوعي تكوني جراج لشاب ضايع هائم في ظلمات الشهوات والمعاصي
لازم تعرفي ان الشاب اللي يسمح لنفسه بعمل علاقة عبر كلمات او رسائل خاصة او عبر الحرم الجامعي ببنت وهو لسه مشتغلش ولا شاف مستقبله ولا حط رجله على اول سلمة اكيد معندهوش الاخلاق الكافية اللي تقدر تحافظ عليكي

*******
واوعي تكوني تاكسي
اول ما واحد يشاور لك تقفي يركب شوية و ينزل
و يركب واحد تاني
لحد ما يرجع بيته و يستقر
*******
اوعي تقولي ما كل اللي مثلي اتجوزا وخلفوا وانا قاعدة اشمعنى انا؟.. ده انا المحترمة اللي فيهم.. ده انا اللي مكنتش بكلم ولاد.. ده انا المؤدبة اللي فيهم
يا أختي .. ممكن يكونوا اتجوزوا صح ، بس بعدما ضاعت البركة من بيتهم
مش ممكن يكون ده بلاء من ربنا ليكي يشوفك هتصبري ولا لأ ؟؟
والله هيعوضك احسن منهم
يا اختي اصبري و والله ربنا ماهيضيع صبرك ابدا
فكري في نعمة الصحة والمال والاهل والعقل
*******
الطعام سعادة يوم.. والسفر سعادة أسبوع.. والزواج سعادة شهر.. والمال سعادة سنة.. والإيمان سعادة العمر كله
رزقك أَعرَف بمكانك منك بمكانه.. وهو يطاردك مطاردة الظل.. ولن تموتي حتى تستوفي رزقك
انتي جوهرة مصونة في لؤلؤة مكنونة حافظي على نفسك علشان ربنا يحافظ عليكي
اوعي تكوني وانتي بتكلميه أو بتقابليه عمّالة تستخبي من باباكي ولا مامتك ولا اخوكي ولا اختك ولا قريبك ده ولا صاحبتك دي
اوعي تكوني نسيتي ان ربنا شايفك ومطلع عليكي وهيحاسبك على كل كلمة بتقوليها
ورجلك وايديكي ولسانك هيشهدوا عليكي يوم القيامة
اوعي تفتكري انه هيتجوزك.. على لما تيجوا تتجوزا هيكون خلاص زهق منك عاوز يغير بقى
ولو اتجوزك البركة خلاص راحت من بيتك.. وممكن يفضل يعايرك في كل مشكلة وخناقة ما بينكم
*******
لازم تحافظي على نفسك
بحجابك.. بصلاتك.. بعدم خضوعك بالقول.. بعدم المخالطة.. عدم المصاحبة
ولا مُتخذات أخدان
مفيش حاجة اسمها صحوبية في الاسلام
لو كبير في نظرك فالله اكبر
لو بتحبيه فالله احق ان تحبيه
اللي انتي مصحباه ده ادّالك ايه ؟؟؟
حب مُزيف كله كدب في كدب
ربنا نعمه عليكي كبيرة ، ليه بتستخدميها غلط
*******
اختي
ماكان الحياء في شييء الا زانه
وما انتزع الحياء من شييء الا شانه
الحياء تاجك.. الحياء عفتك
اعملي ليوم وداعك.. يوم يبكيك فيه الحبيب والقريب
يوم تجدين من عملك محضرا امامك
فاعملي ليوم وداعك لتعطر سيرتك بعد فراقك

وتذكري قول الله عز وجل : وما يُلقاها الا الذين صبروا وما يُلقاها الا ذو حظ عظيم

حسبي الله في كل ديوث يلعب ببنات الناس سواء على الانترنت او اي مكان اخر