مؤتمر حازم صلاح بأسيوط وحضور قساوسة وكهنة ديروط فى جو ودى رائع

[AlexG]

الصحف المصرية والعربية

السلام عليكم ورحمة الله وبركاته

مثل أى مؤتمر للأستاذ حازم صلاح ..كان من المفترض ان يوضع فى موضوع الاستاذة الفاضلة مدام اونلى

الشيخ حازم ابو اسماعيل يترشح للرئاسه

ولكن هذا المؤتمر على وجه الخصوص ... كان له معنى آخر وجو آخر ... كان يتزامن مع مناسبة عيد الميلاد

حضر المؤتمر قساوسة وكهنة أسيوط ... فى جو ودى رائع يمثل مدى التلاحم بين ابناء الوطن الواحد

لقد قدم اللقاء احد قساوسة اسيوط مرحبا بالأستاذ حازم ... وجلسوا على مائدة المؤتمر

فى جو رائع وتلاحم بديع ومحاضرة حميمية جرى اللقاء

ادعو كل زملائى لمتابعة هذا اللقاء الرائع ... مسلمين ومسيحيين ... لنتعرف عن قرب عن فكر الاستاذ حازم صلاح

 

[HanyMan]

مع أحترامى الكامل لدكتور حازم
لكن لو كان الدكتور محمد البرادعى هو اللى قاعد بجانب القساوسة وكهنة أسيوط

هل كان مؤيدى الشيخ حازم هيبقوا شايفين اللقاء من نفس المنظور من التلاحم والوحدة الوطنية.

بالتأكيد لأ وألف لأ
وكانت التعليقات هتبقى مرشح الكنيسة وعدو الاسلام ومرشح البابا

للأسف الاسلام أصبح ملاكى لبعض التيارات الدينية ولا يجب لغيرهم حتى التفكير بطريقتهم

 

 

[aymanology]

اقتباس المشاركة الأصلية كتبت بواسطة HanyMan مع أحترامى الكامل لدكتور حازم لكن لو كان الدكتور محمد البرادعى هو اللى قاعد بجانب القساوسة وكهنة أسيوط هل كان مؤيدى الشيخ حازم هيبقوا شايفين اللقاء من نفس المنظور من التلاحم والوحدة الوطنية. بالتأكيد لأ وألف لأ وكانت التعليقات هتبقى مرشح الكنيسة وعدو الاسلام ومرشح البابا للأسف الاسلام أصبح ملاكى لبعض التيارات الدينية ولا يجب لغيرهم حتى التفكير بطريقتهم

انتخبوا ابو اسماعيل مرشح الكنيسه

 

 

[AlexG]

هوا فين بس الدكتور البرادعى يا هانى باشا ؟؟

بقالنا اسبوعين مش لاقيينه ... حتى مدير الحملة الانتخابية بتاعته مش عارف هوا فين

ولا عارف حتى يتصل بيه أو يعرف عنه حاجة

رينا يرجعه بالسلامة

 

 

[AlexG]

اقتباس المشاركة الأصلية كتبت بواسطة aymanology انتخبوا ابو اسماعيل مرشح الكنيسه

 

 

[HanyMan]

اقتباس المشاركة الأصلية كتبت بواسطة AlexG هوا فين بس الدكتور البرادعى يا هانى باشا ؟؟ بقالنا اسبوعين مش لاقيينه ... حتى مدير الحملة الانتخابية بتاعته مش عارف هوا فين ولا عارف حتى يتصل بيه أو يعرف عنه حاجة رينا يرجعه بالسلامة

الدكتور محمد البرادعى وأبو الفتوح سابوهلكم مخضرة وياريت تفلحوا
وياريت ترد على كلامى اللى فى مداخلتى اللى فاتت أحسن وبلاش تاخدنا لحوارات جانبية

 

 

[AlexG]

اقتباس المشاركة الأصلية كتبت بواسطة HanyMan مع أحترامى الكامل لدكتور حازم لكن لو كان الدكتور محمد البرادعى هو اللى قاعد بجانب القساوسة وكهنة أسيوط هل كان مؤيدى الشيخ حازم هيبقوا شايفين اللقاء من نفس المنظور من التلاحم والوحدة الوطنية. بالتأكيد لأ وألف لأ وكانت التعليقات هتبقى مرشح الكنيسة وعدو الاسلام ومرشح البابا للأسف الاسلام أصبح ملاكى لبعض التيارات الدينية ولا يجب لغيرهم حتى التفكير بطريقتهم

منا دورت الصراحة عالنت ملقيتش اى مؤتمرات من النوعية دى للدكتور البرادعى

فأتمنى انه ينزل ويعمل مؤتمرات فى الشارع كدا زى باقى المرشحين عشان نعرف نعلق على كلامه

وساعتها نحكم من خلال المؤتمرات واللقاءات دى على فكره

للأسف ... واضح انه مشغول جدا

ربنا يكون فى عونه الصراحة

 

 

[HanyMan]

اقتباس المشاركة الأصلية كتبت بواسطة AlexG منا دورت الصراحة عالنت ملقيتش اى مؤتمرات من النوعية دى للدكتور البرادعى فأتمنى انه ينزل ويعمل مؤتمرات فى الشارع كدا زى باقى المرشحين عشان نعرف نعلق على كلامه وساعتها نحكم من خلال المؤتمرات واللقاءات دى على فكره للأسف ... واضح انه مشغول جدا ربنا يكون فى عونه الصراحة

لية هو عبيط ولا أهطل عشان يعملها
دة كان المخبر خالد عبدالله عمل علي اللقاء دة بتاع 50 حلقة والاخوة السلفيين أعتلوا المنابر يوم الجمعة والسبت والاحد وكانت تبقى فضيحة بجلاجل

يا عمى خلينا ساكتين أحسن وعلى رأى شعبولا بس خلاص

 

 

[المحروسة]

خلفية حازم صلاح معروفة .. لذا هذا الظهور لقساوسة معه يدعم فكرة أنه مرشح كل المصريين و ليس انه منحاز مع أو ضد

رغم هذا لم يسلَم حازم صلاح من منتقدين "لانحيازه للنصارى" على صفحته على الفيس

 

 

[أحمد باشــا]

اقتباس المشاركة الأصلية كتبت بواسطة المحروسة خلفية حازم صلاح معروفة .. لذا هذا الظهور لقساوسة معه يدعم فكرة أنه مرشح كل المصريين و ليس انه منحاز مع أو ضد رغم هذا لم يسلَم حازم صلاح من منتقدين "لانحيازه للنصارى" على صفحته على الفيس

و لا إنحياز و لا غيره .. ده فكر ميكيافيللي

اللي تكسب به العب به

و اللي في القلب في القلب