هنطالب بتسليم السلطة لمين ؟؟

[dr-amira]

الصحف المصرية والعربية

ان شاء الله نازله يوم 25
وهاهتف ضد العسكر ..و هاطالب بحكم مدنى و بتسليم السلطة للمدنيين
مش المفروض نتفق على طلب واحد عشان ما يقولوش كل واحد بطلب ؟؟
هنطالب بتليم السلطة لرئيس مجلس الشعب ؟؟ يعنى الكتاتنى ؟؟
ولا بتعجيل انتخابات الرئاسة ؟؟
ولا بمجلس مدنى رئاسى ؟؟
حد عنده اجابة ..

 

[محمد علي عامر]

الطبيعي هو رئيس مجلس الشعب
وحتى اللي معترض على شخص الكتاتني أو على الإخوان فعلى الأقل دا نائب منتخب ومدني يعني يمكن التعامل معه عبرالقنوات القانونية أو منافسته في الإنتخابات القادمة.
أما مجلس العسكر فبيتعامل مع الناس بالرصاص.

 

 

[Farida]

على التويتر افكار هايله عن تسليم السلطه #tasleemslota واحلى مافيها كل شباب الدائرة يروحوا على نائب دائرتهم و يطالبوه بتسليم السلطة الى البرلمان المنتخب

 

 

[Eng A7m3d]

اقتباس المشاركة الأصلية كتبت بواسطة محمد علي عامر الطبيعي هو رئيس مجلس الشعب وحتى اللي معترض على شخص الكتاتني أو على الإخوان فعلى الأقل دا نائب منتخب ومدني يعني يمكن التعامل معه عبرالقنوات القانونية أو منافسته في الإنتخابات القادمة. أما مجلس العسكر فبيتعامل مع الناس بالرصاص.

وإيش ضمنا غن واحد م الإخوان هيرضي أساساً بالحركة دي

 

 

[nash]

اساسا الأخوان نازلين يوم 25 علشان يساعدوا الجيش والشرطه في حمايه المنشآت من البلطجيه اللي هاينزلوا التحرير وربنا سمعتها في لقاء مع محمود سعد وهو مستضيف أخواني مع ضيفين تانيين معرفهمش

فأكيد أكيد أكيد جدا هما مش مع المطلب ده خالص

 

 

[محمد علي عامر]

اقتباس المشاركة الأصلية كتبت بواسطة Eng A7m3d وإيش ضمنا غن واحد م الإخوان هيرضي أساساً بالحركة دي[/SIZE]

المفروض إن الإخوان (أو أي نائب من أي تيار) مرشح نفسه لخدمة الشعب وليس من أجل المغانم . والإنتقال السريع للسلطة من يد العسكر إلى سلطة مدنية هي أكبر خدمة يمكن أن تؤدى إلى مصر. وطالما أن البدائل الأخرى إما سيئة أو غير عملية (كإنشاء مجلس رئاسي يستحيل الإتفاق على أعضائه مثلا) فلابد لمن يريد خدمة مصر أن يقبل بتلك المسؤولية و إلا وجب إعتباره متهرب منها.

الدستور القديم كان يقضي بنقل السلطة مؤقتا إلى رئيس مجلس الشعب في حالة تغيب الرئيس ولذلك كان من الطبيعي أن نطالب بنقل السلطة إليه.

 

 

[Virus]

اقتباس المشاركة الأصلية كتبت بواسطة dr-amira ان شاء الله نازله يوم 25 وهاهتف ضد العسكر ..و هاطالب بحكم مدنى و بتسليم السلطة للمدنيين مش المفروض نتفق على طلب واحد عشان ما يقولوش كل واحد بطلب ؟؟ هنطالب بتليم السلطة لرئيس مجلس الشعب ؟؟ يعنى الكتاتنى ؟؟ ولا بتعجيل انتخابات الرئاسة ؟؟ ولا بمجلس مدنى رئاسى ؟؟ حد عنده اجابة ..

مجلس الشعب لأ.

ماهو ده اللي هيحصل غالبا يوم 23 يناير..

هيطلع المشير الخطير..

ويمسك السلطانية..قصدي السلطة..

ويبص للحاج الكتاتني في عينيه..

ويقوله لقد سلمتك السلطة..

استلم يابرنس الانتاج السينمائي..

يقوم الكتاتني بايسه من هنا ومن هنا..

وبعيون دامعة..

يستلم السلطانية..

ويغمزله بعينه نص غمزة

ويقوله..ماتقلقش يامشير..سلطانيتك في الحفظ والصون وهترجعلك يوم 26 الصبح إن شاء الله..

ثم تحدث الفركيشة الكبرى..

تيرا تيرا تررا

 

 

[سامية]

اقتباس المشاركة الأصلية كتبت بواسطة محمد علي عامر الطبيعي هو رئيس مجلس الشعب وحتى اللي معترض على شخص الكتاتني أو على الإخوان فعلى الأقل دا نائب منتخب ومدني يعني يمكن التعامل معه عبرالقنوات القانونية أو منافسته في الإنتخابات القادمة. أما مجلس العسكر فبيتعامل مع الناس بالرصاص.

ولماذا الكتاتني؟
ومن سيكون رئيس الوزراء؟

 

 

[Open Mind]

مش الناس قالت نعم على دستور 71 بتعديلاته فى الاستفتاء .. خلاص تبقى دي الشرعية ونمشي عليه .. الدستور كان بيقول لو الرئيس مات ولا راح في داهية رئيس مجلس الشعب يمسك لفترة لا تتعدى 40 يوم يتم فيها انتخاب رئيس. الموضوع مش اختياري لرئيس مجلس الشعب فلا مجال للصفقات.. لازم يتولى المنصب للمدة دي ويجري الانتخابات ولا يحق له الترشح فيها.
الحل ده أعتقد هايرضي الثوار .. وهايرضي كمان الناس اللي عاوزة استقرار لأن انتخاب رئيس هو أقصر الطرق للاستقرار.. وبقية المشاكل ممكن تتحل لاحقا.

 

 

[محمد علي عامر]

اقتباس المشاركة الأصلية كتبت بواسطة سامية ولماذا الكتاتني؟ ومن سيكون رئيس الوزراء؟

يقال أن الإخوان مرشحين الكتاتني
أما رئيس الوزراء فمازال هو "الزنجوري" ومجلس العسكر شايفين إن من حق أبو اللي جابوهم إنهم يعينوا رئيس الوزرا باعتبار إن هما اللي قاموا بالثورة لما الشعب كان نايم.

المفروض إن رئيس مجلس الشعب يتسلم الرئاسة مؤقتا وفي نفس اليوم يقيل "الزنجوري" و يتفقوا على رئيس وزراء جديد