مغترب ؟؟ عايز تعمل حاجه لبلدك ؟؟؟ تعالى .. في مكان

[tafshan]

الصحف المصرية والعربية

الفكره بسيطه خالص ..

لو عندك حساب بنكى في مصر بالجنيه ابعث ما قيمته 100 دولار كل شهر لهذا الحساب و اعتبرهم تحويش ..

لو قرر 5 مليون مصري يعملوا كده مصر ح يدخل لها نصف مليار دولار شهرياً .. انت عارف دول يعملوا ايه ؟؟

دول ح يسندوا الجنيه المصري و ح يقللوا استهلاكنا للاحتياطى اللى بيخس 2.5 مليار دولار كل شهر ...

في نفس الوقت ح تستفيد من التحويش و من الفائده اللى وصلت ل 12% في بعض البنوك على الجنيه المصري ..

يعنى ح تستفيد و تفيد البلد .. كل ده ب 100 دولار ح تبعثهم لحسابك كل شهر .. يلا مين جى ؟؟

 

[fatfouta]

فكرة جميلة جدااا استاذ طفشان
احييك عليها

 

 

[م الغزالى]

اقتباس المشاركة الأصلية كتبت بواسطة tafshan الفكره بسيطه خالص .. لو عندك حساب بنكى في مصر بالجنيه ابعث ما قيمته 100 دولار كل شهر لهذا الحساب و اعتبرهم تحويش .. لو قرر 5 مليون مصري يعملوا كده مصر ح يدخل لها نصف مليار دولار شهرياً .. انت عارف دول يعملوا ايه ؟؟ دول ح يسندوا الجنيه المصري و ح يقللوا استهلاكنا للاحتياطى اللى بيخس 2.5 مليار دولار كل شهر ... في نفس الوقت ح تستفيد من التحويش و من الفائده اللى وصلت ل 12% في بعض البنوك على الجنيه المصري .. يعنى ح تستفيد و تفيد البلد .. كل ده ب 100 دولار ح تبعثهم لحسابك كل شهر .. يلا مين جى ؟؟

الفكرة جميلة وكمان ممكن تكون أكتر شوية من 100 دولار وأعتقد إن فيه ناس تكون بتعملها ... وخاصة إن فيه ناس بتروح كل صيف تقضى أجازتها فى مصر فبدل ماتاخد فلوس فى إيديها أهى فلوسها تبقى هناك

 

 

[Eng. Mero]

 

 

[tafshan]

اقتباس المشاركة الأصلية كتبت بواسطة م الغزالى موديز: قرض صندوق النقد يقلل الضغوط الائتمانية على مصر «رغبة المصريين بالخارج فى تحويل حساباتهم إلى مصر لزيادة الاحتياط النقدى، كخطوة منهم لدعم الاقتصاد المصرى، من المتوقع أن تساهم أيضا فى زيادة الثقة بالاقتصاد المصرى»، أضاف المحلل.

و دى طريقه تانيه لدعم الاقتصاد و من محلل اقتصادى ..

لو لينا مدخرات بره مصر ممكن نحطها في مصر و بالدولار كمان لو خايفين من تقلب سعر الصرف .. مجرد وجودها في البنوك المصريه بدل الاجنبيه في بلاد الغربه ح تساعد الاقتصاد المصري ..

 

 

[tafshan]

اقتباس المشاركة الأصلية كتبت بواسطة م الغزالى الفكرة جميلة وكمان ممكن تكون أكتر شوية من 100 دولار وأعتقد إن فيه ناس تكون بتعملها ... وخاصة إن فيه ناس بتروح كل صيف تقضى أجازتها فى مصر فبدل ماتاخد فلوس فى إيديها أهى فلوسها تبقى هناك

الفكره مش جديده .. في ناس كثير قدمت الفكره دى قبل كده .. انا بس بذكر بها اعضاء المنتدى ..

كلنا بنبعث فلوس لمصر لكن مش بصوره منتظمه ..

الفكره اننا ننتظم في التحويل بمبلغ غير مؤثر في مصروفاتنا و التزاماتنا اياً كان اقل او اكثر من 100 دولار كمساهمه منا في الثوره المصريه ..

مع الوقت اكتساب هذه العاده ح يساعد كثير منا على ادخال ثقافة الادخار في حياتنا اللى هى ممكن تكون سقطت من حساباتنا بسبب الضغوط المختلفه ..

الادخار هو اول طريق الاستثمار عشان العمر اللى بنقضيه في الغربه يبقى له مردود ..

الادخار مش لازم خالص يبقى حجمه كبير .. ممكن اقل القليل يعمل فرق .. المهم نبدأ ..

 

 

[tafshan]

اقتباس المشاركة الأصلية كتبت بواسطة fatfouta فكرة جميلة جدااا استاذ طفشان احييك عليها

اقتباس المشاركة الأصلية كتبت بواسطة Eng. Mero

شكراً على التشجيع ..

يا ريت لو عندكم اضافات او افكار تانيه نضيفها للفكره او كيفية نشرها لتعم الفائده ..

ازاي نوصل ان 5 مليون مصري يبدأوا يبعثوا 100 دولار كل شهر ؟؟

تحياتى ..

 

 

[sanaa]

عندي سؤال

لو الواحد يبعت كل كام شهر مبلغ اكبر علي بعضه يبقي اوك
ولا الفكره انها لازم تبقي شهريا ؟

 

 

[tafshan]

اقتباس المشاركة الأصلية كتبت بواسطة sanaa عندي سؤال لو الواحد يبعت كل كام شهر مبلغ اكبر علي بعضه يبقي اوك ولا الفكره انها لازم تبقي شهريا ؟

طبعاً اننا نبعث بصوره دوريه سواء شهرياً او سنوياً او اياً كانت المده كله مفيد .. لكن كل ما قصرت المده كل ما كان افيد حتى لو كان المبلغ اقل .. ليه ؟؟


عشان يبقى في دخل شهرى منتظم من تحويلات المصريين في الخارج .. ده ممكن يساعد القائمين على ادارة الاحتياطى النقدى في تقدير احتياجاتهم و ممكن يقلل من حاجت مصر من استهلاك الاحتياطى الموجود .. و يمكن مع الوقت يؤدى الى تنمية الاحتياطى عن استهلاكه ..

في دول زي الاردن مثلاً بيمثل تحويل العاملين لديها في الخارج جزء كبير من عائداتها من النقد الاجنبي و بتعتمد عليه كمصدر رقم واحد في تمويل احتياجاتها من النقد الاجنبي ..

الاردن .. ليس لديها موارد طبيعيه فبتستثمر في مواطنينها ( تعليم و رعايه صحيه ) كى تحولهم الى طاقه انتاجيه عن طريق اعارتهم الى الخارج و الاستفاده من تحويلاتهم ..

في دول تانيه زي الفليبين برضو بتعتمد على عمالها في الخارج بنسبه كبيره لنفس الغرض و هى دوله ذات تعداد مماثل لمصر و لديها ظروف اقتصاديه مشابهه .. الاخيره تتعامل مع العاملين في الخارج لديها بصوره اكثر جديه حيث تستخدم سفاراتها في الخارج لتقديم برامج تدريبات مدعومه من الحكومه لتحسين فرض توظيفهم ... و تقوم بعمل ابحاث سوق لتقدم افضل دعم لمواطنينها لأختيار جهة التوظيف المضمونه و تساعدهم في مشاكلهم العماليه في هذه الدول ... في المقابل تفرض على رعاياها في الخارج ضرائب مقابل هذه الخدمات !

نرجع لموضوعنا ..

برضو فكرة اننا نحول مبلغ و ان قل لمصر بصفه شهريه ح يساعدنا على اكتساب ثقافة الادخار اللى انا شخصياً ما عانديش خالص !

على فكره فروع بنك مصر في الخارج بتأخذ مبلغ صغير جداً على التحويلات اياً كان حجمها ..

( في الامارات بيأخذوا 20 درهم )

 

 

[tafshan]

افكار جديده للمغتربين امثالى ..

الاجازه فرصه لانعاش السوق المصري بينتظرها قطاع السياحه كل سنه .. المغتربين بيدخلوا لسوق السياحه لا يقل عن 25% من حجم ارباح هذا القطاع .. السنه دى لازم نستفيد من اسعار الفنادق المتدنى بسبب انخفاض اعداد السائحين و في نفس الوقت نساعد قطاع الفنادق على الاستمرار ..

فكره تانيه .. رمضان جى في الاجازه .. ما تنسوش تدفعوا زكاة الفطر و زكاة الاموال في مصر .. كل سنه و انتم طيبين ..