الاكتئاب والزواج

[hend]

الصحف المصرية والعربية

ليه دائماً الخاطب او الزوج اللي كاتب كتابه بيحاول يضع عروسته في حيرة يعني ييجي بعد الخطوبة وقبل كتب الكتاب بايام قليلة يعترف لعروسته انه كان بيعاني من مرض نفسي اللي هو الاكتئاب ومازال يعاني منه والعروسة بتقول انه دائماً سرحان وكانه عايز ينام دائماً هل تفتكروا انه أتكلم في الوقت المناسب واللا متأخر وعلي اي اساس هتتصرف العروسة*

 

[dr-amira]

العروسة هنا قدامها حاجة واحدة تعملها ..تروح للدكتور النفسى اللى العريس بيتعالج عنده لوحدها و تعرف تفاصيل الحالة منه و تطورها و تقول لاهلها الوضع بالتفصيل ..و صدقينى يا هند ما فيش وقت متأخر ابدا ..لاخر لحظة ممكن تتراجع عن الجواز احسن لها من انها ترتبط بمريض نفسى يدمر حياتها هى وولادها
على فكرة ..كتير جدا من الحالات النفسية الشديدة زى الشيزوفرينيا و غيرها المريض بيقول عليها اكتئاب ..و ربنا يوفق للى فيه الخير

 

 

[Remooo]

اى مرض او ظروف معينة تعمد الخاطب اخفائها عن خطيبته للحظات الاخيرة..
على اساس انه كده بيحطها ادام الامر الواقع(هى واهلها طبعا)
وانها هاتفكر الف مرة قبل ما تفكر فى انها تنفصل عنه
حرصا على الشكل العام لها كبنت وعلى سمعتها وعلشان ما تتحسبش طلاقة
ده يعتبر نوع من الغش والتدليس..والاولى انها تفكر كويس جدا قبل الجواز
وتسعى انها تعرف حقيقة الموضوع لو فى امكانها تروح للطبيب اللى بيتعالج عنده احسن بكتير ما تتجوزه وتوصل لنفس النتيجة اللى هى الطلاق برضه
بس مين عارف هاتكون اتحملت ايه ساعتها..
*وفى راييى هو لو شايف انها حاجة بسيطة ماكانش حاول يخفيها طول فترة الخطوبة وما كانش افردلها اعتراف(مش ضمير منه) لانه واضح انها احتمال هاتكتشفها كده كده فقالها عشان بس ما تتفاجاش

 

 

[Remooo]

عن نفسى اعرف حالة زى دى وكانت مرض عضوى مش نفسى
وبرضه قالها قبل الزفاف بيومين تلاتة
قالتله "انت جاى تقولى دلوقتى؟ " وطبعا حصل الطلاق



على الهامش:انتى عاملة ايه وصحتك عامله ايه

 

 

[hend]

دكتورة اميرة البنت مش هتعرف تروح ولا تيجي وحتي لو راحت إيه اللي يضمنا انها هتفهم الحالة وتقدر تقيم اللي ادامها وكمان هي لسه مش فاهمه معني المرض حتي أنا لما قالتلي افتكرت ان الموضوع بسيط لكن سالت صديقة قالت لي كونه حكالها يبقي الموضوع كبير لكن إيه الخطورة في المرض لدرجة انها تسبب الطلاق

 

 

[hend]

اقتباس المشاركة الأصلية كتبت بواسطة dr-amira العروسة هنا قدامها حاجة واحدة تعملها ..تروح للدكتور النفسى اللى العريس بيتعالج عنده لوحدها و تعرف تفاصيل الحالة منه و تطورها و تقول لاهلها الوضع بالتفصيل ..و صدقينى يا هند ما فيش وقت متأخر ابدا ..لاخر لحظة ممكن تتراجع عن الجواز احسن لها من انها ترتبط بمريض نفسى يدمر حياتها هى وولادها على فكرة ..كتير جدا من الحالات النفسية الشديدة زى الشيزوفرينيا و غيرها المريض بيقول عليها اكتئاب ..و ربنا يوفق للى فيه الخير

اللى حضرتك تقصديه من انه يدمر حياتها هى واولادها ده على افتراض انه لم يستجب لللعلاج او ان وجود المرض فى حد ذاته يسبب هذه المشاكل

 

 

[dr-amira]

يبقى تنفصل احسن ..التجارب كتيررررررررره جدا و كلها بتنتهى بالطلاق ...و الاكيد ان فسخ الخطوبة ولو قبل الفرح بساعة واحدة ارحم من قسوة التجربة و الطلاق بطفل او اتنين ...و اوعى حد يقولها حظك كده و ارضى بنصيبك ..الاختيار لسه فى ايدها و هى لسه على البر

 

 

[دموع الورد]

اقتباس المشاركة الأصلية كتبت بواسطة hend ليه دائماً الخاطب او الزوج اللي كاتب كتابه بيحاول يضع عروسته في حيرة يعني ييجي بعد الخطوبة وقبل كتب الكتاب بايام قليلة يعترف لعروسته انه كان بيعاني من مرض نفسي اللي هو الاكتئاب ومازال يعاني منه والعروسة بتقول انه دائماً سرحان وكانه عايز ينام دائماً هل تفتكروا انه أتكلم في الوقت المناسب واللا متأخر وعلي اي اساس هتتصرف العروسة*

شوفى ياهند أولا هو مش دائما ياهند ولا حاجة يعنى مش كل الشباب بيعملوا كده ..
ثانيا الشاب اللى بيعمل كده معندوش ثقة فى نفسه ومش أمين ولا صادق وعلشان كده لجأ لأسلوب حقير زى ده إنه ينتظر لحد مايعلق البنت بيه وبعدين يقولها على حقيقة ماأخفاه عنها من أمور كان لابد إانها تعرفها من أول لقاء بينهم وقبل حدوث أى ارتباط رسمى وغير كده تبقى خيانة للأهل والبيت اللى دخله وللبنت ..

ثالثا كل بنت وليها تفكيرها ورد فعلها المختلف عن الأخرى فى بنت ممكن تكمل وتتجاهل اللى حصل سواء بمزاجها أو عاملة حساب لكلام الناس والمظاهر العامة ،، وفى بنت تانية ترفض الموضوع من الأساس
فى رأيى الشخصى إن البنت لازم تسيبه وفورا ومايهمهاش أى حاجة أو كلام اى مخلوق لأن ده زواج مش لعبة والخسارة القريبة أفضل من المكسب البعيد ده إذا كان فى مكسب أصلا مع إانسان بالشكل ده وفى النهاية مصلحتها وسعادتها فوق أى إعتبار

 

 

[biopasha]

فيه حد في الدنيا دي معندوش إكتئاب ؟؟
وبعدين هو بيقول كدة في نظري يعني فيما معناه إنه وحيد ومكتئب بدون عروسته .. يعني بيقول كدة علي سبيل الفضفضه مش أكتر أكيد .. وبيستني كلمة طيبه وحنونة من شريكة عمره .. وأكيد مش في باله خالص كل التوقعات والأهوال اللي اللي إتقالت دي من العروسة وأهلها .. يعني اتعمل سيناريو وفيلم علي كلمة
مع العلم إنه ممكن يكون الحكم في الواقع شكل تاني لكن أظن دا ممكن يكون الاقرب للواقع ..

 

 

[Remooo]

قول هو فيه حد ماعندوش 3 ولا 4 امراض نفسية على الاقل
والله يا بايو كلنا مرضىمابقاش فيه حد سليم خلاص
بس فيه فرق بين الضغوط الحياتية ودى اللى بتخلى الواحد قرفان وشايل الهم على طول ومش طايق روحه ولا اللى حواليه
وبين والعياذ بالله الاكتئاب المرضى اللى بيحتاج علاج وممكن لاقدر الله ياثر على الانسان فى باقى جوانب حياته
عامة هى العروسة او اهلها ادرى هل هو كان بيتكلم عادى عن حالة سابقة
حصلتله ولا هو لايزال واقع تحت اعراض واضحة وما تطمنش
هما ادرى باللى شايفينه