الشرابية

[محمد أبوزيد]

الصحف المصرية والعربية

انا من مواليد الشرابية مثلي مثل اي فرد من كل عائلةابوزيد تقريباابوه هاجر من الصعيد بعد ما خلص تعليمه المتوسط او الاقل من المتوسط كمان وعمل في القاهرة وسكن الشرابية

بصراحة انا لا اتذكر فيها حاجة لان والدي كان موظف في شركة ال منتشوف بتاعة الجاز وهي كانت شركة روسية الاصل مشهورة باسم ابو خروف وبعد الثورة البلشفيه تم بيع الشركة لشركة استاندر اويل الى هي الان ايكسون موبيل اويل وكان مركز العمل في المستودعات بالشرابيةوبعدها البليه لعبت معانا واتنقلنا الى حي دير الملاك واصبحنا سكان الاحياء الراقية وتركنا حي الشرابية الذي اشعر اني جزء منه خاصة ان كل احتياجنا بعد كدا كنا نشتريها من هناك لرخص ثمنهامن كامل بتاع الفول المدمس وعطية بتاع الجزم وخلافة كبار تجار الشرابية

حي الشرابية ، هو حي شعبي صغير في شمال القاهرة ، وسمي كذلك نسبة إلى سكانه من الشرابة (السقاة المختصين بسقي الناس واحضار الماء من النيل) في عهد الحاكم المصري محمد علي باشا ، ومن أهم معالم هذا الحي وجودأكبر ورش صيانة القطارات به، وقد استقل اداريا عن حي شبرا في ثمانينيات القرن الماضي كغيره من أحياء شمال القاهرة ومن أهم تجمعاته السكنية عزبة بلال والحكر والمهمشة والمظلوم ومساكن اديال.

 

[Farida]

تسجيل متابعه ياريت كل واحد اتولد و عاش فى حى يكتب عنه زى عمنا محمد ابوزيد كده اللى كنت فاكراه اسكندرانى المولد ........
بس فين باقى الحكايات و الذكريات فى الشرابيه كلى اذان صاغيه

 

 

[محمد أبوزيد]

اقتباس المشاركة الأصلية كتبت بواسطة dr.farida تسجيل متابعه ياريت كل واحد اتولد و عاش فى حى يكتب عنه زى عمنا محمد ابوزيد كده اللى كنت فاكراه اسكندرانى المولد ........ بس فين باقى الحكايات و الذكريات فى الشرابيه كلى اذان صاغيه

انا ما اتذكرشي حاجة عن الشرابية ابدا يمكن ابن عمي عادل لانه عاش فترة كبيرة من عمرة فيها

لكن افتكر اول يوم دخلت المدرسة كنت مقيم في حي دير الملاك في شارع اسمه شارع الروم ودا شارع متفرع من شارع مصر والسودان وكان قصير جدا ونافد من الجهتين على شارع مصر والسودان بدايته بعد كوبري بيمر عليه القطر وقتها ونهايته بيوصل لشارع مصر والسودان قريب من مسجد الشيخ كشك

مشكلة والدي انه كان كثير التنقل نظرا لطبيعة عمله مهندس في شركة استاندر اويل وقتها

تركت حى دير الملاك واتنقلنا الى طنطا ولكن كنا لما ننزل مصر لزيارة العائلة في الشرابية كنا بنشتري كل حاجة من هناك

وكنت احب دائما ادخل بيوتهم من البلكونات لانها كانت اول دور وبالتالي يفجأو بي عندهم وبعدها باقي العيلة كانت تدخل من الباب

حاليا فعلا مقيم في الاسكندرية لان زوجتى كانت عاوزة كدا وبنتي لانا عاوزة كدا ومتعلقين بالاسكندرية ورتبوا حياتهم على الاقامة فيها

لكن لو تسئليني انا شخصيا

عاوز اسكن في شقة في الشرابية دور اول واشتري الفول المدمس من البلكونة وشوية بليلة من عم عبد الصبور بتاع الفول واعمل شاي بلبن واقرأ الجرنال واقعد باقي حياتي هناك وبلاها الاسكندرية كلها ودوشة المصييفين في الصيف ومطر الشتا الى ما ينزلي الا لما احب اخرج بره البيت