ممكن ننشر الصورة دي في كل مكان

[KANE]

الصحف المصرية والعربية

عجيتني اوي

ياريت نحطها ع الفيس بوك وعلى تويتر

جايز اللي نسي يفتكر ويفوق

 

[aymanology]

 

 

[بريف هااارت]

دعوه لموضوعي

يسقط حكم المرشد

KANE

رغم تأييدي للثوره والثوار وإحترامي لكل نقطة دم مصريه أريقت فيها
أجد نفسي محتار بين أسماء المرشحين
أرفض الأسلامين بعد صدمتي فيهم من خلال مجلس الشعب
وأرفض من يلبسون الأقنعه لأخفاء هويتهم الأخوانيه والسلفيه
وأجد من بين المرشحين من لايمتلكون خبرات تجاوز المرحله رغم أخلاصهم ووطنيتهم ..
ولايوجد أمامي سوي أعضاء النظام السابق هم القادرون علي تجاوز المرحله ,,, ولكن بشرط وضع الدستور أولا لتحديد صلاحيتهم قبل أعتلاء كرسي الرئاسه ,,, وتقليم أظافرهم من خلال بنود الدستور لضمان عدم العوده والحنين لأسلوب النظام السابق ..

أستخدم عقلي ولكن الجميع يستخدمون الشعارات ويتاجرون بدم الشهداء ..
كنت أعتقد أن الثوار يمتلكون فكرا راجحا ولديهم الإيثار لأنكار الذات والبحث عن مصلحة الوطن قبل كل شئ ..

مصر تحتاج للهدوء ولملمة الجراح وتضافر الجهود للوقوف أما التحديات الداخليه والخارجيه بصلابه وربنا يحفظ مصر وابنائها

 

 

[دكتور مهندس جمال الشربيني]

دعوه لموضوعي

مستر "عاوز" وأنـــــــــــــــــــــــــا

منتديات المطاريد > إفتتاحية المنتدى > من نحن ؟ > ممكن ننشر الصورة دي في كل مكان


يا سيد كين Kane

نحن نفذنا رغبتكم في النشر في الفيس بووك

هل مطلبون منا شئ آخر
غير النشر في كل مكان

 

 

[waleedelrefiey]

انا متابع كتاباتك بريييف هارت و لي عليك التوضيح و أنت صاحب القرار الأول و الأخير فيما تختاره

اقتباس المشاركة الأصلية كتبت بواسطة بريف هااارت رغم تأييدي للثوره والثوار وإحترامي لكل نقطة دم مصريه أريقت فيها أجد نفسي محتار بين أسماء المرشحين

كلام جميل برييف هااااارت

اقتباس المشاركة الأصلية كتبت بواسطة بريف هااارت أرفض الأسلامين بعد صدمتي فيهم من خلال مجلس الشعب وأرفض من يلبسون الأقنعه لأخفاء هويتهم الأخوانيه والسلفيه

أنا هوضح لحضرتك نقطة مهمة جدا ... أنت لا تحب الإسلاميين و بالتالي شئ طبيعي أنك ترفض الي لبسين أقنعة و متخفيين ... و أنت حر للناس فيما يعشقون مذاهب ... يعني سيدتك مثلا لو سئلتي شارون مترشح قدام بتوع النظام السابق ... هقولك بكل بساطة هنتخب شااااااااارون (ده لو رجع من غيبوبته أسكنه الله قعر جهنم) ... علي الأقل لسه مشفتش منه شر في حكم مصر ... انما شفت من النظام السابق ... عمرو موسي و شفيق أضلاع النظام السابق.... و تاريخهم معروف ...
نرجع لصدمتك في الأسلاميين في مجلس الشعب ... أنا معاك أنهم أخطأو زي قانون التصالح مع المستثمرين بأسعار وقت السرقة و الي عدلوه أمس و قانون محاكمة العسكريين أمام المحاكم العسكرية فقط و بعض المواقف الأخري التي لا ترقي بأي شكل من الأشكال للآفعال النظام السابق الي سيدتك بتأيده للأستقرار و الخبرة و معك كل الحق في وجهة نظرك ...

بس الي الأن لم يتقلد الأسلاميين أي منصب تنفيذي عشان تقيم أداؤهم

و تقارنهم بنظام مسك مصر لعقود و أذل شعبها و قام بأكبر عمليه سلب و نهب عرفها التاريخ

الخلاصة يا فندم وجهة نظري البيسطة ... متركبش ... تأيدك للثورة و تأيدك للنظام السابق
أستحالة ... أنا أصدق تأيد حضرتك للنظام السابق ... انما مقدرش أصدق أبدااااا تأيدك لدم الشهداء

اقتباس المشاركة الأصلية كتبت بواسطة بريف هااارت وأجد من بين المرشحين من لايمتلكون خبرات تجاوز المرحله رغم أخلاصهم ووطنيتهم ..

هذا ما كان يذكره لنا جميع شلل النظام السابق من صغيره لكبيره
مصر غير مؤهلة حاليا للديمقراطية
الشعب لسه بينضج
مفيش خبرات كافية لتقلد المناصب القيادية
الموضوع محتاج وقت
..... الخ أخر القصة

اقتباس المشاركة الأصلية كتبت بواسطة بريف هااارت ولايوجد أمامي سوي أعضاء النظام السابق هم القادرون علي تجاوز المرحله ,,, ولكن بشرط وضع الدستور أولا لتحديد صلاحيتهم قبل أعتلاء كرسي الرئاسه ,,, وتقليم أظافرهم من خلال بنود الدستور لضمان عدم العوده والحنين لأسلوب النظام السابق ..

حقك أنتخبهم يا باشا .... بس مش من حقك تقول أنك كنت مؤيد للثورة و مهو بردك كان فيه دستور و مبارك هلهله ... يعني حتي لو شلت أظافرهم كلها مش قلمتها .... هترجع أنياب تنهش فيك أولا و فينا بعدها

اقتباس المشاركة الأصلية كتبت بواسطة بريف هااارت أستخدم عقلي ولكن الجميع يستخدمون الشعارات ويتاجرون بدم الشهداء .. كنت أعتقد أن الثوار يمتلكون فكرا راجحا ولديهم الإيثار لأنكار الذات والبحث عن مصلحة الوطن قبل كل شئ ..

هي مصلحة الوطن أنك تبقي علي النظام الي قامت من أجله الثورة ... و أنا معك في إستخدام العقل .... و عشان كده رديت علي رسالتك .... انا لا أخواني و لا سلفي و لا علماني ... انا مواطن مصري بسيط بستخدم عقلي ... أحنا جربنا النظام السابق و حدثت الكوارث أيه المشكلة لم نجرب نظاااااام شارون و ننتخبه ... العقل يقول كده ... مش زي سيدتك ما بتقول

اقتباس المشاركة الأصلية كتبت بواسطة بريف هااارت .. مصر تحتاج للهدوء ولملمة الجراح وتضافر الجهود للوقوف أما التحديات الداخليه والخارجيه بصلابه وربنا يحفظ مصر وابنائها

كلام جميل و علي حد علمي أحنا من سنة 1973 مدخلناش حرب و كلامك نفس كلام الرئيس السابق مبارك .... الأستقرار من أجل التنمية .... و أدينا في هدوء من عقووووووووود .... عملت فينا أيه .... أنتشار الفقر و الأمية و متوسط دخل الفرد و أنتشار الجريمة و أطفال الشوارع و القضاء علي الطبقة المتوسطة و موت شبابنا في البحار هروبا من البلد الهادئة و أنتشار المخدارت و و و و و ...... أقولك ايه يا فندم

و في الأخر تقولي بأستخدم عقلي

و زي ما قلت لسيادتك تاني .... أنا بلا تيار و دي كانت نصيحة من أخ لأخوه
فقط .... أخدت بيها لنفسك و لوطنك مأخدتش بيها بردك لنفسك بس الأكيد أنها هتكون علي وطنك

تحياتي بريف باشا

 

 

[abohagar]

يا سيدى الفاضل تأكد أن هذه الانتخابات بلا فائدة و الرئيس القادم اما فلول أو منفذ لأجندة الفلول و العسكر الثورة سقطت يوم 11 فبراير مع تسلم العسكرى للسلطة و مع الرضا بالبرلمان و المناصب فالشعب مغيب و الجيش فاسد و لصوص فمن تظن كان سيحمى الثورة - البقاء لله

see you next revolution

 

 

[بريف هااارت]

دعوه لموضوعي

يسقط حكم المرشد

وليد الرفاعي

أحترم ردك وفكرك وأسلوب حوارك
دعنا نري ماذا فعل الثوار بعد الثوره

أكتفوا بنسبة 1% من عضوية مجلس الشعب ومن خلال أحزاب لاتمثل فكرهم .. فقط أنتهاز للفرصه

ينادون الآن بمقاطعة الأنتخابات الرئاسيه بعد أنسحاب البرادعي وسقوط قناع أبو الفتوح الآخواني !!

ماذنب هذا الشعب في قصر نظرهم وعدم قدرتهم علي تمثيله أو التوحد تحت رايه واحده ياثوارنا الكرام

الرعب الأكبر

الجيل الجديد من الأخوان

الجيل الجديد من السلفيين

أعترف بمقدرتهم التنظيميه الرائعه وقدرتهم الفائقه علي الاصطفاف والتجيش .. يتمتعون بالحيويه والنشاط والأخلاص للهدف لايثنيهم ولاينتبهون أصلا للأعلام فقط يتبعون قادتهم بصوره عمياء !!

أنهم فعلا مرعبون ولن يستطيع أحد أن يوقفهم لو أمرتهم مرجعيتهم بالتحرك وقد نصدم جميعا لو عرفنا مدي تغلغلهم في كل مفاصل الدوله المدنيه والعسكريه ..

لذلك ياوليد أبحث عن بقايا النظام السابق لأنهم من يعرفون كيفية التعامل معهم وحماية مصر أن تصبح عاصمتها تور بورا وضواحيها ليبيا ( باكستان ) والسودان ( إيران ) وهكذا ..

أحترم فكرك وأنا مثلك أرفض العوده للماضي ولكنني أبحث عن مصلحة وحماية بلادي ..

 

 

[waleedelrefiey]

يا عمنا
يا ريت نكون زي ليبا أو السودان أو أيران أو باكستان
ده أحنا قدمنا عمر لم نوصل زيهم

نحن في ذيل قائمة العالم في كل شئ
فيه مثل جميل عزيزي بريف هااارت

ضربوا الأعمي علي عينه .... قال خسرانة خسرانة

فإحنا عمي و سيدتك عارف أننا عمي .... و أتعمينا في ظل النظام السابق
يعني هيحصل أيه لو مسك الإسلامين و طلعوا سلسفيل أبو الي جابونا
مش هيحصل حاجة ... لأنني عمي أصلا

أحنا أتعمينا في ظل النظام السابق .... أنما فيه إحتمال .... إحتمال واحد في المليار (عجبك كده) أن حالنا ينصلح مع الإسلاميين و نعرف نشوف و في كل الأحوال مش خسرانين حاجة

تحياتي بريف هارت
و أتمني تكون فهمت وجهة نظري
حتي لو شارون قبحه الله أترشح قدام موسي و شفيق ... هختار شارون .... ليس حبا في شارون و لكن كرها في النظام الي أذلنا لعقود .... و لو عوزني أحلفلك ... أحلف لك

فالمنطق يقول أنك تعصر ليمونة و تيجي علي نفسك يا سيدي لو سيدتك مع الثوار و تروح تنتخب أي واحد خلاف عمرو و شفيق ليس حبا في الأخرين ... و لكن كرها في النظام الي قتل الثوار الي سيدتك بتأيدهم
تحياتي يا فندم

 

 

[محمد علي عامر]

اقتباس المشاركة الأصلية كتبت بواسطة بريف هااارت رغم تأييدي للثوره والثوار وإحترامي لكل نقطة دم مصريه أريقت فيها أجد نفسي محتار بين أسماء المرشحين . . . . ولايوجد أمامي سوي أعضاء النظام السابق هم القادرون علي تجاوز المرحله ,,, ولكن بشرط وضع الدستور أولا لتحديد صلاحيتهم قبل أعتلاء كرسي الرئاسه ,,, وتقليم أظافرهم من خلال بنود الدستور لضمان عدم العوده والحنين لأسلوب النظام السابق ..

ليه وهو حسني مبارك كان بيحكم وبيخرب البلد لوحده؟؟ الرجل الخارق بسلامته!!!
كان بيحكم طبعا عن طريق أعضاء النظام القديم زي شفيق وموسى وغيرهم؟؟

وبعدين كأنك عايز تقول إن المشكلة كانت في الدستور مش في مبارك ورجالته. طب ماكنا سبنا مبارك يحكم بنفس شروطك وأكيد هو كان أكثر قدرة على تجاوز المرحلة اللي حطنا فيها هو ورجالته لمدة 30 سنة!!! إيه لزوم الشهداء اللي دفعوا دمهم عشان نخلص من مبارك ورجالته كلهم؟؟؟

وبعدين إنت حضرتك مؤيد للثورة اللي أسقطت النظام القديم ولكن في نفس الوقت إنت مع عودة أعضاء النظام القديم.!!!! مفهوم يافندم

 

 

[KANE]

اقتباس المشاركة الأصلية كتبت بواسطة بريف هااارت KANE رغم تأييدي للثوره والثوار وإحترامي لكل نقطة دم مصريه أريقت فيها أجد نفسي محتار بين أسماء المرشحين أرفض الأسلامين بعد صدمتي فيهم من خلال مجلس الشعب وأرفض من يلبسون الأقنعه لأخفاء هويتهم الأخوانيه والسلفيه وأجد من بين المرشحين من لايمتلكون خبرات تجاوز المرحله رغم أخلاصهم ووطنيتهم .. ولايوجد أمامي سوي أعضاء النظام السابق هم القادرون علي تجاوز المرحله ,,, ولكن بشرط وضع الدستور أولا لتحديد صلاحيتهم قبل أعتلاء كرسي الرئاسه ,,, وتقليم أظافرهم من خلال بنود الدستور لضمان عدم العوده والحنين لأسلوب النظام السابق .. أستخدم عقلي ولكن الجميع يستخدمون الشعارات ويتاجرون بدم الشهداء .. كنت أعتقد أن الثوار يمتلكون فكرا راجحا ولديهم الإيثار لأنكار الذات والبحث عن مصلحة الوطن قبل كل شئ .. مصر تحتاج للهدوء ولملمة الجراح وتضافر الجهود للوقوف أما التحديات الداخليه والخارجيه بصلابه وربنا يحفظ مصر وابنائها

يبقى الأصلح هو حسني مبارك

وصدق عندما قال هو ونائبه اننا شعب لا تصلح معه الديمقراطية