Arabic Discussion Forum with a Special Interest in Travel and Immigration

Ghost · 14th November 2008, 09:28 PM

في البديل يوم الجمعة كتب جلال عامر مختصرا وقائع حياة مصرية شكل العمر البرلماني المديد للدكتور سرور اهم مقوماتها ومعالمها:

أخيراً دخل الجيش... كشف أول كشف وتاني كشف ولبس ميري وعمل حفظ وظيفة وقرب يخلص جيشه وأبوه خطب له "رضوي" بنت الحاج "رضوان" واتجوزها وجاب له منها حفيد. ذلك هو الطفل الذي ولد يوم أصبح الدكتور فتحي سرور رئيساً لمجلس الشعب منذ عشرين عاماً.

الشاب في الأسبوع الماضي قال له أبوه: (عايزك بعد أربعين سنة لما تتم الستين وتطلع معاش توهب اللي فاضل من عمرك للحملة الانتخابية بتاعة الدكتور فتحي وده هيكون أحسن ختام لك).. فقال الشاب: (أربعين سنة يابا يكون الدكتور فتحي مات).. فشخط فيه الأب وقال: (اسكت يا قليل الأدب الدكتور فتحي ربنا يطوّل لنا في عمره، معاه حصانة مش ممكن يموت إلا بأغلبية التلتين)
.. فرد الشاب: (ما هو يا آبا التلتين هيكونوا برضه ماتوا) فقال الأب: (هيموتوا إزاي يا غبي، لا فيهم حد ساكن في الدويقة، ولا بيركب عبارة، ولا بيروح إيطاليا عوم!).. فرد الشاب: (خلاص يابا ما تزعلش أموت أنا وأريحكم) فقال الأب: (لعلمك بقي حتي لو مت، الدكتور فتحي برضه هياخد صوتك وإنت ميت)
.. فسأله الشاب: (أمال عايزني أعمل إيه؟!) فقال الأب: (تروح للدكتور فتحي وتحب علي راسه وتبارك له بالتجديد وتقول له "الهرم" الجديد اللي لقوه في الجيزة بقاله 3200 سنة ولسه محتفظ بالمنصة بتاعته، عايزينك تحطم له الرقم بتاعه وتحتفظ بالمنصة بتاعتك 3200 سنة وساعتين وإتناشر دقيقة)
.. فقال الشاب: (أنا ما أقدرش يا آبا أقول الكلام ده)
.. فسأله الأب: (ليه يا غبي؟) فقال الشاب: (إفرض سألني التلتلاف سنة والبتوع دول يعملوا كام دورة أقول له إيه؟)

toronto · 14th November 2008, 09:55 PM

ههههههههههههههههههههههه...حلوة يادكتور...

No Body · 14th November 2008, 10:12 PM

حلوة صحيح يعني

FINETOUCH · 15th November 2008, 05:00 AM

طيب والوزرا و....

Ghost · 16th November 2008, 01:38 AM

صحيح الضحك هنا على المصيبة شغالللللللل
احسن من الضحك على النكته نفسها

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
مطلوب استديو تصوير لاستخراج صور مطابقه للمواصفات...	الهجرة إلى كندا	Ghost	2	1443	25th July 2019 10:08 PM
الاجابة عن اي استفسار عن المعيشة في كندا	الهجرة إلى كندا	RAMIHEJJI	316	57240	21st March 2011 07:36 PM
بدأت اشعر بوخز الالم عند تسجيل دخولي على عالم...	مناقشات وحوارات جادة	Ghost	48	5288	3rd April 2009 07:31 PM
جماعة الإخوان تعلن مشاركتها في إضراب 6 ابريل	شؤون مصر الداخلية	Badroora	32	2811	3rd April 2009 12:17 AM
وزير الخارجية الإسرائيلي الجديد ينفض يديه من...	فلسطين أرض الرباط	أسامة الكباريتي	1	1171	1st April 2009 11:10 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

شؤون مصر الداخلية

ضرب رقم قياسي جديد ....؟