اعانه بطاله لمن لا يعمل

[msameh]

هل توافق علي صرف اعانه بطاله شهريه تساوي الحد الادني للمرتبات في مصر لمن لا يعمل لظروف قهريه (انتهاء فتره التعاقد - عجز عن العمل - .....)

نعم اوافق

لا اوافق

عندي بدائل سأذكرها

 

[toota]

جيت ع الجرح يا مسامح....احيانا كتير بفكر ليه لا...ليه ميكونش فيه اعانة...تساعد رب الاسرة على تحمل شويه من تكاليف الحياة الصعبة...

بالمقابل ...ممكن تخليه يتحايل عشان يقعد ويبلطج على الحكومه مقابل انه ميشتغلش...

في اوروبا...بيوزعوا اعانات حكوميه على غير العامل...حتى لو كان اجنبي...وده الي خلا كتير من العرب يسافروا زي السويد والمانيا..ألخ... المصيبه انهم لو اشتغلوا مبياخدوش الاعانه دي...يعني الحكومه بتساعدهم على الانتخه...لانهم اكل ومرعى وقلة صنعة...


هل ده لو حصل في مصر حيصلح ولا حيبوظ الاحوال اكتر؟؟


انا اتمنى بدل الاعانة... يكون في ضمان صحي اقوى من الموجود حاليا,,, مشكله مصر ان التلوث شديد وعالي اوي والمرض فيها مكلف جدا... وممكن مرض بسيط لفقير يتسبب في موته لانه ميملكش تمن العلاج

 

 

[haya]

أنا أطالب بصرف إعانة لمن يعمل الاول
بمعني أصح رفع الحد الادني للأجور
معظم الشباب العاطل أصلا مابيسعاش بحماس لايجاد عمل لإنه عارف أن الاجر ضعيف جدا فبتصيبه خيبه أمل
و بيبقي قعدته علي القهوة أو مع اصحابه أرحم من إنه يبتهدل في مواصلات رايح جاي ومصاريف يوميه في النهايه ممكن في كتير من الاحيان بتعدي الاجر اللي هاياخده في الاخر

انا عارفه ان التفكير ده مش إيجابي و لكنه واقعي وهايبقي الرد أنه لازم يتعب ويأخد خبرة ويطلع السلم واحده واحده يمكن يوصل
لكن في الحقيقه قليل أوي اللي بيفكر كده وعنده الصبر ده
وخصوصا إذا كانت الوظيفه في جهه حكوميه ..وهو عارف انه هاياخد 5 سنين علشان ينتقل من درجه لدرجه في السلم الوظيفي علشان أجره يزيد
في نظري لو زاد الحد الادني للاجور هايكون أفضل وهايكون في صالح الشباب و هايشجعه أنه يسعي في البحث عن عمل ...أكتر بكتير من أعانه بطاله اللي بالتأكيد هاتزود حاله الكسل و الاتكال واللامبالاه عند الشباب

 

 

[toota]

اقتباس المشاركة الأصلية كتبت بواسطة haya أنا أطالب بصرف إعانة لمن يعمل الاول بمعني أصح رفع الحد الادني للأجور معظم الشباب العاطل أصلا مابيسعاش بحماس لايجاد عمل لإنه عارف أن الاجر ضعيف جدا فبتصيبه خيبه أمل و بيبقي قعدته علي القهوة أو مع اصحابه أرحم من إنه يبتهدل في مواصلات رايح جاي ومصاريف يوميه في النهايه ممكن في كتير من الاحيان بتعدي الاجر اللي هاياخده في الاخر انا عارفه ان التفكير ده مش إيجابي و لكنه واقعي وهايبقي الرد أنه لازم يتعب ويأخد خبرة ويطلع السلم واحده واحده يمكن يوصل لكن في الحقيقه قليل أوي اللي بيفكر كده وعنده الصبر ده وخصوصا إذا كانت الوظيفه في جهه حكوميه ..وهو عارف انه هاياخد 5 سنين علشان ينتقل من درجه لدرجه في السلم الوظيفي علشان أجره يزيد في نظري لو زاد الحد الادني للاجور هايكون أفضل وهايكون في صالح الشباب أكتر بكتير من أعانه بطاله اللي بالتأكيد هاتزود حاله الكسل و الاتكال واللامبالاه عند الشباب

يا هيا يا حبيبتي...الحد الادنى زودوه بلعبه خبيثة... وزودوا كل الاسعار على الي معاه والي ممعوش....دي لعبه وبتتلعب في كل دول العالم...زودوا الحد الادنى..الدنيا كلها تغلى مره واحده ع الغني والفقير....

كمثل بسيط
عندك فكره فاتورة الكهربا زادت اد ايه؟؟؟

 

 

[haya]

اقتباس المشاركة الأصلية كتبت بواسطة toota يا هيا يا حبيبتي...الحد الادنى زودوه بلعبه خبيثة... وزودوا كل الاسعار على الي معاه والي ممعوش....دي لعبه وبتتلعب في كل دول العالم...زودوا الحد الادنى..الدنيا كلها تغلى مره واحده ع الغني والفقير.... كمثل بسيط عندك فكره فاتورة الكهربا زادت اد ايه؟؟؟

وليه ما يبقاش فيه حد أعلي للأسعار في البلد نفسها حتي ولو لفترة معينه مع رفع الحد الادني للأجور
وبعدين رفع الحد الادني للاجور لازم يكون بصفه عمليه حقيقه متوافقه مع زياده الاسعار في البلد مش مجرد دعايه صوريه زي اللي شوفناها و الناس إتأذت بيها
اللي بيحصل في البلد ده سرقه علني ..الحكومه إديت الشعب فلوس بإيد أخدتها بالايد التانيه عن طريق جهات حكوميه قبل ما تكون عن طريق التجار اللي هما مواطنين ...زي ما انتي قلتي في زياده فاتورة الكهربا
إحنا بنتكلم هنا عن فكره تبني أو تحل مشكله ..مش فكره علشان الحكومه تنيم بيها الشعب وتمد في عمر رئاسه اللي طال عمره

 

 

[toota]

اقتباس المشاركة الأصلية كتبت بواسطة haya وليه ما يبقاش فيه حد أعلي للأسعار في البلد نفسها حتي ولو لفترة معينه مع رفع الحد الادني للأجور وبعدين رفع الحد الادني للاجور لازم يكون بصفه عمليه حقيقه متوافقه مع زياده الاسعار في البلد مش مجرد دعايه صوريه زي اللي شوفناها و الناس إتأذت بيها اللي بيحصل في البلد ده سرقه علني ..الحكومه إديت الشعب فلوس بإيد أخدتها بالايد التانيه عن طريق جهات حكوميه قبل ما تكون عن طريق التجار اللي هما مواطنين ...زي ما انتي قلتي في زياده فاتورة الكهربا إحنا بنتكلم هنا عن فكره تبني أو تحل مشكله ..مش فكره علشان الحكومه تنيم بيها الشعب وتمد في عمر رئاسه اللي طال عمره

احنا بنتكلم في المتاح...عشان نغير قوانين...ونثبت اسعار..البلد حتوقع كلها...عندك فكرة ان معظم السوبرماكت الكبيرة..مبقتش تلزق الاسعار على المنتجات ...بسبب ارتفاع الاسعار اليومي...

عشان نغير كل ده شغلانه ومش حتتغير صدقيني


الاسهل...ندور على حاجه فعلا تبقى فيها افادة للناس اكتر وفكرتها اسهل حسب مفهومي للموضوع... لان مصر تقريبا مفهاش بيت مفهوش مريض او مريضه...سواء مسن او طفل...خصوصا في الطبقات الاقل من المتوسطة شوفي بقى تكاليف العلاج دي حتبقى قطم وسط ازاي وسط كل تكاليف الحياة الي بتزيد يوم بعد يوم... طب تصدقي وتؤمني بالله؟...والله بخاف امرض...مش بس عشان المرض وحش ومحدش بيحبه...كمان عشان مقصرش في حق اولادي في يوم واقطع عنهم حاجات اساسيه عشان اصرفها على علاج يخصني

 

 

[haya]

اقتباس المشاركة الأصلية كتبت بواسطة toota الاسهل...ندور على حاجه فعلا تبقى فيها افادة للناس اكتر وفكرتها اسهل حسب مفهومي للموضوع... لان مصر تقريبا مفهاش بيت مفهوش مريض او مريضه...سواء مسن او طفل...خصوصا في الطبقات الاقل من المتوسطة شوفي بقى تكاليف العلاج دي حتبقى قطم وسط ازاي وسط كل تكاليف الحياة الي بتزيد يوم بعد يوم... طب تصدقي وتؤمني بالله؟...والله بخاف امرض...مش بس عشان المرض وحش ومحدش بيحبه...كمان عشان مقصرش في حق اولادي في يوم واقطع عنهم حاجات اساسيه عشان اصرفها على علاج يخصني

حاسه بيكي في كلامك والله ولو الواحد فكر بالشكل ده يبقي هايبطل يتنفس أو يعيش أو حتي ياكل ...لما بيجيلي الفكر ده باقوله هش هش هششش اللهم أخذيك يا شوشو

اقتباس المشاركة الأصلية كتبت بواسطة toota احنا بنتكلم في المتاح...عشان نغير قوانين...ونثبت اسعار..البلد حتوقع كلها...عندك فكرة ان معظم السوبرماكت الكبيرة..مبقتش تلزق الاسعار على المنتجات ...بسبب ارتفاع الاسعار اليومي... عشان نغير كل ده شغلانه ومش حتتغير صدقيني الاسهل...ندور على حاجه فعلا تبقى فيها افادة للناس اكتر وفكرتها اسهل حسب مفهومي للموضوع... لان مصر تقريبا مفهاش بيت مفهوش مريض او مريضه...سواء مسن او طفل...خصوصا في الطبقات الاقل من المتوسطة شوفي بقى تكاليف العلاج دي حتبقى قطم وسط ازاي وسط كل تكاليف الحياة الي بتزيد يوم بعد يوم... طب تصدقي وتؤمني بالله؟...والله بخاف امرض...مش بس عشان المرض وحش ومحدش بيحبه...كمان عشان مقصرش في حق اولادي في يوم واقطع عنهم حاجات اساسيه عشان اصرفها على علاج يخصني

طيب علشان انا مش بافهم أقتصاد ..يبقي علي فهمي المحدود
لو إرتفاع الحد الادني للأجور هايرفع الاسعار
يبقي برضه صرف إعانه للبطاله هايرفع الاسعار طبقا لنفس النظريه
أما موضوع تحسين التأمين الصحي فهو شئ مستحيل تقريبا لاسباب كتير اوي مش عايزين ندخل فيها علشان الموضوع ما يوسعش
ولكن ده مش هايفيد شئ في البطاله في مصر ...

طيب لو رجعنا للفكره الأصليه للموضوع وقارنا بين إعانه بطاله للشباب ولا رفع الحد الادني لأجور هايكون افيد للشباب العاطل ..تختاري ايه أو رأي تالت غير التأمين الصحي اللي هايساعد رب الاسرة لكن مش هايساعد الشاب العاطل

 

 

[أحمد باشــا]

للعلم فقط

أعانة البطالة حق دستوري لكل مواطن

لكنها مغيبة أو تم تقليل أهميتها كأشياء أخرى دستورية أيضا مثل الحرية و الديموقراطية

طيب المشكلة فين بقى ..؟؟

مشكلة مصر هي تدني الأجور جدا و بالتالي تدني الأعانات و المعاشات

و حل المشكلة الأقتصادية في مصر يبدأ برفع الأجور

و عندما ترفع الأجور ستزيد القوة الشرائية للفرد

و بزيادة القوة الشرائية سيزيد الأنتاج ...و هكذا

و على فكرة محمد علي مؤسس مصر الحديثة هو أول من فعل ذلك في مصر لتحسين وضعها و طبعا كانت النتائج مذهلة

أيضا في أول عهد عبد الناصر تم تحديد الحد الأدنى للأجور و كان وقتها على ما أعتقد 7.5 جنيه فقط و لكنها كانت قفزة كبيرة جدا لأنها كانت تعادل 3 أضعاف الحد الأدنى و قتها ...ثم تم رفع الحد الأدنى بمضاعفته تباعا ألى 15 جنيه ثم 22.5 جنيه و هكذا ...و هذا كان سببا مباشرا في طفرة التنمية الغير مسبوقة في الخطة الخمسية الأولى في أوائل الستينات

طبعا زي ما أنتم عارفين أن الحكومة فاهمة الكلام ده كويس لكن عدم تنفيذه ينبأ عن سوء نيتهم تجاه الشعب

الوزير محمد رشيد في حوار تليفزيوني قال أنه يعمل على رفع الأسعار و سعر الخدمات لمستوى الأسعار العالمية و برر بأن أزمة مصر هي أزمة أجور متدنية و ليست أزمة أرتفاع أسعار

و عندما سأله المذيع و لماذا لا ترفعون الأجور قال أنها ليست مهمتي أنا فقط أعمل ذلك

لذلك فأنه من الواضح أن حكومة نظيف تعمل على زيادة الأسعار مع الأبقاء على مستوى الأجور المتدني

و آخرها رفضها خفض أسعار الدقيق و المحروقات و أسعار السلع الغذائية بعد رفعها مؤخرا بسبب زيادة الأسعار العالمية و برغم هبوطها ثانية لأقل مما كان قبل الأزمة الأخيرة فأن الحكومة لا تنوي خفض الأسعار ثانية

 

 

[Batman]

لو اتعملت في مصر كل الناس هتاخدها







توضيح :
نسبة البطالة عالية بالفعل
اللي عندي شغلانه هايستسهل ويسيبها ويأنتخ في بيتهم
الفهلوة بتاعتنا هتخلي حتى اللي بيشتغل يعرف يسلك أموره ويأخد الإعانة برضه

 

 

[toronto]

اقتباس المشاركة الأصلية كتبت بواسطة batman لو اتعملت في مصر كل الناس هتاخدها توضيح : نسبة البطالة عالية بالفعل اللي عندي شغلانه هايستسهل ويسيبها ويأنتخ في بيتهم الفهلوة بتاعتنا هتخلي حتى اللي بيشتغل يعرف يسلك أموره ويأخد الإعانة برضه

ما عتقدش...اعانة البطالة بتبقي يدوب علي اد المعيشة..مثال في كندا الناس ايلي بتاخد اعانة البطالة مايقدرس ينزل وسط البلد لو مابيشتغلوش 20 ساعة في الاسبوع طبعا مش رسمي...فماباك بمصر...وعموما ايلي عايز يشتغل حيلاقي شغل...