تزوير انتخابات الرئاسة لصالح شفيق

[محمد المرى]

بالصور..تزوير إنتخابات رئاسة الجمهورية
[IMG]

Uploaded with ImageShack.us

[/IMG]

مازلت اشكك فى نزاهة هذة الأنتخابات ومحاولة تزويرها لصالح الشفيق أحمد فريق , حتى الآن لا اتصور بأى حال من الأحول مسرحية حصول شفيق على 12,347,380 مليون صوت وبدأ الشك لدى عندما تم الأعلان من قبل اللجنة العليا للأنتخابات عدم تسليم كشوف الناخبين للمرشحين عندها تأكدت من حدوث التزوير لأننى لا اتصور ان قاتل الشهداء فى موقعة الجمل يحصل على هذا العدد والا فنحن نتهم شعبنا بالخيانة وسوف تثبت الأيام صدق ما أقول
هذة محاولة منى لاستقراء الوضع فى المطاريد ومعرفة رأيهم فى هذة المسألة

اقتباس حصلت الفجر على نسخة من صورة توضح عملية نقل صندوق إنتخابى من أحد اللجان بالمحافظات ، خلال مواطن لا يُعلم أين يذهب به . وأكد النشطاء على مواقع التواصل الاجتماعي فيس بوك أن عملية نقل الصندوق توضح مدى الإهمال من جانب اللجنة العليا للإنتخابات ، و وزارة الداخلية ، حيث يسير المواطن وسط الشارع ومعه الصندوق على دراجة نارية ، مما يخالف ما أعلنت عنه وزارة الداخلية من تأمين اللجان ، وعمليات نقل الصناديق. فى الوقت الذى قام فيه أحد المواطنين بإلتقاط صورة له خلال عملية نقل الصندوق ، من جانبنا نحن الفجر نؤكد على ضرورة التحقيق فى عملية نقل الصندوق . وتوالت التعليقات الساخرة على الصورة قائلا أحدهم " خد يا حاج رايح فين ، خد يا حاج , صوتي يا حاج ، هى العليا فين ، سلملى على نزيهة ، ده كان بيوصله اللجنة ، على الترعة بيتمشى". شاهد المحتوى الأصلي علي بوابة الفجر الاليكترونية - بالصور..تزوير إنتخابات رئاسة الجمهورية

 

[eagle eye]

يا جماعة لو مقدرناش نصدق ان فى 12 مليون انتخبوا شفيق نبقى بنضحك على نفسنا
انا فى منطقتى كل الناس انتخبت شفيق الا 5 فى المية
الانتخابات فعلا كانت نزيهة
و فعلا فى ناس كتير جدا بتكره الاخوان و علشان كده ادوا لشفيق
و بصراحة احنا نحمد ربنا على النتيجة لان كل الشواهد كانت بتاكد فوز شفيق
ولولا حل مجلس الشعب وقانون الضبطية كان مرسى هيسقط فعلا
لكن ربنا ستر

 

 

[محمد المرى]

اقتباس المشاركة الأصلية كتبت بواسطة eagle eye يا جماعة لو مقدرناش نصدق ان فى 12 مليون انتخبوا شفيق نبقى بنضحك على نفسنا انا فى منطقتى كل الناس انتخبت شفيق الا 5 فى المية الانتخابات فعلا كانت نزيهة و فعلا فى ناس كتير جدا بتكره الاخوان و علشان كده ادوا لشفيق و بصراحة احنا نحمد ربنا على النتيجة لان كل الشواهد كانت بتاكد فوز شفيق ولولا حل مجلس الشعب وقانون الضبطية كان مرسى هيسقط فعلا لكن ربنا ستر

والله يا اخت , eagle eye
المسرحية وطريقة اخراجها كانت متقنة بطريقة جعلت كل منا يعتقد فى هذة النظرية , اصدق ابطال التصويت , اصدق على الامتناع على التصويت ولكنى لا اقتنع بان هناك 12 مليون صوتوا لشفيق فقط عندا فى الاخوان وآدائهم , عموما سوف تخرج علينا الحقيقة فى يوم من الأيام

 

 

[Lee Lee]

ممكن طبعا - انا بثق فى حاتم بيجاتوه و بحس انه راجل نزيه فى كل كلمة قالها

الحكاية وما فيها ان فى الشارع المصري كتير رافض الاخوان ودى حقيقة لا يجوز ان ننكرها

وفعلا كتير انتخبو شفيق عيندا فى الاخوان - لكن مش حبا فى شفيق

 

 

[محمد المرى]

اقتباس المشاركة الأصلية كتبت بواسطة Lee Lee ممكن طبعا - انا بثق فى حاتم بيجاتوه و بحس انه راجل نزيه فى كل كلمة قالها الحكاية وما فيها ان فى الشارع المصري كتير رافض الاخوان ودى حقيقة لا يجوز ان ننكرها وفعلا كتير انتخبو شفيق عيندا فى الاخوان - لكن مش حبا فى شفيق

شوفى ياست لى لى
كما قلت وكما ذكرت لا اتصور ان هناك هذا العدد الكبير اعطى صوته لشفيق نكالا بالاخوان , من أراد ان يفعل ذلك فالامتناع عن التصويت او ابطال الصوت هو كان الخيار العادل ضد الأخوان اما فيما عدا ذلك فهو أمر لا يمكن تصديقه , نترك للايام الحكم النهائى وانا كلى ثقة فيما ذهبت اليه

 

 

[Lee Lee]

اقتباس المشاركة الأصلية كتبت بواسطة محمد المرى شوفى ياست لى لى كما قلت وكما ذكرت لا اتصور ان هناك هذا العدد الكبير اعطى صوته لشفيق نكالا بالاخوان , من أراد ان يفعل ذلك فالامتناع عن التصويت او ابطال الصوت هو كان الخيار العادل ضد الأخوان اما فيما عدا ذلك فهو أمر لا يمكن تصديقه , نترك للايام الحكم النهائى وانا كلى ثقة فيما ذهبت اليه

شوف يا استاذ محمد

هو حضرتك فاتح الموضوع علشان تقبل كل الاراء على الساحة وترحب بالمشاركات

ولا علشان تعارض اللى يقولك لاء وما يعجبكش رايه


طب ايه رايك ان ال12 مليون تقسمهم كالتالى
مسيحيين وكبار السن و الرياضين والفنانين وشوية كمان ما بيحبوش الاخوان
وشوية من رجالة مبارك وشوية من عائلات العسكر
يعنى اساسا مرسي محظوظ انه نجح من اصله

ماهو لو قولنا ان فيه تزوير من اساسه - يبقى فى الطرفين - يبقى كمان مرسي الاصوات مزورة
ولا انتم بتدافعو عن فلان وتتهمو فلان بالتزوير علشان بس تبقو فرحانين بنفسكم وخلاص

مع العلم انا عموما قاطعت الانتخابات من بعد الجولة الاولى

ميرسي

 

 

[black knight]

اقتباس المشاركة الأصلية كتبت بواسطة Lee Lee شوف يا استاذ محمد طب ايه رايك ان ال12 مليون تقسمهم كالتالى مسيحيين وكبار السن و الرياضين والفنانين وشوية كمان ما بيحبوش الاخوان وشوية من رجالة مبارك وشوية من عائلات العسكر يعنى اساسا مرسي محظوظ انه نجح من اصله ماهو لو قولنا ان فيه تزوير من اساسه - يبقى فى الطرفين - يبقى كمان مرسي الاصوات مزورة ولا انتم بتدافعو عن فلان وتتهمو فلان بالتزوير علشان بس تبقو فرحانين بنفسكم وخلاص

نضيف اليهم اصحاب الأعمال المعطلة ومن فقدوا وظائفهم بعد الثورة ويروا أن الثورة سبب خرابهم .. نضيف اليهم المستفيدين من الحزب الوطني ورجاله وعائلاتهم .. نضيف إليهم من دفع لهم شفيق أكثر من مرسي .. نضيف إليهم المحبين لمبارك لأنه كان رمز الدوله والمؤمنين بمبدأ الخلافة المباركيه وربات البيوت والفلاحين في الحقول والحطابين في الغابات والعجائز حول نار المدفأة

نطرح منهم الاصوات الباطلة والمطعون عليها وصوتي انا شخصيا

تكون النتيجه يادوب 12 مليون وشوية فكه

يالا ألف مبروك يا مرسي .. عقبال ما تبقى رئـيس بجد

 

 

[Lee Lee]

اقتباس المشاركة الأصلية كتبت بواسطة black knight نضيف اليهم اصحاب الأعمال المعطلة ومن فقدوا وظائفهم بعد الثورة ويروا أن الثورة سبب خرابهم .. نضيف اليهم المستفيدين من الحزب الوطني ورجاله وعائلاتهم .. نضيف إليهم من دفع لهم شفيق أكثر من مرسي .. نضيف إليهم المحبين لمبارك لأنه كان رمز الدوله والمؤمنين بمبدأ الخلافة المباركيه وربات البيوت والفلاحين في الحقول والحطابين في الغابات والعجائز حول نار المدفأة نطرح منهم الاصوات الباطلة والمطعون عليها وصوتي انا شخصيا تكون النتيجه يادوب 12 مليون وشوية فكه يالا ألف مبروك يا مرسي .. عقبال ما تبقى رئـيس بجد

ما انا بقول مرسي محظوظ انه نجح وسط الزحمة دى
لولاش بس معاه شوية فكة حلوين وشية عيال جدعان فى كل حتة
لولاهم كان مين ممكن يهتم بيه ولا مين يعرفه اساسا

يعنى انا احكيلكم عن موقف طريف جدا حصل بجد

جانى ايميل زى هاكرز وبقتحه لقيت مكتوب فيه - بالحرف الواحد

اقتباس اوعو ترشحو شفيق داه ناوى يدرس الانجيل فى المدارس ويخلى مصر مسيحية انتم عارفين الانجيل فيه ايه - فيه كفر والعياز بالله بسرعة وشير لكل اصحابك - احنا لازم نرشح مرسي لانه مسلم زينا - وتبقى بلدنا اسلامية

الايميل كان بالصور كمان وفيه حبة ايات وحبشتكات ولوزاعيات واللى بعته داه بعته كدا بالحظ
لانى ما اعرفهوش هو اى جهة او مصدر - وهو لو يعرفنى اكيد مش حيبعتهولى - لانى مسيحية
لكن كل ما فى الامر انه انسان يتحدث بلسان الطائفية والجهل مش اكتر لان

كمان خلط امور الدين بامور السياسة فى حد ذاته - جهل اكبر -



خلينا نشوف الايام اللى جايا فيها ايه

تحياتى يا فندم

 

 

[محمد المرى]

اقتباس المشاركة الأصلية كتبت بواسطة Lee Lee شوف يا استاذ محمد هو حضرتك فاتح الموضوع علشان تقبل كل الاراء على الساحة وترحب بالمشاركات ولا علشان تعارض اللى يقولك لاء وما يعجبكش رايه طب ايه رايك ان ال12 مليون تقسمهم كالتالى مسيحيين وكبار السن و الرياضين والفنانين وشوية كمان ما بيحبوش الاخوان وشوية من رجالة مبارك وشوية من عائلات العسكر يعنى اساسا مرسي محظوظ انه نجح من اصله ماهو لو قولنا ان فيه تزوير من اساسه - يبقى فى الطرفين - يبقى كمان مرسي الاصوات مزورة ولا انتم بتدافعو عن فلان وتتهمو فلان بالتزوير علشان بس تبقو فرحانين بنفسكم وخلاص مع العلم انا عموما قاطعت الانتخابات من بعد الجولة الاولى ميرسي

ياست لى لى
لا انا عايزك تقتنعى برائي ولا انا اريد ان اقتنع برأيك
انا قلت فقط نترك للايام والتاريخ ان يحكم كما حكمت الايام وحكم التاريخ وحكم الزمان على المخلوع
كل شيئ بأوانه ياسيدتى العزيزة
انا على فكرة مش اخوانجى وانا من الذين ابطلوا صوتهم نظرا للآداء السيئ الذى مارسوه اثناء الثورة , فقط اريد ان يستمر محاولات اقصاء مجلس العار لاننى اثق ان المرحلة القادمة ستكون مملوئه بالمفاجآت والصراعات بين العسكر وبين الرئيس الشرعى المنتخب واعتقد ان انقلاب العسكر ضد محمد مرسى لن يكون لصالح اى احد منا

 

 

[Berwin]

لا يا استاذ محمد النتيجة صحيحة و الشعب المصري ليس خائن

انا و كثير غيري كنت ارجح ان اعطي صوتي لشفيق لكن في النهاية اخترت المقاطعة
فلن اختار من سيضع الثوار في السجون و ينكل بالمسلمين اخوان كانوا او سلفيين
اما عن مصر فبالشفا شربة الاخوان
اتمني ان اكون مخطيء في اعتقادي عن نيتهم