متعب جاءنا كنجم وهرب مثل لص

[حشيش]

الصحف المصرية والعربية

سمعة اللاعب المصرى المحترف بالخارج بقت زى القطران بصراحة



الثلاثاء 22 شعبان 1431هـ - 03 أغسطس 2010م

البدري يرحب بعودته للأهلي

ستاندر ليغ البلجيكي: متعب جاءنا كنجم وهرب مثل لص

المهاجم الدولي المصري عماد متعب

دبي - سعد كمال, القاهرة - محمد كرم

أعلن ستنادر ليغ البلجيكي المتعاقد مع المهاجم الدولي المصري عماد متعب عن"هروب" اللاعب وذلك في بيان رسمي نشره على موقعه الرسمي الثلاثاء 03-08-2010.

حيث أرسل وكيل أعمال اللاعب نادر شوقي بطلب الى إدارة النادي لفسخ التعاقد مع موكله بحجة استدعاء موكله للتجنيد عقب فصله من الجامعة. ونشر الموقع الرسمي لستاندر بيانا بعنوان "وصول وفراق .. بيروني يصل ومتعب يهرب" وجاء فيه نبأ ضم المهاجم البلحيكي الدولي ليجي بيروني وتبعه إعلان رحيل متعب.

لحظة مهمة أخرى بالنسبة للنادي حول عماد متعب، فالمهاجم المصري الذي قدم على أنه نجم رحل كلص

موقع ستاندر ليغ البلجيكي

وقال البيان "لحظة مهمة أخرى بالنسبة للنادي حول عماد متعب، فالمهاجم المصري الذي قدم على أنه نجم رحل كلص".

وكان متعب عاد للقاهرة وسط أنباء عن نيته فسخ تعاقده مع النادي البليجيكي والتعلل بطلبه للتجنيد بعد فصله من الجامعة لتجنب عقوبة مضاعفة من الاتحاد الدولي لكرة القدم ويعود للأهلي ناديه السابق.

وأرسل نادر شوقي وكيل متعب خطاباً رسميًا أمس الإثنين يطلب فسخ التعاقد مع ستاندر لأن موكله بات عاجزاً عن السفر لطلبه للتجنيد.

وأردف بيان النادي البلجيكي "ليس من السهل تحليل كافة الشائعات المتعلقة بتلك الحادثة إلا أن موقعا مصرياً كان كشف عن نية متعب لفسخ تعاقده معنا للانضمام للأهلي في فترة الانتقالات الشتوية".

وأختتم النادي بيانه بالتذكير أن ما فعله متعب معهم ليست المرة الأولى في مسيرة اللاعب الاحترافية بقولهم "بريستول سيتي الإنجليزي قد يحكي للجماهير طويلا عن هذا الأمر".

يذكر أن متعب كان قد اقترب من الانضمام لنادي بريستول الانكليزي في يوليو 2008 لكن الصفقة فشلت بسبب خوض متعب مباراة في دوري أبطال إفريقيا مع الأهلي ضد الزمالك رغم تعاقده مع النادي الإنجليزي ليقوم النادي بالمبادرة لفسخ التعاقد مع اللاعب.

البدري يرحب بعودة متعب

وكشف المدير الفني للنادي الأهلي حسام البدري في تصريحات خاصة لـ"العربية.نت" أن متعب أوضح له بعد زيارته إلى بلجيكا انه لن يستطيع أن يعيش ويتأقلم على الأوضاع هناك رغم كل سبل الراحة التي تم توفيرها له والعائد المادي الكبير عن الموسم الواحد ومسكن لائق جدا ولكن عدم ارتياح اللاعب في العيش هناك كان وراء رفضه العودة مرة أخرى إلى بلجيكا.

وأضاف البدري ل"العربية.نت" أن متعب ابن النادي الأهلي ولن يغلق الباب في وجهه مطلقا ولو أراد العودة في أي لحظة فسوف يجد ترحيباً من الجهاز الفني والمسئولين في إدارة النادي مشيراً إلي أنه لا يوجد مدرب يمكن أن يرفض متعب أبدا وقال البدري كنت أتمنى استمرار متعب مع الفريق من البداية ولكن رغبته في الاحتراف كانت أقوى لكننا بانتظاره في أي وقت".

جميع الحقوق محفوظة لقناة العربية © 2010

 

[Normandy]

هؤلاء الأوغاد البلجيك يشتمون مصريا !!

 

 

[حشيش]

اقتباس المشاركة الأصلية كتبت بواسطة Normandy هؤلاء الأوغاد البلجيك يشتمون مصريا !!

يتهيئ لى يستاهل ... ده لسه ما لمسش الكوره فى فريقه الجديد وقال إن التجنيد طلبه فى مصر ولازم يلبى نداء الوطن

 

 

[Normandy]

على أي حال ..
فيه اخبار متناقضة حوالين فسخ متعب للعقد ..
الخبر الأول متعلق برغبة ستاندر ليج في ارغام اللاعب على المشاركة على الرغم من عدم تعافيه من الاصابة اللي اتكررت في مباراة الاتحاد الليبي .. و ده بيتقال على سبيل الدفاع عن متعب
الخبر التاني متعلق بوصوله لتسوية مرضية مع النادي الاهلي نتيجة الهزال الهجومي اللي بيعاني منه الأهلي حاليا في وجود فرانسيس الفاشل و طلعت الغير ناضج و الثنائي الزجاجي فضل و اسامة .. و في كل الحالات متعب افضل منهم كلهم !
سهل جدا إن متعب يتفق مع ادارة الجامعة اللي بيدرس فيها عشان تفصله و بالتالي اعفاءه المؤقت من التجنيد يتلغي ..
و إن كان الغريب إن في كل الحالات ، المفروض يتم استدعاؤه للتجنيد بعد وصوله لسن 27 سنة سواء خلص دراسته أو لأ .. يدخل الجيش و يأدي واجبه المقدس تجاه وطنه و ابناء شعبه الكرام و بعدين يخلص دراسته على مهله ..
و كان من الواضح إن متعب هيستغل ورقة التجنيد في اي وقت هو يعوزه ، زي ما حصل في حكاية منعه من السفر في منتصف يوليو اللي فات ، على الرغم من إنه كان لسه مسافر قبليها بكام يوم في رحلاته المكوكية على تاكسي القاهرة بروكسل ..
يروح او ما يروحش ، يرجع الأهلي او ما يرجعش .. فأصلا اللاعيبة المصرية ملهاش سمعة في اوروبا عشان متعيب يضيعها او يحافظ عليها!
احنا بنتكلم في 6 او 7 لاعيبة هما اللي لعبوا في دوريات معروفة .. ترينداد ليها اكتر من العدد ده !

 

 

[شينكاوي]

انا عاوز اعرف الناس اللي هاجمت ميدو لما رجع للزمالك فينهم حد سمعلهم صوت ؟

 

 

[kokomen]

اقتباس المشاركة الأصلية كتبت بواسطة حشيش يتهيئ لى يستاهل ... ده لسه ما لمسش الكوره فى فريقه الجديد وقال إن التجنيد طلبه فى مصر ولازم يلبى نداء الوطن

كلها أعذار وفبركة وفهلوة مثل معظم

لاعبي مصر

 

 

[Normandy]

اللي هاجموا ميدو كان أغلبهم زملكاوية ، لأن في وقتها ميدو العالمي و زكي اللي اتهافتت عليه اندية تشيلسي و ريال مدريد و مانشستر كانوا عنصر الفخر الوحيد المتاح ليهم ..
لكن نظريا ، ميدو هو اكتر لاعب مصري معروف في الدوريات الاوروبية ، بغض النظر هو معروف بسبب ايه ( ميدو من بعد ما ساب اياكس في 2003 و هو ما لعبش غير نص موسم محترم مع توتنهام و غير كده ملوش وجود و ملوش تأثير ) .. و من زمان و انا ضد فكرة إنه عالمي و من احسن مهاجمين العالم .. ميدو لعب في اياكس جنب ابراهيموفيتش و لعب في سلتا فيجو جنب مكارثي و لعب في روما جنب كاسانو و لعب في توتنهام جنب برباتوف و لعب في مارسيليا جنب دروجبا ..
كل واحد من دول عدى ميدو بمراحل .. دروجبا راح تشيلسي و بقى هداف للدوري الانجليزي ، و ابراهيموفيتش فرض نفسه كافضل مهاجم في الدوري الايطالي لاكتر من اربع سنين مع اليوفي و الانتر و انتقل باكبر قيمة اتدفعت لمهاجم في التاريخ لبرشلونة ، و كاسانو اتنقل من روما لريال مدريد .. صحيح ما نجحش في ريال مدريد بس رجع ايطاليا و كسر الدنيا مع سامبدوريا ، و برباتوف اتنقل من توتنهام لمانشستر يونايتد ب35 مليون يورو ، و حتى مكارثي .. ساب سلتا فيجو لبورتو و فاز معاهم بالشامبيونز ليج مع مورينيو في 2004 ..
فلما واحد تبقى عنده فرص متساوية مع كل دول و مع ذلك يفشل و ينتهي بيه المطاف إنه يرجع لناديه الأصلي اللي هرب منه و هو 17 سنة ما ينفعش نقارنه بواحد عنده 27 سنة و لسه طالع يحترف لاول مرة في اوروبا في نادي مشابه للنادي اللي راح له ميدو و هو 17 سنة !
علما إن متعب ليه انجازات في سجله اكتر من ميدو .. ده المهاجم الوحيد اللي اشترك في بطولات افريقيا التلاتة اللي مصر كسبتهم .. ميدو لعب واحدة و زكي لعب اتنين و زيدان لعب اتنين و جدو لعب واحدة !

 

 

[حشيش]

اقتباس المشاركة الأصلية كتبت بواسطة kokomen كلها أعذار وفبركة وفهلوة مثل معظم لاعبي مصر

اقتباس وكشف المدير الفني للنادي الأهلي حسام البدري في تصريحات خاصة لـ"العربية.نت" أن متعب أوضح له بعد زيارته إلى بلجيكا انه لن يستطيع أن يعيش ويتأقلم على الأوضاع هناك رغم كل سبل الراحة التي تم توفيرها له والعائد المادي الكبير عن الموسم الواحد ومسكن لائق جدا ولكن عدم ارتياح اللاعب في العيش هناك كان وراء رفضه العودة مرة أخرى إلى بلجيكا.

طب مش ده برده يبقى إسمه مُحن! ... هوه عايز إيه مش فاهم! ... الناس مرحبين بيه وشايلينه من على الأرض شيل حسب كلامه هوه شخصياً! ... لحق اوام (هاتولى ماما ... أنا عايز ماما)

 

 

[dr-amira]

للاسف سواء متعب او جدو او شيكابالا اسوأ قدوة رياضية موجودة على الساحة ....سؤ اخلاق و عدم التزام وشغل عيال ....هى فين الاخلاق الرياضية اللى كنا بنضرب بيها المثل ...المفروض التلاتة يتوقفوا تماما لو كنا عاوزين نعلم اولادنا التزام

 

 

[ana_3enady]

دعوه لموضوعي

RobertInole

اقتباس المشاركة الأصلية كتبت بواسطة حشيش طب مش ده برده يبقى إسمه مُحن! ... هوه عايز إيه مش فاهم! ... الناس مرحبين بيه وشايلينه من على الأرض شيل حسب كلامه هوه شخصياً! ... لحق اوام (هاتولى ماما ... أنا عايز ماما)

يا جدع الراجل مالهوش في الغربة ..