اه يابلد

[karimnassar]

الصحف المصرية والعربية

اه يابلد يا مجنيناني
ومحيراني ومدوخاني
نزرع فيكي القمح سنين
والقرع يطلع في ثواني
بالذمه مش ناس مجانين
اللي يعيش فيهل تاني
اصلنا ناس طيبين
وملناش غيرهاتاني
وانا مهما الدنيا غربتني
والايام منك وخداني
هارجع اقول اه يابلد
وحشاني والله وحشاني
:hunte r:

 

[امانى]

قريت كلماتك اخى كريم وعجبتنى وحبيت ارد عليك برباعية يا ريت تعجبك

الذنب مش فى البلد ...عند اللى بيقولوا حاميها
عاملين نفسهم اشراف وبيسرقوا واول حراميها
البلد نفسها تعيش مستقرة هادية بكل ما فيها
لكن حكامها الله يجازيهم باعونا وبيبيعوا فيها

شكرا اخى الفاضل ان اتحت لى فرصة الرد وف انتظار مزيد من كلماتك الرائعة

 

 

[karimnassar]

متشكر اوي يا أماني وانا يزيدني شرف انك بتردي عليا
زيها زي غيرها
مالناش عيش فيها
وانا لو عليا اهجرها
وانسي كل اللي فيها
علمتني يمكن
ربتني ممكن
بس مش قادر انسي
انها سيبانا لسه
وعامله نفسها مش حسه
للي ناهبين فيها
دحنا اللي تعبنا واحنا اللي حاربنا
واحنا اللي بنموت ليها
بقي اخرتها
تسيب حياتها
لناس مبهدلين فيها
عجبي

 

 

[محمد جادالله محمد]

حبك يا بلدى ..بيعزق فى قلبى..
عزق.. الكوريك.. والفاس..
بيزرع جناين ..بيوزع نسايم
على كل.. البلاد.. والناس