خبر و تعليق...تعالوا نشوف ايه اللي بيحصل في مصر

[Jonathan]

الصحف المصرية والعربية

من اسم الموضوع..حنحط خبر و نعلق عليه..و ممكن كمان نقرا التعليقات اللي على مصدر الخبر..نشوف المطاريد بتفكر ازاي و كمان الناس برة المطاريد بتفكر ازاي..موضوع متجدد..يعنى مش بناقش فكرة معينة او بنخدم هدف معين..لكن حنتناقش في كل الاخبار و خصوصا المتعلقة بما تمر به مصر الان..اهم حاجة نحترم راي بعض.
اول خبر حاطرحه هو خبر مثار في وسائل الاعلام بقاله يومين..موضوع المدرسة اللي قصت شعر طالبتين لعدم ارتدائهم الحجاب ..اللي لفت نظر النهاردة الخبر دة...

فى تصريحات خاصة للوطن: مدرسة الأقصر المنتقبة تطالب بتدخل مرسى وتؤكد أن واقعة قص الشعر كانت مداعبة

مداعبة!!!!! و تعليقي..اومال لو كانت بتتكلم جد كانت عملت معاهم ايه؟؟ علمت بسنجة على وشهم!!
اسيبكم بردة مع التعليقات اللي تحت الخبر

 

[only you]

موضوع ممتاز وبدايه موفقه بالست الابله انا لو مكان اهل البنت مش هسيبها الا قرعه بصراحه

 

 

[بنت البلد]

دعوه لموضوعي

عدسة بنت البلد

بعض المُعلمات للأسف مِعلمات
جبروت متنهى منها أنها تمد أديها وتقص شعر البنات
وفين مدير ولاه مديرة المدرسه
فين الناس المحيطين بيها وهيه بتقص شعر البنات
كله بقى فوضه ومحدش همه حاجه

المفروض تتحول التحقيق على فعلتها
وتفصل لأنها غير تربويه

 

 

[احمد عرفة]

هذة المدرسة لا بد ان يعرضوها على طبيب نفسى اولا لكن قراءت فى الجرائد انهم اعطوها خصم شهر من الراتب هل هذا يكفى ؟؟؟؟؟؟؟؟؟؟؟؟؟؟ظ

 

 

[m.eisa]

اقتباس المشاركة الأصلية كتبت بواسطة only you موضوع ممتاز وبدايه موفقه بالست الابله انا لو مكان اهل البنت مش هسيبها الا قرعه بصراحه

وهيكون شوية عليها .....ربنا يشفى هذه العقليات المريضة ......حتى لما يجوا يعلموا الناس الدين يكرهوهم فيه

 

 

[Jonathan]

تعالوا النهاردة نقراء خبر تاني مثير للسخرية
العريان: "الحرية والعدالة" غير مشارك في المظاهرات وأتمنى أن تمر بسلام

هو من المعقول اصلا ان الاخوان تشارك في مليونية موجهة ضدها و رسالتها ليهم ان مصر مش عزبة!!! مع متابعة كل المسيرات المتوجهة للتحرير حتى الان تجد ان اللافتات و الشعارات موجهة ضد الاخوان و المرشد و التاسيسية فازاي تفتق زهن سعادته ان الاخوان كان من المفترض انهم حيشاركوا؟؟ تصريحه بيفكرني باحد التصريحات الغبية لاحد قيادتهم الاسبوع الماضى لما قال تعقيبا على احداث التحرير ان من في الميدان ليسوا من الاخوان لكنهم بلطجية مندسين و بسؤاله عن ثوار الميدان قال دول بلطجية و فلول !!! يعني بلطجية في بعطتشينا و محدش له دعوة بينا....هي الناس دي واعية لتصريحاتها فعلا و لا اي كلام و السلام..على فكرة انا شخصيا ابتديت اقتنع ان الكتتاتني هو من سيفوز برئاسة الحزب كدة كدة من غير ولا انتخابات ولا غيره زي ما قال ابراهيم عيسى لان دة هو قرار مكتب الارشاد..و عصام العريان نازل تصريحات في عكس اتجاهه خالص في حين ان الكتتاتني محدش سامع له صوت من فترة..يا تري ايه السر؟؟

الاخوان: الثوار نازلين ضدنا في الميدان...و احنا معاهم

 

 

[Jonathan]

صباح الخير و كل سنة و انتم طيبين بمناسبة عيد الاضحى المبارك..نرجع تاني لاخبار المدارس و التعليم و كأنها فرة في المدرسين عشان في خلال اسبوع تتكرر حادثة تعدي تانية و كانها حالة من السعار بين المدرسين
كلاكيت تانى مرة .. بدعوى تشبهه بالفتيات .. معلمة منتقبة تقص شعر طفل بالإسكندرية
و خبر تاني عن مدرس يعتدي جنسيا على طالبة في الصف الاول الابتدائي و خبر تالت عن مدرس فطع اذن مدرس زميله "باسنانه"
إدارة إسنا التعليمية تنقل مدرس «قطع الأذن».. وتحيل الواقعة للشئون القانونية

اول مدرس vampire في مصر

 

 

[Jonathan]

هو ايه اللي بيحصل فيكي يا مصر..هل هو دة اسلوب الاحتفال بالعيد حاليا؟؟؟ هي دي العيدية!! و لا دي بركات الثورة و لا ايه بالظبط؟؟؟
اشتباكات بين مسلمى وأقباط عزبة ماركو بمركز الفشن جنوب بنى سويف

هو كمان حنقول مين يصلي هنا و مين ميصليش..البلد بقت غابة خلاص و انتهى عصر القانون


و يعيني عصام العريان زعلان على مسلمي مينامار و بيعيب على المجتمع الدولي...المجتمع الدولي يا فاضل مش هو اللي بيكيل بميكيالين..لما المجتمع الدولي يلاقي العدل اتحقق عندك الاول ساعتها حيبقى يسمع نداك
العريان: المجتمع الدولي يكيل بمكيالين .. وعجزه عن حماية ميانمار "عار"

و دي كمان في الدستور الجديد عدت سن 9 سنين ..يبقى مش قاصر و من حقها تعمل اللي تعملوا ...هو ايه اللي بيحصل في البلد ده؟؟؟؟؟؟؟؟؟؟
الجبهة السلفية ترفض إرجاع نصارنية مطروح التي أعلنت إسلامها

 

 

[Jonathan]

طبعا مينفعش الشعب المصري عامة و القبطي خاصة ان يفرح فرحة من القلب من غير ما ينغص عليه عيشته حد من التيار السلفى امثال حسام ابو البخاري..عشان نتحف بخبر جميل مليان بالتهاني زي دة
سلفيون يدعون تواضروس إلى الدخول في الإسلام.. ويمتنعون عن تهنئة الكنيسة

بصراحة لن اجد تعليقا ابلغ من ذلك التعليق الذي قراته لاحد المعلقين و يدعى دكتور نصر الدرديري فيقول"لو تفنن اعداء الاسلام للاساءة للاسلام لن يأتوا بنصف ما يأتي به امثال هؤلاء"

 

 

[hanipal]

أحب أسجل تهنئتي لاخوتي المسيحيين بمناسبه أختيار البابا الجديد
وربنا يوفقه في الحفاظ علي اللحمه الوطنيه ويحافظ مع شيخ الازهر علي مصرنا الحبيبه
وروحها الحلوة المتسامحه الجميله