بعض شيوخ هذا الزمن !!!

[هند عبد المقصود]

الصحف المصرية والعربية

السلام عليكم ورحمة الله وبركاته

في عصرنا هذا وبعد ثورة 25 يناير المجيدة يتباري بعض الشيوخ علي الإلقاء بدلائهم في شتي التخصصات سياسية واقتصادية و إجتماعية وغيرها علي الرغم من انهم ليسوا بمتخصصين
وقراءة بعين التاريخ تبين لنا ان هذا ليس محض صدفة او همة فجائية اصابتهم فكل شيئ مخطط له ومدروس بعناية

ويُقال أن الحروب العالمية انتهت فهل هذا صحيح ؟
أحسب ان لا وان اختفت في حروب هذا العصر الدبابة والصاروخ إلا ان التدمير الذاتي عن طريق الاختراق اكثر فعالية و اقل خسارة كما يعلم الغرب جيدا والذي ليس من صالحه ابدا ان تُمنح شعوب الربيع العربي فرصتها الكاملة في ديمقراطية صحيحة غير منقوصة تتبعها بالتأكيد نهضة حضارية تزاحم الغرب وتقضي علي اطماعه باستغلالنا

ولم يكن سلاح الاختراق لجلب الدمار والفتنة و الدخول في غيبوبة التأخر و عصور التخلف الحضاري والفكري إلا الدين فالغرب يعلم تماما انه السلاح الكثر فعالية كوننا شعوب متدينة بطبعها تضع عصارة عواطفها في الدين

ودين يعني شيخ

ولا يخفي علي القاصي والداني ان محللون سياسيون قالوا بأن بن لادن و قاعدته صناعة امريكية محضه

الم يحن الوقت بعد لنتعلم من التاريخ ؟

هنا سنستعرض سويا مواقف لبعض شيوخ ما بعد الثورة لنعيد قراءة ما بين السطور و لنبدأ برأي أحدهم في أخر ونتذكر قوله تعالي :وشهد شاهد من أهلها

https://www.facebook.com/video/video....66103800162590

 

[هند عبد المقصود]

يُقال أنه إن اردت ان تعرف مبلغ تحضُر شعبا فانظر إلي وضع المرأة فيه فكلما كانت موضع إحترام المجتمع كلما وشي ذلك بتحضُر وتقدم المجتمع والعكس صحيح

وها هو الحويني يكرم المرأة المصرية ويقدرها علي طريقته ويأخذ عنه أراؤه تلك بعض المصريين وتلك هي الكارثة

https://www.youtube.com/watch?feature...k63AowpLo&NR=1

المرأة جاهلة بطبيعتها ولا دخل لها بالعلم والعلم يكون للرجال فقط لأن الجهل مُتفشي ( بس هو بيقولها فاشي ) في النساء والمرأة مكانها البيت لجهلها المتأصل فيها مهما تعلمت
بيقول الكلام ده هنا

 

 

[هند عبد المقصود]

هنا بقي محمد حسان عمل حركة جدعنة مع المرأة المسلمة وحز في نفسه الاهانات المُخزية بتاعة الحويني قام رد عليه هنا
قال تعاي : وشهد شاهد من أهلها
صدق الله العظيم

 

 

[هند عبد المقصود]

أحيانا بسأل نفسي
لو أعدائنا حاولوا يضربونا في مقتل هيقدروا علي إيه أكتر من كدة ؟
والاقيني برد كدة
كل خسائر الحروب مقدور عليها وتتعوض إلا خسارة العقول
عاوز تحطم شعب بجد حطم معنوياته وشل تفكيره واقتل فيه روح الإبداع و الثقة بالنفس وسود عيشته
و هو فيه سواد اكتر من كدة!!!

 

 

[هند عبد المقصود]

البنية العلمية هي التي تصنع عالم الدين كما يقول هذا العالم الوسطي الجليل ( بيتكلم بالمنطق يبقي راجل محترم ) فإن انتفي حتي مجرد العلم القائم علي الدراسة المتعمقة فليفتي من اراد فيما اراد

ومرة أخري قال تعالي : وشهد شاهد من اهلها

 

 

[هند عبد المقصود]

الحويني : علي جمعة كداب و منافق ويروح يلعب غيرها



علي جمعة كداب ومنافق مش دي القضية

انما شيخ قدوة لالاف الشباب يطلع ع الفضائيات ويتهم شيخ مثله -مع الفارق كون الشيخ علي جمعه رجل دين دارس و ازهري - بالكدب والنفاق ويشهر بيه كمان انه بيقعد جنب المتبرجات وبيحضر اعياد ميلاد وراقصات !!!!!!!!!!!!
ايه ده ؟ بصرف النظر عن القدوة الغائبة في الشيخ ده حتي الرسول (ص) امر المسلم انه يكون ستر لاخاه المسلم ومينصحوش في العلن اذا اخطأ
لكن انت فضحته يا حويني ان كان ما قلته صحيحا و افتريت عليه بهتانا ان لم يكن

عموما هو كل شوية يقول وانا عندي الشرايط ومتسجل عليها كل حاجة

طب شايلها عندك تعمل بيها ايه؟
تهدده بيها وقت اللزوم؟!!!!

 

 

[بطاطا]

مش فاهم الغرض من الموضوع

هل الغرض هو هذة الجملة الغريبة اللتي لخصت الدين في الشيوخ ؟

اقتباس ودين يعني شيخ

العملية ساحت على الاخر واتحولت من شتيمة الإخوان والسلفيين للضرب في الدين نفسة

فين ايامك يا سافاري (ربنا يفك سجنة)

 

 

[هند عبد المقصود]

اقتباس المشاركة الأصلية كتبت بواسطة بطاطا مش فاهم الغرض من الموضوع هل الغرض هو هذة الجملة الغريبة اللتي لخصت الدين في الشيوخ ؟ العملية ساحت على الاخر واتحولت من شتيمة الإخوان والسلفيين للضرب في الدين نفسة فين ايامك يا سافاري (ربنا يفك سجنة)

فعلا يا اخ بطاطا مع الاسف فيه ناس دلوقتي - ومش قليلين- الدين بالنسبه لهم بقي الشيخ
طيب فسرلي انت مثلا مبدأ السمع والطاعة ؟ فسرلي تحريم اعمال العقل في الامور الفقهية ؟
عمرك سمعت ان السلفيين او الاخوان بيردوا كلمة لشيوخهم ؟
انا مبشوفش غير انهم بيبوسوا ايديهم و بيضحكوا علي نكتهم البايخة واللي فيهم مشفش الشيخ فلان او علان بيكتب - وموجود ع النت- نفسي اشوف الشيخ فلان لكي اقبل يديه
ده من ناحية الاتباع

ايضا كثيرا من المصريين يحترمون بطبعهم رجل الدين ويثقون فيه ثقة عمياء ولا يصدقون عليه كذبا ابدا حتي
وان لم يكونوا من مرتاديه وحتي وان اختلفوا معه فهم لا يصرحون غالبا مخافة ان يقترفوا ذنب ( انا شخصيا في فترة من الفترات كنت بفكر كدة لحد ما سمعت من بعضهم العجب فقررت اني لازم اشغل مخي وانا بسمع)

نسبة كبيرة من الناس كمان تحت خط الفقر 40% وفقر يعني جهل والعياذ بالله

اللي بالاحمر ده اتهام خطير ويا ريت توضحه لأن يظهر ان في خلل في قنوات الاتصال بينا
اما اني لم اوفق في عرض الموضوعو اما انك لم توفق لفهم ما كتبت

مين بقي سفاري واتسجن ليه ؟

 

 

[Eng Hesham]

اعتقد الموضوع معمول اساسا لنفى الجمله دى
ان الدين مش الشيوخ اللى بيقولوا الدين احنا و احنا الدين
و بيبرز سلوكياتهم المخالفه للدين
دا فهمى للموضوع

 

 

[هند عبد المقصود]

اقتباس المشاركة الأصلية كتبت بواسطة Eng Hesham اعتقد الموضوع معمول اساسا لنفى الجمله دى ان الدين مش الشيوخ اللى بيقولوا الدين احنا و احنا الدين و بيبرز سلوكياتهم المخالفه للدين دا فهمى للموضوع

طب ما هو واضح اهه وفيه واحد فهمه
الله ينور عليك لخصته في كلمتين