محتاجة فكرة برنامج

[مدى]

الصحف المصرية والعربية

مساء الجنة ..
أزيكم جميعا ..يارب تكونوا فــ أحسن حال ..
ورجعت تاني ارخم عليكم بطلباتي ..
محتاجة اقتراحتكم لفكرة برنامج هيقدم للأطفال / يعني لحد تحت 20 سنة ..
بس نفسي في فكرة مبتكرة ..وتكون مش موجودة ع المستوى العربي ع الأقل ..
ياريت تفيدوني ..وشكرا جدا مقدما ..

 

[chemistry]

سباقات و مرح مع اسئلة خفيفه معلومات عامه

 

 

[حشيش]

اقتباس المشاركة الأصلية كتبت بواسطة مدى مساء الجنة .. أزيكم جميعا ..يارب تكونوا فــ أحسن حال .. ورجعت تاني ارخم عليكم بطلباتي .. محتاجة اقتراحتكم لفكرة برنامج هيقدم للأطفال / يعني لحد تحت 20 سنة .. بس نفسي في فكرة مبتكرة ..وتكون مش موجودة ع المستوى العربي ع الأقل .. ياريت تفيدوني ..وشكرا جدا مقدما ..

مدى باشا

أولاً حمد الله عالسلامة وبالفعل إفتقدنا مشاركاتك كثيراً ... بالنسبة لفكرة البرنامج أعتقد أنها يجب أن تكون عن الكمبيوتر والإنترنت حيث أن تعريف الأمية فى الغرب الآن هى أمية التعامل مع الكمبيوتر والشبكة العنكبوتية ... من وجهة نظرى يجب أن يحرص البرنامج على الإعتناء بالطفل والمراهق الموهوب فى هذا المجال وتنمية قدراته وفتح باب المنافسة فيما بين هؤلاء للإبداع ... لو موافقة على الفكرة مبدئياً يمكننا طرح بعض الأفكار فى هذا المجال ... تحياتى

 

 

[جرديز]

كيدزينيا

Kidzania

 

 

[Sweet Heart]

حمد لله على سلامتك يا مدى، سعيدة جداً بوجودك حبيبتي
ممكن برنامج لإكتشاف مواهب الأطفال والمنافسة عليها على غرار America's Got Talent أو The Next Star ( برنامج كندي ).
الحقيقة النوعية دي من البرامج مش بتشد الأطفال بس لكن كمان الكبار ، كمان الأطفال لما بيتفرجوا عليها بيبتدوا يكتشفوا مواهب بداخلهم لم يكونوا يعلموا بوجودها لأن كل طفل بيبتدي يدور جواه على الحاجة اللي ممكن يكون بيتميز فيها علشان يوصل للمنافسة في البرنامج، النوعية دي من البرامج للأطفال لم تقدم بعد في وطننا العربي
المنافسة ممكن تضم كل شيء يستطيع الطفل أن يتقنه ويتفرد به أياً كان ( يعني مش شرط يكون التنافس بس في مجال الموسيقى أو الغناء أو التمثيل لكن كمان ممكن يضم المواهب الرياضية أو أي موهبة أخرى تجعل من الطفل متميز )
تحياتي مدى وبالتوفيق إن شاء الله

 

 

[EGYPT8]

 

 

[مدى]

الله يسعدكم كلكم ع الأفكار الحلوة ..ولي عودة للمناقشة إن شاء الله

 

 

[tafshan]

ممكن تعملى برنامج توك شو اطفال بنفس آليات التوك شو بتاع الكبار ..

يعنى تبقى الحلقه متقسمه لمجموعة فقرات :

1- فقرة اخبار عن فعاليات ممكن يشترك فيها الاطفال و تحقيقات خاصه على الفعاليات دى ( دى ممكن تجيب معاكِ اعلانالت و بالتالى تعمل تمويل للبرنامج )
2- استضافه لنجوم الأطفال في كل المجالات ( فن - رياضه- علوم ) و يبقى فيه لقائات خاصه مع مدرسينهم و ابائهم و امهاتهم مسجله تتزاع مع اللقاء ..
3- فقرة "لعبه" تعلم الاطفال ازاى ممكن يصنعوا لعب من مخلفات البيت ..

ممكن برضو كل فتره تعملى حلقه outdoor في محلفظه من محافظات مصر تعرفى الاطفال على بلادهم .. مع التركيز على ما يجذب الاطفال زي الالعاب الشعبيه في المحافظات دى و ازاي بيلعبوها ..

و طبعاً لازم يبقى للبرنامج صفحه على الفيسبوك و ع التويتر و قناة على اليوتيوب .. و كمان موقع اليكترونى فيه العاب و فيديوهات و الخ ..

بالتوفيق

 

 

[مصري سكندري]

حمد الله على السلامة د. مدى

فكرتي عبارة عن متابعة الأطفال الأفذاذ
سواء في بطولات رياضية - رياضات الدفاع عن النفس - و غيرها
أو حفظة القرآن الكريم
أو الأفذاذ علمياً في الرياضات و الكمبيوتر و العلوم
و كذلك في الادب سواء في الشعر أو الكتابة
و حبذا لو تم عمل مسابقات بينهم أو اجتماعات بالهواء الطلق لرؤية تصرفاتهم معاً.
و كذلك فقرة مخصصة لزيارة المرضى من الأطفال أو دور رعاية الأطفال

 

 

[دكتور مهندس جمال الشربيني]

دعوه لموضوعي

مستر "عاوز" وأنـــــــــــــــــــــــــا

فكرة برنامج


تعليم الأطفال من الجنسين

أساسيات الطبخ

والمكونات الغذائية في كل من الخضروات والفواكه

مع مسابقات لأطعمة من محافظات مصر المختلفة
وكذلك من الدول العربية

يقوم بإعدادها أطفال من كافة الوطن العربي


وأقترح تسمية البرنامج


يالا بينا نتعلم نطبخ

أو

التعليم في الصغر كالنقش على الحجر

أو

الشيف الصغير



المراجع

https://girls-games.roro44.com/ar/1773-playgame.html




https://www.youngchefsacademy.com/


وأنا وماما عيشة

مستعدين للمشاركة في تنفيذ وإعداد البرنامج
لما لنا من نشاط سابق مع الفنادق المصرية
وجمعية الذواقة العالمية ومقرها فرنسا - فرع القاهرة