ليه الرجال بعد الزواج بيتغير شكلهم ...No offense men okay

[Badroora]

النساء بعد الزواج بتتغير عشان حياة جديدة وهم ومسئولية وعيال وخلفة وحمل ورضاعة ويسلام لو كمان بتشتغل وطالع عنين اهلها فى الشغل والمواصلات ويسلام لو متجوزة رجل غتت وتلم يبقي معاها حق سحنتها تتغير .
اما الرجل بعد الزواج ايه اللى بيغير شكله يعنى بيرتاح بيلاقى زوجة بتاخد بالها منه , همة نضيفة يلبسها , لقمة هنية ترم عضمة , حياة هادية وجو عائلي , ليه بقي خلقته بتتغير وسحنته بتتقلب
تلاقى اللى كان مسمسم قلب وبقي كشري وضرب بوز وشعر ه مش متسرح ودهنه جل , يظهر له كرش ويبقي إتم ودمه تقيل ودايما مشكر ..دا لاحظته كتير سواء فى قرايبي او جيرانا ومن الناس اللى باقبلها او زمايلى فى الشغل بيحكولى على اجوازهم قبل وبعد الجواز بيتغيروا 180 درجة .
طب نفترض واحدة اتقدم لها واحد وعجبها شعره اللى دهنه جل , وعضلاته المفتولة , ولياقته البدنية , واسلوبه المرح طبعا مع اخلاقه ومؤهله العلمى وبعد الجواز اتقلب ولا بقي فيه جل ولا عضلات ولا شياكة ولا اى حاجة وكمان بينام ويشخر ..تعمل ايه تتطلق بقي ولا ترضي بالامر الواقع ؟
مافيناش من زعل ماشي