حدث اثناء الاجازه الاتي ....

[msameh]

الصحف المصرية والعربية

1- تشتري شقه مش عايزها

سألني احد اقاربي : تشتري شقه في محافظه ***** (محافظه ساحليه)
رددت : اعمل بيها ايه
- تصيف فيها كل سنه .... تأجرها مفروش .... تعمل اللي انت عايزه فيها
- يا عم هي طفاسه .... الحمد لله علي الموجود .... و بعدين اجيب لك منين ربع و الا نص مليون دلوقتي
- و مين قالك انها غاليه كده .... انت مش هتدفع فيها غير كام باكو
- لا بتهزر
- لا والله ما بهزر .... الشقق دي ليها حكايه
- احكي يا ريس
- دي شقق علي قدها .... اوضتين و صاله .... بتاعه مشروع جمال مبارك .... شروط التقديم انك تكون من سكان المحافظه .... و محدود الدخل
رددت مقاطعا : طيب انا لا دي و لا دوكها
احمر وجهه غضبا و شخط فيا : يا ابني ما تقاطنيش .... انت هتشتريها من واحد اشتراها
- يعني واحد اشتراها .... لانه من سكان المحافظه .... و لانه محدود الدخل .... و هوب ... هاشتريها انا منه ....
- تمام
- بس دا مش حرام
- حرام في ايه
- اني اخد شقه واحد محتاجها
- و مين قالك انه محتاجها .... دا عنده شقه تانيه
- طيب خد دي ليه
- عشان يبيعها و يعمل له قرشين ....
- يعني الحكومه اللي احنا نازلين فيها سلخ ليل نهار .. قررت تعمل شقق للشباب و الناس التعبانه .... يقوموا يشتروها .... ويبيعوها .... اللي مش محتاجها يسيبها للمحتاج .... ايه وجع القلب دا
ينظر لي قريبي ببلاهه ... و كأنه ينظر لاحد سكان المريخ .... و يصرخ في وجهي
- البلد كلها ماشيه كده .... فوق ... اصحي ... انت في مصر .... شقق بدر اللي كانت بالف جنيه بتتباع ب100 الف دلوقتي .. شقق التجمع الاول وصلت ربع مليون .... الارض الزراعيه اللي بتشتري بالفدان بتتقسم و تتباع بالمتر .... مشروع ابني بيتك بيتباع بالرغم من انه اصلا ممنوع فيه البيع .... بص كده (يفتح احد الجرائد) .... اقرا دي
""" شقه بمحافظه ***** بمشروع اسكان الشباب ... الاتصال بالرائد فلان الفلاني""""
اطوي الجريده و افكر ... تري كيف اقنع سياده الرائد المحافظه انه من محدودي الدخل و انه من سكان تلك المحافظه .....
ترن في اذني مقوله احد الزملاء .... "احنا شعب محتاج يتربي من اول و جديد"




و عجبي ....

 

[زعلان]

شيء مشابه حصل معايا وقررت اني اترك الشقة لحد محتاجها برضه بس تمن الشقه كان حوالي 450 الف جنيه وقلت لهم انا مش محتاجه خلوها لحد محتاجها - مش هزار

 

 

[msameh]

اقتباس المشاركة الأصلية كتبت بواسطة زعلان شيء مشابه حصل معايا وقررت اني اترك الشقة لحد محتاجها برضه بس تمن الشقه كان حوالي 450 الف جنيه وقلت لهم انا مش محتاجه خلوها لحد محتاجها - مش هزار

يعني حد اشتراها بملاليم و عاوز يبيعها ب450 الف

 

 

[brain]

لا اريد ان اكون مدافع بصوره مستمره عن الشعب و لكني ارى ان هذه الحقيقه
الشعب مره اخرى مظلوم في هذا الامر
لا يمكن ان نتصور ان الشعب مجموعه من الملائكه
بل هو عباره عن مجموعه مختلفه العادات و الطباع مثل اي مجموعه من البشر
هذه المجموعه من البشر تتعرض لضغوطات عنيفه
قد ينجح البعض في اجتياز هذه الضغوط و قد يفشل البعض الاخر
المشكله ان الضغوط الان اصبحت اقوى من احتمال اي احد
و لو وجدت هذه الضغوط على اي شعب في العالم مهما كان فسيسقط في هذا الاختبار
لهذا فانا ارى ان السبب الرئيسي لهذه المشكله هي الحكومه و النظام
ليس كافيا ان تضع قوانين او ان تقدم خدمات و بعدها تقول فعلت ما بوسعي
لو كانت الحكومه سنت قوانين و طبقتها تجرم مثل هذا الفعل
لو كانت الحكومه ضربت بيد من حديد على من يقوم بمثل هذه الافعال
سواء كان الامر مرتبط يشقه واحده او بمئات الافدنه
لكان الامر استقام و لم يصل الى هذا الحد
انا على يقين ان في كل دول العالم هناك من يتأهب لانتهاز اي فرصه لسرقه المال العام
و لكن وجود القوانين الرادعه و التي تنفذ على الكبير قبل الصغير يمنع كل هذا
لا يوجد اي خوف ان نعيش في مجتمع مليئ بعتاه المجرمين او حتى الشياطين و الابالسه
مادام هناك قوانين قادره على الوقوف ضد هولاء الشياطين

 

 

[Mizo]

الموضوع ده اول من طبقه رجال الحكومه من رجال شرطه وجيش وقضاء وخلافه ، فالحكومه كانت تعطيهم شقق وأراضي في أماكن ممتازه سعر المتر فيها خيالي ، ثم يقوم أحد رجال الأعمال الأثرياء بشراء المساحه كامله إذا كانت أراضي مثلاً ويعمل عليها مشروعه الإسكاني ويبيع الشقه بالمبلغ الفلاني!!

وفي أخر أجازه كنت في حوار مع احد ضباط الشرطه اللي خصصوله ارض مابين حدائق المنتزه والمعموره له ولمجموعه من لواءات الشرطه وبعض قيادات في أمن الدوله.. شم خبر بيها شركه طلعت مصطفي ولحد ما سافرت وانا اعلم ان هناك تفاوض لشراء مجمعوه الأراضي كامله..

 

 

[msameh]

اقتباس المشاركة الأصلية كتبت بواسطة brain .......

برين باشا

اوافقك علي الكثير مما كتبت

بس لو انت مكان الحكومه ازاي تضرب بيد من حديد علي الناس البسطاء دول (لاحظ اني عاوز احصر كلامي علي الناس اللي مش محتاجه سكن جديد و كل همها تكسب كام الف جنيه)

هل الحكومه هتسجن اللي يشتري شقه مش عايزها و يبيعها بعد كام شهر

في اكتر من مشروع ابني بيتك اللي في شرط واضح في العقد بعدم جواز بيع الارض

عارف الناس عملت ايه

بقت تعمل تنازل و تكتب علي نفسها وصل امانه للمشتري .....

انا متفق معاك ان سلوك الجشع و ابو بلاش كتر منه موجود في كل حته

بس في مصر

زياده شويه

 

 

[msameh]

اقتباس المشاركة الأصلية كتبت بواسطة mizo الموضوع ده اول من طبقه رجال الحكومه من رجال شرطه وجيش وقضاء وخلافه ، فالحكومه كانت تعطيهم شقق وأراضي في أماكن ممتازه سعر المتر فيها خيالي ، ثم يقوم أحد رجال الأعمال الأثرياء بشراء المساحه كامله إذا كانت أراضي مثلاً ويعمل عليها مشروعه الإسكاني ويبيع الشقه بالمبلغ الفلاني!

دي كارثه تانيه يا ميزو

بس لو كلمت مسئول حكومي ممكن يقولك

احنا زي ما بندي الاغنياء ..... بنعمل حاجات للفقراء برضه

و الاتنين بيسرقوا مننا

 

 

[Mizo]

اقتباس المشاركة الأصلية كتبت بواسطة msameh دي كارثه تانيه يا ميزو بس لو كلمت مسئول حكومي ممكن يقولك احنا زي ما بندي الاغنياء ..... بنعمل حاجات للفقراء برضه و الاتنين بيسرقوا مننا

ابداً يا دكتور مش كارثه لأن الموضوع من زمان جداً ، يعني أتذكر من خمس سنين صديق شخصي ضابط مهندس في الجيش أخد أرض والمفروض إنه كان يدفع مبلغ معين عشان يمتلكها ، وعشان مكنش معاه المبلغ وقتها وكان على ما أذكر 90الف جنيه ، اخد بعضه وطلع على مقاول كبير في اسكندريه وقاله فاضل على تمن الأرض حوالي 40الف جنيه تدفعهم وتأخد الأرض تبنيها 10او12دور نصف الشقق لك والنصف التاني ليا ونقسم المحلات في الطابق السفلي بالنص ولك محل زياده قيمه المبلغ اللي دفعته أو اسددلك المبلغ وتبقا كلها بالنص..

المقاول نكتب العقد حالاً..ولو عايز الــ 90 الف كلهم خدهم!!

 

 

[Farida]

ناس كتير اعرفهم واخدين فى مشروع ابنى بيتك وهو مشروع لأسكان الشباب و من شروطه ان يكون دخل الفرد الرئيسى اقل من 1500 جنيه و هو مادفع الكثيرين و خاصه من اعضاء هيئة التدريس الى التقدم فى هذا المشروع و كل وحده حا تتكلف تقريبا 70 الف جنيه لكن الشروط ليس فيها الأمتناع عن البيع نهائيا و لكن الأمتناع عن البيع فيما بعد ممكن و عادى ........هى وجهة النظر و الفكرة ان الأرض ارضنا وحق اهل مصر فى ارضهم - يعنى هو حلال على احمد بهجت ياخد المتر ب 13 قرش مثلا و يبيعه بالفات ............ولا طلعت مصطفى فى الرحاب و مدينتى نفس العمله ............الدوله فتحت للشباب ان يتملك وحده و قطعة ارض و الشروط انطبقت عليه و بعد ما اتملكها عايز يبيعها عايز يولع فيها يعمل اللى عايزه ..............طالما مافيش قانون يمنع ........

 

 

[msameh]

اقتباس المشاركة الأصلية كتبت بواسطة farida ناس كتير اعرفهم واخدين فى مشروع ابنى بيتك وهو مشروع لأسكان الشباب و من شروطه ان يكون دخل الفرد الرئيسى اقل من 1500 جنيه و هو مادفع الكثيرين و خاصه من اعضاء هيئة التدريس الى التقدم فى هذا المشروع ..... وجهة النظر و الفكرة ان الأرض ارضنا وحق اهل مصر فى ارضهم - ....

انا لي رأي اخر

الناس اللي تأخد في اي مشروع اقتصادي .... اهلا و سهلا بيهم و علي العين و الرأس لو انطبقت عليهم الشروط المعلنه .... و الاهم ان يسكن فيها بالفعل

اما اللي عايزها و هو معندوش اي نيه يسكن فيها ..... و عايزها عشان يبيعها ..... يبقي نقوله لا .... من فضلك سيبها لحد تاني محتاجها عشان يسكن فيها

اللي عاوز يعمل استثمار .... يبقي اهلا و سهلا به ..... بس بعيد عن الحاجات المدعمه

اقتباس يعنى هو حلال على احمد بهجت ياخد المتر ب 13 قرش مثلا و يبيعه بالفات ............ولا طلعت مصطفى فى الرحاب و مدينتى نفس العمله .....

ما انتي كده يا دكتوره بتأكدي اللي بقوله من زمان

اننا لازم نبطل ننتقد الناس دي .... عشان احنا لو جت لنا فرصه ..... هنعمل زيهم ..... و اكتر