Arabic Discussion Forum with a Special Interest in Travel and Immigration

س. نورينجتون · 4th March 2013, 12:46 AM

فى مارس 2011 اُقيم إستفتاء بخصوص إجراء تعديلات على دستور 71

و كانت الموافقة على إجراء التعديلات تعنى هيمنة الإخوان و التيارت الدينية على البلد ,

و كانت نتيجة هذا الإستفتاء 77.27% لـ موافقون , 27.73% غير موافقين

و كان مجموع المُصوتون 18,537,954 مواطن

و بعد ذلك بما يُقارب العام , فى يناير 2012 , اٌقيمت الإنتخبات البرلمانية , و كانت نتيجة هذه الإنتخبات حصول

التيارات الإسلامية على نسبة 69% من مقاعد البرلمان , مما يعنى أن شعبيتهُم قلت عن العام الذى سبقه بـ 8%

و كان مجموع المُصوتين فى هذه الإنتخبات 27,065,135 مواطن

و بعد ذلك بما يُقارب العام , ديسمبر 2012 اُقيم الإستفتاء على دستور مُرسى , و كانت الموافقة عليه تعنى الموافقة

على إستمرار هيمنة الجماعة على مصر , و تكريس حُكم الفرد , و كانت النتيجة هى ,

63.83% موافقون , و 36.17% غير موافقين , أى أن شعبية الإخوان قلة بنسبة 6% عن العام الذى سبقه و

بنسبة 14% عن عامين سابقين

و كان مجموع المُصوتون فى هذا الإستفتاء 17,058,317 مواطن

dana · 4th March 2013, 07:38 AM

انا متابع الاحصائيات دى على فكرة وبسجلها عندى وكمان عندى خريطة كاملة بالارقام لانحصار السلفيين فى الاسكندرية منذ استفتاء الجنة والنار وحتى الدستور
اهم شئ الارقام دى قبل التزوير ولا بعد التزوير لانها تفرق

س. نورينجتون · 4th March 2013, 07:56 AM

ديه الأرقام المُعلنة

دكتور مهندس جمال الشربيني · 4th March 2013, 08:27 AM

دعوه لموضوعي

مستر "عاوز" وأنـــــــــــــــــــــــــا

So What

شئ طبيعى جداَ
كلما زاد عدد الأحزاب السياسية
في الملعب السياسي
كلما تناقصت نسبة مقاعد
حزب العدالة والحرية
ولو جبهة الإنقاذ ذكية
لدخلت المعركة الإنتخابية
إنما سياسة إحنا مش لاعبين
وإلعبوا أنتم لوحديكم
فهذه سياسة غبية
عفى عليها الزمن
طالبوا برقابة دولية
ولكن لا لشغل العيال
إحنا مش لاعبين معاكم
وحنشتيككم لأبلة الناظرة

أنا مخاصمكم وحألعب لوحدي

...وعجبي!

س. نورينجتون · 4th March 2013, 09:01 AM

اقتباس


	شئ طبيعى جداَ كلما زاد عدد الأحزاب السياسية في الملعب السياسي كلما تناقصت نسبة مقاعد حزب العدالة والحرية

لا يا راجل ؟! و أنت إزاى ساكت على الموضوع ده !

ماى واندرز !

س. نورينجتون · 4th March 2013, 09:27 AM

يا جماعة أنا لاقيت حل لـ مُشكلة البلد خلاص

أحنا نفضل نعمل فى أحزاب جديدة , و ده طبعاً هيقلل نسبة

المقاعد الإخوانية فى البرلمان , نفضل نعمل فى أحزاب و تفضل نسبة

الإخوان تقل لحد ما يختفوا خالص و يطلعوا من الحُكم , و يمكن نصحى فى

يوم كمان نلاقيهُم أختفوا من البلد كُلها أو العالم كُله , ههههههههههههههه

و الله العظيم حاجا مسخرة , زى ما بيقولوا , أصحاب العقول فى هُدنة

دكتور مهندس جمال الشربيني · 4th March 2013, 02:09 PM

دعوه لموضوعي

مستر "عاوز" وأنـــــــــــــــــــــــــا

اقتباس

المشاركة الأصلية كتبت بواسطة س. نورينجتون


	يا جماعة أنا لاقيت حل لـ مُشكلة البلد خلاص أحنا نفضل نعمل فى أحزاب جديدة , و ده طبعاً هيقلل نسبة المقاعد الإخوانية فى البرلمان , نفضل نعمل فى أحزاب و تفضل نسبة الإخوان تقل لحد ما يختفوا خالص و يطلعوا من الحُكم , و يمكن نصحى فى يوم كمان نلاقيهُم أختفوا من البلد كُلها أو العالم كُله , ههههههههههههههه و الله العظيم حاجا مسخرة , زى ما بيقولوا , أصحاب العقول فى هُدنة

خذوا العبرة يا مصاروة
من الهند العريقة في الديمقراطية
فكثرة الأحزاب بيخرج منها
أحزاب رئيسية قليلة
ولكن هنا البرلمان بيكون
ممثلا للشعب تمثيلا حقيقيا
بدلا من أن يكون البرلمان
ممثلا لفيصل واحد أو حزب واحد
يا بتوع كي جي وان سياسة وديمقراطية

مع خالص تحيات الفيل صديقي

وعجبي!

س. نورينجتون · 4th March 2013, 07:58 PM

أرجو من أحد الأستاذة المُشرفين نقل مُشاركة الشربينى رقم 7 من هذا الموضوع لخروجها عن سياق الموضوع

مع الشُكر

invador · 6th March 2013, 08:42 PM

انتا بتتكلم شعبيه فى وادى واللى بيعملو الاخوان المسلمين فى وادى تانى خالص

انا فى بلدى اقام الاخوان المسلمين 4 قوافل طبيه وحوالى 5 قوافل طبيه بيطريه

هدف الاخوان المسلمين هو الوصول للمواطن بطريقه غير مباشرة اما مايفعله السياسيون ومايشعرون انهم قريبون من الشارع فهم لايعرفون شيئا

invador · 6th March 2013, 08:48 PM

يجب ان تفرق مابين الشارع السياسى والشارع العادى
الشارع السياسى نسبه لاتتعدى 1 فى المئه من تعداد السكان
اما باقى السكان فمن قديم الازل والاخوان المسلمين والدعوة السلفيه وانصار السنه
تقدم لهم خدمات بدون مقابل وخدمات طبيه تقارب الخصم 60 فى المئه

انزل المناطق الفقيرة فى الصعيد وفى الدلتا سوف تجد بصمه خير يقدمها التيار الاسلامى من اخوان او انصار السنه او الدعوة السلفيه

انا عن نفسى لما جيت فى شهر يناير2012 اجريت عمليه جراحيه فى مستشفى ابن سيناء الاسلامى خدمه تقدمت لى من احدى المستشفيات التابعه للاخوان المسلمين
وتقدم الخدمات للا لاف والالاف من المواطنين

التيارات الليبراليه والاشتراكيه والعلمانيه فى مصر تكتفى بالاعلام وبالصحافه

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
انت الأصيلة يا مصر وكلنا عارفين ابويا قالى شارك و...	توعية جماهيرية	س. نورينجتون	2	1207	13th January 2014 07:26 PM
يا ويل الشعب من دستور العسكر , و يا ويل العسكر من...	ثورة مصر ... 25 يناير 2011	س. نورينجتون	1	810	22nd December 2013 02:11 PM
أين مُرسيكُم من الرئيس المُستشار عدلى منصور ؟	شؤون مصر الداخلية	دكتور مهندس جمال الشربيني	1	898	18th December 2013 10:22 PM
عزل وزير الداخلية وحبسه عامين	شؤون مصر الداخلية	س. نورينجتون	0	931	10th December 2013 12:19 PM
الأراشانة تلتقى بـ الخائن , ربنا ياخدكوا أنتوا...	المفسدون فى الأرض	دكتور مهندس جمال الشربيني	3	1800	13th July 2013 06:05 AM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

شؤون مصر الداخلية

مُلاحظة على شعبية الإخوان ,