ياريت كل مصر تعتكف زى البابا

[حشيش]

الصحف المصرية والعربية

أحسن حاجة وأكبر خدمة نقدمها لمصر إننا كلنا نعتكف وندى فرصة لبلدنا إنها تلتقط أنفاسها ... حرام وكتير اللى بنعمله فيها ... الإعتكاف هنا يحمل معنى الحزن وعدم الرغبة فى المشاركة فيما يحدث من فوضى وسفك دماء وإهلاك للحرث والنسل وإفساد فى الأرض ... ياريت كلنا نعتكف ولو شهر واحد وكل واحد مننا يسيب قميص التانى ... مش صعبة والله لو لا يزال هناك بقية من ضمير!

اقتباس البابا تواضروس ينتقد طريقة تعامل الحكومة مع الوضع الأمني خلال الأحداث. قال البابا تواضروس بابا الأقباط الأرثوذوكس في مصر فى بيان له الثلاثاء إنه قرر الغاء عظته الأسبوعية المقرر لها الأربعاء وإنه قرر الاعتكاف، كما أجل استقبال العزاء في ضحايا أحداث الخصوص وكاتدرائية العباسية التي كان مقررا إجراؤها الخميس. وجاء في بيان البابا الذي حمل توقيع سكرتيره القمص أنجيلوس إسحق "نظرا للأحداث المؤسفة والمؤلمة وحدادا على أرواح شهداء الخصوص والكاتدرائية قرر قداسة البابا تواضروس الثانى الاعتكاف بعد الأحداث الأخيرة وإلغاء عظة الاربعاء المقرر لها 10 أبريل 2013 وتأجيل استقبال العزاء". وكان البابا تواضروس الثاني، بابا الإسكندرية وبطريرك الكرازة المرقسية، انتقد تعامل الحكومة مع الوضع الأمني خلال أحداث الخصوص والاعتداء على الكاتدرائية المرقسية بالعباسية، قائلا إن الموضوع بالنسبة له "مؤلم جدا، وغريب على المجتمع". وأضاف البابا، في مداخلة له على قناة مارمرقس القبطية المصرية التي تمثل بطريركية الأقباط الأرثوذكس، تناقلتها وسائل الإعلام المصرية، أنه يتابع الوضع، وأن هناك اتصالات مع الرئاسة، والحكومة، وشيخ الأزهر أحمد الطيب. وهذه أول تصريحات لبابا الأقباط في مصر بعد أحداث بلدة الخصوص والكاتدرائية المرقسية. وانتقد البابا في كلمته الجهات الأمنية قائلا إنها لم تقم بدور كامل، وقال إن هناك "شبهة تقصير، وإن الوضع كان يمكن السيطرة عليه لو كان هناك قرار صائب في توقيت صائب، لكن هناك حالة عدم استقرار وتسيب بسبب رخاوة القانون". وعبر البابا عن ألمه بسبب "سفك الدماء وحالة عدم الاستقرار العامة في الشارع المصري". ووجه نداء إلى "التحلي بالحكمة وإعمال العقل". وانتقد ما شاهده من عكسته المشاهد والصور على التليفزيون من "تقاعس"، واصفا ذلك بأنه "مهين لمصر". ثم عبر تواضروس الثاني في نهاية حديثه عن تقديره لمشاعر الحكومة والرئيس والمسلمين، لكنه أشار إلى أن "المشاعر لا تكفي في هذه الأمور"، وطالب "بضرورة وجود قرارات حاسمة ومرضية".

https://www.bbc.co.uk/arabic/middleea...eclusion.shtml

 

[Sweet Heart]

اقتباس المشاركة الأصلية كتبت بواسطة حشيش أحسن حاجة وأكبر خدمة نقدمها لمصر إننا كلنا نعتكف وندى فرصة لبلدنا إنها تلتقط أنفاسها ... حرام وكتير اللى بنعمله فيها ... الإعتكاف هنا يحمل معنى الحزن وعدم الرغبة فى المشاركة فيما يحدث من فوضى وسفك دماء وإهلاك للحرث والنسل وإفساد فى الأرض ... ياريت كلنا نعتكف ولو شهر واحد وكل واحد مننا يسيب قميص التانى ... مش صعبة والله لو لا يزال هناك بقية من ضمير! https://www.bbc.co.uk/arabic/middleea...eclusion.shtml

يؤسفني أقول إنها صعبة يا حشيش عارف ليه صعبة ؟؟؟؟

• لأننا شعب ما بيعرفش يقول ما أعرفش، كله عارف كل حاجة في كل حاجة وكلمة ما أعرفش أو مش شغلي إني أفتي عنده عيب.
• لأننا شعب لا يحترم رأي الآخر، لازم أثبت بأي طريقة إن كلامي أنا اللي صح وما عداه سفيه ولا قيمه له.
• لأننا شعب بيحب يتكلم أكتر ما بيسمع، مش مهم القدامي بيقول إيه المهم يسمع أنا بأقول إيه وكمان يقول آمين.
• لأننا شعب تغلب فيه العواطف عن العقل، لا نناقش الأمور بالمنطق ولكن حسب الأهواء، نبقى شايفين الحقيقة قدام أعيننا ظاهرة وجلية ونغمض عنها لأنها سوف تصطدم مع ما نحبه ونميل له.

لما نعرف نقول ما أعرفش وأسيب الأمور لمن هو خبير بها، ولما نعرف نحترم رأي الآخر ونختلف بدون تسفيهه الآخر والسخرية منه، ولما نعرف نسمع أكتر مما نتكلم، ولما نعرف نشغل عقلنا ونحتكم له مش لعواطفنا ساعتها ممكن البلد تلتقط أنفاسها.

طبعاً كل اللي فوق ده مش معمم على كل الشعب ولكن على القطاع الأكبر منه والمؤسف حقاً إني أراه بدأ يطول حتى المثقفين ونخبة العقول، ربنا يهدي النفوس ويصلح أحوال بلدنا.

 

 

[hopsan]

الإعتكاف لمن يفهم رساله الإعتكاف
و لأن يظن البعض الإعتكاف ضعفا ... فلا للإعتكاف ... ولا يفل الحديد إلا الحديد
سودا عليهم و على اللى خلفوهم

 

 

[kan]

طيب ومرسى وجماعته هايعتكفوا معانا ولا ايه

 

 

[س. نورينجتون]

اقتباس مش صعبة والله لو لا يزال هناك بقية من ضمير!

مش عارف ليه يا سيد حشيش , كُل املك فى الحياة هو تكرار سيناريو 1952 ؟

أتركوهم يعملوا ؟ دعونا نرى ما لدييهم ! الحُكم على التجربة يكون فى أخرها , إلخ....

و طبعاً معروف نتيجة التجربة كانت إيه , 60 عام من عزل الشعب المصرى عن صناعة القرار

لن تُقبل دعوتك يا سيد حشيش , لأنه لازال هُناك من الضمير بقية !

 

 

[دكتور مهندس جمال الشربيني]

دعوه لموضوعي

مستر "عاوز" وأنـــــــــــــــــــــــــا

الإعتكاف عمل سلبي
لا قيمة ولا نفع منه
كونوا إيجابيين ولا تكونوا سلبيين
يحببكم الله

 

 

[tafshan]

هههههههههههه

و الله باقولها بينى و بين نفسي ..

بس عموماً يا شيشو مش ح يحصل ..

انت عارف الغساله الاوتوماتيك ؟؟

لما بتدوس على زرار التشغيل ما ينفعش توقف العمليه و تخرج الغسيل غير بعد ما يخلص البرنامج كله .. و انت عارف طبعاً ان كل اللى معاهم مفاتيح اللعبه ولاد الغساله .. يعنى ح يفضلوا يمخمضوا في البلد لغاية ما البرنامج ما يخلص ..

و دى رؤيتى للعمليه

(طفشان جداً .. خدمة عملاء ايديال زانوسى )

 

 

[hopsan]

اقتباس المشاركة الأصلية كتبت بواسطة tafshan هههههههههههه و الله باقولها بينى و بين نفسي .. بس عموماً يا شيشو مش ح يحصل .. انت عارف الغساله الاوتوماتيك ؟؟ لما بتدوس على زرار التشغيل ما ينفعش توقف العمليه و تخرج الغسيل غير بعد ما يخلص البرنامج كله .. و انت عارف طبعاً ان كل اللى معاهم مفاتيح اللعبه ولاد الغساله .. يعنى ح يفضلوا يمخمضوا في البلد لغاية ما البرنامج ما يخلص .. و دى رؤيتى للعمليه (طفشان جداً .. خدمة عملاء ايديال زانوسى )

برضون ممثل إيديال زانوسى .... ممكن تقطع الكهربا عن الغساله و توقف عملها تماما .. و لما أولاد الغساله يعلمون خبايا الغساله لأنهم فى النهايه أولاد الغساله .. سيفتحونها من الداخل ويخرجون الغسيل و يغسلون بره لحين إصلاح ( و تنظيف الغساله ) و إعاده تشغيلها زى الكتالوج اللى إتعمل على أساسه الغساله ما بيقول ... لأنه فى النهايه لا يصح إلا الصحيح

 

 

[أحمد فاروق]

اقتباس المشاركة الأصلية كتبت بواسطة kan طيب ومرسى وجماعته هايعتكفوا معانا ولا ايه

بتفكرني لما عدلي حسين محافظ القليوبية في آخر رمضان في عهد مبارك كان بيقول: "انقطاع المياه وأزمات الكهرباء وارتفاع الأسعار تضاعف من ثواب الصائم"
فواحد علق: والحكومة مش عايزة ثواب؟