Arabic Discussion Forum with a Special Interest in Travel and Immigration

سيدة مصر الاولى · 12th January 2011, 07:15 PM

بصوا بقى فكرة الموضوع ان كل يوم هنحط وصفة مش شرط لاكلة ممكن طريقة حفظ اكل معين او طريقة تنظيف بقعة معينة من الملابس او طريقة حلويات و هكذا.....
و هيكون اودامنا 24 ساعة لمناقشة الوصفة ايا كانت و بعد كده ننزل بالوصفة اللى بعدها
و طبعا لو عدى 24 ساعة من غير ما حد ينزل وصفة غيره ينزل فورا عشان الموضوع يفضل شغال
و ياريت الوصفة تكون من خبرتنا يعنى مش منقولة عشان نعرف نتناقش فيها
اتفقنا ....
نبدأ بسم الله

سيدة مصر الاولى · 12th January 2011, 07:28 PM

بما اننا فى ايام برد جدا و محتاجين مشروبات تدفينا النهاردة هقولكم انا بعمل حمص الشام ازاى و فى بعض الاماكن يسمى حلبسة

1- نجيب الحمص و ياريت يكون بلدى عشان ميخدش سوى
2-ننقعه من 4 ل 6 ساعات
3-ندلق الماية اللى منقوع فيها و نحطه فى حلة كبيرة و نزوده مايه و نسيبه يستوى
4-فى حلة صغيرة نكون مقشرين جزرتين و نحطهم يتسلقوا
5-نضرب 4 طماطمات و معاهم الجزر فى الخلاط و معاهم رأس توم مقشرة
6-نصفى الطماطم و نحطها فوق الحمص لما نلاقيه استوى
7-نحط ملح و كمون و شوية شطة صغيرين
نجيب ازازة بلاستيك صغيرة و نحط فيها شوية من ماية الحمص و نضيف عليها شطة كتير و لمون و نثقب غطا الازازة عشان تكون زى الدقة اللى الراجل بيزودها برة

بس كده و بالهنا و الشفا
يلا كل واحد يقول طريقته و خبرته فى الحلبسة

مدى · 12th January 2011, 11:33 PM

اقتباس

المشاركة الأصلية كتبت بواسطة سيدة مصر الاولى


	بما اننا فى ايام برد جدا و محتاجين مشروبات تدفينا النهاردة هقولكم انا بعمل حمص الشام ازاى و فى بعض الاماكن يسمى حلبسة 1- نجيب الحمص و ياريت يكون بلدى عشان ميخدش سوى 2-ننقعه من 4 ل 6 ساعات 3-ندلق الماية اللى منقوع فيها و نحطه فى حلة كبيرة و نزوده مايه و نسيبه يستوى 4-فى حلة صغيرة نكون مقشرين جزرتين و نحطهم يتسلقوا 5-نضرب 4 طماطمات و معاهم الجزر فى الخلاط و معاهم رأس توم مقشرة 6-نصفى الطماطم و نحطها فوق الحمص لما نلاقيه استوى 7-نحط ملح و كمون و شوية شطة صغيرين نجيب ازازة بلاستيك صغيرة و نحط فيها شوية من ماية الحمص و نضيف عليها شطة كتير و لمون و نثقب غطا الازازة عشان تكون زى الدقة اللى الراجل بيزودها برة بس كده و بالهنا و الشفا يلا كل واحد يقول طريقته و خبرته فى الحلبسة

الله الطريقة دي شكلها حلو جدا..
بس مش عارفة هنحط الطاطم المضروبة ع الحمص وهو بيستوي ولا ايه..!
وازاي اعرف ان الحمص ده بلدي..!

midomansour · 12th January 2011, 11:47 PM

الحمص البلدي حبيته صغيره نسبيا
سؤال هيه الطماطم كده مش هتبقي كتيره
انا بشوف الميه بتاعت بتبقي رايقه مش محمره
وبعدين 4-6 ساعات مده كافيه ولا اكتر

Farida · 13th January 2011, 05:23 AM

حلوة فكرة الموضوع بس انا باعمله بطريقه تانيه كنت واخدها من مصريه فى منتدى الواحه ربنا يصبحها
بالخير
بانقع كيس الحمص 12ساعه و اكب الميه بتاعته ............
اغلى ميه كتير و اضع فيها الحمص و معاهم 4 طماطم مبشوره عادى
ازود كمون كتيرو حبة توم واحده و اطلعها لما يستوى
اسيبه يغلى ولا يستوى ازود الملح
اجيب زجاجات عصير يس عندى كميات منها اضع فى واحده ليمون معصور فى الثانيه شطه على ميه و نعيش بقه

سيدة مصر الاولى · 13th January 2011, 12:26 PM

اقتباس

المشاركة الأصلية كتبت بواسطة مدى


	الله الطريقة دي شكلها حلو جدا.. بس مش عارفة هنحط الطاطم المضروبة ع الحمص وهو بيستوي ولا ايه..! وازاي اعرف ان الحمص ده بلدي..!

دودو حبيبتى

الطماطم هنحطها على الحمص بعد ما يستوى بس مش هنطفى النار لا هنسيبه يغلى غلوتين عشان مية الغلى تختلط مع الطماطم و فهى بتغلى تحطى بقى الملح و الكمون و شوية شطة صغيرين

سيدة مصر الاولى · 13th January 2011, 12:28 PM

اقتباس

المشاركة الأصلية كتبت بواسطة midomansour


	الحمص البلدي حبيته صغيره نسبيا سؤال هيه الطماطم كده مش هتبقي كتيره انا بشوف الميه بتاعت بتبقي رايقه مش محمره وبعدين 4-6 ساعات مده كافيه ولا اكتر

صح فعلا الحمص البلدى بتكون الحباية صغيرة
اما بالنسبة لكمية الطماطم ده يتوقف على كمية ماية الغلى لازم تكون عالية عن الحمص كتير عشان لما تحط عليها الطماطم يكون لونها فاتح
اما بالنسبة لمدة النقع الحمص البلدى احيانا كمان بياخد وقت اقل من كده و تلاقيه بقى طرى شوية

سيدة مصر الاولى · 13th January 2011, 12:32 PM

اقتباس

المشاركة الأصلية كتبت بواسطة Farida


	حلوة فكرة الموضوع بس انا باعمله بطريقه تانيه كنت واخدها من مصريه فى منتدى الواحه ربنا يصبحها بالخير بانقع كيس الحمص 12ساعه و اكب الميه بتاعته ............ اغلى ميه كتير و اضع فيها الحمص و معاهم 4 طماطم مبشوره عادى ازود كمون كتيرو حبة توم واحده و اطلعها لما يستوى اسيبه يغلى ولا يستوى ازود الملح اجيب زجاجات عصير يس عندى كميات منها اضع فى واحده ليمون معصور فى الثانيه شطه على ميه و نعيش بقه

مدام فريدة مادام عجبك الموضوع شاركينى بقى بوصفاتك عشان الموضوع يكون متميز
بالنسبة للحمص عجبتنى فكرة ازايز عصير يس دى هعملها بعد كده
بس الطماطم المبشورة مش بتكون واضحة شوية و احنا بنشربه و لا مش بتكون باينة

سيدة مصر الاولى · 13th January 2011, 12:33 PM

معاد الوصفة الجديدة النهاردة10.30

Farida · 14th January 2011, 09:42 AM

اقتباس

المشاركة الأصلية كتبت بواسطة سيدة مصر الاولى


	مدام فريدة مادام عجبك الموضوع شاركينى بقى بوصفاتك عشان الموضوع يكون متميز بالنسبة للحمص عجبتنى فكرة ازايز عصير يس دى هعملها بعد كده بس الطماطم المبشورة مش بتكون واضحة شوية و احنا بنشربه و لا مش بتكون باينة

بتبقى باينه بس حلوة

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
هو نائب التجميل هو البلكيمى؟طلع متجوز....	شؤون مصر الداخلية	سيدة مصر الاولى	2	1185	22nd March 2012 09:11 AM
وفاة الكاتب الساخر جلال عامر	صحافة ... إعلام ... سينما ومسرح	إكرام يوسف	70	5835	12th February 2012 06:29 AM
حكومة ائتلافية برئاسة خيرت الشاطر!!!	شؤون مصر الداخلية	بندق	9	1502	8th February 2012 07:58 PM
الكلام ده بجد؟؟؟؟	شؤون مصر الداخلية	fatfouta	21	2422	8th February 2012 01:35 AM
هزة ارضية بالاسكندرية!!!!!!	شؤون مصر الداخلية	أحمد باشــا	24	1986	6th February 2012 12:02 AM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
للفرجة بدون وصفة	بندق	شؤون المطبخ	3	27th April 2011 11:29 AM
سمك فى الفرن وصفة مختلفة	بندق	شؤون المطبخ	2	2nd November 2010 09:28 AM
مطلوب وصفة للجندوفلي	مصرية	شؤون المطبخ	39	12th March 2010 10:31 PM
وصفة نفرتيتي وكليوباترا للعناية بالشعر	مصرية والنعم	شؤون المرأة	0	17th October 2008 03:24 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

شؤون المطبخ

كل يوم وصفة