Arabic Discussion Forum with a Special Interest in Travel and Immigration

Eng.Fathy Elbanna · 28th June 2013, 02:42 PM

فى يوم ما
عاش العملاق الطيب فى كوخه المتواضع يخرج لا يرعب أحدا يكدح على قوت يومه معتمدا على قوته
العضلية ، يرجع كوخه ويأنس بالنار التى يوقدها للطعام والنور الذى يسرى عن نفسه
لا يحلم بكثير ولا يتطلع للسيطرة برغم القوة ...
عرف الناس بطيبته فاعتادوا مروره وأمنوا له
لكن الحاكم يسمع دوما عن عملاق ذو بأس وقوة .. وهمسات وزيره دوما توحى له بأنه يصنع من نفسه
بطلا شعبيا ويكسب حب الناس وغدا يلتفون حوله ويحتمون بقوته ويقنعونه على الانقلاب عليك
أمر الحاكم باصدار الفرمان
إلى كل الناس ... من يتعامل مع العملاق فسوف يداس
مهلا ...مهلا يا مولاى
ماذا يا وزير ....... يا ريس اللعب لازم يكون على كبير
أوكيه يا مان
سمعنى .... ها هى صاغية الآذان
مولاى الحاكم
الخطة كالتالى ... نرهب الناس منه ؟؟
بالصوت والصورة والاشاعات ... عفريت - جنى ممسوخ
بنات بتتخطف وتترمى أشلاءها عند الكوخ
وعلامات القدم المغروسة جنب بيوتهم
أصوات بالليل من قلب الغابة ...
الرعب يدب فى روح الناس يخرج من عندنا أعظم فرسان
هتوري القرية إن الظالم فى بلدنا يلزمه سجان
هه هه هه هه
يا بن التيت ؟؟!!! ..... ده انت طلعت داهية كبيرة
نفذ فى الحال ... والصلاحيات ليك يا وزيرى على كيفك
ارفع سيفك ... ع الجبار
ومن أحلى بنات الناس ياريت تختار
علشان يبقى الخطب عظيم وتولع نار
_____________________________
يتبع

Eng.Fathy Elbanna · 28th June 2013, 02:51 PM

أمرك يا مولاااااااى
بدأ التنفيذ ... جمع الأعوان
أيشى مفتى وعيون على حبة فرسان على بعض من الأعيان
وصديق وفريق وقطاع طريق
وابتدى الاجتماع
واتوزعت المهام وكمان حبة أسرار
عارفينها .... طبعا شطار
السر الأول عاوزين الخطة زى ماهى بس الفرسان تفضل مكنونة
ونسيب الناس تنقض عليه زى المجنونة
ويكون السجن مصيره .... وهى دى الزتونة
_________________________________________
يتبع

Eng.Fathy Elbanna · 28th June 2013, 03:18 PM

وبدأت الخطة فى التنفيذ
وبنات قمرات زى الشربات
قتلوها ... وبهمجية قطعوها
وعند كوخه فى الليل على أجزاء خبوها
وبدأت الناس تسأل وتبحث ومندوب الشائعات يشتغل
وينشر فى الأخبار .... و خالتى اللتاتة تنفخ فى النار
والناس المساكين ومعاهم العيون والمرشدين
ع الغابة رايحين , والجثة عند الكوخ
والعملاق نايم قتلان ... انقضوا عليه وقيدوه
والناس بتبص فى عين العملاق اللى مسحول
ومش مصدقين انو القاتل .. إنو الغول
مش معقول
________________________
يتبع

Eng.Fathy Elbanna · 28th June 2013, 03:38 PM

والعملاق دخل السجن بتهمة ميعرفهاش
والناس انخدعت بس الحقيقة مش هتموت
وفى يوم انتقل السر الغامض ، واتسربت الخطة
علشان الاجتماع كان لامم ...
ثار الناس واشتعلت الأحداث
وخرجوا لحرق القصر وإخراج الحاكم ووزيره
وتعديل الحكم ودساتيره
والدم يسيل والفرسان النبلاء واقفين
يحموا الشعب ومش غادرين
وشوية راحو ع المساجين
اتفتحت والدنيا ظاطت والحاكم هيشيل الطين
لكن مييييين ؟؟؟
دول مش سهلين
الناس غلبانة ...
ومن زمان تعبانة
ومكافأة للعملاق هيكون الحاكم ... علشان أصلو زينا مسكين
والحاكم والأعوان مش ساكتين
ارمى فى وسط الناس وشوش جديدة
توقف فى الحال وتخلى الحالة زى الطين
انشر فى سلاح ... عبى فى مولوتوف ... زود هروين
اقطع ارزاق ... سوّد أسواق ... ارمى البنزين
يالا يا عملاق
ورينا الطيبة ويا اخواتك م الحبيبة
شيلوا الشيلة .... واصبر يا صاحبهم ع الهليلة
________________________
يتبع

Eng.Fathy Elbanna · 28th June 2013, 03:58 PM

العملاق طيب ؟؟؟ .... ممكن!!
قائد ؟؟؟؟ ............ أشك
الشيلة تقيلة والأعوان مش عاوزة تفك
والاعلام ويا الفيس بوك
عمال يردح .. ساعة يقبح وكمان بيلك
تسمع أخبار ولا فى الأحلام
احلى نقار وفتن وكلام فى كلام
والشعب أهو عايش فى الأوهام
كلمة لورا وكلمة لقدام
يا سلام يا سلام
والعملاق بيقول حدوتة قبل النوم وينام
والحاكم وعصابته ع الخطة تدى تمام
والناس النفعية اتكشفت وانضمت للشيطان
لازم ترجع أمجاد الثورة المسروقة
ونعدل دساتير انكشفت انها مسلوقة
يللا يا رجالة إحنا وراكو إحشدوا للميدان
ميهمكوش ... عاوزينها سلميه
اعلونها يا وحوش
بس للاحتياط ...
خدو معاكو كام ألف واحد هنلبسوا لبس الظباط
وكمان هدية
دولا حبة بلطجية .... متبصليش دول مش شويه
وشعاركو ايه
شعاركو سلمية سلمية
مش مشكلة لو ماتو مية
أو حتى ألفين و عشرومية
المهم مترجعوش عن حقكو فى التورتة ديه
خليكو قاسيين .. والميت منهم ملهش ديه
دول مفسدين ..دول بلطجية
انزلوا ..... يوم 30 يوم خلاصكو
وان خربت بلدنا مش قضية
احجز يا ابنى طيران خصوصى
عشان الأمور لو مش فى صالحى
اقدر أفلق فى الغرقة ديه
____________________

أتمنى لكم أحلام سعيدة

Eng.Fathy Elbanna · 29th June 2013, 11:16 AM

يا سلام .... يا سلام
هو ده الكلام .... الحشود محشودة وكله تمام
وايدينا نضيفة يا ريس
اصحابنا بيتساقوا ورا كل الأوهام
والدنيا أهى ولعت ومعادش فيها كلام
سيب كلابها على ديابها والناس ألغام
واحنا برة اللعبة يا سيدى محنش قدام

نفرتارى · 30th June 2013, 01:43 PM

اقتباس

المشاركة الأصلية كتبت بواسطة Eng.Fathy Elbanna


	يا سلام .... يا سلام هو ده الكلام .... الحشود محشودة وكله تمام وايدينا نضيفة يا ريس اصحابنا بيتساقوا ورا كل الأوهام والدنيا أهى ولعت ومعادش فيها كلام سيب كلابها على ديابها والناس ألغام واحنا برة اللعبة يا سيدى محنش قدام

تحياتي استاذ فتحي

الحقيقة كلام حضرتك ميه ميه ياريت حد يقرا لازم حد يسمع
لننقذ ما يمكن انقاذه .مشكور على كل كلمة قيمة إتقالت
لك مني كل التقدير

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
يا بلادي لا تئني	أدب وشعر وقراءات متنوعة	تكسير	1	749	12th January 2016 08:01 PM
مصر والسجان	أدب وشعر وقراءات متنوعة	Eng.Fathy Elbanna	0	561	30th August 2014 05:39 AM
بأمارة أيه فى تغيير ؟!	أدب وشعر وقراءات متنوعة	خالة عواصف	3	960	14th August 2014 06:30 AM
نفحات رمضانية ... يا باغي الخير أقبل	شؤون إسلامية	Eng.Fathy Elbanna	4	689	28th June 2014 07:19 AM
كل سنة وانتوا طيبين يا مطاريد	ترحيبات ... مناسبات ... علاقات عامة	جني الحسن	10	1237	18th June 2014 04:17 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

الرواية والقصة القصيرة

السجان والعملاق (( قصة هزلية )) من تأليف الأيام السودة