الحرية بالمخسرات ... بالهنا والشفا

[Eng.Fathy Elbanna]

الصحف المصرية والعربية

معلش أنا هخش فى الموضوع على طول
ومن غير مقدمات
ما هو انا حر
وممكن أشتم وأسب لكل مختلق اتخلق
ما هو انا حر
وأدعى بالباطل على أى حد ... والحرب خدعة
وبرده كمان علشان أنا حر
وممكن أهلل وأقلب الباطل حق والحق باطل ...
بالذكاء والسياسة اللى مليانة نجاسة على حبة كياسة وشوية خساسة
وخطط وأدلة ودساتير وقانون وشوية دراسة
وبرده كمان علشان أنا حر
هفكر فى نفسى وانا مالى بغيرى ... إيكش تولع ...
هنشف عسلها ... والناس ماليهم غير المر ...
ما انا حر
................................................
ملعون أبو الفوضى

 

[عالي مستواها]

وما تنساش باسم الحريه تشتم وتخون وتطالب باعدام كل لاجئ سوري او فلسطيني لانك تعاني من هلوسه اخوانيه
او مؤيدي الشرعيه ومش قادر تواجههم فتتخيل او يخالك اليك انهم ماهم سوى سوريين وفلسطينين يكرهون مصر
اي حاجه مسموحه

 

 

[Eng.Fathy Elbanna]

اقتباس المشاركة الأصلية كتبت بواسطة عالي مستواها وما تنساش باسم الحريه تشتم وتخون وتطالب باعدام كل لاجئ سوري او فلسطيني لانك تعاني من هلوسه اخوانيه او مؤيدي الشرعيه ومش قادر تواجههم فتتخيل او يخالك اليك انهم ماهم سوى سوريين وفلسطينين يكرهون مصر اي حاجه مسموحه

مشكور مرورك (( عالى مستواها ))

الغريبة إن الاعلام بيتعامل مع المشاهد وكأنه حمار أو مريض أو مجنون أو عبيط
والغريبة إن قطاع من المثقفين اللى بيشاركوهم الأدوار فى التمثيلية صدقوا نفسهم
وممكن يسطر التاريخ خزعبلاتهم على انها فكر رشيد وأيما تجديد
يا نهار الاستهبال ؟
من كتر الاستخفاف والجو المليان بقلة الأدب وقلة الكرامة ورمى المحصنات بالباطل وقلة الذوق فى الخطاب
حاسس انى فى كابوس ومش عارف أخرج منه
لا زلنا شعب لا يعرف حدود الحرية ولا يلتزم بمسؤلية الحرية التى تتاح له ولا زلنا نعيش
فى وهم الشائعات التى تنطلق فى مصر بسرعة لا توصف وتتطور مثل التطور الطبيعى للحاجة الساقعة
بمجرد التناقل بين ألسنة المفلفلين والمشططين واللتاتين والعجانين من أعوان الشياطين
نعوذ بالله منهم أجمعين
يلقون الفتنة بين الناس ويشعلونها ليحصلوا على عرض زائل
لكن بين يدى الله معاد لن يستطيع لسانهم إلا قول الحق الذى زيفوه فى الدنيا
ولن تكون الحقوق هى حقوق فرد ولا اثنان ولا ثلاثة بل حقوق شعب ومصير دولة أشعلت فيها الفتنة
فيجزيهم الله يومئذ بما يستحقون
_______________________________

ملعون أبو الفوضى

 

 

[م الغزالى]

اقتباس المشاركة الأصلية كتبت بواسطة Eng.Fathy Elbanna ملعون أبو الفوضى

ملعون أبو الجهل
و ملعون أبو الفقر
التخلف والفساد والإنحطاط الأخلاقى هم محصلة للجهل والفقر

مصر حتفضل لسنين طويلة للأسف غارقة فى هذا المستنقع ...!
كان هناك فرصة عظيمة لأن يتغير هذا الشعب ولكنها ضاعت مثل سابقتها ...، لا ننتظر سوى رحمة الله لاغير ...!

تحياتى